انا اتسبت فجأه بدون اسباب قبل الخطوبه بيومين ومكنش فيه بنا اي مشاكل وكنا كويسين جدا واول ما اتقدم كان قالي انه بيحبني من زمان وكان طاير بيا حرفيا ومزعلنيش مره لحد يوم ما اختفى كدا فجأه اختفى ومقالش ولا كلمه وعمل بلوك وخلى باباه هو اللي يكلم بابا وينهي معاه وسابني اتجنن بدماغي ومحدش اعتذر الا باباه وبعدها مامته واخته بيقابلوني يلفوا وشهم الناحيه التانيه وكأني انا اللي اذيت ابنهم تعبوا نفسيتي جدا جدا وراحوا خطبوله بعدها بشهر بس يجماعه واحده هما اللي مختارينها له ولا راعوا حتى احساسي وبيقبلوني يبصولي كأني انا الطرف السئ ف الروايه ومحسوش بالذنب خالص !!! ومن وقتها وانا حياتي متدمره ونفسيتي تعبانه حتى مبقاش عندي ثقه ف نفسي ولا قادره افتح الباب لحد جديد وهو مكمل حياته عادي وبيجهز الشقه اللي اخترناها و خلاص قرب يتجوز وحياته ماشيه وانا اللي حياتي واقفه عدى سنه وانا لسه مأذيه وحياتي وقفه لحد ما بقيت اشك ان فعلا المشكله فيا انا اصل ازاي يأذيني ويعيش مبسوط وانا اللي افضل تعبانه كدا بجد !
اكيد في حاجه حلوه ربنا شايلها ليكي لأن ربنا ليه حكمه في كل حاجه وعسي أن تكرهوا شيء وهو خير لكم يا حبيبتي
اكيد خير ليكى صدقينى ممكن يكون وراه بلاوى وربنا نجدك منه اتخطيه وكملى حياتك عادى زى مهو عمل
أول حاجة عايز أقولها انتي مش مجنونة، ومش أوفر ومش غلطانة اللي حصلك يوجع أي حد، وطبيعي جدًا تفضلي سنة موجوعة وتايهة اللي عمله ده اسمه خذلان وقلة أصل. واحد يقول بحبك من زمان، وبعدين يختفي فجأة ويعمل بلوك ويخلي أهله يكلموا أهلك ينهوا كل حاجة؟ ده مش راجل ومش شارى. ده واحد كان بيهرب من المواجهة وإنتي دلوقتي شايفة نفسك الطرف السيء عشان أهله قلبوا عليكي وعشان هو كمل حياته وخطب. بس الحقيقة؟ انتي الطرف اللي اتغدر بيه. انتي اللي اتسابت من غير كلمة، واتشالت بلوك، واتحطت في خانة الغلطانة وهي معملتش حاجة. هو خطب بعد شهر؟ صدقيني ده أكبر دليل إن ربنا نجّاكي. ده واحد مبيعرفش يحب بجد. تخيلي لو كنتوا كملتوا واتجوزتوا وعمل الحركة دي؟ الوجع كان هيبقى 100 ضعف. فكرة إنك بتشكي في نفسك وبتقولي "أكيد العيب فيا" دي أوسخ حاجة عملها فيكي. هو اللي هز ثقتك بنفسك لما مشي من غير سبب. بس أنا بقولك: العيب مش فيكي. انتي ..!!
يعني هو عاش حياته واحسن كمان من اللي كان متخيلها فا انتي موقفه حياتك عشان ايه لا بجد والله عشان ايه؟؟ الحياه مبتقفش علي حد حتي لو شخص مهم في حياتنا توفاه الله بردو مبنقفش بعد ما بندفنه بنرجع بيتنا ننام وناكل وتشتغل يعني موقفتش اهيه فا انتي طول ما هتفضلي باصه في حياته ومش بتتحركي من مكانك فا هتفضلي زي ما انتي وبعدين انتي معملتيش حاجه تخليكي تفقدي الثقه في نفسك لا بالعكس المفروض اصلا توريلهم انك عايشه حياتك احسن من وهو كان فيها لاكن مش تبيني قد ايه اتكسرتي بعد ما سابك أنا عارفه أن ده خزلان كبير جداا بس انتي قدها وقومي واقفي علي رجلك وانزلي شغلك وعيشي حياتك احسن منه هو واهله اثبتي العكس لنفسك وبس متتغيريش وتطوري عشان تثبتي ده لحد تاني
معلش يقلبى هوا ابن أمه بس ودلدول بيسمع كلام أخته وهما مش طيقينك شكلهم وهوا مشى وراهم ف انتى ربنا نجدك م ااحوازة دى لأن كنتى هتلاقيهم مدخلين ف كل حاجة ف حياتك
انتي معملتيش حاجه عشان تتضايقي بجد وهو اللي خسرك مش انتي اللي خسرتيه ايا كان هو سابك ليه طالما انتي مغلطتيش ومعملتيش حاجه غلط وهو اصلا جبان انه يواجهك ف كويس انه بعد الحمدلله انهم كلهم بانوا ع حقيقتهم هو وامه واخته واحمدي ربنا انك مدخلتيش وسطهم وربنا هيرزقك بالاحسن منه ان شاء الله ❤️
وعسى ان تكرهو شئ وهو خيرا لكم