صراع

انت وسط ما بتحارب انك تقنع نفسك ان الي قدامك كويس وبيحبك وبتبررله كل حاجه عشان تفضلو سوا هو اول ما يلاقي حاجه مش مناسبه معاه بيختار نفسه اولا وبيتخلي عنك ف ترجع تصعب عليك نفسك انك فرط في حق نفسك واتنازلت عشان حد وكان مفروض تختار نفسك زيه وتمشي اول ما تتأذي

السلام عليكم ورحمة الله يخواتييي الحقونا لا الحقونا بجد🙆‍♀️ دلوقتي انا ليا صديقه من سيليلنكا من سنه تقريبا وصحاب اوي اوي دلوقتي هي عرفتني على اخوها الكبير وبقينا صحاب برضو المهم هو حبني وللامانه انا كمان وفيها كلام جد وجواز وكده وهو كبير وعيلتهم غنيه ومعاه شهاده حلوه كمان يعني فى كل حاجة انا عيزاها فى مشكله بقا انو بوذي😂 اه والله انا بقنعو انو مينفعش والبيه مش مقتنع بيقولى لا الزمن اتغير وانا هقنع اهلك وكلام كتير انا واختو بنقنعو انو مينفعش وهو مصمم حتي بعد عنو عشان انهي العلاقه دي مسبنيش برضو بيزن كتير ومش عارفة اعمل ايه 🙂

عندي مشكلة بقالها فترة ومش عارف أتعامل معاها بشكل صحيح. حاسس إني بقيت بدور على المتعة طول الوقت، وكأني مش قادر أستحمل أي لحظة ملل أو هدوء. مع الوقت ده خلاني ألجأ لحاجات غلط وأخد قرارات ندمت عليها بعد كده، لمجرد إني أهرب من الإحساس ده أو أحس بشعور أقوى. كمان عندي ADHD، وده بيخليني أوقات أواجه صعوبة في التركيز أو حتى إني أقعد هادي من غير ما أكون بعمل حاجة. كنت فاكر إن الموضوع بسيط، لكن مع الوقت بدأت أحس إنه مأثر على جوانب كتير في حياتي. المشكلة إن الحاجات البسيطة اللي كانت بتفرحني زمان بقت عادية جدًا بالنسبالي. أكلة بحبها، مكان بحبه، خروجة حلوة... كل ده مبقاش بيديني نفس الإحساس، وكأني فقدت القدرة على الاستمتاع بالحاجات الطبيعية. بقيت في صراع مستمر بين إني عايز أغير من نفسي وأرجع طبيعي، وبين إني برجع لنفس العادات اللي بتديني راحة مؤقتة، وبعدها ندم وتأنيب ضمير. أنا مش بكتب الكلام ده عشان أشتكي، لكن لأني فعلًا محتاج أفهم اللي بيحصلي وأعرف أتعامل معاه. لو حد مر بتجربة مشابهة أو عنده نصيحة ممكن تساعد، هكون ممتن جدًا ليه. ولو معندكش نصيحة، ادعيلي ربنا يهديني للطريق الصح.

نفسي ابطل ازعل علي حاجة مستاهلش يعني انا بقيت اتعلق بالناس ليه بجد والله مكنتش كدا بقيت ازعل علي حد ارتحت معاه ف الكلام ومشي او انا اللي مشيت وبقيت دايما بحس بعدم الراحه لو حد اتصل بيا. بس لما حد بيحتاج حاجة مهم بحب أقف مع اللي يستاهلو مش عاوز اكون راجل بتتحكم فيه مشاعره اعمل اي وفي نفس الوقت انا بحب اختار الوقت اللي مثلا نخرج او انزل القهوة او اروح لزمايلي ف الشغل القديم بحب اكون مرتاح كدا ف قراري بس الحوار ده عايد عليا ب اني باخد قرارات سريعة برضو انا مش فاهم حاجه من نفسي بس حاسس اني خرجت اللي في دماغي اكتر حاجة بتخليني اقل في نظر نفسي لما الشه9ة تعميني واريلاشن مع بنت شات ولا كول بنام واصحي اكني كنت مضروب علقة مع اني انا اللي بضرب وبهين والقرف ده بس بكون متضايق اوي بس حوار القعدة مع نفسي والله بالدنيا 😂

كنت منزل بوست قبل كده. ان والدي رافض فكره الشغل وانه هيطردني م البيت لو اشتغلت مفيش بعديها بشهرين اهو خلصت امتحانات بكلمو بهدوء قلتلوا عايزك طنشني لما قلتلوا قالي لما اجي المهم عرضت عليه الفكره بيعجزني بحجه اني هقدم تمريض عسكري تاني بعد سنه جامعه وبعد م حاولت مره وانه والدتي متخرجش بره تقضي مصالحها ومش عارف ايه بيهددني بحاجات انا اتعجزت بيها اللي هو مش فاهمها و ف نفس الوقت عاملي مشكله ف انا مش عارف اعمل ايه هد ثقتي بنفسي هل اطلع اشتغل فعلا انا. داخل سنه تانيه جامعه ولا لركن الفكره من دماغي وابقي خول ف البيت زي م هو عايزني

لو اعبر عن كميه خنقتي ووجعي دلوقتي مستخيل اعرف اوصفلكم، انا اتهليت عن اخويا ومساعدتهوش عشان هو داخل بسماعه امتحانات ثانويه عامه وانا رافضه ال عمله ورافضه اساعده عشان حرام، واترجاني كذ مره وانا رفضت ومازلت مصره، النهارده يعتبر شال الماده هو م بيذاكر من اول السنه، فطلب من اختي الصغيره تمليه الاجابات بالسماعه ولكن معرفتش جه بعيط صعب عليا جدًا للحظه الشبطان وسوسلي ان انا السبب عارفين وانا شايفاه بيعيط قلبي بيتقطع، بس بقول سبحان ال مثبتني، قلبي وجعني عليه اوي وفضل يقول هشيل هشيل😭💔💔💔💔💔💔💔💔💔 يمكن كان لازم يذاكر ويعمل ال عليه بس بعد اي بس انا رفضت اساعده عشان حرام وهتحاسب ود مبدأي وانا مبادئي مستحيل اكسرها عشان خاطر اي حد مهما كان مين💔

