متفكريش 😂😂😂

متفهم الحاله اللي انتي فيها حاليا بس اولا خلينا متفقين ان دي فتره بتعدي علي 92% مننا ك شباب بظروف مختلفه واسباب مختلفه وممكن تبقا مشابهه في حاجات بسيطه بس النتيجه في الاخر هي الديق والخنقه والزعل عادي بني ادم حقك تزعل وتدايق وتتلغبط بس الزعل والمدايقه لما تحسبها هتلاقي ان انت زعلان عشان بتسوف شئ بتراكمه ف تزعل انك عارف انك بتسوف او بتركن مهماتك ف تبقا زعلان على الاتنين انك مسوف وانك عارف انك مسوف ومش بتعمل حاجه ف دي نقطه النقطه التانيه وده مش كلام تنميه بشريه ولا كلام خيالي عشان كنت بحسبها كدا في الاول بس صدقني اول زقه لنفسك عشان تعمل اللي انت عايزه او ترجع لنسخه كويسه منك ف اول زقه دي صعبه وتقيله اوي لكن لو كملت واصريت وفي نفس الوقت عندك صبر وتحمل انك ممكن تقع وتعيد تاني من بعد اول زقه الموضوع انتهى خلاص والعجله هتدور وتبتدي ترجع زي الفل وتخلص من السلبيات اللي حاسس بيها واحده واحده متعتمدش ان حد يديك بوزيتيڤ اينيرچي ويدعمك سواء في بداية فوقانك او لو لقدر الله وانت بتفوق جالك نكسه ووقعت مفيش حاجه هتفوقك وتديك باور غير نفسك وانك عايز تعمل كذا ف هتعمله وانت قادر تعمله بتوفيق وكرم ربنا

مؤخرا بقيت محتاجه معالج نفسي بجد يرتبنى ويرتب افكارى ويقولى طريقه ابقي كويسه من جوا فيها

بجد حاليا بسمع بجاحة اللى اذوني واسلوب تعاملهم وكلامهم انهم قد اى هما مظلومين وقد اى انا او احنا كنا سيئين اوى اللى هو لا بجد؟ انتو ازاى كدا او ازاى فى ناس كدا والله ازااااى

الدنيا وحشه والناس وحشين انا كنت شحص محب جدا للحياه وكلى طاقه وشغف بجد انطفيت بقيت ادور على اكتر شغل متعب عشان اسحل نفسي فيه ومفكرش ومتوجعش بس برجع تعبانه وبتصعب عليا نفسي انى لسه صغيره وعديت بكل دا عديت بكل مراحل الالم النفسي والجسدي وصلت لحاجات لو غيري وصلها حرفياً كان انهار ومكملش

بتصعب عليا نفسي جداااااا وبقول انتى شخص حنين لى تتقابلى بالوجع دا لى كل الناس تخذلك.كدا لى اللى صدقتيهم يوجعو كى كدا الفكره انهم عايشين دور الضحيه دلوقت وانا اللى وحشه ف لى بجد يعني انا حرفياً جيت على نفسي وقبلت حاجات محدش يقبلها وصلت لمراحل وحشه جدا من انى اتنازل عن اقل حقوقى ف لى يبقي دا المقابل؟!!

انا مثلا دلوقت بسال نفسي لى من الاول انتى متستاهليش كدا متستاهليش اللى حصلك انا شخص عمرى ما اذيت حد حرفياً بفكر ف كل كلمه وحرف بتطلع منى ف لى يحصلك كدا

انا محتاجه جدا حاجه تيجي تخليني اعيط بانهيار افتكر من سنه ونص تقريباً كنت ف نفس الالم والتوهه زى دى وحصلت حالة وفاة هو مكانش شخص قريب منى بس من العيله افتكر وقتها لقيتها حجه انى انهار بجد انهارت وقعدت اعيط بطريقه غريبه يمكن بعيط اكتر من بنت ومرات المتوفى نفسه بس ما صدقت اعيط ف انا محتاجه اعيط لكن مش عارفه ومش لاقيه الوقت والمكان اللى اعيط واريح نفسي فيه

اتكلمي براحتك المهم بعدها تبقي كويسه مش مهم حد يفهم وكمان من حظك انك صاحيه دلوقتي قومي صلي ركعتين وادعي كمان عادي

كلامى ملغبط مش.مترتب بكتب وبتكلم ف مليون حاجه بس معرفش حد يفهم ولا لا لكن انا تعبانه ومش كويسه ومش عارفه اعيط ومعنديش رفاهية انى اقعد واعيط او انهار معنديش رفاهية انى وانا بصلي اعيط انا مش لوحدى ومبحبش حد يشوفنى بعيط ايا كان مين ف انا مش لاقيه حل

احنا محطيناش نفسنا ف الزون دى ومحدش بيحب يحط نفسه ف مود كئيب او يتعب نفسه ويحزنها بس احنا بنتحط بشكل اجبارى لما نبقي مش عارفين نعمل اى ولا نمشي ازاى

بحس ان مفيش حاجة اسمها فقد الشغف احنا اللي بنحط نفسنا تحت الزون دي والتوهان بيجي لما مش بنبقي ع طريق معين نمشي عليه لاننا متشتتين بكل حاجه وبكل شي وبنشوف اي اكتر حاجة بتمشي الدنيا دلوقتي

كلميني نفضفض