نفس حالتي تقريبا ولكن لمدة أطول وش رح تقول قادر يجيك تافه بسبب مزاجك السيء ولكن هو الحل الوحيد . الحالة النفسية السيئة حلها هو ممارسة الرياضة بانتظام و النوم جيدا الاكتئاب لازمك تلقا شغفك من جديد وهذي حاجة صعيبة لانو نفسك رح تخليك تحب تبقاي مدبرس كيما راك بصح لازم تفورصي نفسك انك تتبدل و تتقبل حقيقة انو هذي مجرد phase بسبب التعرض الطويل للستراس و الضغط و مع لوقت رح تتحسن المهم تبقا تقدم للقدام بخطوات صغار . الوسواس القهري لازمك تتعامل معاه ببرودة تامة لانو حرفيا كامل التخمام لي يجيك بسبابو و يخليك تخاف و تفقد السيطرة على روحك راه مبني على أوهام و افكار سلبية جات لانك في حالة سيئة و تحت الضغط برك كي يجوك الأفكار لي مش ملاح قول بصوت مسموع انو التخمام هذا جا في وقت سبق بصح ماصرا والو و محال يصرا ذرك ومع لوقت رح تنقص الحدة تاعو نوبات الهلع لازمك تخلي روحك بعيد الضغط بفعل وش ذكرت أعلاه اما إختلال الأنية فهي مجرد ميكانيزم دفاعي كونطر الضغط و التوتر النفسي لي راك عايشو كل يوم و تراكم عليك ، منيش عارف وش لازم ندير معاها لاني وليت عايشها كل ساعة من كل يوم ولكن سمعت بلي النوم الجيد مليح

اختي الخوف من الشيطان اتقربي لربي سبحانو أكثر وديري أذكار الصباح و المساء ومتنسايش الاستغفار، وديري يقين فنفسك وقلبك انو راكي تعيشي فوش كتبلك ربي سبحانو وفقط، بخوفك وقلقتك وافكارك مارايحة تبدلي والو، مي بالايجابية والتوكل على ربي سبحانو وتعيشي وش كتبلك ربي بحلوها ومرها وبقلب مأمن صح بلي كلش مليح من عند ربي وديري حسن الظن بالله صدقيني حياتك تتبدل، عانيت فترة قصيرة من هاذ الشي لي تحكي فيه لكن بفضل الله تغلبت عليه والحمد لله، فوضي أمرك لربي ختي وعيشي وارضاي رضى تام بحياتك بكل تفاصيلها راح نفسيتك وتتبدل تلقائيا للأحسن