السلام عليكم، ازيكم عاملين اي، يمكن دا من اصعب البوستات الي نزلتها او هنزلها بعد كده، لانه الحقيقه بتكشف سبب جزئ كبير اوي من ألمي ومش مشاكل النفسيه الفتره دي او طول حياتي عموما، الحقيقه انا والدي ووالدتي مطلقين، بس دا قدام ربنا بس لكن في نظر القانون لا، الحقيقه يمكن دول 4 طلقات او 5 تقريبا بعد كل مره ابويا كان بيرمي فيها اليمين على امي بيكون هو الغلطان تماما، كنا بنستحمل ونسكت، الحقيقه هو مكنش بيردها عشان خلاص عرف غلطه وهيصلحه، كان بيردها بس عشان الجنس وبس بس عشان كده، بعد الطلقه التالته، كان عاوز الجنس فقالها يلا نروح لازهر عشان نشوفوا امكانية الرجعه، فالحقيقه هو جه وقال انا كنت بس غضبان ومدايق او حاجة زي كده عشان كده طلقت فيردها وكده بقوا 4،طلقها تاني بعد كده وراحوا للازهر برضو، وقتها قال وحلف انه ناسي دي الطلقه التالته ولا التانيه، فردها،(الحقيقه في تفاصيل كتير في الرد لاني اكيد معرفش بس خليتا نعرف بس الي حصل) ومش متذكر كانوا 4 ولا 5 بس هم عدوا ال3 عموما، المره الاخيره لما طلقها وقتها مقدرتش اسكت، وقولتله وانا بزعق ودا كان اصعب حاجه في حياتي، قولتله (خلاص كده خلصت امي معتش تحل ليك ومترجعش تقول ناسي ولا مش ناسي كده خلصت خالص)، امي بقالها يمكن سنه تقريبا عايشه معانا في البيت عادي بس لاننا 6 عيال ومش عارف بقا الامر وقتها وقف على كده، ولكن هي بعيد عنه ولكن في نفس الشقه يعني، كمية اهانه وشتايم ليها متوصفتش، مش شتايم سب وكده ولكن هديك مثال يعني بيدعي عليها بالشلل ربنا يخربيتك يافاشله وكلام كتير وحش بعني ولكن مش سب، ومش لامي لوحدها ولكن للبيت كله، ولكن زياده عن امي، الحقيقه كل كلمه بسمعها في حق امي بتاكل جسمي اكل، كأنك جبت سكينه كبيره. وحاده وقعدت تبشر لحمي حته حته وانا حي، ولكن مستحمل وساكت لعل الموضوع يتحل، ابويا وحش معانا في البيت كلنا وعذاب حرفيا ولكن احتسبنا الاجر وصبرنا، طبعا انا في تالته ثانوي ازهر ومش قادر اقولك انا قد اي كنت في عذاب حرفيا والابتلاء دا سبب عجزي طول السنه، ولكن مع ذلك كنت بعمب الي عليا وبتعب اوي، خلافا طبعاً مكنش في جو هادي ولا دعم ولا تشجيع منهم، ولكن مكنش فارقلي ومكمل، حاليا انا في الامتحانات، كان في موضوع وامي كانت تحت لاننا في الدور التاني، فكان في موقف فشتمها من الشتايم الي حكيت عليها دي، انا كنت سامع وبتؤلم وامي طلعت تعيط وانها تعبت وتقول لوالدتهاا الي هي متوفيه تعالي خديني تعبت وكلام أذاني، معتش قادر اسكت وانا جوايا غضب يهد جبل يخليه تراب حرفيا،ندى عليا كتير وهو تحت ومردتش عليه ومش عاوز اكلمه، ولما يجي ويكلمني هقوله كل الي جوايا وزي ما تيجي بأي طريقه، بس والله والله ماقادر ابويا برضو وعمري ما كنت عاق ابدا، حرفيا كأنك ماسك دراعي من كل اتجاه وربطه في عربيتين عكس اتجاه بعد وبتشد، وانا دراعي هيتخلع، اه نسيت اقولكم ابويا مدرس في الازهر، بيطلع على المنبر كل جمعه يخطب في الناس، مبيصليش، قولا بلا عمل. قوليلي حل عشان مش عاوز اكون عاق لابويا فأاثم ولا اكون ديوث او عاق لامي، لانها دلوقتي من حمايتي

عمري ما حسيت بالانتماء لأي حد في حياتي فعلا حتى مع أهلي انا اجتماعية و بتعامل مع الكل بطريقة كويسة و مش بحب اني اكون ذكرى وحشة في حياة حد و رغم كدا عمري ما لقيت راحتي مع اي بني آدم فعلا مهما كان حد كويس انا مش بحس اني مرتاحة و مش مستنزفة الا وانا لوحدي.. وفي نفس الوقت انا بكره اني ابقى لوحدي مش عارفة المفروض اعمل ايه بس وانا لوحدي أحسن بمليون مرة من لما اكون مع اي حد و يقعد يستنزفني و يخليني مرهقة

طيب احنا مش هينفع نكمل مع بعض ليه عشان مش هقبل اكمل مع حد اقل مني انا مهندسه طيب يا بنتي مانا مدير ف شركه كويسه وقبضي بالدولار لا طيب هو انتي خريجة اي زراعه وبشتغل موظفه ف شركة الميا عاااااا ونعمه

يا جدعان يخريبت قله الكرامه اللى الواحد بقى فيها ايه ده ايه ده كله ليه يعنى ما انسان انسان اوله واخره انسان انسان حبيبي روحى مقدرش استغنى عنه يووووه شوفته كان مالى بس ياربى الفكره انو بحسنى بجى على كرمتى قوى اوف منى لازم يعنى يبقى معنديش كرامه كدا لازم!! ديما عاوزه اشوفه ديما عاوزه المسه ديما عاوزه يضحك ويحكى معايا عاوزه اشوفه بخير ناجح مرتاح صحته كويسه اهله كويسين دا كفايه بس لما قالى لو انت تمام فا انا تمام اعرفى طول ما انتى بخير انا بخير يخربيت الباطل حرام عليك هوا انا ناقصه نفسى يكون معايا صاحبه بنت من هنا بس بجد يا ناس هو كدا الحب فعلا ولا ايه!!

