ابتعاد قصص حقيقية - 26 تجارب، ونصائح، ودعم

انا دفعة بكالوريا اولى ثانوي يعني مبنزلش المدرسة غير في ايام امتحانات الشهر و بس و امتحانات آخر السنه بمعنى لما بنزل المدرسة برجع مودي الي فعدت اظبط فيه شهور مقلوب مقلوب من الحاجات الي مش راضية عنها و بتجنبها قدر الامكان زي الاختلاط واظهار الزينة من البنات الي بيتقطموا في الكلام و عاملين فيها جورجينا و الولاد الي منحذبين ليهم يعني حاجه تقرف و قرف المهم انا برجع مودي وحش و كان ليا صديقة بقالها معايا اربع سنين و كانت صحبتي جدا بعد ما كان اصلا مش عندي صحاب لاني مش سهل اتقبل حد بسرعة و قطعت ما صديقة ليا زمان و هى عارفه السبب جت صحبتي ديتحكيلي عن حاجات متخصنيش و مشاكل بين اهلها و ناس تانية يعني ملهاش علاقة بيها اصلا و اطلب مني ان الموضوع ده ميتحكيش و الموضوع اصلا ملوش اي حل او نصيحة من نحيتي يبقى انا مليش لازمة اسمع و كل كلامها طاقة سلبية و برجع من المدرسة مخنوقة بحكم عدم نزولي المدرسة و هى اهلها بينزلوها كل يوم و هى اهلها قافلين عليها مش زي اهلي سايبين ليا مساحه بحكم عدم نزولي بقى هى بدات تصاحب ناس انا مش بطيقها و هى عارفه ده و كمان قالتلي انا مش بطيقهم انا كمان و كانت مفهماني ده مع العلم انا مكنتش بقول عليهم كلام وحش معاها و هى الي كانت تفتح كلام و بتاع عنهم و من هذا الفبيل لما انا بعدت عنها بقى لاحظت اكتر من مره تجاهلها ليا و عند البنت الي انا بكرها و هى عارفه ده لانه حاشرة نفسها و خلاص و كانت الاول تزعل لما تلاحظ اني اضايقت من وجودها مع اني والله بكون ماسكه نفسي قدر الامكان انها موجودة و مش حابه اقول كلام يجرحها لاني عارفه انه حرام و هتتردلي المهم هى عارفه اني مش قابله و جودها و استغلت فرصة اني مش بروح المدرسة و ان هى صحبتي لوحدها و بقت شايفه ان ليها الاحقية من التعامل معاها بالمناسبة انا شخصية مبتحبش الرغي و الشخصيات الضعيفة و الخنيفة و الي دايرتها محدودة مبحبش ادخل في تفاصيل متخصنيش مبحبش الطرف الثاني يشوف اهتمامي ليه حق مكتسب المهم انا شخصية ايجابية مبحبش الخنقة و المكد و العياط و صحبتي دي كلها كده دايما شكاية و دايما شايفاني مرتاحة و انها شايفة اني معنديش مشاكل رغم ان قعدتي معاها كلها عن مشاكلها التافهه الي هى شايفة انها تستحق كل ده و هى المشكلة مش بتسيب ليا فرصة انكلم حتى لما بدات خلاص مش قادرة اسمع اي طاقة سلبية تاني و بطلت اتصل (وقت ما اكون محتاجه اكلمها مش عشان شايفه انه من حقها ) وقت ما بدات اصدها و انصحها و اقولها بس اهلك ليهم مزايا وقت ما بدات اتكلم انا و بطلت اكون مستمعه بس و ماكنش رغاية في ال لا شيئ على الفلضي و انا شخصية دماغي كبيرة جدا بدات انها تبعد و تطنش و تصاحب الي م بطيقهم و هى عارفه ده و للاسف الحركة دي حصلت اول ما صاحبتها انا صاحبتها بسبب اني كنت قعدت جمبها و كانت مضايقة مني فالاول و عايزك صحبتها واحده واحده بدات تصاحبني لما صحبتها و الي هو طبيعي راحت قعدت جمب ناس تانية و بعدت عنها و هى شايفة صحبتي يعني ان هى مش من حقها تعنل كده و مطنشاها و تتجاهلها يعني هو هو نفس الموقف الي بيحصل معايا حاليا و انا مش فارق معايا قربها لكن انا شايفة اني مش لعبة في ايدها و مش مادة تسلية و مش عايزة اروح اسالها سبب تطنيشها ليا لاني مش حابه ابين انها فارقة معايا لانه اصلا محصلش و شكرا

أنا اتعرفت على حد في جروب وأنا لسه داخلة أولى جامعة، كنت بسأل على حاجة تبع الجامعة، وهو كان في قسم وأنا في قسم تاني، ودخل يساعدني. من ساعتها بقينا بنتكلم، وكان صديق كويس جدًا بجد، دايمًا سند وداعم، وشخص ملتزم وبيصلي وقريب من ربنا. ما كناش بنتكلم كل يوم، بس ما كانش بيعدي يومين غير لما نسأل على بعض ونطمن على أخبارنا في الجامعة في أول سنة كنت شايفاه عادي جدًا، لكن لما دخلت تانية بدأت أحس بمشاعر مش عارفة أحددها: هل إعجاب؟ حب؟ ولا تعوّد وعدّت تانية زي أولى بالظبط تقريبًا. لما دخلت تالتة، بدأنا نتغير شوية. أنا كان بيجيلي عرسان، وكنت ساعات بنشغل في الجامعه، فكنت أحيانًا ما بسألش عليه، وهو كمان بقى أقل في السؤال وكذا مرة كان بيلمح إننا اتغيرنا، وكنت بوافقه إن فعلاً الكلام والسؤال مبقوش زي الأول مع العلم إني ولا مرة اتخطبت بس مجرد عرسان بتيجي فجأة لقيته بيحكي لي عن بنت معاه في القسم، وإنه معجب بيها وبدأوا يتكلموا أول ما عرفت، قلت له إني لازم أبعد، عشان إحنا كنا أصدقاء ودلوقتي في طرف تالت، وأنا ما بحبش أكون في الوضع ده. هو حاول يقنعني إن ده مجرد إعجاب وإنه متلخبط، لكن الوضع فضل زي ما هو، وكلامنا قل عن الأول. جوايا كان في إحساس غريب، مش عارفة هو انكسار ولا مجرد زعل. امبارح بليل كنت منزلة ستوري، دخل كلمني وسأل عليا، وقال إنه عايز ياخد رأيي في موضوع. وفجأة لقيته بيسألني في مشكلة تخصه هو والبنت دي، لأنه راح اتقدم لها وأهلها وافقوا، وكانوا متفقين على قراءة الفاتحة بعد العيد، لكن في مشاكل بينهم دلوقتي. أنا نصحته باللي يرضي ربنا، وقلت له يصبر ويكون داعم ليها لو هو فعلًا بيحبها. بس في نفس الوقت، اتضايقت وزعلت. وقلت له إننا ما ينفعش نتكلم تاني، عشان ما يفهمش إني بعاتبه أو غيرانة. هو حاول كتير إننا نفضل زي ما إحنا من غير ما نقطع تمام، بس أنا رفضت، وقلت له إن ده أناني ومينفعش. رغم كده، وأنا بتكلم حاولت أكون هادية وكلامي لين، حتى لو هو ما كانش لين معايا. دلوقتي أنا مخنوقة ومش عارفة: اللي عملته ده صح ولا لا؟ وأفترض أتصرف إزاي بعد كده؟