متبصلهاش كده وفكك انا شايفه ان كل ده اوفر تالته زي اي سنة هتذاكر طبيعي وهتجيب مجموعك الي ربنا كاتبهولك سواء بالحرام او الحلال هو هو مجموعك هيفضل زي ما هو موضوع حياة الكبار انت دخلتها من زمان وانت اصلا الي بتقرر حياتك هتبقى مملة او سعيدة انت الي بترسم كل حاجه بنفسك عايز تنجح وتنبسط عليك بالقرب من الله والسعي فقط لا غير مش وقته خوف رعب توتر كل ده هبل في هبل هتدخل هتلاقي ان كل الناس دول كانوا هبل بيبيعوا وهم مكانوش بيذاكروا وميعرفوش يعنيزاي مذاكرة ويعيطوا بعد الامتحان ويقعدوا يقولوا ده صعب ومش عارف ايه مفيش حاجه صاعبة هتدخل الجامعه هتقول فين منهج تالته وانا اذاكرة اربع مرات

بجد السنه دي طلعت العادات اللي وحشه من تاني.... السنه حلوه على اللي عندهم صحاب وانا بالنسبالي سنه عبء على حياتي وكابوس وعايزاه يخلص في اسرع وقت مش في صعبوبة المنهج لأ دا بسبب التوتر اللي المدرسين حاطينو علينا والاهالي كمان اللي متعشمين في ابنهم ولا بنتهم يجيبو فوق 95٪ هو دا اللي متعب في السنه ولازم تباينيلهم انك بتذاكري طول السنه عشان متسمعيش كلام كده ولا كده

فكك فكك هتخلصيها عادي وهتزعلي انك خلصتيها

عمرها مكانت بعدد الساعات نت بس متراكمش اي حاجة عليك وخليك ماشي اول باول يعني اخدت تلت دروس النهاردة قبل م يجي بكرة تكون مخلص اللي عليك وقارء اللي عليك بكرة مش مهم حدد الساعات المهم انت حصلت اي ممكن يوم ياخد منك ساعة ويوم ياخد منك خمس ساعات بس اعمل اللي عليك وسيب الباقي علي ربنا ومتنساش صلاتك وادعي كتير وطالما عملت اللي عليك ايا يكن النتيجة متزعلكش وصحيح انت كدا خلاص بقيت كبير وتالتة ثانوي مش نهاية العالم ولا بدايتة بعد كدا معتش راحة ف استمتع بيها وربنا يوفقك

+متحسبش المذاكرة بعدد الساعات المذاكرة بتتحسب بالكمية يعني ممكن تخلص درس في ساعه وتحل عليه في نص تكون خلصت درس كامل بحل عليه في ساعة ونصف كله وشطارتك حاول تتاسس دلوقتي كويس عشان كل ما تتاسس كل ما هترتاح اكتر في تالته وهتوفر وقت

حياة الكبار ترحب بك🌹

محدش مهتم سييييم بس أنا عندي 17 معرفش ليه 🙂