مشكلتي مش إني مش بعرف أحب أنا لما بحب بحس بجد وبهتم بالتفاصيل، وبكون صادقة جدًا في مشاعري لدرجة ممكن تخلي اللي قدامي يحس إن أنا الأكثر اهتمامًا مع اني مش بكون اوفر يعني مش بفرض نفسي طول الوقت مش بتدخل في تفاصيل كثير مش بتكلم طول الوقت بس لما بتكلم باخد بالي وبهتم فعلا وبعرف احتوي بس انا بحس اني مع اني مش بفرض نفسي الا لمجرد اني مريحه المشاعر ناحيتي بتقل وده شئ بيوجعني مش بحس اني استحق ده في نفس الوقت، لما أحاول أختار بعقلي وأقول مثلا اختار حد كويس كا فكره الصالونات بحس إن المشاعر تقيلة عليا، وبحس بذنب، وبحس إني مش مرتاحة للحياة دي، وكأني بعيش حاجة مش شبه قلبي. وفي كل مرة بحاول أوازن بين الاتنين، ألاقي نفسي تايهه يا إما إحساس قوي مش بعرف أسيطر عليه، يا إما محاولة سيطرة بتخليني مش قادرة أكمل بحس ان انا مش نافعه في اي نوع من انواع الارتباط أنا مش عايزة أبقى زيادة عن اللزوم، ومش عايزة أبقى بارد أنا بس عايزة أفهم نفسي وأعيش مشاعري من غير ما أظلم نفسي أو أظلم حد معايا

انا حلم حياتي اسافر برا بعد ما اخلص المرحله دي و فاضلي سنه السعوديه بلتحديد و عندي شغل اونلاين بس مش عارفه فوق اني اجيب مجموع حلو و دا اسهل حاجه في الاجازه كنت عايزه اطلع ب 30000 و الشغل الاونلاين دا صعب اطلع منه بالفلوس دي طب اعمل اي ولا اكنسل فكره الفلوس و اركز ع نفسي الفتره دي و الفلوس دي اسيبها لاهلي انل كنت عايزه اجمعها بس عشان خاطر اثبت اني قدها مش اكتر بس هل دا استسلام عشان مش هقدر اجمع الفلوس ولا اي

يقولون إن أول طريق للنسيان أن تتذكر العيوب، وكأن القلب آلة يكفي أن نُغيّر فيها قائمة المميزات والعيوب فيتغير شعورها. لكنهم لا يعلمون أن القلب حين يتعلق بصدق، لا يُنكر العيوب، بل يتعايش معها. يراها بوضوح، ويعرف أنها تؤلم أحيانًا، ومع ذلك لا يستطيع أن يجعلها سببًا للكراهية. لهذا كانت جملة "حتى العيوب بتحليها"✨في اغنيه يومين وليلة لفرقه جدل✨ موجعة إلى هذا الحد. لأنها تصف تلك المرحلة التي يصبح فيها الشخص عالقًا في قلبك، فلا تعود عيوبه كافية لتُطفئ الحنين، ولا أخطاؤه قادرة على محو صورته. ليس لأنه بلا عيوب، بل لأن المشاعر سبقت المنطق، ولأن القلب أحب الإنسان كما هو، لا كما كان يتمنى أن يكون. وربما أصعب ما في الأمر أن تدرك كل شيء بعقلك، بينما يرفض قلبك أن يتصرف على أساس ما أدركته. فتظل ترى العيوب... لكنها لا تنجح في أن تجعلك تكرهه، وكأن الحب ألقى عليها ظله، فخفّف حدتها، حتى بدا لك أن العيوب نفسها قد أصبحت أجمل لأنها تنتمي إليه.

ولعل مأساتي الوحيدة - كإنسان - أنني كثيرًا ما أجد نفسي في غير ما أريد ، مقيما في مواضع لا تشبهني ومتصالحًا مع ما تفرضه الحياة لا مع ما أختاره. ومغادرا من تعلق بهم قلبي دون إرادة مني - كأن الحياة لا تمنحني اكتمال الاختيار. بل تضعني في طريق لا أميل إليه، ثم تطلب مني أن أمضي فيه كأنني اخترته

انا كنت مع شخص لفترة كبيرة اوي اوي اذيته واذاني كتير بس برضو شيلنا بعض كتير، بس طول الوقت فيه خناق سيبنا بعض فترة كبيرة كذل مرة ونرجع واخر مرة رجعنا وسيبنا بعض تاني حاليا العلاقة كلها توكسيك واحنا الاتنين عارفين بس مش عارفين نسيبها؛ اخر مرة كنت خلاص تأقلمت على عدم وجوده وبردو حصل سبب ورجعنا تاني وبردو سيبنا بعض تاني تنصحوني بايه بعد ما رجعت لنقطة الصفر

