هي دي حقيقه الحياه يا صاحبي حب الناس ليك عابر بس حب ربنا ليك اكبر من اي حاجه صلح علاقتك بربنا وكل حاجه هتبقي كويسه

انا اديلي اكتر من تلت سنين في نفس الدوامة بس كل ما كنت اخف ارجع اوسخ من الاول ثانيا حاول تبطل ادمان هيساعدك بشكل كبير جدا الهرمونات اللي بتتفرز في المخ الادمان بيأثر على جزء كبير منها جلد الذات بسبب الادمان والصراع اللي موجود سبب كبير جدا من الوسواس والاكتئاب ابدأ بتبطيل الادمان فيه سلسلة للدكتور عماد رشاد اسمها فهم التعافي هتفيدك جدا وربنا يشفيك

يا ليمون انا لو اقدر اجيلك اخدك من ايدك واطلعك السلم سلم سلم هاجي بس انا عندي امتحانات الاتنين وانا كنت ذييك واوحش كمان مش بعلي عليك طبعا بس عشان اقولك إني كنت هناك الجامعة انزلها وقت ما يبقى متوفر إنك تنزل انا منزل بوست إني همسح الابليكشن بس عشانك لسه ممسحتهوش إنت ليك قيمة عشان انت بنى أدم بغض النظر عن افعالك قيمتنا بتيجي من بشريتنا مش من افعالنا الافعال ممكن تزود القيمة او تقللها بس متخليهاش صفر يبطل وعشان انت شخص قيم لازم اقطع من وقتي عشان حتى لو هتستفيد منى بكلمة اهو تقدر تطلع بيها من اللي انت فيه افكارك كذبها طول الوقت وعشان كدا في اربع خطوات تقدر تعملها عشان تتخلص من الافكار دي اول حاجة تسمي الافكار بمعنى تقول جايلي فكرة إني مش هخش الجنة بعيد قيمها هل هيا فكرة وسواسة او لا ثالثا اعتبر دماغك دي سما والفكرة الوسواسية دي سحابة ماشية فيها متقعدش تترعب من فكرة إن هتخش النار او غيره كدا انت بتتفاعل مع الفكرة ودا هيزودها رابعا إعادة التركيز يعني ترجع تركز على الحاجات اللي في ايدك. فيه حاجة اسمها اليقظة الذهنية تقدر تتعلمها هتفيدك انت تستاهل وتستاهل وتستاهل انت اخويا

حبيبي ييطل بإذن الله بعد فترة تقدر تتعافى وتكمل حياتك وانت قدها وقدود فيه غيرك كتير قدروا وانت تقدر بس حاول وردد في نفسك انا هبقى كويس إن شاء الله خالط الناس واصحابك واسمع ماتشات وكدا

قريت حديث شيدنا طلحة طيب قريت الاثر اللي فيه ابليس من كتر رحمة ربنا هيبقى عايز هو يخش الجنة ربنا يبعدك عن النار بس مش كلنا هنتعذب لحسن الحظ اللي قتل 100 نفس وعشان تاب وبين توبته إن هو كان عايز يهاجر من الارض اللي فيها الظلم ربنا تاب عليه ودخل الجنة ذنوبك اكيد مش أكتر وحتى لو سول لك الشيطان والوسواس العكس بالعكس الجنة تدخلها اسهل ما تدخل النار بكتير صلي صلواتك صوم صيامك طيعا الشهادة تحليل الحلال وتحريم الحرام واجتناب الكبائر دا نص الحديث بتاع الرسول عليه الصلاة والسلام وهتدخل الجنة بيهم ربنا يعينك

والله انا فاهمك انا من اكتر اسباب قلقي إن ربنا مهما عملت هيعذبني والناس اللي ماتوا دول اكيد بيتعذبوا وحاجات كتير اوي سعادتك بس فيه حاجة استفدت منها جدا الافكار اللي في دماغك دي مجرد افكار هل هيا حقيقة لا مينفعش نحصر الله عزوجل في تفكيرنا الله اكبر واعز واجل من كدا بكتير هل لما ييجلي احساس إني هموت هل كدا هموت فعلا هل لما ييجيلي وسواس بالعذاب هل كدا هاتعذب فعلا هل لما يجيلي وسواس إن صلاتي مش مقبولة او وضوێي غير صحيح هل هو فعلا صحيح اول حاجة تعملها إنك تعرف الوسواس دا كذاب اشر كذوب ولما تتابع سلسلة دكتور مثني العطار هتعرف قيمة اللي بقولك عليه ياريت ياريت ياريت تخش دلوقتي وتسمع اول فيديو وكل يوم تسمع فيديو هتستفيد هتستفيد هتستفيد وربنا يشفيك ويعافيك

