انا للأسف ماعنديش ثقه في نفسي وشايف نفسي ضعيف وجبان بس دايما كنت بحاول اثبت لنفسي عكس كدا وحتي لو مش مجرد اثبات وانا مصدق ان انا جبان فا انا ماكنش عاجبني وضعي وطول الوقت كنت بحاول اتغير انا حرفيا بتوتر جدا وبخاف من اقل حاجه، الصوت العالي بيوترني جدا حتي لو ماليش علاقه بالموضوع ابدا ولو دخلت في نقاش حاد مثلا مع اي حد بتوتر برضو وبيبان عليا ولما ببقا في مشكله او هاتخانق بتوتر برضو وبتهته في الكلام وممكن ايدي ورجلي يرعشو بعض الشئ ونبضات قلبي بتبقا عاليه جدا وببقا غضبان بطريقه رهيبه ومش بهدي بسهوله، انا رغم اني بخاف جدا وحقيقي مش مبالغه انا حد جبان وابسط مما اي حد يتخيل الا اني دايما كنت بتحدي نفسي وبحاول اتغلب علي خوفي عشان كرامتي اهم حاجه عندي وهي الي باقايالي اصلا، ورغم اني حاولت كتير ودايما كنت برمي نفسي في الحاجه الي بخاف منها انا ماتحسنتش خالص ولا محاولاتي في التغيير فرقت في حاجه ولا قلت شويه حتي، لسه زي ما انا، انا في نظر ناس مش قليلين اني حد شجاع ومستحيل يشوفوني جبان لأن في مواقف كتير تشهدلي ب دا، بس انا عارف الي فيها انا عارف باللي جوايا وعارف ان الي ظاهر للناس دا مش انا بس دا مش تظاهر دي محاولات للتغيير عشان مش عاجبني وضعي، فا مش عارف ايه الي ممكن اعمله يخليني اتغير ويغير استجابه جسمي للمواقف لأن انا جسمي بيخوني حرفيا