ضغط نفسي

السلام عليكم كيف نتعامل مع زملاء العمل المستفزيين يعني كنت داىما اتجاهل تلميحاتهم وهمزات ولمزاتهم لكن حاسة راح انفجر من وقاحتهم وسميتهم وكلامهم الجارح يعني كنت داىما اطنش واتجاهل لكن ما عدتش نطيق

انا ليه بجد واجب عليا 24 ساعة اتعامل كويس مع كل الناس سواء صحابي اخد من نومي علشان اقعد اسمعهم بيحكوا عن مشاكلهم و استحمل المعاملة الوحشة في البيت كا نوع من انواع البر و اتعامل كويس مع صحابي برغم ان اي حد بيكون مضايق او متعصب بيطلع عصبيته عليا انا لان انا لو زعلت او اضايقت مش ببين وبتعامل عادي و بقعد اشيل كل دا جوايا لحد لما بجيب اخري و بردو لما بجيب آخري دا بيكون اذى ليا بردو مش ليهم لأني مش بحب أذي حد ولا بحب اكون ذكرى وحشة في حياة حد انا بقيت بكره اي حد حواليا و بشوف التعامل مع البشر مجرد حاجه متعبه و مرهقه هتاخد من طاقتي و هتستنزفني لحد لما اجيب اخري

غريبة ازاي بحط كل طاقتي في حاجه مش قادره استحملها ومعرفش شايفه نفسي فيها ولا لا. بجتهد وانا مش عارفه هوصل لفين ومعرفش دا اللي انا عايزاه ولا لا. عايزه اعمل اللي عليا طالما دا مكاني بس برضو في ضغط نفسي رهيب، ومحدش يقولي هتتعودي عشان هو هيزيد مع الوقت مش هيقل حتى لو اتعودت

انا مخنوقة بطريقة مش طبيعية بسبب البيت انا رايحة تالتة ثانوي كنت ناوية الاجازة دي اني اخرج وابسط نفسي على اد ما اقدر بس هما مفيش خروج مفيش نت مفيش نوم (عايزين اقوم من بدري غالبا هقوم ابيع لبن) مفيش اي حاجه يجدعان تعبت بجد طول عمري عندي مشاكل معاهم (بالذات مع ماما) بس الفترة دي كتير عليا والله جوايا كلام كتير لو قلت ليهم نصه بس والله هتكرش من البيت 😂 انتي واخدة الاجازة تعملي اكل وتروقي (انا بعمل والله ومعنديش مشكلة بالعكس كنت بقول لماما اقعدي انتي وانا هعمل انتي اللي بتعملي كل حاجة طول الدراسة وبتاع بس فكرة اني لو قصرت) ولو قصرت يوم بقى القيامة تقوم حرفيا انتو مهملين انتو مش بتعملوا اللي عليكوا عشان احنا نعملكوا حاجة ايه اللي عليهم الاكل والشرب انما انتو عليكوا تعملوا الاكل وتروقوا تقوموا بالشقة كلها ونتضف مكانهم اقسم بالله مفيش حد منهم بيعمل اي حاجه بيوسخوا بس ولو احنا معنلناش الدنيا تقوم متقعدش يرموا كلام زي السم بجد ولا بيهتموا باللي ادامهم ده عامل ازاي اصلا ولو رديت انت كده فجرت بقى كل تفكيري اخرج برا البيت حرفيا مش عارفة اروح فين بس امشي كويس ان احنا عايشين معاهم في البيت اصلا الفكرة انهم مكانوش كده (خالص بجد ممكن كنت انا وماما في خناقات علطول بس حاليا مع بابا) لما اخواتي كانوا رايحين ثانوية عامة لازم يبقوا كويسين نفسيا قبل السنة كنا بنخرج وبنتفسح ونروح مصيف حتى دي مش موافقين لازم قبل ما يدخلوا وبعد ما يطلعوا من السنة نطلع مصيف او نخرج على الاقل بقالي اكتر من شهر واخدة الاجازة مخرجناش ولا مرة وانا نفسيتي بتتأثر بسرعة بجد محدش مهتم محدش عارف حاجة محدش بيسأل بقيت واصلة لمرحلة صعبة بجد حرفيا كنت واقفة اروق المطبخ دلوقتي اخويا مش بيحلاله الاكل غير دلوقتي (كنا الساعة تلاتة بليل 😂) مش قادرة ادوس على رجلي من التعب بجد تعبانة جدا الفترة دي ومش بقولهم حاجة بقعد لقول بهزار كده بس حرفيا انا جسمي متدمر ادعولي ربنا يهون عليا

حاسس اني اتجننت، انا عايز اخبط دماغي في الحيط ولا اخد أي حاجة توقف دماغي ولا تفقدني الذاكرة مبقاش عارف انا مين ولا بعمل ايه الزفت الدوا مش بيعمل حاجة ومش بيهدي دماغي ومش بينمني وملوش أي تلاتين لازمة

انا دولقتي عندي مشكله بقيت عصبي جدا بس عصبي داخلي يعني ممكن من اقل كلمه اتعصب أقل موقف لدرجه اني بقيت اخاف من عصبيتي لو طلعت بكون هادي قدامك وممكن مره واحده اتعصب ده تخزين مواقف انا عارف فانا حاليا محتاج حاجه اطلع فيها الغضب بطريقة طبيعه فلو حد عنده افكار يقول

هحاول اختصر قصتى على اد مقدر انا بشتغل مهندسة فى شركه مقاولات وخبره بقالى ٤ سنين وانتقلت من ٩ شهور شركه جديدة واحده المفروض كانت صحبتى رشحتنى ودا كان رد جميله عملتهالها وانا مكنتش منتظره تردلى حاجه بس هى من نفسها اللى جت تقولى عايزة اردلك اى حاجه من اللى عملتها معاها وكدا وبدأت شغل اول السنه بدأت الاحظ ان فى شخص صاحب صاحب الشركه بيبات فيها ودا كان غريب اوى فى الاول رغااااى جدااا بطريقة محدش يتصورها وقاعد فى الشركه ٢٤ ساعه وبيتدخل فى كل اللى ميخصهوش وحصلت مشكله فى اول شهرين ليا معاه عشان ادخل فى حاجه متخصهوش وحطيت حدود لقيتهم عاملينلى اجتماع مغلق بيفهمونى ان مينفعش ازعله وامشيله كلامه وانى مش اده وكلام غريب اوى كدا ومن ساعتها بدأت المشاكل الكل بدأ يكرهنى ويبعد عنى حتى صحبتى دى خدت جنب منى ومش فاهمه ليه اصلاا بعدها انا خدت جنب من كل الناس بدأ يحصل مشاكل تانيه ويدخلونى فيها اخرهم ان كان فى حد جديد جاى وجه المحاسب يبلغنى بيه كدا قولتله بلغ مديرى يبلغنى بكل بساطه وهدوء والله وانا مكنتش ممانعه اغير مكانى لانى كرهت القعده جنبهم راح قايم ومزعقلى وقالى انا بقولك سيبي المكتب قولتله انا مش شغاله عندك بعدها طلع برا وكلم المدير تقريبا الكلام دا متسجل صوت وصوره فى الكاميرات يجماعه والله وحصل قدام كل الناس راح المدير لما جه اتفاجأت انه خد صف المحاسب وكدبنى ورحت طلبت شهاده بنت من المكان فى قسم الماركتنج لما رفضو يفرغو الكاميرات وجت البنت وقالت الحق واللى حصل لقيته بيقولى انه انا اللى استفزيته وهو كان بيبلغنى بحاجه من الادارة والموضوع رسي فى الاخر انهم قالولى هنجهزلك مكتب تانى واتنقل له ودا اللى حصل فعلا ومن ساعتها انا فى حالى جداا بس صعبانه عليا نفسي قدمت استقالتى راح المدير قالى اى الاسباب قولتله انا مش عايزة اكمل ومفيش اسباب اقولها لانى قولت لو اتكلمت هيطلعلى بحجه فارغه تغلطنى باى طريقة وبردو هتترفض استقالتى فقالى خلاص خلصى شغل المكتب اللى معاكى للمشروع اللى شغال وهنقعد تانى قعده نشوف الاسباب بعد منخلص قولتله طيب انا كنت خدت قرار انى ماشية فعلا فبلغت المدير التانى شريك فى الشركه فجه واتكلم معايا وكان بيحاول يصلح بصراحه وجاب المحاسب والمدير بتاعه واتصدمت من المحاسب انه بيقول انى عملت فيه افعال خلته يتجنبنى واخرها الموقف الاخير قولت انا عملت افعال اى قالى مش هتكلم وبتاع وسابنى ومشى والمدير دافع عنه باستماته وانى اكيد اللى غلطانه واستفزيته وبتاع انا والله مفيش مواقف تجمعنى بالمحاسب خالص من اول مبدأت شغل ولا حتى كلام جانبي قمت من القعده دى وانا بجد زعلانه اوى على نفسي واللى وصلتله وطبعا المدير لما عرف الشغل اللى مسكاه واللى هو اهم مشروع فى الشركه من كل جوانبه رفض وقالى لا خليكى وحاولى تتأقلمى مع زمايلك وكدا وخلاص لحد حتى اخر المشروع المهم انا بروح انترفيوهات بقالى فتره بس للاسف مفيش حاجه ظابطه معايا خالص لحد دلوقتى اتفاجأت النهاردة فى وسط اجتماع مهم مع ناس مهمه من المشروع زعقلى اوى بسبب غلطه والله مش بتاعتى والله لدرجه انى صعبت ع المهندس بتاع المالك مكنش ينفع ازعق يا جماعه انا مش ضعيفه بس مش هينفع اقل من مدير الشركه قدام الكل وكنت اقدر اعمل كدا ورجعت المكتب مكنش موجود جيت اتكلم مع مدير غيره عشان بس الفت نظره لحاجه لقيته بيقول فى مجمل الكلام لو مش عاجبك مع السلامه ونسيت اقولكو انه كان قال قبل كدا ان كل الناس عندها مشكله معايا كل الشركه انا اذياهم ولقيتهم بيعرفو مهندس بيا جديد جاى زيارة قالوله بشمهندسه فلانه من اشطر المهندسين اللى عندنا بس عندها مشكله فى التواصل مع الناس وعامله مشاكل معاهم انا عارفة انى قولت حجات كتير اوى بس من ضيقتى لانى سبت المكتب ومشيت النهاردة مقدرتش اكمل الشغل ونسيت كمان اقول انى تعبانه بقالى ٣ شهور بتعالج من الام فى القولون والمعده ومحدش عارف سببه اى بس من الضغط اللى محطوطه فيه انا يمكن بفضفض اكتر من كونى عايزة حل لانى كدا كدا هسيب الشركه حتى لو هقعد فى البيت بس انا مضايقة اوى وصعبانه عليا نفسي واول مره ابكى من ساعه ما اشتغلت فى الشركه دى

حاسه بالتعب ومعنديش الجرائه اخد بريك أو مش عارفه عايزه اخد بريك من حياتي ومن الناس ومن الشغل ومن البيت حتي جسمي وجعني وعايزه اخد منه من عقلي وأفكاري حرفياً ياريت كان اللي بنشوفه فالافلام وان الروح تسيب الجسم وتفضل هي موجوده دا كان حقيقي محدش شايفني ولا سامعني مش عارفه هل ليا الحق اقول كدا ولا لأ بس انا بعاني

انا شب مسيحي عندي مشكلة وحرفيا حياتي مدمرة اتمني لو حد يسمعني ونتكلم علي الاقل يسمعني انا نفسي اتكلم انا متعرض لضغط نفسي مش طبيعي وعندي مشاكل كتير بجد وحياتي مدمرة حرفيا انا اتقلي حجات توجع الميت والله العظيم

كان عليا عربي و قولت أن مراكمه نحو و قولت الباقي سهل انا معتمده علي المدرسين للي قالوا عليه الامتحان كان صعب والله صعب مش قصه مذاكره ولا لا صعب مش يتحل حتي القراءه صعبه تفهمه جيت ارجع شايفه الاجابات للي انا عملت غلط غلط مش قدرت اكمل حسيت أن خلاص قلبي هيوقف انا مش عارفه اعمل اي خلاص أما حرفيا فقدت الامل أن حتي اجيب 60/80 انا قولت أقل حاجه اقدر أنقص فيه 10 درجات انا قسم بالله مش قادره هموت

دماغي وجعني اوي عمري ما اتخيلت في يوم اني اوصل لي كدا اني كدا يعني نفسيتي انا كلي كدا في حياتي عمتا.. عمتا حاسه اني بقيت مريضه نفسيا دماغي فيها ميت صوت وكلهم ضدي ــــــــــــــــــــــــ

انا خايفة من الجواز، انا مرعوبة منه. لما كنت لسه بادرس كنت بارفض دلع اللي هو انا لسه صغيرة، دلوقتي لما يتقدم لي حد بادخل فترة صعبة جدا، ضغط وتفكير وحسابات واللي هو فعلا ما بابقاش عارفة اختاره ولا لأ فمن قبل ما اشوفه واقعد معاه بابقى تعبانة نفسيا!

الأجازة صعبة أوي بجد وانا مقضياها مع أهلي عبارة عن مشاكل و خناقات بس حرفيا و قيود بطريقة صعبة انا مبطلعش من اوضتي يعتبر ببدأ يومي لما هما بيناموا علشان أي حاجة بعملها بيتعلق عليها مش هنسى وقت لما نتيجتي ظهرت وانا كنت بحاول طول السنة أعمل الي اقدر عليه و زيادة علشان اجيب درجات كويسة و في الآخر يوم النتيجة ولا أكن في اي حاجة ولا اكني عملت حاجة ولا حد كان مهتم انه يجيبها زعلت اوي والله وانا تعبي كله كان علشان أرضيهم و أجيب مجموع يفتخروا بيه والله قبل ما يكون علشان نفسي بجد العيشة في البيت علطول صعبة انا عارفة حدودي و عندي مبادئ فا انا لو بقيت لوحدي هقدر عادي اتعايش من غير ما اعمل حاجة غلط فا ليه كل دا بجد و بتجنبهم بأني أفضل ف اوضتي 24 ساعة و دا بيخليني مش عارفة اعمل حاجة فحياتي أصلا أنا عارفة انهم مش لازم يكونوا ناس وحشة واني ممكن اكون شايفاهم غلط بس عمر ما حد حاول يديني مشاعر او يفهمني انا الحاجة الي ربطاني بيهم بس الفلوس يعتبر مفيش بيننا أي مشاعر بجد انا جالي تبلد مشاعر بسبب دا

انا عارفه اني اغلب ناس هنا عندها مشاكل كتير و ضغط نفسي و كلنا غير بعض بس ي جماعة خلينا وقعين شويه الحياه مش ورد و فرشات و بص لمشكلك بعقل هتلاقيها وله شي بنسبا للواقع و احنا الي بنحط نفسنا في داير ده انا حاليا فعلا بقا بمر بفتره وحشه جدآ يمكن دي فعلا من اصعب فترة بجد انا جايه اقولكم بس عيشه حيتكم ي جماعة الدنيا مش مستهله نزعل او نعيط علي حد و مش مستاهله نقعد نقول اهلنا بتعملنا وحش و اصلا لو فكرنا بعقل هنلاقي اهلينا دول اكتر ناس فعلا تعبت معانا و خايفه علينا الا طبعا في ناس معينه اهله مش كدا و ادعولي بقا لاني بمر ب تعب نفسي شديدا جدا

نفسي اتكلم براحتي منغير مخاف من رد فعل الي قدامي ديما عندي خوف من اني اتشاف غلط او وحش بجد تعبت حاسس بضغط نفسي بمشي فشارع حاسس خطوتي تقيله ديما حاسس بخنقة انا بقيت مشوه نفسيا حتت انك خايف تتكلم لتتفهم غلط وحشه اوي بجد

عوزه اتكلم في الفتره للي بمر بيه دلوقتي فتره الامتحانات انا كل ده و لسه مش دخلت في المواد المضافه انا عندي توتر صعب انا مش عارفه اقلل التوتر انا من ساعه ما بدأت انا بشرتي ادمرت كل حاجه بقت تتدمر زي بشرتي بشرت بهتانه اوي شكلي تعبان اوي و طبعا الحبوب تاني حاجه انا تخنت انا لما بكون نفسيا مش كويسه بتخن عيني بتوجعني بترعش جامد و بعدين بحس بي اعراض البريود و هي لسه بدري فاضل حاجه و 20 يوم لسه بدري و يعتبر هي جيت انا في حاجات كتير مني باظت حرفيا من شكلي جسمي نفسيا انا مش عارفه اعمل اي حرفيا مش عارفه اعمل اي انا حاسه في اخر امتحان ليا انا اكون موت كدا خلاص انا مش عارفه اعمل اي انا بدمر

