هو الموضوع لو من باب الفضول يفضل انك تقولي لحد كبير عادي عشان لو جربتيها لوحدك ممكن تدمنيها و والله ادمانها مش سهل خالص خاااالللصص و مش بتموت لا دي بتعذبك لغايت ما بصي تموتي وانت حية و تتمني الموت كل شوية ف لو عايزة تجربي من باب الفضول ممكن تقولي لحد كبير انك عايزة تجربي و ممكن يخليكي تجربي و عامة هي شكل بس انما ك مزاج ف القهوة احلى

لو من باب انك تهدي نفسك واعصابك ف هي ملهاش فايده غير ان بتحرقي صدرك وخلاص ، لو من باب الفضول شوفي حد بيشرب من أهلك وخديها من وراه واشربي ف حمام او حته مفتوحه عشان الريحه مش تلزق فيكي

بعيد أنه الموضوع هيبقي وحش في الاول هيسبب الادمن و مش لذيذ خلاص و بيخلي واحد يتعصب و بنسبه 100% هيجيب مشاكل في رئيه و مش بعيد يجيب كانسر و بردك بياثر علي حمل و رضاعه فا صدقيني كل الي فيها نفسو يبطلها لانه بتخليك مش قادر تكمل يومك من غيرها يعني لو افترضنا انك قعدتي في بيت منزلتيش طول يوم مش هتبقي طايقه المكان و بتتخانقي مع كل الي في بيت و حاجه منتهي الكره الذات اثريتي بردك و كبرتي دماغك من الموضوع ده فا مش عارف ايه حلها الصراحه أو تروح لي مين أو هيحصل ايه لو جبتي علبه علي اسم ابوكي ولا بابا مش مدخن

كلنا فينا غلطات وكلنا جربنا حاجات مكنش المفروض نجربها بس مستورين ولولا ستر ربنا مكنش زماننا بنبص فى وش بعض من كتر الفضايح كلامى مش تشجيع على الغلط الفُضول شيئ جميل وسامى وبيخليكى تعيشى تجارب جديدة حتى لو لوحدك.. المشكلة مش هنا المشكلة إننا بنحس فايتنا حاجة مهمة اوى لو مجربناش (مع إن ده مش حقيقى) ده إحساس وهمى استغلى فضولك فى الإتجاة الصح فى تجارب تنعش روحك وتحسى بالمتعة واللذة (بدون ضرر عليكى) فيه قبلك كان عندهم نفس الدافع (الفضول للتجربة لأول مرة بس) وفيه منهم اللى راح فى سكة الإدمان ومعرفش يرجع منها (فلوس وطاقة ضاعت فالأرض) مش بحذرك ولا بخوّفك بس بقولك اللى قبلك كانوا فين ووصلوا لفين…. وكانوا بيقولوا (دى مرة واحدة بس)

ابقي اشتري شوية حجات وكيسة سوداء ودي وسطهم ولا ابقي خد مني

بعيدا عن التنظير، بس هقولك شويه حاجات هتخليكي تقرفي منها .. ريحه نفسك 24 ساعه وحشه جدا، وريحتك انتي شخصيا هتبقي طول اليوم مدخنه، ثانيا هتبقي ادمان لأنك بتاخدي نيكوتين خارجي، جسمك هيبطل يفرزه فا بعد كده دماغك هتصدع من غيرها وهتبقي محتجاها زيها زي الدوا .. ثالثا هتضيع انوثتك اصلا، لأن في حاجات في مجتمعنا مبتنفعش للبنات بصراحه، عشان صدقيني انا شخصيا بشرب سجاير وراجل اهوه واوقات كتير بحس الناس مش طيقاني ولا طايقه دخانها

انا طول عمري بشرب فيب ومن حوالي شهر شربت سجاير وبطلت من اسبوع ورجعت للفيب تاني والله يبنتي ملهاش اي لزمه رغم اني كنت بشرب مرلبورو وكنت بين فتره والتانيه بشرب سيجار دافيدوف بس السجاير دي في الهوا ملهاش لزمه تجربيها

قولا واحدا ومن الاخر السجاير حرام والسبب في إنها حرام حتى لو لمرة واحدة او على سبيل التجربة بيتلخص في نقطتين الاسلام بيحرم كل حاجة بتسبب ضرر لجسم الإنسان، والنبي عليه السلام قال "لا ضرر ولا ضرار" والسجائر من أول نفس بتدخل سموم للجسم ثانيا التجربة هي الباب الأول والأساسي للوقوع في الإدمان، والقاعدة الفقهية بتقول "ما أدى إلى الحرام فهو حرام" وسد الذرائع واجب و صدقيني ممكن تقولي هوقف و متوقفيش و السجاير فعليا سبب ل جميع انواع السرطانات لدرجة انها فعليا اتمنعت في دول اجنبيه من شدة ضررها ربنا يحفظك ويعافيكي انا فاهمه فضولك بس ابعدي عن التجربه دي افضل

هو أي الهبل اللي الناس كاتباه ده المفروض إنكم تنصحوها مش تشجعوها ع حاجه غلط حبيبتي السجاير مضره بالصحه وحاجه ملهاش لازمه وكمان حرام فانتي استعيذي بالله من الشيطان الرجيم وابعدي وادعي ربنا يشيل عنك الفكره دي علشان دي حاجه غلط

جربتها و انا صغيرة الحمدلله

انا وانا رايح اجيب جمبك مكس شكولاته

بما ان محافظتك صغيرة اكيد بتركبي تاكسي اشتري سجارة من عمو و هو بيوصلك