انا ف ثالثه ثانوي و بجد تعبان ابويا و امي منفصلين و قررو السنه دي ان انا اروح اعيش معاه و امي بعد ما كانت عماله تقول لي قول رايك ولاما قلت مش عايز ولا اي حلجه حصلت و رحت عنده ب الفعل، الشقه ضيقه 50 متر تقريبا مكان معرفوش ناس معرفهاش هو طبعه صعب ده بخلاف انو سكير و بيشرب برا و احينا بيجب معاه البيت و بيقد يزعق و يشتم و قد يكون الاسوء انو مبسعرف يطبخ ف انا الي كنت بعمل لينا الاكل ف كان بيكون شارب و بيدوق الاكل و يحط المعلقه الي مطرحه بقه ف الحله تاني و انا كنت بقرف من الموضع ده، و لما كنت بشتكي ل عمي و عمتي كان بيردو ب منهتي البرود (نعمل ايه يعني ما هو طول عمره كده استحمل انته راجل) و كذالك امي برضو بخلاف انها عاشت معاه و عارفه طباعه بس انا لما كانت اعصابي بتفلت و ارد عليه كانت هي بتغلطن، قلت بس الامل ف الثانويه احنا نخلص و نقدم ف اي جامعه محافظات و اخلص ف قررت اسيب كل الهويات بتاعتي زي تمارين البيت لان هو كان رافض اني انزل جيم او نادي او حتي حديقه عامه ف كنت بتمرن ف البيت و قللت كلام مع صحابي ب امره لحد ما اتمنع خالص لدرجه ان هما معيدوش عليا و انا لما عيدت عليهم اغلبهم مردش و الي رد رد علي القد، و انا حاليا باقي شهرين غلي الامتحانت و مش عارف احل و مش عارف اتمرن و مش عارف اصرخ ولا حتي عارف اعيط و حاسس اني هنفجر من جوا
وأن ليس للإنسان الا ما سعى. صدقني ربنا بيرزق على قد المقدرة مش بعدد الساعات في المذاكرة ولا الهبل ده. لو واحد قدرته تلت ساعات وذاكر ساعة ربنا مش هيوفقه لانه معملش اللي عليه، في حين ان انت لو قدرتك ساعة وذاكرت ساعة واديتها حقها ربنا هيوفقك ان شاء الله. طبعا حوار سكنك مع باباك مش حاسة اني لاقياله حل غير انك تصبر وتستحمل وده اختبار وربنا هيفرجها عايك قريب ان شاء الله ويجبر خاطرك، مش يمكن تروح جامعة بعيدة وتسكن ف المدينة وتخلص من الهم ده كله؟ ادعي بس، ادعي وصلي وقرب من ربنا. كفاية صُحبة السوء اللي عندك.. حاول تخلي المكان فيه بركة قدر الامكان.
فترة وهتعدي إن شاء الله ،هدى نفسك واستحمل لحد ما تروح كلية إن شاء الله وتاخد سكن وبعد كدا تشوف حياتك ،كوّن صحاب علشان يكون عندك حياه برا البيت
معلش ،ممكن تروح عند مامتك ،ولو مش هينفع عيش وحاول تستمع وتعمل حياه لنفسك ،يعني روح دروسك واتعرف على صحاب ،ارجع اعمل رياضة في البيت ،اهتم بمذاكرتك علشان تجيب مجموع حلو، في وقت فراغك انزل مع صحابك أو اعمل اي حاجة بتحبها ربنا يوفقك ويهدي اهلك ويعملك كل خير
متشتكيش لحد صدقني.. مش حل انك تظهر ضعفك لحد يستهين بيه وغالبا مش مهتم، ربك والله صدقني اولى بدعوتك. اه مرحلة مش خلوة اللي وصلتلها، بس كويس ان مرحلة الارهاق دي جت دلوقتي بس.. عارف ليه؟ هترد، هتزعق، هتحرق دمك، وتحرق بنزين ع الفاضي.طب وعلى ايه؟ هتعكر مزاجك وتضيع وقتك ونفسيتك هتبوظ اكتر بمليار مرة. مش كان احسن انك تكون قرأت صفحة قرآن حتى؟ صدقني والله ده اختبار، واجرك عند ربنا كبير لو صبرت عليه، ومتهمكش ثانوية ولا جو مذاكرتها وكده، اعمل اللي عليك فقط ثم فقط ثم فقط. لو تعرف كمان، حوار الworkspaces ده حلو اوي، بيوفروا نت وهدوء وغالبا بيكون فيه كافتيريا. روح احجزلك ساعة ساعتين تلاتة براحتك، وذاكر براحتك وبكل هدوء. ده حل لسه جاي ف بالي، لو مناسب جربه، صدقني هيبقى حلو اوي.