الناس اللي هنا اللي اتشخصت بوردرلاين او اضطراب السخصيه الحديه عرفتوا ازاي ان لازم تروحوا لدكتور يعني ايه النقطه اللي وصلتولها قولتوا لازم دكتور والاعراض كانت بتأثر عليكم لدرجه انها توقفلكم الحياه او تعطلكم واللي مش هيقدر يروح لدكتور عشان يتأكد اذا كان عنده او لأ يعمل ايه او يعمل ايه عشان يقلل الشعور اللي بيحس بيه والضغط اللي حاطط نفسه فيه والمشاعر المتغيره اللي بتسيطر عليه ، انا مش متأكده هو عندي ولا لأ بس كنت بحكي لحد عارف في علم النفس قالي انه احتمال يكون عندي

حاطه ضغط على نفسي لسبب وبدون سبب ومعرفش كل دا هيوصلني لفين وهل هوصل للهدف؟ والسؤال الاهم هوصل سليمة نفسيا ولا لا عشان باللي بعمله في نفسي دا اه هوصل بس هبقى اُستهلكت. طب هو انا بكبر الموضوع ولا هو فعلا كبير وهما الرحمة اتنزعت من قلوبهم. انا بخاف ابقى زيهم وبخاف اعتاد كل دا بس في نفس الوقت بستهلك نفسي وصحتي. ومش عايزه اهرب عشان دا الواقع وانا فرضته على نفسي

بقالي فترة مش عارفه انام كويس كل احاول انام دماغي مش بتقف من التفكير وبيجيلي لحظات ادراك لكل حاجه بتحصل في حياتي انا اخر فترة في حياتي علمتني كتيرررر اووي اخر فترة حسيت اني نضجت اكبر من سني واكتر من اللازم بالنسبة لسني انا بقيت عايشة جوا دماغي اكتر من برا دماغي مش قادرة اتكلم كلامي قليل بحس قد ايه انا كنت عبيطة ويضحك عليها عادي ودا من زمان اتغدر واضحك عليا من كل الناس لحد مابقتش اثق في اي مخلوق مهما كان مين ولا احط عشمي في حد ولو فرشلي الارض ورد ببقي عارفة هياخد الورد دا وهيمشي زي الي مشو عشان كدا بقيت مستبيعة هما علموني كدا بقيت زيهم ناس كتيرر كنت بدلهم عيني وفي الاخر هما فين دلوقتي؟ وانا فين دلوقتي؟... كنت بقول يمكن الحياة لسه فيها فرص وناس تتعوض اشتغلت في شغل بيئة العمل فيه توكسك جدا خدت صدمات فيها وعرفت حقيقة ان في بشر وحشين اوي وشخص مؤذي شيطان على هيئة انسان بيوقعنا كلنا في بعض بيشككنا كلنا في بعض وعايز يقضي ع اي علاقة سلمية في المكان حسيت اني في مكان اكبر مني اني اتعامل مع الامثال دي وانا لسه سني صغير انا اصغر واطيب اني اتعامل مع ناس زي دي والله يمكن لو كنت شخص مؤذية كنت ارتحت في الدنيا دي بقيت احس بضغط كبير عليا في كل حاجة في حياتي بقيت اخاف اقرب لاتأذي بحاول اختار الراحة بس الراحة مش عايزة تختارني مليش نصيب في اي حاجه حلوة كنت عيزاها ادعولي

دلوقتي انا مطلق وعندى ولدين ومديون ومن شهرين مبقتش بشتغل وطليفتي منعت عني الولاد انا بدفع لهم كل احتياجتهم لمدة 3 سنين وكنت بحرمم نفسي ده حقهم المهم دلوقتي واحد انا مديون ليه ف مبلغ 200 الف جنيه وباعت ليا مع قرايبي ف فكرت انى اقوله افتح تاني واشتغل ويموني بالبضاعه وانا اصلا ماضي ليه وصلات امانه محنار وتعلت ونفسيتي مدمره مش عارف اقنعه ازاى يموني لانه لو رفض مش عارف هاعمل اى وانا الولاد وحشوني قوى ونفسيتى ادمرت

السلام عليكم ورحمة الله وبركاته 🌸. نيو اكونت 💅🏻. المهم، عندي مشكلة كبيرة اوي بجد ومش عارفة اعمل فيها ايه ف ياريت تساعدوني (محصلش كده كده). المهم تاني، عارفين يا جماعة قصة قارون والرمل؟ هي كده كده مش حقيقية، بس ادركتوا فيها حاجة؟ بغض النظر عن النسخة برضو، لانهم نسختين فيهم اختلاف شوية، بس في الحالتين؛ لاحظتوا ان النتيجة كانت ان الناس بتشتري رمل؟ كل ده عشان بس قارون كان ذكي ف حاجة بنسميها دلوقتي "الماركتينغ". النسخة الاولانية عبارة عن ان الناس تحدته يبيع شيء بلا قيمة، ف هو غلف الرمل تغليف فخم واقنع الناس بقدراته السحرية في جلب الرزق وحفظ المال وان ده سر ذهبه، والنسخة التانية انه قعد يحول اطنان من الرمل لبيته، ف الناس اتخدعت وافتكرت ان عشان واحد زي قارون عنده الكم ده من الذهب يهتم بالرمل، ف هو اكيد شيء ثمين جدا، ف في الحالتين كله اندفع عشان يشتريه. الاتنين حاليا بيحصلوا مش بس في السلع، لا في الكليات في الشكل في اللبس في الاكل، تقريبا اغلب الترندات الحالية على التيك او اليوت او الانستا او غيرهم، معتمدة على نفس المبدأ. الآيفون كأقرب مثال، هاتف بلا قيمة للأمانة في رأيي. آه مقدرش انكر مميزاته ابدا، بس هل حد هنا معاه آيفون يقدر يقولي هل السعر مقابل للقيمة فعلا؟ رغم انه تلفون عادي جدا، فيه احسن منه كتير او مقاربين ليه، وفي فئة سعرية اقل بمراحل بالمناسبة، بس هل حد فكر كده؟ ابدا، لان ستيف جوبز، او ايا كان من هو المسؤول عن اسلوب التسويق العبقري ده، ربط الآيفون بالثراء والمكانة العالية، ماركات عالمية لعربيات وملابس مقدرتش تعمل اللي هو عمله على تلفون حتى الكواليتي بتاعته بتقل سنة بعد سنة. ربط حاجة معينة بمكانة شخص معين هو في حد ذاته المشكلة، انا مش هحتقر بني آدم -مجازًا طبعا- معاه مرسيدس الا لو كان فعلا شاريها وهو معهوش فلوسها عشان بس يرضي المجتمع، ده علطول عنده نقص، ونقص واضح اوي كمان. كلية الطب او الهندسة، ترند الclean girl مثلا، البراندات العالمية، اساليب اللبس والاكل والاتيكيت (مش كلها بس زي انك مثلا تسيب اكلك عشان الناس متقولش عليك محروم رغم ان ده حرام)، وغيرهم كتير. عادات انا نفسي بتجبر عليها قسرًا لان البيئة اللي حواليا اجبرتني على ده، بس لازم ندرك حاجة، مش المفروض اشتري حاجة بمبلغ انا فعلا مش محتاجها، على الاقل انقي فعلا اللي هيفيدني، لكن ده اسمه تبذير وغباء مع احترامي، وانا بوصف نفسي بده عموما لاني ضمن نفس الفئة. المجتمعات اللي بتجبرنا على شراء لبس معين او دخول كلية معينة او فعل تصرفات معينة، لمجرد اننا نبان عيال ناس، دي مجتمعات متخلفة، واظن البُعد عنها هو اسلم حل، او على الاقل، اتصرفوا التصرفات دي واشتروا لبس معين لتلك المناسبات اللي هتقابلوا فيها المجتمعات دي، لكن ميكونش ده اسلوب حياة، وترجعوا تشتكوا من الضغط والاكتئاب والتعب، مهو بسبب ضغوطات مختلة زي دي اجبرتوا نفسكوا عليها وهي حتى بلا داعي.

صباح الخير انا خلصت امتحاناتي اول امبارح بس للاسف انا في مواد كتير محلتش فيها كويس و يمكن محلتش اصلا كان نص الامتحان فاضي مثلا غير طبعا ان الدكاترة منهم لله انا لو عاملالهم كل حاجه طالبينها حرفيا استحاله يدوك درجه اعمال السنه كامله ف عندي احساس اني هشيل اكتر من ماده و ده بجد مخليني احس قد ايه انا فشلت ف كل حاجه من ساعه ما خرجت من ثانوي بسبب انيهلت كليه مش عايزاها و اتدبست ف اكتر قسم صعب ف الكليه عشان القسم اللي انا عايزاه وقف معايا علي مفيش و غير كده انا معرفش بابا هيجيب فلوس السمر كورس منين بجد بيبقي فلوسهم كتير اوي غير الكتب و الحاجات دي بجد الموضوع ضاغط علي نفسيتي بطريقه وحشه اوي عايزه احول من الكليه دي جدا بس فنفس الوقت مقدرش اقولهم لاني قضيت سنه فيها و لو حولت هحتاج فلوس كتير جدا غير الفلوس اللي صرفتها ف الكليه دي و كمان هنزل سنه هرجت اولي تاني ف بجد حاسه اني فشلت ف كل حاجه والله من وقت ما خرجت من ثانوي رغم اني طول عمري شاطره جدا حتي ف ثانوي طلعت من أوائل المدرسه و كان مجموعي حلو بس للاسف التنسيق كان عالي جدا جدا

موضوع انك على طول ضاغط نفسك عشان ترضي الآخرين ده متعب اوي بحاول تراضي كل الاطراف ومعظم الاوقات بتنسى نفسك ونيجي على نفسك اوي وفي الآخر نفسيتك انت اللي تتعب ومحدش بيركز معاك ولا بيديك اي اهتمام

فاضل ساعات علي الامتحان انا مش قادره أتخيل و انا قاعده في اللجنه و ممكن مش اعرف احل انا ممكن اموت فيه انا التفكير ده في دماغي خايفه جدا جدا أن اقعد. و امسك الامتحان معرفش احل انا حليت كتير و عملت للي قدرت عليه بس جوايا خوف صعب حاسه ان هموت قلبي وجعني اوي ممكن حد يشوف أن انا اوفر بس بجد م شقتظره بموت

انا ثانوية ازهريه وطول السنه مكنتش بخرج من البيت وبس كنت بحاول والله اذاكر وابقا كويس حرمت نفسي من حجات كتير اوي عشان اقدر اقدم كل الي عندي في السنه دي وغيري كتير مكنش بيعمل كده ولكن كان عندوا انه يقدر يلم الامور ويستوعب وانا لا، مريت بظروف نفسيه صعبه وصحيه ولكن ولا مره فكرة اتعالج منها لان المرض النفسي كان بيروح ويجي فكنت متشكك في امره وكذلك على خلاف كل الامراض الجسديه المرض دا بيجي وبيروح برضو فكنت مفكر اني مقصر او بدلع،ومشاكل كتير بين اسرتي افقدتتي تركيزي مشاكل كانت بتظهر من العدم عشان بس تعطلني،تصدقوا بالله كنت كل ما الدنيا تسلك معايا واحس اني بقيت احسن في المذاكرخ وقي نتيجه اجي اذاكر النور يطفى كذا مره ومرات كتير بجد على كده دا غير طبعا النت قعدت شهر خربان برضو في مره مختلفه وانا ميأستش وفضلت احاول ، يوم6/6 بدات امتحانات الثانوية الازهريه قبليها مكنتش لسه كويس ابدا في مواد كتير وقولت لابويا عاوز ااجل السنه، على امل السنه الجايه تبقا افضل واكون اتعلمت خبرات جديده لاني حرفيا بادئ من الصفر ولكن رفض وقالي بس ادخل شريعه وقانون يعتبر بأقل مجموع واسكت وكل المستوى بالشغب في الكليه الثانوية دي لعبة، فدخلت وسكت، انا كنت متعود انا وصحابي في السنين الي فاتت بنغش مم بعض وبنجيب درجات عاليه وتعدي، الا السنه دي رفضت زي مل رفضت ذنوب كتير كنت بعملها قبل كده، وبقيت والله ولو هسقط مش باخد كلمه من حد، في الفزياء كان كده وحرفيا اقدر اقول اني لو جبت النص يبقا فضل من ربنا وكذلك الصرف والكمياء كانت اخرهم النهارده صحابي كلهم بيغشوا من بعض المعهد كله انل الوحيد بس الي في حالي وحرفيا هيخشوا طب وهندسه من غش انا مش مشكلتي معاهم ربنا يوفقهم انا مرعوب بس اجيب دور تاني لان رضيت الحمدلله بأي مجموع ولكن هتبقا حسره اوي بالدور التاني وديما مه الاول السنه بحلم بكوابيس والرقم تلاته كان بيتكرر ديما، نفسي ربنا يرحمني ويسترني وميفضحنيش ابدا بالدوؤ التاني دل هتبقا كسرة ليا طول حياتي، ادعولي محتاج دعوتكم اوي

اوحش حاجه انك ترجع لنقطه الصفر انك تخسار كل حاجه مره واحده حب وشغل وانت عليك ديون و انت اصلا مدمر نفسيان من كل ناحيه ليه كل ده انا ذنيي اي انا كل اللي كان نفسي فيه اني اعيش زاي بقيت الناس بجد تعبت من كتر القهره ع نفسي انا مكسيتش حاجه انا كنت عوزه حد يقف جنبي مش يكسرني 💔😭 مش عارف اسد ديوني وصاحب الدين عوزين فل s هم انا اعمل اي مش عارفه تعبت

السلام عليكم غبت ورجعت اتوقع ما حدا رح يعرفني بس مش مهم المهم انو حاليا بأصعب فترة لأني ٣ ثانوي وبسبب الحرب يمكن افادة ويمكن امتحانات ويمكن نعمل امتحان ويمكن لا انا ما عم ادرس ما عم اقدر ادرس واسا المشاكل النفسية والتفكير والوحدة الي انا فيها والجفاف العاطفي خايفة خايفة من الفراغ الي ممكن يصير بالصيف شو اعمل خايف يكون في امتحانات وانا مش دارسة جماعة انا دارسة المنهج بس في اخر شي لا والباقيين لازم راجعهم بس عايشة على امل افادة (يعني تلتغى الامتحانات وانجح وصير جامعة ) مخنوقة اليوم صارت مشكلة خلتني اتمنى انو عنجد لو اني ما ولدت او لو وادت شب وقديش مجتمعنا دائما مع الذكر مهما كان معنا الحق نحن كبنات حرفيا كرهت كل الشباب كل ما شفت شب حس حالي قرفانة (قصة طويلة مش قادرة احكي بس لازم افش غلي شوي ) (اي انا من لبنان لا حد يعلق عالموضوع )

السلام عليكم انا ف تالته ثانوي وانا ف شهر ٤ كان المدرسين قربو يخلصو المناهج ويشهد ربنا ان انا من اول السنه بحاول مقصرش وبعمل ال اقدر عليه وتعب وسهر وشفت سنه مايعلم بيها الا الله وكله متاكد اني هبقا دكتورة ان شاءالله المهم انا طلع قدامي ناس بتعمل سيشن تنظيم مذاكرة ومنزلين اسكرينات لناس بتشكر فيهم واد ايه هما شالو من عليهم الضغط وساعدوهم وبقو بيذاكرو احسن ومستواهم اتحسن وكدا المهم لما المدرسين خلصو المنهج انا بطلت انزل دروس وقلت هراجع ف البيت وهشرك مع الناس دول وفعلا اشتركت وكانو كويسين وكل حاجه وقولتهم ان انا ازهر وامتحاناتي هتكون بدري وقدامي شهر بالظبط اراجع فيه واحل الكتب ال عندي قالولي هتراجعي وتحلي شوامل كتير جدا المهم بعدها بشوية حسيت انهم بيحطولي تاسك صغير اوي ف سالتهم انا هخلص امتا قالولي يوم 25/5 ف قلت كويس يعني مش مضغوطه وهخلص بدري بعدين لحد يوم 19/5 لاقيت ان انا لسا مخلصتش مراجعه اكتر من نص المنهج وقولتلهم قالولي مش لازم تخلصي بدري المهم تحلي كتير قولت ماشي ولحد ما خلاص شهر 5 بيخلص ولاحظت انهم مش عاملين جدول اصلا وبيحطو تاسك ف منتهى العشوائية حرفيا وحتى مش فاكرين انا راجعت ايه وايه لا وانا ال كنت بقولهم وقالولي هنظبطلك دلوقتى المواد الاولى ونكمل ف ليالي الامتحانات ف قلت ماشي وبعدين بدأت امتحانات والامتحانات تقيله وانا قلقانه من المواد ال متراجعتش ولما برجع من الامتحان بيقولولي عملتي ايه بس وواحدة منهم نزلت على الجروب احنا وقفنا شغل ازهر! يعني ايه بجد وانا كمان دفعت فلوس شهر وكمان شهر الامتحانات عشان يسالو عليها بعد الامتحان؟؟؟ اعمل ايه بجد انا حاليا بحاول مضيعش مجهود شهور بسبب ناس بتتعامل من غير ضمير انا طلعت من كل الجروبات وبعت للادمن بقول على كل ال عملوه مردش حتى