عيد ميلادي قرب اووي وبجد اليوم ده بيكون تقيل علي قلبي بشكل مش طبيعي و دايما بيحصلي فيه حاجه مش كويسه او ف الشهر عموما بس المره دي عوزا احتفل بيه لان هيكون سن اما شايفه مميز شوبه بس في نفس الوقت مش عوزا لان اليوم فعلا تقيل علي قلبي ومش بحبه مش عاارفه انا بس الي كده ولا ايه بس نفس الاقي ليه حل فعلا ومشكله كمان بس هبقا احكيها مره تانيه بقا

المثل بيقول اعتزل ما يؤذيك بس اعمل اي لما ما يؤذيني قدامي أغلبية الوقت للأسف كنت ساذجه وعبيطه فإيدي انتقم وافضح بس كمان مش عايزه اكون طرف فحاجه مقززه ذي كدا والحمد لله اني حياتي مش بتقف علي اي حاجه أياً كانت معزتها فقلبي اقدر اقول اني مليش عزيز اقدر اخسر اي حاجه فاي وقت يمكن استفقدها شوية لكن ماتأثرش عليا وعلي حياتي

عندي مشكلة اني ساعات بحس اني عاوز واحدة اكبر مني تحسسني بالاهتمام والامان كاني طفل تقولي اعمل كذا وتعمل الي هيا عايزاه معايا، مع اني مش صغير بس مش عارف ليه بحس بالاحساس ده وبحب لما الاقي واحدة كده وعارف انه مشكله وأنه مينفعش وان المفروض الراجل يبقى المسيطر...

انا المرة دي تايهه بجد ومتلغبط وعندي مشاعر كتير مش مترجمها بكلام ومش قادر احكي ولا اشرح ولا عارف اعمل اي حاجه حرفيا انا ف اكتر وقت محتاج فيه مساعدة وعندي اني اموت ولا اطلبها والمشكلة اني لا هعرف اخد القرار رلا هقدر ابعد بس انا روحي متعلقة ف حاجة بتموتني بالبطيئ

ساعات الشيطان بيوسوس لي اعمل ذنب معين على أمل أنه يسكن وجع موجود مع أن دا عمره ما هيحصل، بيخليني احس كأن كل مشاكلي هتتحل وهحس براحة لو كلمت فلان even انا اللي اخترت ابعد عن فلان وفكرة اني اكلمه في دماغي من امبارح وقولت خلاص شوية ولما اهدى هتروح بس لا لسه في دماغي لحد دلوقتي يمكن وحشني او مستغربه ازاي قعد اسبوع ومبعتش خالص. هنا في سؤال هو انا توكسيك لما ابعد عن حد وافضل استناه؟

اضطريتم تتعاملوا مع حد قبل كدا غصب عنكم بس مضطرين؟ وحسيتم نفسكم منافقين إنكم بتعاملوا حد مش حابين تعاملوه ولا بصيتوا للموضوع ازاي ولو الحد دا مفروض عليك كل يوم المفروض أمشي الموضوع ازاي

انا مش فاهمة اذا من حقي الوم امي على هاذ شيء او لا يعني انا بكيت انا كنت صريحة انا طلبت مساعدة هي ورجتني انها مهتمة اليوم هذاك بس بعدين كانها نست الموضوع عطتني اهتمام اسبوع تقريبا بعدين بوم نست كلشي كانو ما قلت شيء ورجعت تضغط عليا كلشي تقلبو على نفسها انو هي ضحية في موضوع يعني انا اصارع للبقاء وهي كل همها اني مش عام ساعدها ولي مقلقني اكثر انو قبل ما نقولها وش صرالي وحالتي ما منتش نلومها اما هي توا عبالها عارفة حالتي ومزالت قداه كرهتها على هذا سعات نحس انها تنسى انها ام تتصرف على انو انا امها انا لي لازم نمدلها الاهتمام ورعاية والحب مش العكس تعبت كرهتها

طالما احنا كلنا بنكره الابليكيشن دة ليه لسة هنا؟ حد فكر انه إدمان؟ لقيت كتير مدمنين نفس الاب مش لوحدي وكذا مرة نمسحه وننزله تاني، ليه الموضوع قلب معانا بإدمان وايه المتعة اللي مش قادرين نستغنى عنها هنا

لا بجد ليه يعني ليه بحس أنك تعامل ناس بما يرضي الله و يرضي ضميرك ده غلط يعني هل امي غلطت لما ربتني يعني ليه مجتمع ده بيجبرك تبقي جاحد و عربجي ولا انا ساكن في مجتمع غلط و كل مناطق كدا هل علشان اعيش مش حاسس اني قليل او مش مظلوم افتري علي حد

ديما في سؤال شاغل بالي هل لو رجع بيا الزمن في حاجة هغيرها من اختيارت كتير غلط او حاجه معملتهاش في وقتها بس بردوو ارجع اقول لولا الغلطات الكتير أو الحاجات الي فتتني في حاجات كتير مكنتش اتعلمتها أو فهمتها لإن جزء كبير من شخصيت الإنسان بتتبني من تجارب الحياه اختيار صعب انت/ي هتختار اي والسبب

بجد عاوز افهم حاجة ليه الواحد لما بيكرر يتوب بيلاقي الغلط بيخبط بابو حرفيا تحس كدا الي هوا كنت هتموت وتكلمهم بيكلموك واكن في حاجة غلط يعني حقيقي بكرر اتوب ومكلمش بنات القي كميت بنات اعرفها زمان ومعرفاش بيكلموني ومنهم الي بيجي في غلط طب هوا بجد ايه السب دنا قبل متوب مكنش في حد معبرني

عاوز اتكلم في موضوع خنقني من زمان بس انا بقيت بكدب وخلاص بجد يعني بقيت اكدب بسبب ومنغير سبب بقيت بكدب في اي حاجة ومع اي حد وولاسف سعات بحلف كمان مش بكدب الي ببالغ لا بس انا فعلا حد بكره اوي حد يكدب عليا فبقيت انا الي كداب مع الوقت حد فهمني طيب

