خمول

يا جماعة انا ٣٢ سنة وبشتغل في مكان بعيد عن بلدي وبنزل اجازات المشكلة اني بكون بشخصيتين شخصية ف الاجازة وشخصية مختلفة تماما في الشغل ...في الاجازة بكون ملتزم جدا وطموح واجتماعي ...ع العكس في الشغل بيكون عندي خمول وقلة شغف وانطوائي وبدخل ع النت كتير والالتزام بيقل زي الصلاة مثلا ...وتعبت من الموضوع ده ونفسي اخلي شخصيتي ثابتة ومش متغيرة.

السلام عليكم و رحمة الله و بركاته.. بما ان بوست المذاكرة كان السبب ف تقييدى لمدة 6 أيام، بسبب ام الأب ده🙂 ف انا معتش هتكلم على المذاكرة تانى، و هى كده كده مشكلة جماعية، ف اللى عاوز يبدا هيبدا و الكلام ده مش ليا لأن للاسف عندى برود و تنحة وامتحانى بعد بكره و المادة كبيرة و لسه مذاكرتش😭 بس هتكلم معاكم عن حاجات تانية.. أولها ان امبارح كان فى محاولة لتظبيط النوم و للأسف فشلت لأن ده مش بالساهل بس تعرفوا ان الدافع ورا الخطوة دى هى ان الوقت بتاع بليل اتعودت ان كنت بعمل فى حاجة معينة، بس حاليا فكرة ان الروتين ده اتسحب او انا انسحبت منه بنفسي، فكرة صعبة فكرة ان قاعدة فى نفس المكان بس اللى ناقص ان مش هعمل الروتين ده تانى فكرة جايبة ليا خمول و مود اكتئاب مش عارفة اكسره غير ببعدى عن المذاكرة و هو ان اعمل أكل و اتفرج على فيديوهات علشان تخليني مشغلش عقلي ب حاجة تانية ممكن توجعنى، عارفة ان الكلام مش مفهوم بس ده الافضل يعني💔 حاجة تانية مهمة جدا و الله و ممكن تفيد.. لما تجيلك فرصة على طبق من دهب ربنا بعتهالك علشان تبعد عن حاجة معينة غلط او حرام، استغلها من غير ما تفكر ف اى حاجة غير دى تعتبر الفرصة الوحيدة علشان تبقى صح و تحاول تحسن من حياتك، هى صعبة و موجعة بس استحملها و صدقنى وقتها بيتولد شعور جواك انك مبسوط.. انا بعدت و نفذت فكرة الهروب من غير تفكير لما لقيت فرصة ربنا بعتهالى، من غير ما اقدم اسباب، عارفة ان ممكن تكون العواقب توجعنى اكتر بعدين، بس المهم ان من ترك شيئا لله عوضه الله خيرا منه، ده المهم و المريح، انك تحاول بس ترضى ربنا..

انا بقي عندي مشاكل مع كل حاجه حاسس بخمول وتعب جامد مش عارف اعافر ع حاجه جديده كله باصصلي اني شغال وف شركه كبيره ومهندس وفي ناس بتحقد عليا منهم صحبي بقي بيكرهلي الخير حرفيا وكل كلمه مني بتبقي اني بغلط فيه اعمل اي بجد

مكنتش حابة استسلم لمود الخمول اللى حاسه به، بس مفيش حاجة تخليني أخرج منه بجد، ف مش هيحصل ل حاجة لو كملنا اليوم عادى زى اى يوم و نكتئب شوية بما اننا في اجازة و مفيش امتحانات الكام يوم دول.. بس تصدقوا بجد احساس ان الواحد لوحده وحش🙂

السلام عليكم و رحمة الله و بركاته.. يا جماعة محتاجة أكلم معاكم فى مشكلة بتواجهني وبتتكرر معايا كتير، فى بداية كل خطوة جديدة سواء بقى لتعافى او عادة او عبادة محتاجة ازودها في أول كام يوم بكون متحمسة جداً وطاقتي عالية علشان اعملها بس أول ما بوصل لليوم العاشر مثلاً أو بعدها بكام يوم، بحس بانتكاسة نفسية وخمول رهيب، والشغف بيموت تماماً، وده أكتر وقت بكون فيه عرضة للانتكاس. أنا بمر بالمرحلة دي حالياً وحاسة بضغط وخوف من إني أضعف، هو بصراحة انا مش خايفة اضعف، لا بصراحة انا عاوزة اضعف عاوزة ارتاح شوية مجرد استراحة بس حاسة انى هبطت اوى زى ما يكون ب اجرى من سنين و خلاص جبت اخرى و عاوزة ارتاح شوية بجد هو مشكلة فعلا انى اضعف؟! يعني معقول مش من حقى ك بنى آدم اسيب الحبل شوية و اريح نفسي شوية بدل كل التعب ده؟! مين بيمر بنفس المشكلة دي حالياً أو مر بيها؟ وازاي بتتعاملوا مع الأيام الصعبة اللي الحماس والوعي فيها بيقل؟ محتاجة نصايحكم وأفكاركم نساعد بيها بعض.