مؤخرا بقيت حاسه اني مش عايزة اتعامل مع حد خالص يعني بجد عايزة اخد بريك من اني اشوف بني ادمين قدامي حتي قرايبي و صحابي ليه بجد لما بلاقي ماسدج منهم بحس اني بجد بتقفل بحس ان مفيش مساحه ساكته و فاضيه خالص ف حياتي و مش بتقفل من كده بس يعني بجد حواراتهم بقت مقرفه و ممله و تزهق كل واحد عنده مشكله و هم يحكيه ليا انا عارفه ان ده شئ كويس و اني مصدر ثقه بس انا مش قادره اسمع اي تعب و مشاكل حد و فنفس الوقت مش هعرف اقول لحد انا مش عايزه اسمع مشاكلك و اتفضلي امشي بش بجد انا مش قادره اسمع تعب و مشاكل حد مضايقاه و احلها و انا فيا اللي مكفيني و مبحكيهوش لحد و مفيش مجال اخد بريك و ابعد لانهم صحابي بس بجد الحوار من كتر ما بقي بيتكرر بقي متعب

أحتاج لبعض النصائح والدعاء. انا امر بفترة امتحانات استدراكية في الجامعة هذه الأيام و امر بضغط نفسي كبير؛ لانو هناك مخاوف بسبب عدم التوفيق في السنة الماضية، وقلق من تكرار الأمر هذا العام وتراكم الخسارة لسنتين متتاليتين. أتمنى الدعاء لي بالثبات والتيسير

جماعه انا مخنوق وفي عليا ضغط رهيب اكمني ثانويه عامه و كل حاجة بتبوظ نفسيتي زي الزفت السنه دي خسرت كل حاجه وخسرت نفسي واول امتحان ليا الاسبوع الجي للعلم انا ولد .. كل حاجة بتضيع مستقبلي بيضيع وعمال اعيط ع غير طبعتي انا مكنتش اعرف يعني اي عياط غير لما بدات السنة دي بجد اصعب مرحله عدت علية بس بردو كمني متعود ع حاجه تاني وعمال مغمور ف المعاصي ومش عارف افوق بجد مستني نصيحه تفدني

بيج مشكله استاذ في زنق نفسي بعد المرور بمرحله سيئه استمرت لكذا يوم وبالتالي معرفتش اذاكر اي حاجه ف الامتحان الصبح وفاضلي تلت اقسام وذاكرت قسم واحد المؤشرات بتقول هلحق ان شاء الله ذاكرت الاداره وفاضل الاقتصاد والمحاسبه والاحصاء المحاسبه والاحصاء عملي بحث ف سهله جدا تتلم المعضله في الاقتصاد والاداره ف يتم البصمجه وفي خطوه اكتر من رائعه جايه في رحلة التغيير بخصوص خطوة الاخ الحنين اختى خلصت امتحانات (اعداديه) ارجو تدعولها بجبران الخاطر (بنات بس اللي تدعي) وادعوا لاخواتي التوأم داخلين ثانويه عامه وطايشين ربنا يهديهم يارب وادعولي بالهدايه والصلاح هرجع بعد الفجر ان شاء الله مخلص خالص

والنبي اسمعوني عشان أنا دماغي وجعتني و ردو كويس من غير ما تغلطو لاني فعلا مخنوقه مليش حد اتكلم معاه دلوقتي أنا حبيت واحد لدرجه متتوصفش بس كان بيضغطني نفسيا جدا المهم كان ديما عايزني في الشات و لو طلعت يبقي بسبب و اقوله السبب و ديه حاجه كانت بتدايقني بس بعد كده عرفت انها كانت حاجه تحفه و هوه كان كمان مش بيطلع من الشات غير لما يعني يبقي هياخد شاور الحاجات العاديه بس كان معايا علي طول احنا سبنا بعض و دخلت شخص تاني حياتي عشان معجب بيا و أنا اكيد مش هوقف حياتي علي الاكس بالرغم اني مش قادره اتخطاه بس خلاص عدي وقت و كفايا المهم الشخص التاني في كليه حربيه و بيسيبني عشر ايام بيكلمني فيهم يوم واحد بس و بيكون دقيقتين و بينزل اجازه تلت ايام منهم يوم رايح و يوم الراجع فا المفروض أنه ينزل ملهوف عليا و عايز يكلمني عشان هوحشه بس هوه لا مش بيعمل كده و بيطلع من الشات كتير و بيتأخر عليا هوه من محافظه تاني و مش عارفه عادي ده ولا ممكن يكون بيخوني ولا هوه مش عايز يتكلم و بيتسلي مع اني والله ما ببادر ابدا و كلامي تقيل جدا معاه بس انا ببقي مدايقه من جوايا خصوصا اني مش حاسه بمشاعر فا عايزاه يحسسني انه جنبي عشان أحبه و انسي التاني مع عارفه أنا اوفر و هخنقه ولا ده حقي فكرت أنه لما يكلمني خلال الأسبوع متكلمش في حاجه و لما ينزل اجازه اشرحله اني بدايق عشان بيسيبني و أنه مش بيتكلم معايا و كده ولا اسكت لأن ده الطبيعي ولا اسكت و مقولش اني مدايقه و لو فضل كده ابعد عنه

بجد الواحد حاسس إنه محبط ونفسي اتسدت من كل حاجه و الأرق والكوابيس ملازماني وحقيقي الفترة دي حاسس اني مأثر في شغلي ومكنتش متخيل اني هتيجي عليا فترة بالشكل ده بعد فترة الجيش رجاءا محتاج دعواتكم ربنا يخرجني من كربي

النهارده حصل معايا موقف يبان بسيط لكن اثر فيا اوي كنت في السوبر ماركت لقيت بنت مع والدها بنت صغيره يعني وبيشتري ليها حاجات هي البنت خافت من حاجه لقيتها بسرعه حضنت باباها وفضلت حاضناه لحد ما حاسب عرفت انها حست بالامان لما عملت كدا انا مش قادره اقول غير اني فعلا حسيت اني صعبانه علي نفسي صعبانه علي نفسي اوي انا كمان الفتره دي مش احسن حاجه خالص مبقتش احس باي شعور ونفسي اعيط مش قادره وبدل العياط اوقات يجي نوبات هلع المشكله اني بقيت اتمني انها تيجي بجد وببقي عايزه كدا جدا علشان اخلص الضغط الي جوايا حاسه ان في ضغط جوايا كبير اوي مش عارفه صدمات طفوله ولا كبت ولا حزن ولا ايه بالظبط حاجات كتير اوي حصلت مش عارفه اعمل ايه انا تايهه اوي احساس انك عايز تعيط ومش قادر صعب اوي يارب محدش يحس بيه انا نفسي اطور من نفسي اوي عايزه اغير كل حاجه اعمل glow up زي ما بيقولو نفسي معتمدش علي حد علي نفسي وبس

انا شاب في اولي كليه قربت اخلص اول سنه ونا في ثانويه عامه كنت ملتزم ودنيتي تمام حصلتلي انتكاسه بعد النتيجه ولحد الان مش عارف ارجع حاسس بخنقه كبيره اوي اوي انا بمر باوحش فتره في حياتي مش عارف ارجع ازاي كل لما ارجع نش قادر مش عارف كل حاجه حوليا بتوقفني عندي امتحانات نفسيتي في الارض حرفيا وفي امتحان حليت فيه وحش وخايف منه مش عارف اعمل اي لا بقيت بصلي ولا عارف ازاكر ولا عارف اعيش ومش عارف اعمل اي لو حد مر بنفس التجربه وخرج منها ياريت يفيدني

صباح الخير عليكم كونت عايزكم تنصحوني انا شاب لسا في بدايه حياتي ربنا الحمدلله مبتليني بمرض في رجلي بقالو معايا تقريبا ٤ سنين قبل المرض كونت حاجه كويسه جدا بشتغل وحالتي المدايه كويسه ومستويه التعليمي كويس بس لما تعبت بقيت قاعد في البيت لا شغل ولا اي حاجه قرايبي بقا مش سايبني في حالي يابني انزل الشغل بنزل ولله ياجماعه بتعب واخرها من قبل العيد نزلت وضغطت علي نفسي وقاعت تاني والمرض رد عليا ٣ اضعافو مبقتش بقدر امشي علي رجلي خالص انا فكره الانتحار بتيجي في بالي كتير انا صدقوني مش حاسس اني ليه قيمه خلاص حاسس نفسي انتهيت

تقع معي كثير من المواقف المحرجة مني كنشوف شي موقف مشابه كنتفكرهم وكاترو عليا نفسيا معرفتش كندير تنساهم خصني الوقت بزاف باش نسا متلا هاد كانت عندي الاجازة وعدنا واحد الاستاد متسلط وكعير صحابة كنشوفو في دين كتهان قدامنا وحنا كنبقاو ساكتين باش ميشدش معانا ضد

ازاي نقدر نتأقلم علي مكان كل حاجه فيه بتضغطك نفسياً وكل مره بتحاول تتأقلم وتقول خلاص الاسوء عدي وهيحصل اي اسوء من كدا الأمر بيزداد سوء ومفيش اي حاجه في إيدك ومجبر علي المكان دا ، بحاول أتجاوز وأعدي أيامي بس حقيقي الوضع صعب والأنسان نفسياً من سئ الي اسوء

مش عارف ابدا منين بس انا مش كويس ودي اقل حاجة ممكن اقولها انا مش مجرد تايه ومتلخبط ومضغوط نفسيا لدرجه اني فكرت كتير انتحر فعلاً انا اكتئبت ووصلت لمرحله مكنتش حابب ابقي فيها مش انا اللي اكون في الحاله دي صعبان عليا نفسي اوي مش عارف احكي ولا اطلع اللي جوايا بجد انا تعبت

بقالي فتره صغيره متدايقه اوي ومواقف كتيره بتحصل بتخنقني اكتر بذات وقت الشغل بحس بخنقه مش طبيعيه ومبكونش طايقه حد ومستحمله ومكمله اليوم ع عيني وأن عليا عايزه امشي ومرجعش تاني بس بضغط ع نفسي وبقول كملي واعصري على نفسك لمونه زي ما بيقولو بس حقيقي حاسه اني متدايقه وعايزه ابعد احساس الزعل ال بيجلي دا

نفسي اجرب الحياة من غير ندم، نفسي اجرب الحياة من غير صداع، نفسي اجرب الحياة من غير وجع بطن، نفسي اجرب الحياة من غير ما اكون مراكمة،نفسي اجرب الحياة من غير ما اكون قرفانة، نفسي اجرب الحياة من غير ضغط نفسي، نفسي اجرب الحياة

انا تعبت اوي بجد وجبت آخري ماما وبابا متخانقين مع بعض وبينتقمو من بعض فينا ماما مش راضية تطبخ وبابا مش راضي يجيب اكل من برا وانا شغالة في حضانة وطالع عين امي فيها لاني بدي فصل تمهيدي ٤٠ طفل ومسؤوليتي اخد بالي منهم والجو صعب اوي ف انا تعبت بجد بقالي يومين برجع ميتة وملاقيش اكل غير الجبنة ولما جيت اقوله ملناش ذنب ونا بقالي يومين جعانة وباخد ادوية نفسية مش عارفة اخدها بانها محتاجة تتاخد بعد الغدا وتقيلة راح مديني فلوس وقالي انتي لا بنتي ولا اعرفك ساب البيت ومشي ومسبش فلوس خالص وكمان انا تعبت من الحضانه ونفسي اسيبها بسبب المجهود الجبار ومرتبي ١٠٠٠ في الشهر نفسيا وجسديا مبقتش قادرة وفي نفس الوقت قعدة البيت غلط عليا نفسيا اعمل ايه

يوم تبقي رايق ومزاجك عالي وعشره علي عشره وبتاكل ف الصخر.. ويوم تبقي منطفي وحزين ومكتئب ومش قادر تعمل اي حاجه ف حياتك مش انت يسطاا اللي ربطت رضاك عن نفسك بمدى انتاجيتك وبتستمد استحقاقيتك من قد اي انت شاطر وجامد ؟ خليك بقا راجل وقابل الايام اللي مش قادر فعلا تعمل فيها حاجه (واقف قدام المرايا )

احنا تالته ثانوي و عارفين بعض من ست سنين علاقه سوشيال و عمرنا ما اتقابلنا ابدا بس أن شاء الله قريب هتقدملها ... المهم هل طبيعي أنها اخر فتره رغم أننا في فترة امتحانات و ضغط نفسي كبير أنا ابقى عارف عنها كل تفاصيل مذاكرتها حرفياااا و كل تفاصيل يومها و اكلها و شربها و كل حاجه و بقدملها الدعم بكل شكل و معاها في كل حاجه و وقت إنما هي مبتعرفش انا بعمل ايه ولا بذاكر ايه ولا واصل ل فين ولا بتهتم بتعرف صاحي امتى ولا بتعمل ايه ولا اي اهتمام تقريبا في صحتي أو أكلي رغم أنها عارفه اني بتعب كتير و مش بتهتم تعرف انا عملت ايه مع الدكتور ولا اخبار صحتي ايه و مبتديش ربع الاهتمام الي بديهولها هل ده عادي و هل علشان أنا الراجل لازم ابقى أنا الدعم النفسي و هي عادي تبقى كده ... هو مش المفروض نهتم ب بعض بشكل شبه متساوي بالذات في الفتره دي ؟؟ ده انا حتى لما باجي اتكلم عن نفسي في أبسط الحاجات بلاقيها بتقصر في كلامي و تحاول تقفله أو ابقى بحكي حاجه عايز احكيها هي تبقى بتسمع كأنها بتسمع غصب عنها ... و طب انا اعمل ايه هل اقلل اهتمام و اعمل زيها ولا اصبر و ده العادي ولا اديها فرصه ل بعد تالته و كده كده انا بعد تالته هبتدي اتغير و اشوف حياتي و نفسي اكتر