رغم كل الي حصل ورغم كل الي انا فيه بسببو ورغم انا سابني لدماغي وباعني من غير تردد الا اني عاوزة اجري ليه واعيط في حضنه واشتكيلو منو واسألو هو ليه عمل كده وليه هونت عليه وليه سابني في اكتر وقت محتجاه فيه

غالبا والدتي ست نرجسيه برضو مقدرش اجزم ١٠٠٪؜ بس انا بقيت بتاذي نفسيًا و جسديًا بسببها و مش عارفه اتعامل معاها ، انا بنت عندي ٢١ سنه و داخلة في ال٢٢ ان شاء الله مشاكلي مع والدتي كلها ليها علاقه بالمطبخ و شغل البيت مش عشان انا مش بعرف اعمل الحاجة لا لا خالص المشكله في الطريقه و انها عايزه كل حاجة تتعمل حالًا في نفس ذات اللحظه انا لما ببقي فاضيه بساعدها حقيقي بس انا ببقي مشغوله بدراستي لاني في سنه تالته علاج طبيعي و كمان جامعة خاصه و في منحة لازم اجيب سكور معين عشان افضل محافظه علي المنحة عندي اخ ٢ ثانوي و اخت ٤ ابتدائي مش هطول عليكم بمشاكلنا بس اقرب مشكله كانت اول امبارح ظبطت منبهي عشان اصحي قبل الجمعة اخلص محاضره و اكسب وقت لان المنهج كبير صحيت يادوبك صليت ركعتين لله و بسرح شعري لقيتها باعته اختي الصغيره تقولي اقوم اعمل معاها الفطار انا مش مشكلتي في المساعده قد ما مشكلتي في الوقت اني نايمه قليل عشان اصحي اذاكر و مسهرش كتير بليل لاني بفصل بعد ٢ بليل روحت المطبخ بكل هدوء بقولها يا ماما هو المساعده دي هتاخد وقت قد ايه؟ لقيتها بتزعق و بقولك ايه تقفي تساعديني ولا هتقرفيني لو كده امشي انا قولتلها انا بس بسال عشان انا المفروض صاحيه اذاكر لو كده كنت نمتهم افضل لاني صابح عندي امتحان لقيتها بتقولي طب اتق الله و ساعديني يمكن تاخدي دعوه فانا سكت كده قالتلي المساعده هتاخد ساعة اتنين عشرة تاخد اللي تاخده قولتلها منا اعمل الفطار و اصلي الضهر و اغسل المواعين و اعمل الشاي انا كده هبدا مذاكره علي ٢ الضهر لقيتها زعقت اكتر و غوري من وشي و قامت حدفتني بالشوكة اللي في ايديها في بطني من الجنب هي حاليًا سايبه اثر زي دايرتين كده ليها قشرة علي جلدي المهم اني دخلت اوضتي اعيط فضلت تقول انتي م.و.ت.ك اهون و اسكتي عشان م.و.ل.ع.ش فيكي فسكت و مفطرتش و قعدت اعيط في اوضتي كل اللي شاغل تفكيري اني خايفه ربنا يسحب مني التوفيق بسبب عدم رضاها روحت اعتذر مقبلتش اعتذاري و فضلت تقول نفس الكلام امي مقتنعة انها ام و معاها تصريح تعمل اي حاجة عمرها ما اعترفت بغلطها حتي في مشاكلها مع والدي دايما شايفه انها ام و مينفعش تعتذر ولا حتي تبين اتعا غلطت مع انه ده والله هيزيدها في عيني زي ما بابا بيعمل معايا امي شايفه اني عشان تعليمي اعلي منها فده بيخليني ارد عليها و ابجح زي ما بتقول مع اني والله مش بعمل ده ولا بيصدر مني ده مع الغربب حتي و كل الناس تحلف بادبي و اخلاقي حتي لما بتكلم معاها بعد ما المشكله تهدي بتقلبها خناق والدي يجي يكلمها تتخانق معاه هو شخصيًا و تقعد تقوله لازم نكسرها و كده مش هيبقي ليها كبير بس والله انا بكبر لابويا امي مش مقتنعة انه كلامها بيكسرني و مش عارفه ازاي اعبر عن نفسي معاها خالص رغم كل ده و اعتذاري مش بتكلمني برضو و حتي اتصلت بعد الامتحان زي ما متعوده مفكرتش حتي تسالني عملت ايه قالتلي طلبات البيت و قفلت في وشي و مسالتش عليا ولا علي امتحاني ده حقيقي موقف بسيط بيني و بينها انا معرفش المفروض اتصرف ازاي و اكيد يا جماعه ربنا مش بيرضي بالظلم ولا معني انها ام انها تكسر عيالها كده اكيد ربنا مش هيدي للامهات التصريح ده عشان يكسروا عليهم و اجي علي نفسي واراضي و اطبطب وانا مأذيه بسببها للعلم امي اخر ٦ سنين بطلت تصلي البيت كله كلمها و بتقول ادعولي بهدايه بتصلي غالبا الجمعة بس انا اعمل ايه محتاجة نصيحة لاني فعلا تعبت محدش يقولي اتجوزي عشان هي بترفض عرسان من بره بره و تقول لسه بدري لما تخلص كليتها و فاضل علي كليتي سنتين و سنه امتياز

لي كل ما بحاول انسي شخص معين لي بيرجع بجد لي لي مصمم ابقي مريضه بيه لي مصمم اني مبقاش كويسه لي مصمم اني منساش و اكمل حياتي بشكل طبيعي بجد بكرهو علشان علشان مصمم يبوظ حياتي و ياذيني اكتر ساعات بحس انو عاوزني و قد اي هو بيحبني و ساعات بحس انو لا مش عاوزني و مبيحبنيش و عمرو ما حبني و خاني كمان ديما كنت بقول لي ناس متحاولش تمشي مرجب لو شخص دا مش عاوز يساعدك وسبها تغرق و اكسب نفسك بس انا معملتش كده و بقيت في وسط البحر ولا عارفه ارجع ولا عارفه اكمل