انا مش عايز اعيش بسبب اللي انا فيه ، و مش عايز اموت عشان مش اقابل ربنا و يعذبني

بص الكلمة دي ابويا كان بيقولهالي وانا في عز تعبي وانا مش قادر اقوم من السرير وبعيط من لاشئ بيقولي انا عندي استعداد اسفرك العالم كله عشان تتعالج بس محدش هيطلعك من الدوامة دي غير انت انا هادفع فلوس وهاقف جنبك بس برضه انت عليك الحمل الأكبر وانا بقولك كدا مش عشان مش متعاطف معاك انا كنت في حالات اسوأ من حالاتك بكتير قعدت اربع ايام مش بنام من كتر الخوف والوسواس والقلق ودا حصل مرتين مش مرة واحدة بس استعين بالله وقوم عندك كلية انزلها اصحابك فيه ماتش بيلعبوا روح صلي صلواتك انزل على. القهوة كان مفيش حاجة مع ادويتك وتبطيلك للادمان هتتحسن شوية مفيش زرار هتدس عليه هيطلعك من اللي انت فيه دا رحلة ولازم تسلكها ولما تتعافي هتعرف قيمتها ربنا يعينك ويوفقك وانت قدها وقدود يبطل اخر حاجة للأسف انت بتحاول تلاقي عذر لكل حل بيتقدملك بحجة جربت كل حاجة ومنفعتش ولو جربت تاني هفشل إذا كنت انت حكمت عليها بالفشل فمينفعش اقعد مع نفسك وقول هبقى كويس انا كنت بعيط واقول انا هبقى كويس إن شاء الله فلا تيأس ومتلاقيش مبررات إنك متمشيش في طريق بحجة إنك جربته قبل كدا وفشل او جربت اللي احسن منةوفشل دماغك لا

انا حاسس اني سرقت حق ناس كتير من الفقراء و المرضي و الخائفين و اليتامي ، لمجرد اني عايش حياة آدمية ، انا حاسس ان كل حاجة في حياتي انا سرقتها ، حتي ابويا و امي سرقتهم

انت ليه محمل نفسك شعور إنك تغير العالم كفاية عليك نفسك اي عالم من العلماء في الدين بالذات لو قولتله انت بتتلعم ليه هيقولك عشان نفسي وارفع الجهل عنها بعدين ممكن يعلم الناس بس لما يتعلم فكرك إنك المفروض تبقى من العظماء المئة وإنك دلوقتي فاشل محققتش حاجة دي فجوة كبيرة جدا لوحدها تسبب اكتئاب اصلا مين قالك إن العظماء المئة دول عظماء اصلا دول يتصدرهم سيدنا محمد وهو عظيم بس اي حد. كافر منهم التراب اللي بتمشي عليه انت احسن من مليون واحد ذيه لما تبقى صغير بتبقى عايز تغير العالم تكبر تبقى عايز تغير اللي حواليك تنضج تبقى كفاية تغير نفسك انا كنت ذيك كدا شايف نفسي محمد الفاتح الجديد وهبقى رئيس. واعمل واعمل واسوي بس في الاخر بين دايرة القلق والاكتئاب والوسواس لما عرفت إن كفاية عليا نفسي اتحسنت شوية ادام ما بصلي بصوم بحاول اذكر ربنا بحاول اصل رحمي كدا ابقى تمام المعيار بتاعنا الاسلام جيه راجل لسيدنا محمد عليه الصلاة والسلام وكان من اهل نجد ودا حديث رواه سيدنا طلحة بن عبيد الله روح شوفه وشوف تفسيره بدأت ابطل ادمان وللاسف انا في طب والضغط بيزود القلق والاكتئاب بس بحاول اتعامل كفايةعليك نف

انا مش مستني ، انا واحد استنزفت يوم عن التاني لحد ما بقاش فيه حته سليمه من كتر ما حاول و فشل ، مفيش حاجه كويسه ابني عليها اصلا

طيب فيه سلسلة للدكتور مثني العطار لعلاج الوسواس على اليوتيوب تابع السلسة واعمل التمارين كويس وهتلاقي تعاملك مع الواسواس دا اختلف

انا عامل زي اللي بيلعب في نادي كبير و مسمحوله يلعب لكن لا بيجيب جوان و لا بيكسب بطولات و بيضيع كتير ، بس متمسك باللعب لان مفيش طريق تاني

ياريت تشوف ثيرابي هيساعدك سواء بالادوية او العلاج المعرفي السلوكي انا كنت ذيك بس بدأت اتعافى شوية الحمد لله

الواقع اللي اقنعني ، انا انسان واقعي بقيسها بالعقل ، العقل بيقول مفيش فايده فعلا ، و ما منكم الا واردها ، انا بصلي و بصوم بس عمري ما هدخل الجنة

لاء يا اخي مفيش حد في الدنيا بيفشل كلنا بنفشل بس بنحاول تاني و ثلاث لحد ما ننجح وانت ماشاء الله لسه صغير عندك فرصة تغير اللي بوظته

مش عارف اعمل ايه ، انا من يوم ولادتي و انا مدمر ، و حاسس اني في وادي و باقي البشر في وادي ، مفيش تعاطف ، محدش احترام ليا ابدا ، انا محبوب لكن حب مشروط هش ، مفيش حد بيحبني لجوهري

برضو انا بفكر زيك كده بس مفقدتش الأمل في نفسي بحاول على قد ما اقدر حتى ولو بفشل دائما و رغم ضعفي و قلة حيلتي