بتعملوا ايه لما بتسحوا انكوا بجد خلاص عايزين تطلعوا من بيت اهلكوا ب اي شكل ؟؟ حد جرب انه يطلع ويعيش لوحده وده كان تبعاته ايه ف كل حاجه بتكلم لو بنت ؟ عندي اسباب قويه جدا اولها ان حالتي النفسيه والعقليه بجد بقت ف اسوء حال وانا وسطهم السبب الاساسي ابويا اللي مشالش اي مسؤلية تخصني وهمشني طول حياته وخلي احتياجاتي كلها ملغيه ولا ليها لازمه ف بقيت مضطره اني اشيل مسؤليتي بالكامل وده بعد ما عدي عليا سنين مستحمله ارهقني جسدياً ونفسياً برده بقيت عايزه ارتاح بس مفيش مفر حاليا تواجدي معاه ف نفس المكان بيإذيني بشكل غريب وبذات كل ما بكبر ف السن وهو لسه طبعه بيزيد وحاشه وافتري عليا انا وامي مقدمش الخير ولا بنسلم من شره انا نفسي امشي من البيت جدا من سنين من وانا طفله ده حلمي لان كابوس ابويا ده مبدأش من قريب ده من طفولتي فكرة اني امشي مستحيلة لاني مش فاهمه يعني ايه امشي واسيب اهلي وف نفس الوقت وجودي وسطهم بيدمرني وبيستنزفني لان مشاكلهم ملاحقاني وبيشيلوني دايما لانهم شايفين اني بشيل عادي بس بجد مبقتش قادره وبالتحديد ابويا مش قادره اسامحه ومش عارفه اتعامل معاه حتي وهو بيعمل فتافيت الخير بتاعته عشان يريح ضميره نفسي امشي ويبقي ليا بيت اعيش فيه مكنش خايفه من حاجه ولا متوتره من صوت رجل حد وهو داخل عليا اعيش الحاجات الطبيعيه ويكون ليا خصوصيه اللي اتحرمت منها طول حياتي بسببه حاولت مع نفسي كتير امشي الدنيا واطلع الكلام ده كله من جوايا بس مش عارفه اسامحه وبذات وهو حواليا طول الوقت بيتعامل وعايش عادي وبيطالب دلوقتي بحقوقه هو انه يتسمع ويتشاف عشان كبر بس انا مش قادره. اعمله اللي هو معملهوش عشاني صعب اوي بجد بتمني كل واحد مننا يروح من طريق ومقابلوش تاني ف حياتي مع ان الطفله اللي جوايا اللي لسه كان نفسها ف حبه هتموت من الزعل بس انا كبرت والواقع بتاعي مفيهوش رحمه ومفروض عليا اتقبله زي ما هو واكتم جوايا واكمل نفسي اطلع من كل العبث ده بجد وعندي القدره لده بس هيتعمل عليا حرب وبذات عشان انا بنت كان نفسي يكون عندي الشجاعه الكافيه اللي تخليني اقدر اختار نفسي واختار اكون الشخصيه بجد الحقيقيه مني واعيش سعيده بس انا دلوقتي اتحولت لواحده ف قمة التعاسه عشان بسمع كلام انسان عمره ما اهتم بحياتي اصلا وفاكر نفسه اب بجد حاسه باستسلام ومش قادره اكمل اي حاجه ف حياتي ومش فاهمه هطلع من تحت رحمة النرجسي اللي اسمه اب ده امتي وامتي هبطل اسمع شتيمة امي واهانتها وبخله الشديد علينا انا مش حابه اعلق نفسي بفكرة الجواز لاني مبقتش مقتنعه ان في حد منقذ بس لو مفيش مخرج بجد من البيت ده ف انا كده هدفن اللي باقي من عمري معاهم لان ديه مش حياه وهو نفسه تعيس بس ده بنساله عادي هو اصلا بيتغذي علي المشاكل والشكوي والكلام علي الناس والشتايم طول الوقت والضعف طول الوقت بشوفه اضعف انسان ربنا خلقه لانه عمل كل حاجه تقلله من نظرنا كلنا المصيبه اني مريت بحاجات صعبه جدا معاه كلنا ف البيت مش انا بس لما حد بيجي دلوقتي يعرفني مش بيهم سعات انا شخصيه الي حدا ما مكتئبة كده ليه وانا مبقتش عارفه اشرح او اوضح حتي دلوقتي انا مش قادره احكي اللي بيحصل بجد واني كنت عايشه مع شيطان مش اب مع اني برجع ازعل من نفسي اني اتكلمت عنه كده لكن برجع اقول انتي هتحاسبي نفسك حتي انك بتعبري بس عن مشاعرك !!! بعد كل اللي حصل وبيحصل حتي ديه بتلومي نفسك عليها ؟!! وليه تتكسفي من كلامك عنه وهو متكسفش من نفسه لما عمل كل اللي عمله فينا اللي بيخليني مستقره شويه ان ربنا شايف كل اللي حصل بالمللي ف كل يوم وكل خناقه وكل مره كسرنا فيها وجيه علينا بزياده ف حتي لو صوتي مبقاش طالع ربنا عارف كل حاجه

لما أمي تقف تعمل لي الاكل اللي انا بحبه وتهتم بكل العناصر الغذائية اللي فيه وفي الآخر مقدرش أقوم اكل تبقى ايه؟ تبقى نطع لما الشيخ بتاعك يقعد يحفظك ويبذل معاك مجهود جبار عشان هو شايف انك تعبان ومرهق ومش قادر تحفظ لوحدك وفي الآخر متعرفش تعمل حاجة ولا تحفظ ولا تتنيل تبقى ايه؟ تبقى نطع لما ابوك يبقى نفسه يشوفك فرحان وبتضحك ونفسه يشوفك بتندمج معاهم وانت مش مخليه يحس الإحساس دة ومش مخليه يحس انه عنده ابن تبقى ايه؟ تبقى نطع الحجج الفاضية المعفنة بتاعتك دي متسميهاش أسباب دي وساخة فكرية، كل الناس مفشوخة نفسياً مش مضغوطة بس ومش بيحسسوا اللي حواليهم بحاجة إلا انت كل حاجة مأثرة على كل حاجة في حياتك وهل انت عايز تتعالج؟ انت بتتعالج غلط حتى انت مش عارف تتعالج صح انت بتعمل نفس الحاجة بنفس الطريقة مليون مرة ومنتظر ان النتيجة تتغير دة عند أمك انت عارف انك بتعمل كل حاجة بطريقة غلط وانت عارف انك مش هتسلك كدة وانت عارف ان اخرة دي ان مستقبلك رايح منك وانت لسة زي ما انت عشان نطع، مهزق ومش شخص يستحق الحاجات دي بجد انا اوسخ بكتير اوووي من الحاجات اللي بتحصلي دي مستحقش كل دة حسبنا الله ونعم الوكيل فيا

انا بوردار لاين ، حرفيآ الموضوع صعب، لما تطلع في بيئه شبه بيئتي، عايش مع ناس مكبوته ، كل شخص عايز يبان الجامد او هو المنقز الوحيد الحكيم، مش قادر احس تاني انهم اهل، لاني شوف حنية العالم و شوفت قسوتهم، مش حابب احكي من البداية، بس هحكيلك من عمق التجربة، لما كنت 23 سنه، و اشتغلت كتير في اماكن، بس اخدت قرار ، انك عايز تعمل حاجه حقيقثة لنفسك، حاسس ان العالم دي مش شبهك، بس انا عارف اي الي شبهي، قررت اخد اول خطوة في طريقي، حبيت اجرب اول تجربة ليا مكنش فارق معايا الخساره علي قد ما كنت عايز احس اني بحاول في حاجه ليا، مانا طول عمري كنت بحاول، بس المرادي انا بحاول في حاجه شبههي، كان كلي شغف و متحمس، قررت ابدا اتعلم حاجه جديدة اقد اشتغل فيها، سواء فري لانكسر، او في شركة، وهو مجال برمجة المواقع انا كنت فاهم اني هتعب و هجتهد و هحاول و هوصل، كنت عارف ان اه هتعب ، بس هوصل، لان مكنش فيه عقبة قدامي، بس مكنتش اعرف ان العقبة الوحيده الي مستنياني هي، عقبة الاهل، مكنش افهم معني ان، ان العالم كله يدعمك، بس اهلك يوقعوك، كنت فاهم العكس، قوانين الكون كلها بتقولك ان اهلك، هيدعموك، و العالم هيحاول يوقعك، كنت انطوئي بسبب، ان اهلي متسلطين، كانو بيشحنوني، ان اد اي الناس وحشة، وان قد اي العالم صعب، بس اكتشفت قد اي ان هما العقبة و المشكلة، دمروني حرفيآ، كل حد فيهم كان بيسقط عليا مشاكله، انا مش بني ادم مادي، بس هما كانو بعبدو الفلوس، كانو بيقلولي انت مش هتتجوز، انت هتعيش و تموت كدا، انت هتعمل اي لما تكبر، هتشحت من الناس، احنا مش عايشينلك، انت مش هتجيب لبس جديد ولا اي، انت لبسك بقي قديم، عندم هدوم مقطعة، كانو بيفضحوني عند قرايبي، و يتكلمو عليا في ضهرى، و يخلو ناس تدخل في خصوصياتي، وكل يومين حد من الناس يكلمني ينصحني، بسبب انهم بيشتكوني للناس 😂😂 ، كانت مشكلتهم ، ان مفيش حاجه اسمها شغل من البيت ، و مش هتنجح، وحرفيا كانو فاكرين انا كداب،و بهرب من اني اشتغل، كانو بيخلوني ابررلهم ، يعني اي شغل اونلاين، و ازاي هجيب فلوس، بعد ما اتعلم برمجة، رغم ان مرتبات البرمجة كبيره جدا، و بعد ما كنا ببرر ده ، كنت بتقابل اني بألف و بتفلسف، و اني كداب، وانا. بضحك عليهم ، حاليآ انا شغال اونلاين ، بس مش في البرمجة لاني وقفتها، بسبب الضغط بتاعهم، اتأثرت بيهم، انا حاليآ في عتبة، واقف علي رجلي من غيرهم، قطعت معاهم، وريت كل واحد وشه الحقيقي، عرفتهم ان المشكلة فيهم، بقيت ريلاكس، و فطريقي اني اعدي اول عقبة، الي هي اهلي، بس تخيل بعد الي قولتو ده، انا لسه هويتي القديمة، بتحب اهلي، كنت زمان، من دون هوية، لان حرفيا كانت هويتي، بمتصها من اهلي، انا حاليا مريت بتجربة، تفتيت الهوية المزيفه، وخلق هوية حقيقية، و بقولك سبحان الله، انا دايما بدخل ربنا في كل حاجه، و حابب اقول ان ربنا عظيم، والاختبارات الي بتمر بيها مش عبثية، حرفيا، هي انت ربنا بيصنع البني ادم من ظروفه الصعبه، انا فاكر اني كنت بدعي وانا صغير مش عارف هي دعوه صح ولا غلط، كنت بقول يارب اديني رزقي كله في شغلي مش ف علاقاتي، يقوم بشاء القدر ان، علاقاتي تكون اكبر درس عليا، علشان ربنا بصنع مني نسخه عظيمه، انا حاليا في مكان المنتصف مابين الهويه القديمه الي لما بترجع بتحسسني بازنب، واني ماينفعش اعمل مع اهلي كدا، و بين الهوية الجديده، الي عارفه هي مرت باي، واد اي كان صعب، اكمل تجربتي، في وسط بيئه، زي دي، واني لازم اكمل علشان اخطي خطواتي لحياتي الجديده الي اخترتها، شكرا لو سمعتني، حابب اعبر عن سعادتي، انك سمعتني و شكرا ليك، ❤

ادعولي عندي امتحانات ادعولي اجيب المجموع الي نفسي فيه ادعولي بجد محتاجه الدعاء خايفه اوي مش عارفه اركز مع حاجه ومش مبسوطه قلبي مقبوض ادعولي كتير يا جماعه يمكن حد فيكم دعائه مستجاب او الوقت الي دعى فيه ابواب السما مفتوحه وربنا يحققلكو الي بتتمنوه يارب انا وانتو

ممكن لاني حاسة اني لوحدي ومافيش اهتمام من حد، ممكن علشان تعبت من شيل المسؤولية والعيش في دور الشخص الجامد الي متحمل كل حاجة والضحية الي مطلوب منها تسكت وتقول حاضر علشان ما تزعلش الي حواليها، ممكن لاني خايفة من الرفض علشان انا مختلفة وحاسة أن الاهتمام واللحظات الحلوة دي مش هعيشها

انا مريضة قلب من سنتين لكن حالة قلبي كانت مستقرة وملتزمة بالأدوية ..حاليا بسبب ظروف وازدياد المعاملة السيئة من الأهل الي فترة عم تجيني نوبات متكررة عقلبي بشكل يومي واحيانا بحس انو قلبي وقف لثواني اثناء النوبة ..وبيرجع بيدق وبتستمر النوبة و قلبي بيتعب فيها كتير وبحس ضغط عالقلب كتير وانو رح يوقف ونوبات القلب عم تتكرر بشكل يومي هالفترة ..شو بتنصحوني راجع دكتور قلبية ولا عرض عابر اذا عرض عابر لاطمن لان مافي امكانية شوف دكتور حاليا

عندي مشكلة صعبة اوي ( محصلش ) لما مخك بيقرر انه يضغطك ويحطك في دايرة صغيرة ملهاش غير مخرج واحد هو اللي محدده واللي مختارهولك واللي اخره هلاك برضو وتفضل انت في الدايرة دي بس باصص على ايدك ومعاك مفتاح الخروج بس مش قادر، تيجي في الآخر وانت لسة بتحط رجلك في المخرج من الضغط اللي مخك حددهولك ترجع خطوة لورا وتستخدم المفتاح اللي في ايدك وتخرج من الناحية التانية حاسس انه احساس امتع من الشاورما

بجد حاسس بضغط نفسي كبير ومخنوق قوي ومش لاقي حل للحيرة دي لما الواحد فجاة يتعرف على بنت جميلة وكلامها جميل قوي ويرتاح معاها في تفاصيل كتير وفجاة كل دا يضيع في ثانية بسبب حتة حاجة غريبة والغياب المفاجئ دا بيجيب عصبية وتفكير كتير وحيرة صعبة بجد ❤️🥺

بجد حاسس بضغط نفسي كبير ومخنوق قوي لما الواحد فجاة يرتاح في الكلام مع حد طيب ويفضل مستنيه من امبارح وفجاة الشخص دا يغيب والانتظار والغياب المفاجئ دا بيجيب عصبية وتفكير كتير وحيرة صعبة بجد ❤️🥺

مش عارف انا عايز ايه، مش عارف عايز افضل أكره نفسي وخلاص ولا أصب غضبي على غيري وأكمل كره في الناس ولا المفروض اعمل ايه بفكر في مبررات للأفكار السلبية مش لاقي، دماغي سلبية تجاه كل شيء اكتر ناس بحبهم مبقتش قادر ابصلهم، من جلد الذات ممكن؟ بشوف ان دول كتير اوي عليا من الناحية التانية أهلي وقرايبي والناس اللي المفروض اني متربي معاهم ف أحبهم، بقيت ببغضهم فعلا بفضل مركز في كل واحد عشان اكرهه اكتر بستمتع بكرهه بعد يوم طويل مليء بالضغط النفسي الزبالة حرفيا انا قاعد مش عارف اعمل ايه لسة راجع مع برة ومن حرب طويلة اوي مع دماغي من اول ما فتحت عيني ازبل مني مفيش بجد حاسس اني عايز اعيط يمكن؟

انا متضايقة جدا ادعولي ربي يوفقني والله تعبت من الطب و بقالي يومين على الامتحان وانا ماحضرت الى النصف ولسى باقي اراجع لي فات والله اني احاول بكل جهدي ادرس بس مفيش فايدة اجلس ابكي و خلاص ما بعرف السبب لرجعني هيك بعد ما كنت جد شاطرة وافكر اني اترك هي السنة واعيدها من كثرت التعب ادعولي ❤️‍🩹

راني نعاني مع ماما السبب انو احتمال اني رح اعيد السنة مع العلم اول عام ليل فالجامعة المهم بزاف تعاملها معايا ولا مش كويس و لنا تعبت مع العلم فالفصل الثاني كنت نقرا بجهد و تصرفها وصل لدرجة تضر.بني لاسباب تافهة مثل شغل للبيت مع العلم ماما من قبل ام حنونة و تحاول على جال اولادها لكن حاليا راني متضررة بسببها و راهي تتكلم معي كانو انا مدرستش كفاية او انو بديش انجح مع العلم ففترة الاختبارات كنت اسهر و ليللي بيضاء و ابكي حتا صحتي مليحة النفسية انهارت بدي رايكم او حل الموضوع

مش عارفه انام م التفكير امتحاناتي قربت وانا معايا مادتين م الترم الاول يعني لو شلت ماده تاني كدة شلت السنه وانا اوريدي شلت سنه قبل كدة بجد مرعوبه م الفكره وخايفه اشيل حاجه تانيه في مواد صعبه اوي الانسان محبط اوي اوي اوي اوي بجد مش عارفه اعمل ايه

انا اكتر حاجه بعملها هي التغافل عن امور تكاد تؤدي للجنون اكتر سلاح بستخدمه عشان احمي نفسي وابقي بكامل قوايا العقلية في ظل وجودي في المجتمع دا والحياة دي هي التغافل وعدم الانتباه انا بشوف وبسمع كل يوم عن حوادث تشيب الرأس تخليني اتمنى الموت ولا اني اسمع خبر زي كدا الغريب واللي يجنن اكتر ان الاخبار دي بتمر على الناس مرور الكرام! ساعات بحس لو سبت دماغي تفكر في الامور والمواضيع دي كتير وادتها وقت اني افكر فيها كتير هكون على حافة فقدان العقل فبستخدم حيلة التغافل الناس ممكن تفتكرني اني عندي لامبالاة وانا بسكيب وعاملة نفسي مش مهتمة بس ميعرفوش ان كدا بحمي نفسي من الجنون لأمور تشيب الرأس

