قوة

To Strawberry_7892 Dont worry u r not alone syd hada mtkhafich mno psk mchi rajl w la9tat hado mydaroch w mydir walo ghi yhdar w m3ndo mydir psk mchi rajl any way mtkhafich w ida kchma sra 9oly l ay wahk kbir f familtak alh ghalb lmohim be careful at yourself and ur famillyand dont worry kayn rabi w asta9way lsl mtkhfi mnach fi ghaba

تابعت مع ثرابت مواضع مكنش سهل ومكنتش عارفه انام ولا اروحروسي كنت بصدق لما انام ساعه مكنتش حاسه بسعاده حتي الحاجات الي كانت بتبسطني كانت بالنسبة لي عادي طعم الأكل مكنتش بحس يطعمه ده لواكلت يعني بس كانت نقطة تحول في حياتي وبقيت اقوي

انا بقالي هنا علي الابلكيشين ٢٤ ساعة بس وشوفت كمية مشاكل واوجاع بتقابلنا كلنا ملهاش عدد فده يخليني اسأل سؤال ملح اوي لما معظمنا كلنا عندنا مشاكل وصعوبات بتواجهنا اومال مين الناس السوية في حياتنا اللي بنشوفها قدامنا يوميا اللي ديما بيدعو المثالية والنزاهة والقوة ؟ ولا دول مجرد ناس مصطنعة وبس ؟

أوقات محتاجين نوقف شويه ونسمع نفسنا منضغطش ع قلبنا كتير وسيب لنفسك فرصة ترتاح الهدوء ساعات أحسن علاج لأي وجع خد نفس عميق وسيب الدنيا تمشي شوية وسيب الهم بعيد عنك الراحة مش ضعف دي قوة للروح والعقل ساعات كل اللي محتاجه إنك تكون لوحدك وتسمع قلبك متستعجلش في كل حاجة الدنيا مش هتهرب منك ابتسم لنفسك حتى لو الدنيا ضيقه أوقات الانسحاب المؤقت بيخليك ترجع أقوى حب نفسك شوية عشان تقدر تحب غيرك بعد كده وامسك في الناس الكويسه والناس اللي بتسندك وتخليهم حواليك دايما وتبعد عن المزيفين او اللي القرب منهم بدون فايده …

الواحد محتاج كل فتره والتانيه يفوق نفسه عشان يفهم ان مش كل حاجه بنتمناها هي الخير لينا ..الدنيا مش دايماً هتبقي بتضحكلنا بالعكس اوقات لازم تكسر فينا عشان نقوي ونعدي اه بقيت صعبه وبوخت؟ طب ايه المشكله هنفضل حاطين ادينا علي خدنا ونتفرج ولا نقوم ونرتب حالنا ودماغنا؟!.. في جمله قريتها حلوه اوي بتقول "كلٌ منَّا مُبتلى في شيء.. لم تصفو الحياة لأحد ..فاللهم أعن كل ذي وجعٍ على وجعه.".. حقيقي مفيش حد خالي من الابتلاءات الضحكه الي بتطلع بتبقي مخبيه وراها معاناه وتعب والله ف لو هتتمنوا حاجه فالفتره دي فأتمنوا ان ربنا يكفينا شر الدنيا وانفسنا ويرزقنا القناعه والقوه والصبر وينور بصريتنا وطريقنا 🖤

نوبات الهلع يمكن مدتها دقايق بس تاثيرها تقيل جدا بتحس فيها انك بتضيع ان نفسك بيتسحب منك وان كل حاجة حواليك بقت مرعبة فجأة احساس صعب اوصفه ومش بتمناه حتى للي بكرهه اصعب وقت بيبقى لما تحصل وانت برة وسط الناس ومحدش حاسس بيك ولا فاهم انت بتمر بايه بتحاول تتمسك باي حاجة تركز في تفاصيل حواليك تشرب مية تكلم حد يطمنك والحمد لله بتمر وربنا دايما بيسترها بس لحظاتها موجعة جدا النوبات دي بتعلمك قد اي الانسان ممكن يكون ضعيف وقد اي محتاج الامان حتى لو من جواه وبتخليك تحس بكل حد مر بنفس التجربة لان الوجع ده مش سهل بس رغم كل ده احنا بنقوم تاني وبنعدي وده في حد ذاته قوة يمكن مش باين بس احنا بنحارب كل مرة وبننجو يارب يريح قلوبنا ويطمن صدورنا ويبعد عننا الخوف والتعب ويجبر بخاطر كل حد بيمر بالاحساس ده ويكتب لنا راحة بال حقيقية نعيشها مش بس نحلم بيها 🤍

الناس فاكرة حياتي كانت سهله عشان بس قولت اني بكون مبسوط وانا وحدي لكن هي كانت عبارة عن كوارث من سجن ظلم لعلاقة استمرت سنين وفشلت وحجات كتير جات ورا بعض لكن بعد دا كله مش هقول وقفت من جديد لأني بفضل الله موقعتش أصلا في أسود لحظات حياتي كنت بضحك واقول ربنا هيحلها وبتتحل فعلا عاوز اقولكم اني شوفت حجات مينفعش اسميها الا معجزات من تدبير ربنا في حياتي والحجات اللي بفتكرها مصايب يطلع الخير كله فيها والدعوات اللي متحققتش اكتشف انها كانت مصايب ربنا صرفها عني عشان كدا لو الدنيا بتطربق حواليا قلبي مش بيتهز لحظة أنا كنت بشوف في السجن رجالة بشنبات جايين في مشاكل تافهه بيعيطوا وانا اللي كان ممكن مخرجش تاني اصلا كنت بضحك من كل قلبي وحاسس ان الناس كلها محبوسه وانا طاير في السما بتفرج عليهم لدرجة اني بعد ما خرجت بحاول اوصل لنفس المستوى دا من الفرحه مش عارف 😂 الصدمات الكتير كسبت منها قوة مش طبيعية مش بتأثر بأي حاجه ورغم كدا محافظ على قلبي لين بفضل الله مش بقسى ولا بتعصب وبعرف اتحكم في غضبي كويس جدا