مش عارفه اقول اي او ابدأ منين بس هحاول اقول الفكره اتمنى تكملوا البوست للاخر البنات اكتر حاجه هتفهم بل بمر بيه انا عند21 بابا اتوفى وانا داخله تالته ابتدائي وكان عنده colon cancer قعد خمس سنين وتمن شهور مريض ومات بعدها يعني يعتبر معشتش معاه اي لحظات الموضوع ده عاملي تروما جامد بمعنى ان بقيت خايفه موت ان اقرب من حد او اصحاب او اتعامل مع حد واخد عليه ويسبني ويمشي حتى ماما واخواتي ديما بفكر ف قدام لو حد حصله حاجه بعد الشر او دنيا باعدتنا عن بعض الهوا من الأخر (تروما من الفقد) جيت وانا ف اعدادي بنتين قربوا مني وكنا اخوات حرفيا لحد اولى ثانوي كنا متعلقين ببعض لدرجه محدش متخيلها وكل ناس عارفه اننا مرتبطين ببعض بطريقه وكل ناس عارفه ده وكانوا مسمينا الثلاث المرح واي حد يمشي لوحده كانو يسألو التنين عليه وبيوتنا كانت جمب بعض ف ديما عند بعض ..المهم ان هما بعدوا ف تانيه ثانوي بسبب ان واحده اتجوزت وتانيه سابتني بتدريج وصاحبة ناس تانيه ده عملي تروما تانيه وعزمت ان مش هقرب من حد خالص حتى ف كليه لحد دلوقتي مقربتش من حد .ومش صاحبه وعنديش حد قريب مني خالص عايشه ف عالم لوحدي تمام لحد كده. وانا ف ثانوي كان ف حد معجب بيا وحاول يكلمني كذا مره وانا عملت بلوك كنت شايله الفكره لحد م ف لحظه حسيت ان معجبه بس قفلت الموضوع برضوا قولت مش هتكلم خوفت برضو ان اقرب او كده . المهم الكلام ده من اولى ثانوي لحد تالته وانا كنت بصده جينا وانا ف اولى كليه كلمني عامله اي وبتاع ودخلتي كلية اي وكده ورديت ضعفت وكنا انا هوا مغتربين مش نفس كليه بس نفس المخافظه واحنا الاتنين كليات طبيه عموما . المهم بقى كل حبه يدخل يسال عليا ع قد سلام ومحيط الدراسه كنت برد رد محدود جه مره اعترف ليا وانا ضعفت مقولتش ان بحبه بس اتعاملت بحدود ومره ع مره ضعفت وكنت خايفه بس جه وقت وثقت فيه جدا وكملت جه وقت وبعد عني الاسباب شخصيه عنده (مرض نفسي عنده ) تقبلت بس دخلت ف حاله انهيار حرفيا عشان كنت خايفه اصلا ووثقت فيه بس كنت متفهمه ان مش ذنبوا بعد كده رجع وقعدنا نبعد ونرجع لحد ٢٠ تلاته ده وكنت كل مره بدمر عشان اتعلقت بيه موت هوا كان صاحب والحبيب وكل حاجه وهتقولولي كنت بترجعي ليه هقولكوا عشان هوا بيبعد عشان حالته ومش عايز يظلمني..بس اخر مره دي بعدنا ومرجعناش وقالي نبقى غرب وبعد بطريقه سيئه انا كلمه مدمره قليله انا عندي كميه خوف رهيبه وتروما زادت عندي ومش عارفه اتعامل مع الانا فيه انا بحبوا اوي بجد مش عارفه اعمل ايه وتقريبا خلاص كده بس انا متكسره من جوايا وعندنا ظرف ف البيت مدمرني انا مش ببطل عياط وبقى عندي خوف من كل الناس ومش بتكام مع حد للعلم انا ف كليه واخده سكن وقاعده ف اوضه سنجل وتقريبا هيحصلي حاجه من كتر تفكير والخوف وكل حاجه حاولت اختصر بس اختصرتلكوا حالتي بس هيا اكبر من كده العنده حل يقولي للعلم انا كلمته من فتره عشان كنت منهاره بعتله مسجات كتير شافها ومردش خاف عليا ان يرد واتعلق اكتر وهوا بيعمل كده عشان انساه مش عايز يظلمني ومش ضامن نفسه وحالته كل م بتسوء ف خايف عليا منه عشان كده بيبعدني فاهمين؟