انا بكلم فئه معينه من الناس هيا بس الي هتفهم مش تقليل من حد بس عندي ظن إن أغلب الاب شباب صغيره انا بكلم الناس الي من جيل الالفيه انا الفتره دي مش عارف في أي بجد مش عارف عندي تقلبات مزايجه عنيفة خمول ديما نوم كتير إرهاق بدون سبب مش عايز اكلم في ونفس الوقت ممكن الاقي نفسي تمام مفيش حاجه وبتعامل ماشي اقول اذكار لاقي نفسي بغني والعكس اقوم احضر اكله اعملها اسيبها ادخل اخد دش بعد ما جهزت كل حاجه البس تاني وادخل انام قاعد في الشغل مش قادر اعمل حاجه مع اني في الوقت مش كده اي الحل أو حد بيحصل معاه كده

كنت بحاول ابدأ صفحه جديدة ف حياتي وابقي البيست فيرچن مني وعرفت اعمل روتين حلو امشي عليه هو متعب اه بالنسبه لحد كان بيعدي ايام واسابيع ف اللا شئ بس كنت بحاول ومبسوطه بده بس بقالي كام يوم كل حاجه رجعت تعك تاني حاسه بخمول رهيب ومش هأڤور لو قولت بكسل اقوم اشرب بحاول اصلي الصلوات ف وقتها بس بجد بقوم من مكاني بعد معافرة كبيرة ورجعت تاني امسك الموبايل كتير وياريت حتي مبسوطه بده بالعكس النهاردة طول اليوم ي اما نايمه كدا وخلاص ي اما ماسكه الموبايل وبعيط مش مرتاحه وانا كدا وف نفس الوقت مش قادرة اعمل حاجه وحاسه ان كل حاجه تقيله ع قلبي وده مش وقت انهيارات وضياع خالص لان اليوم اللي هضيعه مش هعرف اعوضه تاني وهتضغط اكتر ف لو حد عنده حل او مر بالحاجه دي قبل كدا ياريت يفيدني وكمام كنت بحاول ابدأ احفظ قرآن ف لو حد يعرف يقولي ع بلان حلوة امشي بيها هكون شاكره

السلام عليك يا ابطال كيف الاخبار دلوقتى بالنسبة للكسل والخمول وان انا بكون قاعد حاسس انى مش قادر اتحرك ولو اتحركت بحس ان كل حركة معركة بالنسبة ليا، طبعا الموضوع دة عاملى مشاكل كتير دراسيا واجتماعيا وهكذا، فممكن يا ابطال لو فى حل عندكم تقولوه لان الموضوع مستفز وانا طبيعتي كانت شخص نشيط اوى

خمول وقلة نوم ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

انا لعيش لوحدي بحكم الشغل و الدراسة ف منطقة غير بلدتنا و كتير بكره العيش لحالي بكره كتير لدرجة ما عم بقدر اطبخ او ادرس او اعمل اي اشي بس الهاتف و خلص وقتي و حياتي عم بيضيعو جربت نصايح ما فاد شي لما ارجع من الدوام البيت ف ظلمة موحشة و صمت رهييب يخليني اكره جدا و اتماطل و نفسي ضيق و بدي ابكي و يجيني ملل و خمول

أنا مش عارف انا بكتب ايه ولا بقول ايه، بس يعني اديني بفضي دماغي بدل ما دماغي هرياني، أنا بجد حياتي اتدمرت، بوظت حياتي بايدي بقيت فاشل في كل حاجة وبقيت مش قادر اتكلم مع اي حد ولا قادر ارد على اي حد، بقيت بنعزل واختفي كتير اوي ودا خسرني ناس كتير كنت بحبها، بقيت بحس بخمول وكسل مش طبيعي اغلب الوقت بقيت برهق من اققل مجهود حرفيا، تعبت من المحاولة وبقيت فاقد الأمل ان ممكن حياتي ترجع زي الاول واني ارجع طبيعي تاني، تعبت من نفسي وتعبت من لوم اهلي ليا طول الوقت، وتعبت من كل حاجة بجد، عمال اصبر نفسي بحاجات تلهيني، افلام مسلسلات لعب أي حاجة تلهي دماغي وخلاص بس انا تعبت من كدا كمان مش عارف اعمل ايه بجد ولا عارف احكي ولا عارف اعمل اي حاجة، بقيت في حالة جمود خانقاني بجد مش قادر

كان عندي ظروف ف منزلتش الكلية من اول رمضان و طبعا فايتني محاضرات و سكاشن ولحد دلوقتي حاسة بخمول مش عارفة ابدأ اي حاجة ف قوليلي اعمل اي ضروري عشان هنزل بعد العيد و الميد بعد العيد بردو ( كلية زراعة لو هتفرق)