انا مطلعتش بأصحاب من الكلية حتى اللي كنت فاكراهم وبقنع نفسي انهم صحابي لا علم ولا خبرة ولا صحاب ولا اي حاجة حرفيا بحاول احلي لقمتي حرفيا بس مفيش فايدة بحاول واعافر عشان احس اني عندي صحاب بس هما مش زيي ابدا ولا فاهمني ومش يستاهلوا حتى اعمل لهم حاجة بحاول واعافر في اني اعمل حاجة محترمة في المشروع واحس اني عملت اي حاجة بحاول واعافر اني اجري ورا الدكتور عشان يشغلني عملي بحاول واعافر عشان بس اخد حقي المسلوب مني مش مسامحة اي حد كان السبب في تعاستي بالشكل ده محاولاتي عشان احلي لقمتي مجرد وهم ومحدش بيحاول حتى يساعدني اقول عادي ممكن اتدرب مع الدكاترة بعد التخرج عادي مش لازم مشروع كويس عادي المهم نتخرج لا مش عادي مش عادي ابدا انا بجد غلطانة اني بحاول اكون لطيفة مع الناس او اخاف ازعلهم كل واحد عامل اللي يريحه حرفيا الا انا باجي على نفسي عشانهم نفسي اكون سعيدة بجد من غير ما اكون بضحك على نفسي او اهون عليها واحاول احلي لقمتي باي حاجة Is it too much to ask for? وقلقانة على نفسي واهلي وحاجتنا من ظروف الدنيا والثانوية العامة والظلم وكل حاجة صعبة في الدنيا ومش عارفة انتظم في الصلاة وانتكست كتير بعد رمضان نفسي اكون سعيدة بجد بدون خوف ولا قلق ولا كذب على نفسي