مش عارفه بس حاسة اني مش تمام هو مش برود بس توهان يمكن توهان ف العموم بقا شخصيا عمليا علميا كلو كلو انا شخصيا مش تمام عشان تبقي علاقتي بأي حد تبقي كويسة , بس الفكرة ان محدش يعرف اني مش تمام بس انا مش تمام خالص انا حقيقي مبقتش عارفه اتعامل مع حد كلو بقي سطحي مسطحة الكل انا كده مرتاحة صراحة بس بقع ف حتة الاحكام كلو بيحكم عليا و علي شخصيتي بدون علم اهلي مثلا عارفني ب اني دايما عصبية مش كويسة و دبش صحابي فاكرني تافهة هبلة اي حاجة م القبيل ده بس انا مش كده عامة انا بس مش ببين زعلي لحد ولا بدخل حد ف مشاكلي و حتي لما بحكي مشاكلي ليهم او افضفض بحكي ب كروتة او اي كلام عشان مبحبش اصعب علي حد او شفقة أو الجو ده ، بس انا بسمعهم كويس اوي بس انا بقيت مش بعرف اتعاطف مع حد كتعبيرات مثلا اللي هو ك كلام مش بعرف اعبر عن تعاطفي مع حد او مش بأفور ف ده كنت باخد اشواجندا من فترة كبيرة كده ف كنت باردة جدا و جافة ف تعاملي ف زي متقولو منفرة او كده بس انا كنت مرتاحة جدا و مش مضايقة بالعكس كان عاجبني الجو ده لأن انا عندي حساسية مفرطة و بزعل و بحط و اشيل ف نفسي بس حتي امي مثلا مكنتش سايباني ف حالي و متعمدة تضايقني حتي فكراني مبحسش و انتي ليه بقيتي باردة كده و نظراتك ليا حتي جافة و تقولي ايه كل الجفا اللي بتاعمليني بيه كده انتي بقيتي جاحدة انا كنت بزعل ساعتها عادي بس كنت اقولها خلصتي كلامك و امشي و اسيبها انا بقيت بتعامل كده حاليا نوعا ما بعد م بطلت الاشواجندا عشان تعبتني شوية عايزة ارجعلها بس انا مبقاش عندي طاقة ولا قابلية للتعامل او للعتاب او اي حاجة جايبة حوار انا بتجنب اي حد و اس تعامل او اختلاط و انا مش فحالة كويسة بس محدش حاسس باللي انا فيه و انا مبتكلمش و محدش بيسأل بس عامة محدش يعرف انا فيا ايه انا حتي لو معيطة و خرجت برا الاوضة غصب عني هي مبتحسش بيا ولا عمرها بتفهمني بالعكس انا لما بكون كده بحسها بتتعمد تضايقني و تقسي عليا و انا مش ف حمل بس هي دايرة مش مفهومة معاها بذات لأني مش بعرف احل مشاكلي عامة او اتعامل كتير مع حد ف عشان احنا قدام بعض كل يوم ف بيحصل بينا حوارات كتير بس انا بعدي هي بتاخدها علي خاطرها و تزعل و بتاع مبقتش اعرف اعبر عن مشاعري بشكل غبي بجد و بعبر عن زعلي او مشاعري دي بطلعها ك طاقة او كده و بسمع اغاني عشان اشغل نفسي او اخد وقتي ف زعلي افك شوية عن نفسي بس هي مبتسيبنيش بقا مركزة معايا و انتي الاغاني بقت ف دمك و كل شوية اغاني و بتزود عليا و تضايقني اكتر بقيت مكتومة و مكبوتة بشكل غبي انا حتي مش بعرف اعيط بسهولة تعبت منها و من كلامها و تصرفاتها و ان هي بتتعمد تشيلني ذنبها اني بزعلها و كده و انا مش ف حمل انا مقصرة ف كل حاجة حتي حق نفسي انا عارفة بس انا مش تمام لازم كل شوية حاجة تنزلني لتحت باجي اكتب هنا و خلاص كلام بفرغو عشان هنا بقا يعتبر السيف سبيس الوحيدة حاليا عندي اني احكي فيها مش عايزة حد يقرا او كده , يعني مش عايزة اطول علي حد و كده بس شكرا للي يقرا عامة