النهارده حصل معايا موقف يبان بسيط لكن اثر فيا اوي كنت في السوبر ماركت لقيت بنت مع والدها بنت صغيره يعني وبيشتري ليها حاجات هي البنت خافت من حاجه لقيتها بسرعه حضنت باباها وفضلت حاضناه لحد ما حاسب عرفت انها حست بالامان لما عملت كدا انا مش قادره اقول غير اني فعلا حسيت اني صعبانه علي نفسي صعبانه علي نفسي اوي انا كمان الفتره دي مش احسن حاجه خالص مبقتش احس باي شعور ونفسي اعيط مش قادره وبدل العياط اوقات يجي نوبات هلع المشكله اني بقيت اتمني انها تيجي بجد وببقي عايزه كدا جدا علشان اخلص الضغط الي جوايا حاسه ان في ضغط جوايا كبير اوي مش عارفه صدمات طفوله ولا كبت ولا حزن ولا ايه بالظبط حاجات كتير اوي حصلت مش عارفه اعمل ايه انا تايهه اوي احساس انك عايز تعيط ومش قادر صعب اوي يارب محدش يحس بيه انا نفسي اطور من نفسي اوي عايزه اغير كل حاجه اعمل glow up زي ما بيقولو نفسي معتمدش علي حد علي نفسي وبس
Your situation is like mine; when I need to cry, I watch heartwarming videos or listen to sermons about honoring parents, etc. I feel safe, I cry, and I feel relieved.
رفقا بنفسك وقت وهيعدي وحاولي تروحي لمختص ضروري وتتكلمي
يختي متنكديش علي نفسك ، طبطي ع نفسك وحسسي نفسك انتي الامان بلا وجع دماغ ، يختي حتي لو حواليكي اللي يطبطب ويدلع وأمان وبتنجان كل داا مش هيكفيك اصلا لان الاصل الاصل الامان اول خطوة من عندك انتي ،،، روحي لدكتورة نفسية واتعالجي واتعافي وفكك بجد
لو مفيش عندك حد يحسسك بالامان فكري ف حاجه تانيه تديكي نفس الاحساس حاجه من طفولتك سواء مكان اكله اغنية او كرتون لو قدرتي تعمليها هيحسسك اكتر بالأمان