انا الحمدلله جميله لكن بقارن نفسي بالأبيض والبشرة الصافيه وادق التفاصيل اوقات لما اقارن نفسي بالاقل في نظري برتاح وبقول احمدي ربنا والحمدلله .. بس وقت كتير بيروح في المقارنه للأعلي ومش بس شكل كتعليم ومؤهل كشريك حياة بقارن كتير اوي ... هل انا هكون ماليه عين الشخص زي ما هو مالي عنيا وشايفاه أحلي واحد ؟ هل الرجاله بتفكر بنفس الطريقه وتكون اللي معاك ماليه عينك وقلبك ولا لا ؟؟ طيب انا نظري ضعيف درجة في عين ودرجة وربع قصر نظر ... هل دا سبب الراجل ممكن يسيبني عشانه ؟ منفعش اعمل ليزك .. هما في البيت قالول متتكلميش عشان انتي كويسه وانا بقولهم انا عيني كويسه ليه مقولش ماما رافضه ادخل بالنضارة دلوقتي خالص بس انا خايفه جدا وحاسه اني مش كفاية واني لازم اكون بيرفيكت ومعنديش لبس جديد وفترة دي معدتي كانت تاعباني باخد خمس ادوية علي مدار اليوم وباخد علاج لحبوب وشي .. وكنت ناوية اركب تقويم ومنفعش انا الحمدلله سناني كويسه هما بس فراغات بسيطه وفي سنتين مفقودين .. كنت هزرع وكدا في الفك العلوي بس حاليا كل حاجة وقفت خالص ... واهلي قالوا انتي مش محتاجه وضحكتي جميله بشهادة الكل والحمدلله ، بس انا طول الوقت في استريس ولما اشوف الاجمل بتحسر ع نفسي وبستغرب ان حد يغير مني او يحقد عليا في شيء لان انا داخليا علي الله بجد طيبة بغباء مش بعقل معطاءة اوي😅 حاسه الشاب أحلي مني وكل شوية هو اعجب بيا ع اي اي وديما عندي احساس بالنقص وتوتر رهيب وطول الوقت خايفه من نظرة الناس مش عارفه انا مش مبسوطه خالص بنفسي ومش مستعدة خالص والله وكنت راسمه اني لازم اكون خالية من اي عيوب دي وكنت ببدأ اعالجها وكنت اظن انها سبب ان محدش بيتقدملي ولما ربنا فتح الباب دماغي وقفت وحاسه اني مش قادرة افرح زي البنات واللي بيكون عندهم ثقه في نفسهم جبارة اعمل اي بجد انصحوني ساعدوني حاسه اني محتاسه ومش قادرة اتصرف وعايزة اهرب وحاسه اني مش كفاية واني مش مستعده اصلا لخطوبة ولا فكرة الجواز لوحدها رعباني وان جسد مش ملكي وان حد يشوفه مخاوف من جميع الجهات واحلامي تخوف وكخلفه وكل الحاجات دي كلاكيع وكل حاجة داخله في بعضها غير تفكيري في شيفت كارير والشغل وقاعده البيت جايبالي اكتئاب مافيش حاجة ظابطه خالص كل خطط باظت واحلام عماله تتهرس مرة ولا مرة حاسه بالعجز والفشل مبقتش عايزة اثبت حاجة لحد قد ما بقي كل اللي فارق معايا انا بجد نفسي ابطل اكون تايهه نفسي ابقي عارفه انا مين
اقولك حاجه بجد لو بصيتي لنفسك هتلاقي أن بشره بيضه مش مناسبه مع ملامحك خلاص وي هتلقي البشره القمحيه مديلك جمال أضعاف بجد وي حاجه كمان بلاش تقارني نفسك بجد انتي جميله وي هتفضلي جميله بلاش شيطان يضحك عليكي وي بعدين جمال كله في لون قمحي بيجمع مبين بيض وي سمر حاجه حلوه كدا
مهو انتي مهما كان مستواكي فدايما في مستوى اعلى
محتاجة تبطلى تدققي فى نفسك وتبصي اكتر ع حياتك وميزاتك بدل مانتى عمالة تدورى فى عيوب وع فكرة طول مانتى مش راضية باللى انتى فيه دلوقتي الزمن كفيل ياخد منك اللى مش عاجبك دا، وساعتها هتتحسري برضو اى دا دنا كنت حلوة فمستحيل ترضي انصحك تشوفي فيلم substance ، هتفهمي النقطة دى السعر وراء الكمال لعنة
انا مبسوط انى نزلت توهيل عشان اشوف بوست زى دا للاسف عالمنا مريض بقينا مهووسين بحاجات تافهة تحسسنا ان فينا نقص ولو فكرتي فيها كل دى حاجات مش بايدك؟ فليه الزعل؟ وعقلك برضو بيضحك عليكي بشكل غريب مين دا اللى مش هيحبك عشان نظرك ضعيف ولا سنانك مالها، الولاد بتحب اصلا البنات اللى بنضاره اعتقد انتى ناقصك بس كلام حلو، وهو دا اللى بيزود الثقة فى النفس ودا اللى انتى قولتيه عن البنات عندهم ثقة فى نفسهم غريبة، حتي لو هم مش حلوين، بس بسبب عالاقل حلوين فى نظر اللى بيحبوهم، فبالتالى مش مهم ابقى حلو فى نظر كل الناس حتي الرسول نفسه مكانش كدا، انتى هتبقى؟
دايما حسسي نفسك إنك كويسه و اقتنعي و ارضي بكدا مادام طبعا ف الصح و مفيش حاجه حرام أو كدا متحاوليش تفكري كتير و أوفر ثينك و بتاع علشان فعلا هتجهدي نفسك كدا
حتى لو كان فيكي ايه حسسي نفسك انك كويسه وقولي لنفسك انك كويسه طالما مش بتعملي حاجه غلط في حياتك فأنتي اكيد كويسه وزي الفل متفكريش كتير في أي حاجه تضايقك أو تقارني نفسك بحد واللى هيحبك هيحبك بكل حاجه فيكي عادي بلاش تبصي لنفسك نظره قليله خليكي دائما شايفه نفسك كويسه حتى لو كان فيكي ايه
ثقي فى نفسك إنتى زي الفل ❤️ هو أكيد طالما جالك حد وعاوزك فهو إنتى عجباه وهو مبسوط بيكي خلي عندك حب وثقة لنفسك