انا في سنة تالته بزنيس دايما بحس ان متاخر و انا مش بعمل اللي عليا بلص بقا انا عندي مشكلة ف التعامل مع البشر يعني بعرف اتعامل نص نص مش احسن حاجه انهارده بدات كورس انجلش عشان اطور من نفسي كانت اول سشن ليا حاسس اني متوتر شوية و اني مش كويس

أنا تعبت اوي نفسي اموت ادعولي اموت لأن ده احسن ليا أنا اهلي بيضغطوني اوي نفسيا كل ما يشوف حد من اخواتي بيكلمو ولاد يمسكون فيا أنا وكل ما حد يغلط بيتخانقو معايا انا تعبت اوي بيشيلوني ذنب أنهم مش عارفين يربو و افهمهم أن طريقتهم في التربيه غلط مش مصدقين مقتنعين أن الضرب و الزعيق و الخناق بيخوفنا و أنا كرهتهم و كرهت اخواتي و كرهت االلي حواليا و محدش يقولي اتكلمي معاهم عشان أنا ريقي نشف من الكلام أنا عايزاكم تدعو عليا بالموت عشان مفيش حاجه اعيش ليها حتي اللي كنت بحب استغل ضعفي و آذاني أنا بقيت مريضه نفسيا و لو فضلت عايشه بالطريقه ديه انا هتجنن و أنا مش عايزه يحصل فيا كده فا الموت هوه احسن حل و أنا أضعف من اني انتحر لاني جبانه اوي ربنا ياخدني والله

نفسي افتح الشباك واصوت جمبي كوبايه ازاز نفسي اكسرها يااااه بس طبعا هيودوني مستشفى المجانين بعدها إن شاء الله لما اتجوز هجيب ل عيالي اوضة فيها كوبايات ازاز واخليهم يكسرو براحتهم لتفريغ الطاقه يبختهم والله

يا جماعه اعمل ايه في ضغط اهلي دا اهلي عايزني قاعد عالكتاب ٢٤ ساعه واكيد دا مستحيل يعني ولما بس اقعد ٥ دقائق بس افك في اي حاجه يتعملي مشكله كبيره وخناقه ملهاش اخر غير الزعيق طول النهار والليل غير المشاكل اللي عندي اللي مستحيل اعرفهم دماغي مليانه ٦٠٠ حاجه مش ناقصه كمان مشاكل معاهم

انا عندي تصلب لويحي و حابة نصايحكم في الموضوع و خاصة كيف اتغلب عن القلق و كيف اواجه الضغط من عند الناس اللي بخاف على مشاعرهم و اللي هو السبب في مرضي، ما عرفت كيف اتخطى هاد الشي و ما بدي تتطور الاعراض اكتر 😭😭

ازاااي اشجعه يبطل تدخين ازاي حد ممكن ياخد خطوه دي و اكيد فاهمه بتكون صعبه بس مفيش اهم من صحه بجد وانا عارفه انه هيحاول بردوا علشاني بس مش عايزه اضغطه اكتر مهو مضغوط وفي نفس الوقت خايفه عليه

انا لحد دلوقتي مش حاسه ان اقدر اتحمل مسؤوليه يعني مفروض اهلي تعبانين و سنهم كبيرر مفروض اساعدهم فكل تفاصيل الحياه بس انا اتربيت تربيه متدلعه الهو مبعملش حاجه معاهم بس كله جه علي دماغي دلوقتي وانا مبعرفش اعمل حاجه يدوبك عايشه فكارهه نفسي بجد

اللي يشوف كلامي يدعيلي اوي عندي امتحان بكرة اكثر امتحان خايفة منه لاني رايحة وانا مش عارفة حاجة فيه ادعولي احل صح وادعولي بكل الدعوات اللي تيجي على بالكم وادعولي بردو إن ربنا يوفقني في الاسبوع كل لان الخمس ايام اللي جاية كلهم امتحانات ورا بعض وانا اول مره في حياتي ادخل امتحانات وانا مش عارفة كلمة في المنهج ويارب سامحني على تضييع وقتي

الحمد لله على كل حال.. 🤍 بقالي فترة باجي على صحتي ونومي وبشيل فوق طاقتي عشان ببني مشروعي وبحاول أعمل حاجة محترمة تشرّف وكنت دايمًا بحاول أكون قد المسؤولية اللي شيلتها بإرادتي. امبارح حصل عطل مفاجئ وده طبيعي جدًا في أي سيستم و شغل ولأنه كان ليلة امتحان والضغط عالي فضلت صاحي للفجر ومغمضتش عيني غير لما المشكلة اتحلت بالكامل والسيستم رجع يشتغل والطلبة دخلت امتحنت الحمد لله ومحدش اتضرر. لكن وقت الأزمة الكلام القاسي واللوم اللي سمعته كانوا أصعب بكتير من المشكلة نفسها إحساس صعب جدًا إنك تستهلك صحتك وأعصابك عشان تحافظ على مصلحة الناس وفي لحظة تلاقي كل تعبك ومجهودك اتمسح بسبب غلطة غير مقصودة وبرا إرادتك وتلاقي هجوم بدل كلمة تقدير. أنا الحمد لله راضي بكل شيء بس يمكن دي أول مرة أحس فعلًا بثقل الحمل ده ضغط نفسي وعصبي كبير وصراع مستمر إني أوازن بين دراستي وسنة تخرجي ومشروع التخرج وبين إني أفضل ثابت وببني شركتي ومستقبلي. دعواتكم معايا الفترة دي تعدي على خير 🤍 وربنا يكتب لكم أضعاف ما تتمنوه ليا يا رب .

عارف لما تبقى تايه لدرجة خلاص فعلا الحياة دي كلها متبقاش في نظرك اي حاجة عايز تمشي وبس عايز تدخل غيبوبة مش قادر تكمل والله ماقادرة ربنا كتبلي وظيفة تكاد تكون بالنسبالي مهلكة نفسيا وجسديا حاولت والله اتقبل ولكن مستحيل فعلا ودلوقتي انا لازم اشتغل وعندي ظروف تخليني في معظم الشغلانات المتاحة منفعش ومش بتقبل وبابا مش هيسمح مشتغلش وانا مش طايقة البيت اللي انا فيه ف انت محطوط مابين نارين يا تتعذب في الشغل اللي مش طائفه يا تقعد في بيت مش بتحس فيه غير بالخنقة والعذاب ونيجي بقا للحل الوحيد اللي المعظم هيشوفوه حل وهو اني اتجوز محدش بييجي ولو حد جه بيمشي بسبب الظروف وياسيدي فرضا حد جه ووافق انا معنديش اي طاقة لعلاقة زي دي اصلا انا مش هقدر أشيل بيت ابدا انا فعلا والله العظيم بتعذب جوايا لدرجة انا فعلا مش عايزة اعيش ونيجي للسؤال الأهم هو ليه الانتحار حرام ..

يا جماعه انا عايش ومش عارف انا عايز اي انا مخنوق جدا جدا وتعبان وموجوع من جوايا والله ألم وضيق صدر لا يعلم بيه الا الله وخوف بدون سبب معرفش من اي هل من الامتحانات اللي جايه ولا من اي بالظبط مش عارف بس انا حاسس اني مستنزف جدا مبعرفش احكي لحد انا حاسس ب ايه انا عندي ٢٢ سنه انا ولا مره ف حياتي جبت حد وقولتله انا مخنوق ومضايق وحاصل معايا كذا كذا معنديش صحاب كتير واحد من ايام ثانوي وواحد ف الجامعه ولا اتنين ومبعرفش اكسب حد مبعرفش اتكلم او اتصاحب علي ناس مبعرفش ابدا طول عمري من ابتدائي وانا كده لحد الجامعه المهم اني دلوقتي موجوع وقلقان ووحيد وحزين جدا مش عارف اذاكر ولا قادر اسافر للجامعه عندي سكاشن بكره والأحد عندي امتحانات عملي ومش طايق اعمل حاجه وقاعد ف صمت وسكوت ومستني السكاشن والامتحانات تيجي وتخلص حاسس اني معنديش طاقه بربع اقاوم بيها اللي دا غير الفاينل اللي بعد دا غير الفاينل اللي هيبدأ اخر الاسبوع انا تعبت يجماعه تعبت ضغط نفسي وعصبي انا مش مستحمل

بقالي سنين عايش في إكتئاب مش عارف اخرج منه .. ابسط الحاجات الي الناس بتعملها بطريقة طبيعية بتسنزفني انا .. بتصعب عليا نفسي اوي لما ابص على حياتي المفروض كانت تبقى فين و بقت فين .. عمال اغيب من الشغل و حرفيا مش مهتم اية الي يحصل .. حاسس ان الاسوء حصل.. عايز اعيط و ارمي دماغي على كتف حد من غير تنظير و من غير ما يقولي المفروض تعمل كذا أو تحل بالطريقة الفلانية .. ببص ورايا مفيش عيلة ولا في حد دعمني ولا في حد خد باله اني موجود .. كلهم بيقولوا انهم بيحبوني بس هما السبب في كل ده .. مش قادر استحمل دماغي و ضغط الأفكار الي فيها .. مش قادر ابقى طموح زي الاول

الواحد عنده كميه طاقه سلبيه وغضب كبيره اوووي مش عارف ف ايه بجد الدنيا مش احسن حاجه وكميه ضغط وتفكير حاجه ف منتهي وجع القلب بس الحمدالله فتره وهتعدي وانا متاكد انا ربنا مش بيجيب حاجه وحشه ممكن الفتره دي مش احسن حاجه بس الحمدالله كل حاجه بتعدي ان شاء الله ربنا يكرمني ويعوضني خير ممكن لو كان عند الواحد صاحب يثق فيه كانن ممكن اتكلمت مع ممكن اكون بقيت احسن بس فكره انك مش عارف تتكلم ولا تطلع اللي جوايا دي حاجه رخمه اوووي بجد اوقات كتير بحس اني معنتش بعرف اتعامل مع الناس حاسس ان فيا حاجه غلط اوقات تانيه بققي كويس والدنيا جميله بس الفتره دي بجد تقيله اوووي والناس بقت وحشه اوووي محدش بيعمل خير ف حد او حتي النفوس تحسها مش صافيه ليه الناس بقت انانيه اوي كدا ووحشه ليه بجد

في حاجة بتحصل للي بيمروا باكتئاب شديد أو صدمات نفسية ومحدش بيتكلم عنها كتير وهي إن الذاكرة بتبدأ تقـ ـع مننا. ​الناس اللي حوالينا بيبقوا فاكرين إننا سرحانين أو مُهملين ومش مركزين في كلامهم بس الحقيقة إن الموضوع مالوش أي علاقة بالإهتمام.. لما بنتحط في ضغط نفسي فوق طاقتنا جسمنا ومخنا بيعلنوا حالة الطوارئ وكُل طاقتهم بتتوجه لهدف واحد بس، إننا نفضل عايشين ونعدي اليوم بأي شكل. ​في الحالة دي المخ بيعتبر إن تخزين الذكريات وتفاصيل اليوم دي رفاهية هو مش قدها دلوقتي، فبتلاقي نفسك ناسي مواقف وأسماء وحتى فترات كاملة من حياتك ممسوحة. أنت مكنتش مقصر .. أنت كُنت في ((وضع نجاة)) ​التعافي الحقيقي مش بس إننا نتحسن لكن إننا نبدأ نجمع حتت من نفسنا تاهت مننا في الزحمة ونطمن نفسنا إن النسيان ده كان مجرد وسيلة من مخنا عشان يحمينا وقت مكانش فينا حيل نستحمل أكتر من كده.

السلام عليكم انا حاسة ان الدنيا اتقلبت كلها عليا انا وجوزي في بينا مشاكل كتير رغم ان والله انا بحبه وهو بيحبني وبجد حياتنا كانت كويسة مرة واحدة اتقلبت وكانت هتوصل للطلاق انا مبقيتش عارفة اعمل اي والله مضغوطة من كل النواحي ومبقتش عارفة اتصرف ولا عارفة اشتكي ممكن تنصحوني علشان انا مليش حد ينصحني

مش عارف اقول اي بس انا تعبت إني بفهم اي زي ما بتقروو كدا انا بقيت بفهم الناس الي قدامي بطريقه تتعبني في كلامهم قصدو اي وحركاتهم وومين بيحبني ومين لا أو مين كويس أو مين لا دماغي بتضعط عليا لدرجه بيجلي صداع

طب وبعدين يعني ما طظ يعم ، طظ ف اي حد مش فاضي لاي حد لا لاهل ولا صحاب انت اولى بوقتك يا حمار اللي بتضيعه عمرك بيجري ف هبل يا عبيط فوق يلاا بقا ام المشاكل على اي حاجه فوق لنفسك كدا اعتكف بعيد عن الكوكب كله ويولع الكل لما انت هتولع هييجوا يتدفوا محدش هيحاول يطفي فوووووووق (هتلاقي واحد بيقول هحححح ويصيح وواحد جاي يديه ف وشه كدا ، الاتنين انا متستغربش ) "اتجننت"

هحححح عايش وسط اهل مبيعرفوش يربوا كويس اب متحكم وشايف انه دايما صح اخوات مشافوش ربايه وخناق كل يوم ومدخنين وابويا زعيق وشتيمه ضوااااااااااااائق ماليه متربي عليها تقريبا وسط كل دا ومتشاف من العيله كلها اني انا المدلل بتاع البيت وقال ايه ابويا بيسايسني وانا خبيث وبعمل كل حاجه ومداري ( بشرب كل حاجه وبتاع نسوان واي حاجه تتخيلها بقا ) وسط عيله بتحقد عليك لمجرد ان انت ابن احمد اللي فشخوه لحد ما جابوه الارض حقد وغل بلا هدف وبلا سبب طلعت بقا من كل دا بتحاول تبقا سوي نفسيا عشان الغلبانه اللي هتتجوزها ملهاش ذنب ف دا لا هي ولا ولادك مستقبلا (مش عايز ابقا زي ابويا ) مطلوب مني اعيش ازاي وسط دا انا مش فاهم والله تعبت وقرفت وحاجه قمة الغم والله ومطلوب بقا تطلع من وسط دا عالم مثلا ولا رجل اعمال غني ولو مطلعتش حاجه عدله يبقا انت اللي مقصر يارب عفوك عشان جبت اخري والله لسه امبارح ابويا متخانق معاهم (اخواتي) وشتيمه باوسخ الألفاظ وطردهم من البيت وامه (ستي) مشجعاهم وفرحانين ف ابويا طبعا ان عياله باظوا (حقد غير مبرر) وصعبان على العيله كلها ان انا كويس وبينخوروا وهيموتوا ويطلعوا فيا حاجه بس مش لاقيين ودا اللي مجننهم بقا هحححح 😂 مش عارف اقول ايه ممكن تعتبرها فضفضه بس انا اتجننت عموما

هل مبرر كافى للانفصال أنه بيشك فيا ليل نهار وميقدرش ساعات ينام من كتر الشك والموضوع بقى ضغط عليا من كتر التبرير والتفتيش والمراقبة وأنه بيمد أيده وأنه علطول محتاج ارد عليه على التليفون يشتكيلى من مشاكل شغله أو إحساسه بعدم الراحه وكل يوم او يومين تهديد بالطلاق وكلام فى تفاصيل الطلاق وفى ساعة الجد يرجع فى كلامه مع العلم أن دى جوازتى التانيه وهو شايف أنه الست كده كده هتتحمل عشان دى جوازتها التانيه مينفعش تتطلق تانى .