حبيت بنت مش من ديني وهي كمان بتحبني اوي انا حليا مدمر نفسيا قدامي اخيارين صعبين اوي انا حرفيا عمري مكنت اتخيل اني اقع فحب بنت كدا وهي بتحبني اوي وزاي منكون اتخلقنا لبعض بموت فيها بجد مقدرش اعيش منغرها بس لو اخترتها هدمر نفسي واخسر كل حاجة بس انا منغيرها ولا حاجة حرفيا محتاج نصيحه

انا بقيت بعرف ارد وهين اي حد قدامي لما يديقني غي الكلام مس زي الاول بعدي وكبر دماغي بس مع نفسي بقول ليه ما تكبر دماغك زي الاول الكلام مش بفلوس كلو هيكلم ليه تخلي الناس تشوفك وحيش بس بقيت بتعصب اكتر لما مردش طب تيه الحل

بتعملو اي مع الذنب الدايم بحاول اهرب منه وكب شويه بعمله كانه لازق فيا كل مرة كل وقت مش عارف ابعد عنه حاسستي بقيت بارد اوووووووي بقيت معنديش مشاعر ولا بعمله بس بعمله برضو طب اي الحل طيب افضل مستمر عليه وخلاص يعني ولا اي

جماعه الانسان بجد ف صراع بين انه يعامل الناس بالمثل ولا انه يتعامل بتربيته هو و اصله يحافظ على الجزء الطيب اللى جواه ولا يتماشى مع الجو العام اللى حواليه وان هو حد مش مؤذى دى حاجة بتأذيه هو شخصياا اللى حواليا ممكن يفتكرو انى حد ضعيف وان سكوتى دا ممكن يكون ضعف احنا نعتزل الناس اسهل بقااا نتصرف مع المجتمع دا ازاى يا جماعه

أصعب معادلة ممكن يحلها مهندس ميكانيكا، هي إزاي يرمم قلبه اللي اتكسر من أقرب الناس ليه. أنا عندي 25 سنة، والنهاردة بفضل الله وصلت للي كان أهلي بيحلفوا إني مش هوصله. بقيت مهندس في شركة كبيرة، وبنيت نفسي من تحت الصفر، بس وأنا بطلع السلم، كانوا هما "الثقل" اللي بيسحبني لتحت مش السند اللي بيرفعني لفوق. أنا مش جاي أتباهى بنجاحي، أنا جاي أسأل سؤال محيرني ومخلي طعم النجاح مر في بقي: هل النجاح بيمحي الظلم؟ دلوقتي بعد ما بقيت "البشمهندس" والكل عايز يقرب ويتمسح في نجاحي، أنا جوايا جفاء وبرود ناحيتهم زي الحديد اللي بشتغل فيه. أهلي اللي ظلموني وقهروني سنين، دلوقتي مستنيين مني "بر وحنية" وجميل، وأنا مش شايف ليهم أي جميل عليا غير الوجع. محتاج رأيكم في 3 حاجات فاتحين في قلبي نار: هل من حق الأهل يطالبوا بـ "ثمن" نجاح هما أصلاً حاولوا يهدوه؟ إزاي أتعامل مع "نظرة الاستغلال" اللي شايفها في عينيهم دلوقتي بعد ما بقى ليا منصب وفلوس؟ هل أنا إنسان سيء لو قررت أعيش نجاحي "لوحدي" وأكتفي بصلة رحم رسمية جداً عشان أحمي اللي فاضل من أعصابي؟ أنا في صراع بين "البشمهندس " اللي المفروض يكون قدوة، وبين "عبدالله الإنسان" اللي مش قادر ينسى اللي حصله.

السلام عليكم، أنا راجل متجوز جديد بقالى 3 شهور، ومراتي فيها كل الصفات الكويسة: متدينة، أخلاقها عالية، فيها حياء، وجميلة ومربية كويس جدًا. جوازنا كان صالونات، وأنا وقتها كنت مسافر ومكنتش مركز قوي في الشكل، خصوصًا إن المقابلات كانت قليلة جدًا بسبب طبيعة أهلها المتشىددة وعدم وجود كلام كتير أو تواصل زي أنظمة المدن. المشىكلة دلوقتي بعد الجواز إن طولها قصير حوالي 140 سم، وجسمها نحيف جدًا ووزنها حوالي 45 كيلو، وأنا طولي 177 سم، وده عامل عندي ضيق نفسي كبير ومخليني مش مرتاح في الجواز. بقيت حاسس بعدم تقبل للمظهر بالشكل ده، وبدأت أفكر بجد في الطلاق قبل ما يحصل حمل أو أي ارتباط أكتر، مع إن ده هيتم مع حفظ حقوقها كاملة. أنا مدرك إن ده خلق ربنا ومش ذنبها، لكن الإحساس بالرفىض والضيق مسيطر عليا ومأثر على حياتي، وبقيت حاسس إني عايش في الجواز بالعىافية. مش عارف أتصرف إزاي… هل أحاول أتأقىلم وأكمل؟ ولا الطىلاق ممكن يكون الحل؟ وجزاكم الله خير.

