السلام عليكم، أنا راجل متجوز جديد بقالى 3 شهور، ومراتي فيها كل الصفات الكويسة: متدينة، أخلاقها عالية، فيها حياء، وجميلة ومربية كويس جدًا. جوازنا كان صالونات، وأنا وقتها كنت مسافر ومكنتش مركز قوي في الشكل، خصوصًا إن المقابلات كانت قليلة جدًا بسبب طبيعة أهلها المتشىددة وعدم وجود كلام كتير أو تواصل زي أنظمة المدن. المشىكلة دلوقتي بعد الجواز إن طولها قصير حوالي 140 سم، وجسمها نحيف جدًا ووزنها حوالي 45 كيلو، وأنا طولي 177 سم، وده عامل عندي ضيق نفسي كبير ومخليني مش مرتاح في الجواز. بقيت حاسس بعدم تقبل للمظهر بالشكل ده، وبدأت أفكر بجد في الطلاق قبل ما يحصل حمل أو أي ارتباط أكتر، مع إن ده هيتم مع حفظ حقوقها كاملة. أنا مدرك إن ده خلق ربنا ومش ذنبها، لكن الإحساس بالرفىض والضيق مسيطر عليا ومأثر على حياتي، وبقيت حاسس إني عايش في الجواز بالعىافية. مش عارف أتصرف إزاي… هل أحاول أتأقىلم وأكمل؟ ولا الطىلاق ممكن يكون الحل؟ وجزاكم الله خير.
وهو حضرتك لسه جاي تكتشف الكلام دا بعد الجواز كانت مستخبيه وقت الخطوبه و مش شايفها انت عرفتها و تقبلتها و اتجوزتها ع كدا اي حاجه تانيه مبررات لو جاي تكتشف دا دلوقتي ف حضرتك عندك مشكله يا صاحبي متزعلش مني استمتع بحياتك و بزوجتك انت بتقولي فيها مميزات كتير حلوه و متربيه و بنت ناس يعني صفات بقت موجوده قليل ف الزمن دا عيش حياتك و احتويها انت مش لاعب باسكت ولا الطول ولا الجسم عمره كان عائق ف حاجات جوهريه و الجوهر موجود و كويس ف احمد ربنا ع النعمه اللي ف ايدك و ربنا يسعدكم يارب ❤️
بص هو ممكن انت حاسس بكد لما مركز بمعنى قبل متركز ففرق طول قبل جواز الى هو بمعنى تانى قبل متفصصها حته حته فانت ممكن لو رفعها م عاجبك تشجعها وتعملوا اكل بتحبوه سوا وكد وساعتها هتبقا كسبت نفسك وكسبت زوجه صالحه بقربك منها حاول تقربلها هتحبوا بعض هتنسى كل حاجه وتفتكر انك بتشقى عشان ترجع بيت تشوف ضحكتها
ياعم حرام عليك بجد و لو على أنها نحيفة لو كلت براحتها شوية هتملى انما كده يبقى حرام عليك و هتدمرها على الفاضي بدون ذنب منها...ياعم انا مش عارف اتجوز بسبب اني مش لاقي بنت كويسة و فيه حياء و تعرف ربنا...و انت متجوز واحدة كده و عايز تسيبها عشان محتاجة تتخن شوية؟ حرام عليك بجد
يعن منا اطول منه ومقولتش كده عادي لو انت جدع اوي كده روح اتجوز
يصاحبي هي قصيرة وجسمها قليل انت احتويها ف حضنك 🤷🏻
عامة انت مش غلطان. من حقك انك تبقا متقبلها وعجباك وغلط كبير ان اهلها كانو مش بيخلوك تشوفها كتير او كدا بالنسبة ل تتصرف ازاي. الاحسن تفكر ب جدية قبل ميحصل حمل فعلا وممكن تتكلم معاها وتصارحها وتدي نفسك شوية وقت تفكر
باصيها لاخوك