منذ 3 ساعاتيشعر بـ مكسور القلب
هو ليه دايمًا المفروض الراجل يبقا القوي اللي بيسمع وبيشيل وبيسكت ومبيشتكيش ولازم هو اللي يسمع الست ويتحمل كل الضغوط وف نفس الوقت لو فضفض حتى لو متقالتش بس صورته بتتهز وبتقل قيمته ف هل دا المفروض فعلًا؟ ليه الراجل مينفعش يشتكي من الضغط اللي عليه طيب داخل ليه العلاقة من الأساس لما هتبقا حمل زيادة عليه طب ما الواح يعيش لوحده أحسن لأن من الحاجات الأساسية اللي الواحد بيتجود عشانها الراحة النفسية أصلًا فلو دي مش موجودة ليه يتغرم كل دا واللي هيقولي لأ لو بنت سوية مثلا أو علاقة صح عادي يشكي أحب اقول حتى لو دا ا تقال ف دا مش صح والنظرة ليه هتختلف بردو
هو ده مش الطبيعي بس الواقع هو اللي بيصورلنا كده بس ده مش الطبيعي هو بشر وحقه يحكي ويتسمع وده ميقللش من رجولته ابداً
دي مش علاقة طبيعيه العلاقه بتبقى راحه وأمان وإن الاتنين يسمعوا لبعض ومهما الطرف التاني يقول يبقى مطمن وهو بيتكلم وإنه مش هيقل في نظر شريكه أو إنه مش هيرتاح بعد الكلام غير كده أعتقد ملهاش لازمه العلاقات
احنا بشر مش ملايكة.. يعنى اية ؟ يعنى الضعف فينا موجود وهيفضل موجود حتى لو معترفناش بيه حلو كدة ؟ نقطة تانية بقى اللى بيخاف يشوف ضعفك (اللى هى حقيقتك) فـ هو ميستاهلش يكون فى حياتك اساسًا مش إنه يكون صاحبك او شريك حياتك ! لإن الناس دى مش بتعترف غير بالمثالية الزايدة… ودول إنت هتتمنى الأرض تتشق وتبلعك ولا انك تكلمهم ثانية واحدة 😄