السلام عليكم اولا قبل اي شيء ادعولي يا جماعة ربنا يفك كربي وحالي يتحسن -- ممكن اعرف بتتعاملوا ازاي لما حالكم يتقلب؟ يعني انا حالي بقا بشع بشع بشع، عمري في حياتي ما وصلت لكده فعلا، انا طالبة طب ف سنة اولى، وكنت على مدار ١٢ سنة اللي فاتوا متفوقة موت وبعرف احفظ كويس وذاكرتي كويسة وكل حاجة فيا كانت تحفة فعلا، اول ما دخلت الجامعة مش عارفه احفظ وبنسى بشكل متخلف ورحت كشفت وكان عندي انيميا ونقص زنك، جماعة بعيدا عن اي شيء الضغط النفسي اللي انا فيه صعب انا بقيت اعيط كل شوية بشكل هستيري وفجأة، امبارح عيطت في العربية لمجرد بس اني افتكرت حالي بقا عامل ازاي انا بجد زعلانه اوي على نفسي ومش عارفه اعمل ايه؟ اللي عنده اي نصيحة بالله يقول، الوقت ضيق والامتحانات بعد شهر بالضبط والكمية بجد كبيرة وانا مش عارفه احفظ ، امبارح كان عليا امتحان حرفيا عكيت فيه كل معلوماتي نسيتها ده غير ان اصلا امتحانات الموديول الاول والتاني اللي امتحنتهم من ٣ اسابيع وكنت عاكه فيهم برضو علشان نسيت لسه مأثره فيا وانا محتاجة اعوض فعلا في اللي جاي فهل حد عنده نصيحة؟ + ادعولي بالله بالله ادعولي ومتنسونيش من دعواتكم.

انا حاسة ان اكتر حاجة خايفة منها حصلت المهم بعيدا عن دا انا مش عارفة اظبط وقتي ولا يومي بقيت احس بضغط رغم ان يومي روتيني ومعروف كل يوم اليوم هيمشي ازاي بس انا حاسة ب ضغط نفسي وجسدي وتعب وارهاق

فقط كيف هي ذكية عاطفياً كذا ، تلاحظ التغيير بالتعابير وعدم الارتياح ، لهذا هي تعرف سبب تصرفي وذعري جنبها وهي تمر في مرضها لهذا هي تعرف شكد اني احبها لهذا هي تعرف انا امر بمشاكل ما اشاركها معاها وضغط و ارق ، حقاً ما اعرف شنو سبب او حل هذا الارق

مشاكل تافهه بتحصل دايما ف البيت وبتكبر ف الفاضي بحس انهم بيستنو الدنيا تبقى هاديه و يعملو مشكله من العدم وبالذات والدتي حرفيا على اي حاجه او اي كلمه تتقال مشكله وزيد من الشعر بيت اتا تالته ثانوي ف الموضوع بالنسبالي زياده عن اخواتي وانا قرفت وزهقت ف بفكر اسيب البيت مع اقرب فرصه بعد الامتحانات حد عنده فكره اعمل اي بعد خطوة اني اسيب البيت ؟

مخنوقه اوي اوي وحاسه الدنيا جايه عليا اوي انا المفروض فاتتني سنه ونزلت سنه ف الكليه فبجد حاسه نفسي كبرت اوي ع الامتحانات والخوف والكلام الفاضي ده بجد الفكره ان السنادي برضو لو شلت ماده الترم ده كدة انا هشيل السنه كلها تاني .. تعبت وبتعب مش بلاقي تعبي بامانه تعبت وزهقت اوي اوي الامتحانات تعبتي وارهتني نفسيا ااوي

أنا واحدة من الناس الزعل بيأثر علي صحتي، و ده بجد مش كلام الزعل او الضغط او الحزن بيتعب أعصابي دايما ايديا مهزوزة عيني بترف من غير سبب او تحكم مني مبقدرش اتحكم في حاجة محتاجة دقه او سينس، لأن ايديا مش ثابتة، خصوصا الشمال احيانا بحس كتفي كله متكهرب انا مش اتنشن و لا مهتمه حد يتعاطف معايا بالعكس انا لجأت للابلكيشن ده عشان مضطرش اقول لحد عارفني لان مبحبش حد يُشفق عليا

انا اعمل في وظيفة تأثر على صحتي نفسية و اريد ان اتركها لاكن ابويا و امي يقولون لا تتركها بتضيع مستقبلك وانا اصبحت مضغوط من وظيفة بسبب طبيعتها سامة و مش عارف اعمل ايه ف اريد نصيحة اكمل فيها او اترك الوظيفة

صباح الفل اخواتي الفواكه يارب يومكم يبقى لذيذ ماذا يفعل الانسان لما يكون في امس الحاجة انه يروح لثيرابيست بس معندوش الرفاهية دي دلوقتي ف الواحد يعمل ايه يساعده ميتجننش لحد ما يروح و اللي راح قبل كدا خد الخطوة ازاي لاني اوقات بحس مش هقدر اعملها حتى لما يجيلي الفرصة رغم اني محتاجاها جدا

اليوم قطعت أكثر علاقة مؤذية و اللي نحس أنو معندهاش أي لازمة ، علاقتي بعمتي اللي كانت جد مرهقة و مؤذية. عمتي هذي حاولت تعيش بيا احساس الامومة كونها ما عندهاش اطفال ، عيشتني جحيم، خلت اسراري عند الناس الكل ، سمحت أنو نتعرض للمضايقات من كل افراد الاسرة، اسلوبها كان خرا معايا و مع صديقاتي..... باختصار كانت ضغط كبير.االلي مقلقني ذرك أنها راح تمشي تحكي فيا للناس و أنا كرهت و تعبت من التفاهات هذي+ أنو لما قطعت معاها علاقتي ما قلتش كل اللي في داخلي .

جماعه عايزه حاجه تفوقنى لنفسى كدا عشان حاسه ان كل حاجه وحشه حصلتلى راجعه افكر فيها دلوقتي ( عندى امتحانات وهو فعلا مش وقته ) واد اى انا متحبتش و اتخانت من اقرب الناس ليا ومين عاملتنى بأسلوب مش عارف اى واى اللى ممكن يحصل لو ف حاجه خايفه انها تحصل حصلت انا بجد اتضايقت منى ومش عارفه اعمل ايه

تعملوا اي عشان تتخطوا٫ عندي ٢٤ سنة و خدت اكبر صدمتين ف حياتي ورا بعض ٫ والدي اتوفي وخطوبتي اتفركشت وكنا واخدين بعض عن حب ٫مستحملتش فقداني للشغف بعد موت ابويا ولا استحملت عصبيتي وكمية الضغط النفسي اللي كنت فيه خصوصا انه مات وسابلي اختي ف ٤ ابتدائي وامي ٫ حياتي وقفت مش عارف اعمل اي كل حاجة سودا ف وشي مش عارف اكون كويس ولا اتخطي ومش عارف ابدأ من جديد الحمدلله علي كل حال بس اتمني اللي عنده فكرة اعمل اي يفيدني ويقف معايا 🙏 شكرا

عندي مشكلة معرفش هي تعتبر مشكلة في الشعل ولا فيا انا، انا كراجل مش بحب بنت تعاملني بطريقة وحشه او احسها اعلى مني بطريقة كلامها و اظن ان ده طبيعي جداً عند اي راجل و الفكرة ان في الشغل عندي هي مش مديره ليا لا هيا بس وسيط مبيني و بين العميل و طريقة كلامها حلوة و بنهزر و بنضحك بس اوقات بحسها بتبقى عايزة تعمل اللي في دماغها حتى لو هو غلط بالنسبه لشغلي يعني في مره عملت حاجة في الشغل و كان المطلوب ان يكون لونها بنفسجي غامق ف نفذت و بعت و هيا شافت قالت ده اسود و قولتلها لا د بنفسجي و قالت والله اسود فتحه شويه ف صورت بتلفوني و بعتها لما عملت زوم و وضحت اللون قالت لا فتحة برضوا ليه قالت كده معرفش و في مره واحد من نفس شعلي انضم للتيم ف بكلمها بتقولي ده سريع جداً و اسرع منك و جودة شغله احسن من شغلك و بيعمله في نص الوقت ف انا اتجننت لان في اكتر من نص معرفتي بيقولي انت ازاي سريع كده ف المهم طلبت اشوف شغله لقيت شغله كله Ai و لعب عيال و بيخلص الشغل اللي انا بعمله في اربع ساعات في ساعة ف انا بقولها لا ده انا لو هطلع الشغل ده والله كتير عليه ساعة انا اقدر اطلعه اقل ف المهم جت في مره و قالت هو طلع لعميله عندك انت كنت بتغيب فيها 6 سعات في ساعتين قولتلها وريني قالت كمل شغلك و لما اصريت وراها قالت لا انت قصدك علي العميله دي لا د لسه هيعملها و لما يعمل هيبعت و النهاردة بعتت فيديو بتقولي خليه عندك عشان يبقى مرجع ليك لما تشتغل ف قولتلها انتي عايزة اخد مرجع من واحد بيشتغل بالذكاء الاصطناعي ونا بقالي اكتر من 4 سنين شغل؟ قالت مش بالسنين هو فعلاً بيطلع شغل احسن منك ونا اتجننت بقى قولتلها فين الشغل ده و بعد ملقيتها فعلاً مش فاهمه حاجة قولتلها انتي صح انتي قد الدنيا و كلنا بنتعلم منك و قلب احمر و الايموجي ده 😍 ف هي عادتا مش بترد علي الكلام ده لما بشكرها او بمدحها ف هي ردت في دي و قالت انا عارفه والله تسلم مع العلم ان الحوار ده حصل مع واحد صاحبي مش طريقة الكلام بس هو متفق معايا انها مش فاهمه ف اللي انا عايز اوصله بقى بعد كل ده اني عايز اقول للمدير حاجة جزرية لاني اشتكيتله اكتر من مره و الموضوع متحلش ولا مره ف انا الحل الي في بالي حاليا اني اسيب الشغل معاهم و الرزق علي ربنا بس اللي غايظني اني هسيبه عشانها، مع العلم انها لما بتشتكي للمدير عليا في يوميها بلاقيه بيكلمني ف عايز حد يفيدني عشان بجد الشغل بتاعي كله ضغط اعصاب و اللي هي بتعمله ده بتخليني مصدع طول اليوم و مش بعرف اشتغل و مش طايق نفسي ده غير كميه الضغط النفسي اللي بيحصل في الشركة عمتاً

مش عارفه هل هيكون فى حل او لا بس حبيت اعبر لان نفسيا هتعب ومش عايزه كده الصراحه المهم اهلى ابويا وامى طول الوقت فخناق من بعد ما بابا نزل من السعوديه واستقر هنا والمشاكل مش بتقف تقريبا كل يوم من غير مبالغه خناق على الفلوس ومتخانقين بقالهم تلات شهور والله ما فاكره حتى امتى اخر مره اتصالحوا الصراع الة جوايا ده مفيش حد فيهم عاجبه حاجه اتكلم مع ده التانى يزعل غير ان امى فعلا والله بقت تكره ابويا وتكرهنى انا كمان فيه لان مبقاش يصرف عليا وكده وهو بيفضل يشتم بطريقه بشعه محدش يستحملها ولو سبنا ممكن يضرب انا بجد زعلانه ومهما بحاول احسن نفسيتى والله ما قادره من جوايل متكسره جامد وزعل الدنيا فقلبى انا بكره اروح البيت بعد الشغل بس هروح فين ...

محتاجه ٣ شهور ٣ شهور بس اقعدهم لوحدى مكلمش حد مقابلش حد انا اقعد مع نفسي كدا بس حاسه انى هرتاح شويه كل الكلام الى جاى دا ملوش لازمه في حاجه ماسه الى اخر مشاركه بواسطه البريد الالكتروني الخاص بي ايه مواضيع جديده في قسم الاول

انا حاليا ف 3 ثانوي و باقي 55 يوم علي امتحاني و انا مش مذاكر نص المنهج و ده جزء كبير منه بسبب اهلي، انا ابويا و امي منفصلين بسبب الاختلفات و المشالكل المديه و قررو للسنه دي بدون اخذ رائي اني هروح اقعد عند ابويا، و امي وافقت رغم انها عرفه عيوبه زي انو سكير و انو عايش ف شقه صغيره جدا43 متر حرفيا و انو عجوز 66سنه و صعيدي اي متحكم جدا و مش بيغير رايه و اكيد بالتابعيه سليط اللسان، و رغم كل القرف ده انا عشت معاه و صبرت و استحملت من17/8/2025 كنت بروح ازور امي خميس و جمعه بس كل اسبوعين، و علي النظر التاني امي برضو مش مريحه بس الاسوء انها غير مباشره زي ابويا لا هي ممكن تشتم ف نص الكلام ف متعرفش تعترض و حتي لو دخلت معاها جدال او خناقه بتستخدم اسليب وحشه زي ان احنا بنتعلي عليا بسبب فرق التعليم الي ف صلحنا و حاجات زي دي كتير، انا كنت صابر اخلص امتحنات و ارحع اعيش تاني عندها لحد ما جت القشه التي كسرت ظهر البعير، و مع بداية النراجعات طلبت منها اني ارجع استقر عندها بما ان مدرستي اقرب ليها و هي قلت لي بمنتهي الوقحه لا لنا مش عيزاك انا مش حمل قرفك ولا تنقص درجه و ابوك يصدعني انا اسعدك بفلوس بس خليك هناك، مكدبش انا قلبي اتكسر رغم اني كنت متوقع فعل زي ده بس مكنتش متوقعه ب الطريقه دي. بعيدا عن كل ده انا عايز مساعده هل انا لو دخلت جامعة ف محافظه هل هيكون الوضع احسن ولا لا اصل امي ف القاهره و ابويا ف الجيزه ف سهما حرفيا فقلب الشغل و الموصلات و الحاجات دي ف انا مش عارف هل لو رحت محافظه تانيه هل هيكون الوضع كويس ولا لا اقعد هنا و خلاص مع العلم اني ناوي انزل شغل من اخر ايام الامتحنات ف اكيد الشغل هيكون هناك احسن من المحافظات، ده عير ان هما اصلا كنا عيشين ف بدر بس بعد الطلاق ابويا راح الجيزه و عشت انا و امي و اختي ف بدر كام سنه تاني و حياتنا كانت مستقره بشكل كبير او علي الاقل حياتي كنت اعرف صحابي شوارعي مدرستي لكنه مره واحده عزلو من تانيه ثانوي يعني مكملتش مع المدرسين الي اعرفهم و رحت بقا السلام تانيه كلها و قاعد ف الجيزه ثالثه كلها، بس لحسن الحظ انا لسه مع تواصل قوي مع اصحاب بدر لانهم عشرة عمر، ف من رائيكم اروح خحافظه جديده خالص ولا اقعد و حياتي برا البيت هتساعد. و شكرا ليكم

الحمدلله مكمل رغم الضغط النفسي اللي انا فيه الحمدلله رغم الاحباط اللي بواجهه لسه ماسك في حلمي وواثق اني هحقق اللي عايزه حاجتين اهم من بعض بس في حاجه لو مش موجودة مستحيل احقق حلمي وهي النيه والحمدلله دي عندي من صغري هكون شاكر لاي حد شجعني وقالي كلمتين حلوين

صاحبتي بتكره خطيبي اوي و بتحاول دايما تعمل اي مشكله معاه او تتخانق و دايما بتقول انه مش كويس و بتنقل كلام عنه انه وحش و اني استحق احسن منه و خطيبي بحكم انه خاطب يعني و ان دي بنت ف بيتعامل معاها بجدية و هي فاكرة انه كدا بيكلمها باسلوب وحش مع انه كويس اوي و مش بيتعامل مع اي بنت بطريقة حلوة غيري انا بس هي مصرة انه مش كويس و اني لازم اسيبه و وصلت لدرجة انها كانت هتقطع علاقتها بيا عشان انا مش راضية اسيبه و انا الموضوع دا ضاغطني نفسيا و تعبت منه بجد

بحس دايما أن أبسط موقف بيتعبني ويرجع في دماغي ذكريات كل المواقف المؤلمة وحاولت اقنع نفسي ان ده ملوش علاقة بده بس أقل موقف بيضغطني بيفكرني بكل المواقف الصعبة وده بيخليني أحس باليأس كنظرة تشاؤمية عامة عن الحياة خصوصا اني كان عندي ارتجاع مرئ وحرقان في المعدة بسبب التوتر ل ٥ سنين وده كان لوحدو عامل ضغط نفسي قوي بسبب ألم الحرقان المستمر خلاني ابص دايما للحياة انها مكان مؤلم . بقيت بحاول اصور مفسي في لحظات السعادة عشان اقنع نفسي ان الحياة فيها جزء سعيد ... بس لغاية دلوقتي منجحتش في ده

ازاي اطلع من المود اللي انا فيه بقيت حساسه جدا و اي كلمة ولو من طفل بتأثر فيا و شايفه اني فاشله و دايما حاسه اني عايزه ابكي و انا دلوقتي ففترة امتحانات و نفسيتي بايظة خالص غير اني معايا اخ توحد ٢٤ ساعة صراخ فالبيت مش عارفه اتعامل مع الوضع خالص حاسه اني مش عايزه اكمل

