حاولي تبدأي نحو دا اهم حاجة والبيغلبط و بعدها علي طول تحلي بلاغة كتير وادب تعرفي المدارس واهم حاجات فيها و القصة تعرفي بس الاحداث ماشية ازاي وتحفظي المهم والتعبير سهل عادي تعرفي شكله و تحفظي استشهادات و اخر فترة دربي نفسك علي حل امتحانات فيها تعبير وبابل شيت وهتعدي و هتلحقي ان شاء الله بس اعملي اللي عليكي الفترة دي وادعيلي معاكي

انا اسف بس اسئلتك دى نابعة من خوفك… من كتر التفكير الزايد وحجم الضغط اللى عليكى هتصيبى بالشلل المعرفى مفيش معلومة هتعرفى تستقبليها بسبب إنك مش مستقرة فكريًا انتى محتاجة تهدى وتحافظى على ثباتك وإتزانك حتى لو مذاكرتش حرف واحد… انتى عليكى السعى وبس ربنا قال (وليس للإنسان الا ماسعى) اما بقى اسئلة زى هل… ماذا لو.. ممكن مثلًا.. طيب افرض كذا كل ده هيضيعك وهيشتتك وهيضعف من عزيمتك حاوطى نفسك بـ ناس بتحب المذاكرة والمراجعة… وبكرة يوم النتيجة هتشكرى نفسك على إنك مستسلمتيش لدماغك

بصي افتحي النحو حتى لو هتكروتيه لو خدتي كل يوم فيد نص ولا ربع ساعه مش هيخسرك حاجه من هنا لحد يوم الامتحان وبردو فيه فيديوهات ل رضا الفاروق ومحمد صلاح اظن بتكون 10 ساعات ف الحدود دي لو خدتي منهم كل يوم نص ساعه هتلحقي جدا

بردو لو عايزه تضمني اكتر ابدأي حلي امتحان علطول دلوقتي وشوفي ايه اكتر حاجه بتغلطي فيها واحسبي درجاتك وشوفي اللي محتاجه تذاكريه بجد وهل هتلحقي ولا لا

لو عايزه تنجحي فيه بس ادخلي وإن شاء الله هتعدي لو عايزه درجه كويسه يبقى اجليه بس هو إن شاء الله يكون كويس هو القراءه والنصوص بيكونو كويسين بس بردو ذاكري النحو يعني حاولي خدي كل يوم جزء من النحو صغير وحلي قراءه ونصوص لحد يوم الامتحان وان شاء الله تنجحي وتجيبي مجموع حلو

ي حبيبتي اطمني مالا يُدرك كله لا يُترك كله أول حاجه هاتي ورقه وفرغي كل المشاعر اللي تعباكي الفتره دي انا عارفه ضغط وغصب عنك بس والله هتعدي وربنا هيكرمك اتعلقي بربنا أوي الفتره دي ظبطي مذاكرتك مابين كل صلاه والتانيه كل يوم ذاكري مادتين ع قد ماتقدري وشوفي طرق كويسه للمذاكرة علشان تكوني جمعتي معلومات ومضغطتيش ع عقلك ع الفاضي خلي الصلاه ع وقتها والأذكار والقرآن جزء اساسي وألا بذكر الله تطمئن القلوب اذكري الله كتير وابعدي عن أي يحبطك وعايزه أقولك انا في آخر ليله في العربي كنت لسه بذاكر حاجات انتي ركزي اول حاجه ع النحو وحاول تفهميه والباقي ان شاء الله هيعدي وحلي قطع وأسئله كتير دول اهم حاجه وإن شاء الله وربنا هيكرمك ويوم النتيجه بإذن الله هتبقي فرحانه ومتنسيش تحطي نيه قبل ماتذاكري وانوي انك مش هتغشي علشان ربنا يفتح عليكي ♥️

اعمل تأجيل مرضي وادخل في الدور التاني ومش هتنقص ويتحسبلك نفس الدرجات