معرفش ليه دايما ماما واخويا بيعاملوني هو الموقف ممكن يكون عادي بس بزعل اوي كنت قاعده عادي ف اخويا بيذاكر وانا بذاكر النت فجأة خلص ف قعد يزعق وماما قعدت تزعق وتقولي كان فيه 10 جيجا امبارح بالليل وانا الوحيده اللي كنت صاحيه المهم هما خلاص خلوني انا اللي خلصت ال10 جيجا انا ولا نزلت حاجه ولا اتفرجت غير ع فيديو يوتيوب وبعدها نمت دايما بيتهموني وعمرهم ما سمعوني ولا فهموني وحتى لو قولت انا مالي انا معملتش كده مش هيصدقو ف بقيت بسكت وكل ما بسكت والزعل بيزيد زعيقهم وطريقتهم معايا بالذات غريبه واخويا بيقولها خدي منها الفون شوفيها بتعمل ايه عليه ولا بتحمل ايه وبيقولها اقفلي النت بالليل وفصليها من النت الفكره اني مهما بررت ومهما شرحت بردو مش ببصدقو غير نفسهم بيتهموني بحاجه معملتهاش ومليش دعوه بيها وخلاص صدقو نفسهم ان خلاص انا اللي خلصت ال10 جيجا طب ما تسألوني براحه وليه الشك وليه الاتهامات بقيت بتأثر اوي وبسرعه ومن اقل كلمه انا بجد زهقت منهم
انا مش متخيل أن في مشكله ممكن تحصل في عائله بسبب شركات الإنترنت في مصر بس خد بالك يعني شركات الإنترنت بتسرق انت أنا قبل كدا قعدنا تلات ايام برا بيت فا فاصلين كهرباء عن بيت اصلا رجعنا لاقينا نت ناقص 7 جيجا بس الحمدلله يعني فا حاولي تفهمي الاهلك أن شركات الإنترنت و خصوصا وي في حوار بتعمل حركه ده ثانيا وريهم استهلاكك للانترنت كل جهاز اندرويد بيحسب استهلاكه للانترنت ثانيا نقطه الأهم حاولي تقربي من أهلك و تاخديهم واحده واحده يعني تصاحبيها بعدين توجهيها بغلطها مره في تانيه في تالته لحد ما تستعوب و هي مش هتستعوب من اول مره لما تشتكي من نفس حاجه كذا مره هيجي وقت أنه تاخد بالها فاهمني
اوقات الاهل بيبقي مش عندهم ثقافه التعامل وده اكتر حاجه مؤذيه حتي لو انتي غلطانه بس المفروض يكون في احتواء اكتر وبراحه برضو وممكن هي محتاجه تفهم اكتر حاولي تقربي منها وتفهميها براحه واي بيضايقك واي لا