عايز نصيحه بتعملو ايه لما كل الدنيا بتكون كئيبه من اغلب نواحيها تبص علي الاحداث بتاعه العالم حالها ميسرش ، بيتك وكلهم تعبانين وشايلين هم الدنيا ومحسسينك انك تاعبهم برغم اني عارف ان انا مش تاعبهم بس هما اسلوبهم كده خروجاتك او علاقاتك كلها شبه بعض نفس الناس نفس التعامل نفس الكلام وحاجه تعب جدا وانا اصلا مش عايز حد ينصحني او يسمع مشاكلي انا بحاول افرفش نفسي بتمرين او بلاستيشن او فيلم او فيديوهات بتضحك بس احساس اني بحارب حاجات كتير كئيبه في وقت واحد ده سخيف اوي😅💔

السلام عليكم ورحمة الله وبركاته عايز أعرف لما بتدخلوا في حالة ضغط من كل حاجة ازاي بتفرغوها، تفريغ الضغط عندي كان بإني انزل اتمشى بليل متأخر واقعد اصور كل حاجة ويبقى معايا الايربودز، بس بقيت حاسس ان حتى دة مرهق وتقيل عليا عايز حاجة تبقى جوة الأوضة مش اكتر وأكيد مش مستني حد يقول لي اعمل حاجة بتحبها لإن لو كدة كنت عملت عادي بس حتى لو الضغط اتفرغ بحس ان دة شيء مؤقت زيادة عن اللزوم، اللي هو بعدها بدقيقتين برجع تاني، عقلي بقا سودوي اوي ومش بيركز غير على السلبيات حاسس ان دماغي بتتآكل من كتر الأفكار السودوية والمُحبطة

بجد محدش بيحس قد ايه صعبه تكون لسه مخلص شهاده و داخل علي سنتين شهاده و مع العلم انك مصاب بصداف نصفي معاك علي طول كل شويه لازم تتهزق لان درجاتك وحشه و مش عاجبه اهلك و هم ميعرفوش انك مضغوط نفسيا و حلمك بيضيع قدام عينك 😥

خارج من علاقه مكنتش متوقع اني اخرج منها واخر فتره قبل منبعد كنت متعلق بزياده والي كنت معاها لسه عندي ومعملناش بلوكات علي امل ان ممكن الدنيا تتظبط قدام في المستقبل بما اننا لسه صغيرين دلوقتي ومش عايزين نعلق بعض بزياده ومش عارفين المستقبل شايلنا ايه بدون دخول في تفاصيل بس من ساعتها وانا مش كويس وعلي طول بفكر وكنت كل شويه اخش اشوف فاتحه ولا لا حتي عارف ان لو فاتحه مش هنتكلم بحاول انسي ممكن اقعد يومين كويس وناسي او عامل نفسي ناسي بعدين اقوم مفتكر واقعد اجلد في ذاتي ودورت اني انزل اتعرف علي ناس جديده واغير جو بدل القعده دي وبالمره انسي بس مش عارف و واصل لمرحله اني مفيش اي حاجه ليها طعم ومفيش حاجه بتديني دوبامين المفروض امتحاني كمان شهر وده اخر ترم ليا واتخرج مش قادر اعمل حاجه ولا ليا شغف حتي اقوم اشوف الي ورايا يمكن مش ده الي مضايقني وتراكمات عليها ومشاكل نفسيه كتير بس اخر حاجه دي علشان مكنتش متوقعه فهي بهدلت معايا الدنيا المشكله اني متضايق من اني زعلان كده وليه ازعل علشان حد وفي الحاله دي حاسس انه مينفعش ازعل كده بس برضو مش عارف مزعلش

مبحبش اكتب بوستات هنا بس يلا مش مشكله يمكن حد يفيدني في الموضوع ده قبل اي حاجة اللي يدخل ينصح ياريت يكون عنده اي علم بالموضوع اللي هقوله مش داخل يواسي ولا افضفضله. عموما انا من وانا صغيره وزني مناسب لسني وطبيعي جدا لكن كنت بشوف نفسي دايما تخينه منغير سبب. فكان بيترتب علي ده اني احرم نفسي من الاكل ساعات وانا اصلا بحب الاكل جدا فعلطول بفكر في الاكل وباكل كتير لكن لما بفوق بحرم نفسي. علاقتي بالاكل بايظه. ممكن طول اليوم ماكلش حاجة اجي اخر اليوم احس اني مش قادره فاكل كتير اوي. المشكلة الرئيسة اني عمري ما ارتحت لوزني. عمري ما شفت نفسي وزني حلو حتي لو الكل شايف كده. علطول ببص في المرايا واكون كارهه كل حاجة. حاسه حياتي هتتحسن لو خسيت مع اني لو خسيت ممكن اصلا شكلي يكون وحش لاني زي ما قلت وزني طبيعي فمش عارفه الصراحة اعمل ايه انا عايشه طول الوقت تحت ضغط اني اخس بدون سبب. عمري ما كنت overweight عشان اخاف اتخن مثلا. بس بجد انا عندي فوبيا من الوزن الزياده. بحدد الأشخاص بالوزن ودي حاجة غريبه انا عارفه بس لو واحده وزنها حلو بحبها منغير سبب. وبحاول اكون زيها. لما بخرج مع صحابي واقول اني عامله دايت (معظم حياتي دايت غير صحي اصلا) بيستغربوا ويفتكروا اني بمثل مثلا ويقعدوا يتريقوا. الموضوع مآثر فيا من سنين ومحدش واخد باله منكتر ما زهقت طلبت كبسولات تخسيس عشان اخس. حتي لو غلط علي صحتي اهم حاجة بالنسبالي اني اخس. انا عندي مشكله اني وزني ثابت حتي لو خسيت برجع لنفس الوزن ده تاني. آسفه اني طولت بس اتمني حد يفيدني

يا جماعه انا بقالي فتره مضغوط وتعبان نفسيا ومش لاقي حد يفهم اللي جوايا وجربت اسال في محرك البحث عن حاجات مضايقاني وطلع لي ردود بجد ريحت قلبي اوي وخلتني اطلع كل الطاقه اللي مش كويسه فكنت عايز اسالكم حد جرب قبل كدا يفضفض مع المساعد اللي موجود في جوجل وبجد حس انه بيسمعه وبيحل له مشاكله ولا انا بس اللي حاسس بكدا عشان بجد الموضوع فرق في نفسيتي اوي وخلاني هادي

انا ف ثالثه ثانوي و بجد تعبان ابويا و امي منفصلين و قررو السنه دي ان انا اروح اعيش معاه و امي بعد ما كانت عماله تقول لي قول رايك ولاما قلت مش عايز ولا اي حلجه حصلت و رحت عنده ب الفعل، الشقه ضيقه 50 متر تقريبا مكان معرفوش ناس معرفهاش هو طبعه صعب ده بخلاف انو سكير و بيشرب برا و احينا بيجب معاه البيت و بيقد يزعق و يشتم و قد يكون الاسوء انو مبسعرف يطبخ ف انا الي كنت بعمل لينا الاكل ف كان بيكون شارب و بيدوق الاكل و يحط المعلقه الي مطرحه بقه ف الحله تاني و انا كنت بقرف من الموضع ده، و لما كنت بشتكي ل عمي و عمتي كان بيردو ب منهتي البرود (نعمل ايه يعني ما هو طول عمره كده استحمل انته راجل) و كذالك امي برضو بخلاف انها عاشت معاه و عارفه طباعه بس انا لما كانت اعصابي بتفلت و ارد عليه كانت هي بتغلطن، قلت بس الامل ف الثانويه احنا نخلص و نقدم ف اي جامعه محافظات و اخلص ف قررت اسيب كل الهويات بتاعتي زي تمارين البيت لان هو كان رافض اني انزل جيم او نادي او حتي حديقه عامه ف كنت بتمرن ف البيت و قللت كلام مع صحابي ب امره لحد ما اتمنع خالص لدرجه ان هما معيدوش عليا و انا لما عيدت عليهم اغلبهم مردش و الي رد رد علي القد، و انا حاليا باقي شهرين غلي الامتحانت و مش عارف احل و مش عارف اتمرن و مش عارف اصرخ ولا حتي عارف اعيط و حاسس اني هنفجر من جوا

اكتر علاقات سامة هي اللي في الجواز مبتقاش تهرب من الهم و الضغط النفسي ولا تكمل عشان الطلاق وحش و نظره الناس وحشة 😭😭😭 لية الناس طبعها وحشة و دماغها صعبة بجددد التفااهمم راااح فييين ربنا ياخد الرجالة الوحشة

انا من فتره قررت اسيب شغلي وصلت لمرحله معندش عارفه اشتغل رغم ان دي مش طبيعتي كنت علطول بهرب بالشغل بس كنت خلاص بقي تعبت والدوشه في دماغي مش مبطله مش هنكر اني مرتاحه جدا دلوقت لما بنزل اروح شغلي القديم منطقة الراحه بتاعتي ايام كده لما يبقي في ازمه وببقي مبسوطه بس انا عايزه اشتغل واطلع من الحاله اللي انا فيها دي بس معندش شايفه حل غير اني ابعد عن كل واي مصدر ضغط نفسي ليا لمده بسيطه اشحن شويه طاقه وارجع بس تايهة 🥺

برضو مازلت عندي نفس المشكله والمشكله هنا ان كل التطبيق هنا بيدعم الانثي فقط انا راجل الحمد الله مش بحب الشكوى بس اكتر شيئ منزعج منو اني نفسي الاقي نصيبي الحلال مش عاوز علاقات محرمه والسبب اني عاوز اتجوز اشياء كتير واهم شيئ فيها اني خايف اتفتن واقع في ذنب انا مش قدو وكتير بكون قاعد لوحدي بتجيلي افكار شيطانية والحمد لله بتغلب عليها ولاكن انا تعبت بجد عاوز اتجوز لان نفسيتي صفر انا عندي 24 سنه الحمد لله عندي بيتي وشغلي وحاجتي بس واقف ع بنت الحلال ومش شرط تكون هيا جاهزه المهم تكون بتصلي وبتلبس واسع وبتخاف ربنا ودي اكتر مسكله انا بوجهها لاني بشوف ف الشوارع مناظر عليهن غضب من ربنا الي بتلبس لبس وحش اوووي والي مطلعه نص شعرها برا وبقينا مسلمين ب الاسم وده السبب الرئيسي الي معطلني عن الجواز

السلام عليكم ورحمة الله وبركاته اخباركم ايه يا شباب نوتيلا عادت من جديد اكتشفت حاجة جديدة فاكرين لما قولتلكم اني حاسة اني مبسوطة اني اشتغلت حاسة ان نفسيتي بقت احسن اكتشفت اني ربطت ده بالسعادة يعني الاسبوع اللي اخذته اجازة علشان الميدترم و اجازة العيد رجعت تاني مكتئبة و نفسيتي وحشة ممكن لاني كنت اتعودت خلاص اني بقيت بشتغل و اني بعمل حاجة"بحس اني انجزت حاجة" فبتكون نفسيتي احسن و اكتشفت اني بردو عاملة نفس الموضوع من زمان في البيت ان البيت ده مكان للنوم و الاكل بس فمش بذاكر فيه مس عارفة اعمل ايه و ده غلط اني اقعد اربط كل حاجة كده لان وارد يحصل اي تغيير في الحياة عادي و ابسط مشكلة وقت امتحانات العملي و الفاينل بردو هضطر اخذ اجازة من الشغل ده غير بردو ان الشغل ده مؤقت فوارد اسيبه في اي وقت و خايفة المشكلة ديه تكبر معايا و مش عارفة اعمل ايه

هو انا لي حاسس اني عاله علي الكل سواء اهلي او صحابي او اي حد عموما الشعور دا مش قادر اتخطاه ساعات بيروح بس بيفضل موجود انا في الجيش ممكن علشان كدا ولا هي فتره كدا ولا اي طب اي حل الموضوع دا او ازاي اتخظاه او اتعامل معاها كويس ياريت حد يقولي

جماعة بتعملو اي لما بتفقدو الشغف مرة واحدة يعني بتبقي عايزا تعملي حاجات كتير بس مرة وحدة مخك وقف مش بتعملي حاجه غير صلاة واكل وشرب وفون وشغل وبس كل الخطط اليوميه كل الحاجات اللي كانت متراكمة لبعد العيد مش قادره أبدا فيها حاسه اني مكسله بشكل غريب لو حد عنده تفسير او حل لدا ياريت يفيدني لاني نفسيا الموضوع مأثر عليا جامد

السلام عليكم دلوقتي انا كان عندي تعب نفسي خلاني انزل سنة في الكلية فانا حاليا في رابعة هندسة واهلي يفتكروني باقيلي شهر واتخرج لاني معرفتهمش اني اتاخرت سنة فانا دلوقتي مش عارف ايه الحل كنت بقول هتتحل في وقتها بس جه وقتهاا اهو ومش عارف ايه الحل

النهاردة سبت مكان كنت فيه من اربع شهور كنت شغاله دينتال اسيستنت في عيادة أسنان وانا اصلا بدرس تمريض وبحب اوي الاسنان من صغري بس انا قررت أن دا يكون اخر شهر ليا هناك لان الامتحانات قربت فاضل بس شهر قلت اقعد في البيت علشان المزاكرة وكدا . اخدت خبرة كبيرة من المكان دا حبيت المكان جدا لاني كنت هناك من يوم الافتتاح عرفت كل حاجه موجودة تقريبا اعترفت على ناس حفظت المكان كويس اوي عن حب والله لا انا كنت مجبره اني اشتغل أو حاجة بس انا بجد كنت حابة اوي . هل انا ساعات كنت بحس أن وقتي ضيق اوي ؟ اه هل كنت ساعات بحس بضغط نفسي ؟ اه هل ساعات كنت بحس أنه كان قرار غلط من الاول ؟اه هل كان ساعات بيحصل مشاكل ؟ اه هل انا بحب المكان دا ؟ اه اه اه 💔❤️‍🩹 بحبه بس مش عارفه عندي احساس بيقول اني لو كملت فيه هندم ولو كملتش بردو عندم 😖 كل اللي بس عايزة اقوله اني جمعت ذكرايات حلوة اوى بالمكان دا ❤️‍🩹❤️‍🩹🥺

عندي مشكله مع ابويا ابويا زمان كان عنده ارض وارثها وباعها ف الرخص من١٣ سنه تقريبا بس بمبلغ ساعتها كان كويس المهم المبلغ دا هو خلال ال١٣ سنه حاطه ف البنك ومعيشنا علي فوايده طول السنين دي بناكل وبنشرب وبنتعلم منها انا مش جاي اتكلم ف الفوايد وانها حرام ولا حلال انا جاي اتكلم ف حتت انه مكنش عنده فكر اقتصادي ب ٢ جنيه ولا مثلا طلع جزء من الفلوس حطه ف دهب ولا جابلنا شقق لما كانت برخص التراب من ١٣ سنه وكان حط جزء ف البنك وصرف بيه علينا معملش حاجه خالص من دي وخرفيا لما حسبت سعر الفلوس دي لو كان جاب بيها دهب ساعتها وسعرها دلوقتي حرفيا ثروه ضخمه جدا دلوقتي بس عليه العوض بقا المهم كل ما اتكلم معاه ف الموضوع دا يحسسني اني بغتته بالكلام ومش عايز يقول انه غلطان وعمال يقول هي دي حياتي ومش هاخد خطوه ف حاجه انا مليش فيها خبره مش فاهم اي الخبره اللي الواحد محتاجها عشان يجيب دهب او شقق ولما فكر يجيب شقه جاب شقه ف مكان معفن لسا متعمرش من ٣ سنين وبيسدد اقساطها من الفوايد كل ما اتكلم معاه انا وامي يزعق مش عايز يقول انا غلطت ويقعد يقولنا هسبلكم البيت وانتو هتموتوني لي كل دا عملناله اي كل دا عشان انا زعلان علي مستقبلي انا واخويا اللي المفروض نبنيه من الصفر بنفسنا وكان عندنا فرصه لو ابويا استثمر فلوسه ف اي حاجه زمان عقار او دهب كانت بدايتنا هتبقا احسن بكتير وهنتجوز اسرع ونعيش عيشه احسن كل اللي عليه يزعقلنا ويقول لو اتكلمتو معايا تاني هسيب البيت وبيعامل امي اوسخ معامله واوسخ طريقة كلام علي اقل المواضيع مش الفلوس بس لي كل دا !! بس ف نفس الوقت هو كويس ف البيت وجايبلنا كل اللي مختاجينه ومش مخلينا محتاجين حاجه بس حرفيا كده مش هيبقا فيه حاجه للزمن انا هايف علي مستقبلي انا واخويا هنطلع للدنيا هنبني نفسنا من الصفر وانا لسا بدرس ف اخر سنه واخويا داخل علي ال٣٠ وفاتحله دكان صغير عندنا كده مشروع حرفيا ملوش لازمه ولا بيكسب وكل شهر ينزل يجيب بضاعه ومبيحسبش هو هيبيع ولا لا وفي بضاعه بتتركن وابويا جايب سواق بقاله معانا داخل ف ٥ سنين بيشتغل بياخد شهريا راتب لو حسبناه ف ال٥ سنين يجيبو مبلغ محترم ومش عايز يسيبو مع ان انا بسوق بحجة مش هنعرف نصلح العربيه ومين يروح للميكانيكي طب ما نتعلم عادي ادينا الفرصه ابويا بيعمل كل حاجه غلط ممكن تضيع الفلوس وتاثر علي مستقبلنا حرفيا وانا تعبت منه ومن اسلوبه وتفكيره دا مبقتش عارف اعمل اي تعبت نفسيا