كنت من فتره حكيت مشاكل حصلتلي ف حياتي ومن ضمنها إني كنت مرتبطه بشخص وللأسف خلاني اخسر أغلى حاجه عندي وكل إللي بيقوله عيشي حياتك لحد م نشوف حل وعمال يرتبط وعايش حياتهولا كأن فيه حد تاني حياته باظت دلوقتي أنا بيتقدملي عرسان وبرفض ف لو فكرت أوافق ف يوم اعمل ايه أنا مبحبش اخبي ف المفروض احكي وهو وقتها يكون ليه الحريه يوافق أو يرفض صح؟ معظم إللي بيتقدمولي معجبين بيا وشايفين إني شخص كويس ومحترم وحقيقي دي أكتر حاجه بتزعلني على نفسي إن الناس كلها تحلف ب أدبي أنا اروح اعمل كده مش قادره أسامح نفسي بجد

عايز اروح حفلة بابلو من ورا اهلي انا من طنطا واشتريت التيكت وهروح مع صاحبي في اسكندرية وكليتي في اسيوط ١٢ ساعه سفر وهضيع امتحان ميد السبت+ ده من الفلوس اللي بيصرفوا بيها عليا+خايف يعرفوا حاجة زي كدا وابقى خنت ثفتهم +وفي نفس الوقت الحفلة ده بالذات مش هتتكرر عارف ان الاغاني حرام بالمناسبة انا حافظ لكتاب الله 🙂

يا بنات بجد محتاجة اطلع اللى جوايا واسمع رايكم فى موقف حطنى فى صراع بين عقلى وقلبى من حوالى 5 سنين دخل حياتى شخص كان هو كل دنيتى كبرنا مع بعض وعشنا تفاصيل مكنتش اتخيل انها تخلص فى يوم بس للاسف الشخص ده فى وقت ما عمل مشكلة كبيرة اوى مشكلة دمرتنى نفسيا وكسرت فيا حتة كان صعب اوى ارممها وبعدها كل واحد فينا راح فى طريق دلوقتى وبعد كل السنين دى لقيته راجع بيحاول يوصل لى بكل الطرق الممكنة بيحاول يفتح كلام وبيظهر فى كل حتة وعامل مجهود رهيب عشان بس ارد عليه وانا واقفة بعيد تماما مراقبة كل ده من بعيد فى صمت شايفة محاولاته ولهفته وشايفة ندمه بس المشكلة يا بنات ان رغم الوجع الكبير اللى سببهولى لقيت جوايا لسه فيه شوية حنية ناحيته والذكريات الحلوة اللى كانت بينا لسه بتطاردنى ولقيت لسه فيه احساس غريب مش قادرة انكره كانه خيط رفيع اوى لسه مربطنى بيه رغم كل اللى حصل انا بجد محتارة هل المحاولات والندم اللى شيفاه منه ده يشفع له ولا اللى بيكسر نفس بنت مبيتصلحش مهما عمل هل ادى فرصة تانية واصدق انه اتغير عشان الذكريات اللى بينا ولا كرامتى وسلامى النفسى اهم وافضل مراقبة من بعيد لحد ما يمل ويمشى قولولى لو انتم مكانى هتعملوا ايه بجد محتاجة رايكم ونصيحتكم

ربنا كان عارف قد اي انت كنت ناوي تضحي علشانه... فشاله من حياتك ربنا كان عارف انك هتخسر نفسك علشانه... فشاله من حياتك... يمكن انت شايفها خسارة.. لكن ربك شايفها حماية.. ربنا كان عارف قد اي انت كنت ناوي تضحي علشانه... فشاله من حياتك ربنا كان عارف انك هتخسر نفسك علشانه... فشاله من حياتك... يمكن انت شايفها خسارة... لكن ربك شايفها حماية

حابه افضفض بحاجة هنا وحد يدينى حل او يهون عليا فى اللى انا فى كنت بكلم واحد من على السوشيال ميديا وحبيته واتعلقت بى كنت اعرفه من 3 سنين كل فترة كنا بنتكلم وحد فينا يسيب التانى بس هو كان بيسيب اكتر اكتشفت ان انا اضحك عليا فعلاً وكان كله كلام وكدب انا عارفه دلوقتي انه خلاص وهو مش بيحبنى بعد خناقات ومشاكل كده كتير و حوارات وقالى انه بيحب حبى لى وانه لسه بيحب حبيبته القديمة وبتاع بنات وانه مينفعنيش وكده المهم انا دلوقتي مش قادرة انساه وكل فترة بفتكرو وبعيط وبزعل اوى انا عارفه انه شخص مؤذى وميستاهلش حبى ولا دمعتى بس انا بجد مش قادرة اتخطاه بقالى شهر ونص يعتبر سايبين بعض بعد ما قولتله ان متقدملى عريس وقالى ربنا يسعدك وقالى ان حبيبته القديمة ماتت وبيروح لدكتور نفسى انا طبعاً مش مصدقه اوى الكلام ده بس استوعبت أخيراً ان كل ده كان بيلعب بيا وبمشاعرى يعنى وشوية كلام ووعود كله كان كدب انا دلوقتي مش قادرة امسك نفسى بجد تعبانه جدا من جوايا وكل لما اقول انى فوقت خلاص وان انا تمام برجع تانى احنله وافتكر ذكريات معاه ومواقف وكلام كان فى ايام حلوة والحقيقة هو وحشنى جدا وخايفه اروح ابعتله بس ده مستحيل مينفعش يحصل اصلا لانى خسرت كرامتى اكتر من مرة معاه تعبت ومبقتش عارفه اعمل ايه محدش يقولى اتلهى فى حاجة او اشغلى وقتك لانى شغلت وقتى كتير اوى وحالياً انا بفتكرو وانا بذاكر وعندى امتحان ومنهاره ونفسى اسمع صوته او اشوفه لانه عامل بلوك من كله معادا الفيس بس الصورة مش واضحه خايفه أضعف زى كل مرة لما يبعتلى وارجع تانى فى نفس القرف انا عاوزه بس مينفعش مش عارفه حد هيفهمنى ولا ايه بس فى صراع بين قلبى وعقلى بس كل اللى اعرفه دلوقتي ان اضحك عليا وانا حبيت واتعلقت وكنت فى وهم وبحاول انساه واركز مع نفسى مش قادرة مش شايفه غيره فى احلى منه واحسن منه واشطر بس هو بس اللى فى دماغى