انا واحدة محترمة وبنت ناس اوي بكالريوس تربية بيولوجي دفعة ٢٠٢٥ بتقدير عام امتياز مع مرتبة الشرف طبعا لسا بقبل على الحياة ما بعد التخرج بطاقة لكن مفيش اي حاجه مشجعة اشتغلت اول شغل ٣ شهور تدريس ستيم وروبوتكس لسن صغير ومشوني بسبب واحدة حقودة افتعلتلي مشكلة ومشيت اكتئبت شويه وبعدين قعدت في البيت كتير لحد ما جالي شغل في مدرسه خاصه لغات طبعا انا مفهماهم اني ما عنديش خبره لسه واتقبلت على هذا الاساس وكنت لسه بخلص ورق عشان امضي العقد لانهم قبلوني بالفعل طبعا ما كانش في تدريب ولا نيله ودخلتني قالت لي اشرح الحصه دي شرحتها طبعا حصلت شويه دروبات بسيطة جدا جدا بس المفروض ده طبيعي لكن اتفاجئت بيها بتقول لي انزلي امضي استقاله وانا لسا حتى ما خلصتش باقي الورق بعد كده قعدت في البيت تاني نزلت تدريب اسبوع في مدرسه خاصه برده وقالوا لي هيكون افضل لو في اجازه الصيف فمشينا وبعدين قعدت في البيت ثاني اكتئبت ثاني بعدين ما كانش قدامي غير اروح اشتغل في حضانه طبعا الموضوع متعب ومرهق جدا والمرتب قليل جدا جدا وطبعا بنتعرض هناك لحاجات زي ان طفل ممكن يشتمني باهلي او يضربني حتى والموضوع مرهق ومش طايقه ومش عايزه امشي عشان انا لو قعدت في البيت هكتئب طبعا انا بالفعل بتعالج من الاكتئاب واضطراب القلق العام بقالي سنتين ونص والدكتور قالي لازم تشتغلي وتخرجي وحرفيا شغلي دا مرهق جداااا احترت اعمل ايه

انا مخنوقه جدا انا عايشه لوحدي من ٢٠٠٩ بعد ما ابويا مات عمامي باعو بت جدي الي فيه شقة ابويا ومن ساعتها وانا بقعد في ايجار جديد انا مقتدره الحمد لله بس مش بلاقي شقه بسهوله محدش بيرضي يقعد بنت لوحدها وبيقلوا ادبهم عليا اكن انا الي اخترت اهلي يموتوا متجوزش انا والله في حالي وماشيه جمب الحيطه نفسي اموت واخلص من كل الضغط النفسي الي بعيشه في لحظه تدوير علي شقه

هكلم معهم واحول اني متخنش مع بابهم ولو عندي بنت اخلية تحب نفسة وعمرة متخفش مني انا عمري ما قلت لي ماما حجة حتة لما اعمل مشكلة في المدرسة كنت بستنة المدرسة تتكلمة ولمة التلهم انا عيزة اروح دكتور نفسي عشان انا تعبنة الو الى النا بدلعة وديمن بابا باقولي الي انا تخينة انا تعبنة جدا

انا مش قادر احب نفسي بكرهني شكلا و موضوعا بكره اني بني ادم ضعيف و اي حاجه بتأثر فيا و بحس كتير اني مثير للشفقه لأني مبعرفش اكتم مشاعري ببص دائما علي الناس اللي حواليا و بحس قد ايه هو أقوياء ف تعاملهم مع الضغط النفسي و مش بيسمحوا أنه يأثر علي حياتهم و بعدين ارجع أبص لنفسي و اكرهني اكتر لاني ضعيف و مش عارف اعمل زيهم

هل المرتب الكويس مبرر اني اكمل في وظيفة مش مريحة ومأثرة عليا نفسيا ؟! مع العلم ان بيئة العمل وحشة ومفيش تعاون وكمان حوار المرتب الكويس ده ممكن ينقص بسبب الخصومات اللي هي في الاساس بسبب اخطأ مش مباشرة مني ؟!

والدي مشكلتي مع والدي اني بحس أنه مبيحبنيش مبيفتخرش إن أنا ابنه ، ونا صغير كان بيضربني كتير ... طول عمره بيعامل اخواتي احسن مني حتى الآن بيهزر معاهم وبيضحك معاهم. والدي مبيستخسرش فيا فلوس خالص بالعكس اي حاجه ممكن اطلبها منه بيعملهالي ، لكنه دائما بيبصلي بصة ازدراء بيكذبني في كل حاجه بقولها حتى لو حلفت ، ضاغطني نفسيًا دائما شاكك فيا لا ثقتي في نفسي اتهزت بسبب ابويا عايش عمال اصحح حاجات في صحتي النفسية هو اللي اذاها انا بقالي سنين مبحسش براحة وهو في البيت ، بحس إن أنا متراقب دائما ، ايام إجازته بتكون تقيلة على قلبي عشان عارف إنه خيفضل دائما مبيعبرنيش اكني مش ابنه بس يفضل يهزر ويحد مع اخواتي انا ببر ابويا عشان الدين وعشان بيصرفف عليا بس انا مش عايز كدا أنا عايز ابره عشان بحبه عايزه يحترم رأيي وكلامي اي موقف يحصل لازم يسألني الأسألة اللي تحسسني أنه بيتهمني إن أنا بعمل حاجه شمال او غلط من كتر عدم احترام ابويا ليا احيانا مبحترمش نفسي انا عندي ٢٠ سنة م بخاف من حاجه قد ما بخاف من ابويا عندي حياة وعندي دراسة وعندي صحاب بس دايما بتيجي في الحتة دي وتتعبني نفسيًا للأسف بحس إن والدي نرجسي مستبد

بصراحه لسه منزل البرنامج وعندي مشكله اني لما بقعد مع دماغي اخر الليل ببقا كاره الناس ونفسي ابعد عن الكل بس م بعرف طول اليوم بحث اني مبسوط طول محوليا ناس اول لما بقعد لوحدي بقعد جاد في ذاتي برغم اني بنجح في حياتي بشكل كبير بس دايما عندي مشكله اني م راضي عن حالي وحياتي م حببها بس طول انا مع ناس بكون كويس وبضحك ومفيش حاجه أما انا ببقا قاعد لوحدي بكلم نفسي م طايق نفسي م عارف هل حياتي دي ايه م راضي عن تصرفاتي ولا حياتي وم حابب حد في الدنيا حتي اهلي صحيح اني بتعامل حلو مع كل الناس بس بجد نفسي اغير رقمي وابعد عن كل الناس بس للاسف م هعرف ولا هينفع بسبب شغلي وكليتي وحياتي عمتا بس بجد انا بكره كل الناس لما بكون لوحدي ونفسي معرفهمش لما بكون معاهم بكون عادي وبضحك وتمام وفي نفس الوقت عليا ضغط كبير في حياتي وعندي جلد وات رهيب بصراحه م عارف اقول ايه بس حاسس اني ممكن اكون احسن لو اتكلمت

ليه دايما بنبقي مضغوطين و مستهلكين نفسيا و مش قادرين نعمل حاجة برغم اننا عارفين السبب ومنقدرش نغيرة خصوصا لو متعلق بالبيئة؟ يعني علي سبيل المثال ليه الشخص يكون هدفه في الحياة هو انه يبعد عن البيئة بتاعته (اهله و ناسه) بأي شكل ممكن عشان يرتاح بس في نفس الوقت بببقي فيه ضغط و تعب داخلي انك ازاي هتبعد و تسيبهم دول اهلك ولكن في نفس الوقت انت متعرض لأذي كبير جدا و انت معاهم و متقدرش تغير الأذي ده لأنك طول ما انت معاهم هتتأذي ف الحل انك تبعد. بس هل بعد ما تبعد هتبقي مبسوط؟ خصوصا لو انت طول حياتك كان نفسك يبقي عندك عائلة.

دلوقتى انا كنت مقدم على شغل كفيديو جرافر ف شركه وكان بيتعملى تيست ولما محدش رد قولت يبقى انا معديتش من التيست ده ودورت على شغل تانى والحمدلله لقيت بعد ما كنت قاعد من شهر ٨ السنه اللى فاتت بدور على شغل المشكله بقا ان الشغل اللى انا فيه صاحبه مزهقنى جدا وانا بحكم انى لسه ف مجال تانى غير مجالى ف بتعلم انما صاحب الشغل انا حاسس انه مش فاهم ده هو دايما محسسنى انى مقصر ومهما عملت مش بيفيد ولا بيزود ف الشغل و بعدها قعدت معاه وفهمته انه انا شغلى الاساسى ميديا قالى خلاص هجيبلك جهاز لابتوب واشتغل عليه و ف نفس الوقت الشركه اللى انا كنت قدمت فيها كلمونى وقالولى لو جاهز تنزل من بعد العيد تمام وانا مش عارف اعمل ايه والراجل اللى انا شغال معاه ده هو مش مقصر معايا ف حاجه لحد دلوقتى ماديا بس ضاغط على اعصابى نفسيا جدا و ف نفس الوقت مش عارف لو روحت الشغل بتاع الفيديوجرافى ابقى انا كده بعت كرامتى ولا ايه مع العلم ان فى ناس شغاله فيها قالولى ان كان فى حد نزل ولما متبقاش غيرك كلموك وانا حاليا واقف ف النص مش عارف اروح فين ولا اعمل ايه ، فكرت بصراحه امشى ف الاتنين بس مش عارف هعرف اوفق ولا لا ممكن حد يفيدنى؟

قاعده بحاول اتكلم واطلع الجوايا ممكن ابقي احسن واهدي بس مش عارفه اتكلم بردو انا تعبت من اني بحاول ف كل حاجه بحاول في شغل انا مش متقبلاه ومش متقبله بيئه العمل كلها عموما الاول كنت حابه اشتغل واثبت نفسي بس الموضوع طلع مختلف انا مش مع فكره الاختلاط الاوفر وحاطه حدود بس حاسه اني لوحدي وغريبه في وسط المكان لان كلهم كعيله بطريقه انا شايفه انها غلط وخايفه اني اتغير واشوف اللي مش عادي عادي حابه اني افضل بمبادئي بس الموضوع تقيل ومتعب عارفه ان دا مكان شغل ومش محتاجه اني اصحاب ناس بس مش مرتاحه ومفيش حاجه مشجعاني اكمل بالعكس الموضوع تعب نفسيتي لما بتفاجأ ان في بنات بتشتم او بتتعامل بالشكل دا غير اهلي علاقتي بيهم مش كويسه ومفيش دعم ولا احتواء بالعكس بيزودوا اللود اكتر حاولت اصلح علاقتي بيهم معرفتش بابا ملوش وجود ف حياتي ولا يعرف عني حاجه مفتكرش ان حصلت في مره وقعد يتكلم معايا او ينصحني ف حاجه معيشتش اللحظات دي وماما نرجسيه ومتسلطه محدش فيهم قريب مني بجد كل حاحه بقت صعبه مفيش حاجه مهونه عليا اوقات بحمد ربنا ع وجود اهلي ونعمه الشغل بس بتعب ان اهلي مش قريبين مني وانا محتاجه لوجودهم

مساء الخير الدنيا معانداني لدرجة أنها بتضايق لما بفرح تقوم منغصة عليا بنفس الحاجة الي فرحت بيها من تلات سنين كنت ثانوية عامة بظروف غير ادمية مطلقا والسبب فيها أمي كنت بنام وبذاكر ف الصالون علشان ألاقي خمس دقايق هدوء بعيدا عن الضغط النفسي وكم الصراعات الي حصلت ربنا كرمني ودخلت كلية طبية قبلها كانت الدنيا متأزمة من حيث المصاريف بقالها كام سنة ولما أقول متأزمة أقصد إني مكنتش بجيب أساسيات أي بنت تجيبها بعد ما دخلت الكلية اخدت فلوس نقطة نجاحي وروحت اجيب قماش علشان افتح مشروع ويشهد ربي ان محدش من اهلي ساعدني ف حتى مصاريف مواصلاتي بس بعد كده احتاجت مساعدتهم وساعدوني بشئ بسيط أنهم كانوا بيدفعوا للست الي بتفصلي المنتجات وللعلم أمي كانت كل شوية تقولي أوقف المشروع وبشكل غير مباشر تقول دا الست أخدت كذا ووالله مايجي ربع الي دفعته ف القماش ما علينا المشروع مجابش الأرباح الخيالية بس كان بيساعدني اجيب أساسياتي خلصت سنة أولى ودخلت ف مدعكة سنة تانية ومعرفتش أواكب بين الشغل والدراسة واضطريت أوقف بس كنت محتاجة اجيب حاجات كتيرة وأساسيات مش رفاهية وكان عندي كام مشكلة صحية ومحتاجة فلوس علشان أكشف فا اضطريت أبيع حلقي الدهب واشتريت كل الي أنا عاوزاه الحمدلله بعدها كنت علشان اجيب كريم وغسول لوشي اضطرّ أحوش ولو أمي احتاجت الفلوس الي محوشاها بديها وطبعا أساسيات مفيش المهم من سنة تانية احتجت أجيب جهاز للمذاكرة لأن الي معايا صلحته بفلوسي وبرضو باظ وبقى بيهنج فا عرفت أهلي إن إن شاء الله لو فيه فلوس أنا محتاجه أشتري جهاز عدت سنة تانية وعدى الترم الأول من تالتة والحمدلله بابا قرر يشتريلي الجهاز بعد ما اشتريته أمي كل شوية تيجي تقولي يعني مكانش فيه جهاز بنفس الإمكانيات بس ارخص أقولها لا وترجع تعيد السؤال مرة واتنين وتلاتة لا وتنوع بقى تقولي أصل بيقولوا كل الي بيجيب النوع ده بيجيبه للفشخرة أقولها أنا لو عاوزة اتفشخر كنت جبت تليفون المهم الواحد تعب الواحد ما صدق فرح وجاله الي نفسه فيه بجد يقوم حد داخل ف النص ويقطم فرحتي بالمنظر ده أنا بحوش وبجيب لنفسي كل حاجة من صغري ويمكن دا عيبي خلاهم يحسوا ان كتير عليا يجيلي حاجة دلوقتي أنا لا طايقة الجهاز الي جالي ولا طايقة أذاكر حتى *والدي معاه فلوس وإلا مكنتش هخليه يجيب حاجة ميقدرش عليها *أنا آخر واحدة ف العيلة والي عاصرت الفترة الي بابا طلع فيها ع المعاش لكن كل اخواتي الأكبر عاشوا حياتهم وجابواكل الي نفسهم فيه أنا مش بحقد بس هو سؤال ليه أمي مستكترة عليا أنا * هل معندناش فلوس لهذه الدرجة لا فيه بس هما بيفضلوا حاجات تانية على طلباتي فا بضطر اني أحوش

حاسس بفخر اوي اني بقالي فتره ممكن شهر مش باخد جنيه من ابويا مش تقليل منه او حاجه بس حاسس ان كدا احسن كتييير بس مقابل دا متبهدل من الشغل للكليه ونفسيا زي الزفت وحقيقي بكافح عشان اليوم يخلص وانام وابدا يوم تاني وهكذا مش عارف اعمل ايه ولا ارتب دماغي ازاي في ظل اني غرقان في التفكير الفتره دي ف مشاكل كتير جدا