جَحَدَت عَيناكَ زَكِيَّ دَمي أَكَذلِكَ خَدُّكَ يَجحَدُهُ قَد عَزَّ شُهودي إِذ رَمَتا فَأَشَرتُ لِخَدِّكَ أُشهِدُهُ وَهَمَمتُ بِجيدِكِ أَشرَكُهُ فَأَبى وَاِستَكبَرَ أَصيَدُهُ وَهَزَزتُ قَوامَكَ أَعطِفُهُ فَنَبا وَتَمَنَّعَ أَملَدُهُ سَبَبٌ لِرِضاكَ أُمَهِّدُهُ ما بالُ الخَصرِ يُعَقِّدُهُ بَيني في الحُبِّ وَبَينَكَ ما لا يَقدِرُ واشٍ يُفسِدُهُ

من حوالي 7 شهور كننا رايحين البلد ل جدي واحنا قاعدين ف بيت عيله بس اخويا الصغير رفض يجي معانا وقال هقعد من ابن عمي وعمي كان هيوصلنا بالعربيه بتاعتو ف المهم واحنا راكبين اتريق عليا روحت قولت اي حجه عشان مروحش معاهم واقعد ف البيت اتفاجئ ان اخويا الصغير بيعيط تحت ف الشقه عندنا بسألو مالك بيقولي مرات عمي ضربتني ونزلتني المهم انا اتعصبت وطلعتلها قالت عايز اي ي فلان علي اخويا ب ضيق قولتلها انا مش فلان انا اخوه ي عيله وسخه بعدها هي فتحت واتخانقنا بصوت عالي وشتمتني وشتمتها بعدها كلمت عمي قالتلو ابن اخوك الوس/خ شتمني وصوتو كان عالي عليا روحت قايلها انتي اللي بنت ستين وس/خه راحت قعدت تشتم وانا اشتم ولحد الان في مشاكل وعايزين اعتذرلها وانا رافض وانا شايف اني مش غلطان لان دايما هما بيجو علينا وابويا مش بيتكلم عشان ميخسرش اخوه وانا تعبت هل انا غلطان ولا هي اللي بدأت وعصبتني معلومه (دي اول مره اشتمها واشد معاها كد لان الولد كان لوحدو ف الشقه وبيعيط ي عيني) واسف لو طولت عليكو بس الحوار لحد الان شاغلني

في شتاء ٢٠٠٢ الجميل نزلت روحت زي اي طفل العب بلي في الشارع فا وانا بنطر البليه إذ افاجئ انها رشقت في عين ابله فتحيه الي شغاله في الصبانه وفجأه بدون اي مبررات لاقيت ابله فتحيه بتتحول لكوره بلي كبيره وبتجري ورانا انا وصاحبي عايزه تهرسنا قعدنا نجري ونجري ونجري قابلت ابويا قالي مالك يبني خايف ليه كده قولتله ابله فتحيه ولسه بكمل لاقيت ابويا قام خلع وشه وطلع هو ابله فتحيه قالتلي انت فاكر اني مش هعرف امسكك قولت ما بديهاش بقي تعالي مفعل تقنيه تفه مايكل جاكسون روحت تفيت عليها بعدها الابله اتحرقت في سلام ومن ساعتها وانا بصارع الاكتئاب

بما ان مجال شغلى فى الاسنان وبما ان الحرام كتير اوى فى المهنة دى زى قلة التعقيم وقلة الضمير انا عاوز اقول ان اكتر من 80% من العيادات مفيهاش تعقييم يرضى ربنا وبما ان الفرص مش كتير فللاسف دا المتاح والواحد مبقاش عارف ينزل الشغل ويقلل الحرام الى بيحصل،بس مش هيمنعه طبعا لان مفيش امكانيات ولا منزلش اصلا واسيب الدكاترة تعبث فى الناس

لو مش عاوز اعمل فرع المفروض فى اول يوم تعارف اقول دا ولا لا لان البنات بيشوفوا ان دا red flag وانى كدا شخص صعب جدا وبتاع ودى مش حقيقة انا بس بغير فالمفروض اول يوم اقول ولا بعد كذا مرة ابدا اعرض وجهة نظرى؟

سهرانين ليه طيب حد بيكلمكو عمالين تتخنقو فلمود انتو بطلعو النجتف انرجي علي بعض ليه طيب يا شباب احنا كلنا عندنا مشاكل هموم طيب انا مخوق اجي اتخنق معاكو بجد خلونا نساعد بعض عارف انو كلام بس فحيتكو مش طيبين خليكو هنا حلوين بجد واسف لو حد اضيق مني

صباح الخير جميعا. انا مسيحى وعندى مشكله وهيا انى متاكد من دينى ولكن انا بحب بنت مسلمه وعايز اتجوزها وفى نفس الوقت انا لو بقيت مسلم مش هيكون معايا أهل ولا فلوس ولا اى حاجة غير العار اللى هيبقى لاهلى ف انا مش عارف اعمل اية ساعدوني بالله عليكم

فى حد متقدملى وهو أقل منى علميا بس انسان طموح ومسئول انا خايفه اقبل واندم بعدين فى ناس كتيرة اتقدمت أعلى علميا واجتماعيا بس رفضت لان مرتحتش وكمان هتكون فى محافظة تانيه وانا حابة فكرة أن معيش فى القرية بس خايفة شوية من الغربة انا دكتورة وهو دبلوم مش بقارن والله بس خايفه من نفسي بعدين بقول لو انا وهو لوحدنا ومش حاطة كلام الناس فى بالى هختاره وبقول هو لو مكنش عنده صفات معينه زي مكان سكنة وطموحة مكنتش هوافق عليه انا فيا صراع جوايا مش فاهماه لسه مقعدتش معاه رؤية شرعيه بس دماغى مش بتفصل 😭