في موقف حصل وعايزه حل لاني مش عارفه اللي انا عملته صح او غلط والمفروض اعمل ايه كنت لسه صاحيه من النوم بغسل وشي لقيت جوز ماما بينادي عليا بصوت عالي وبيزعق ف رديت عليه قولتله نعم انا قولت اكيد في مصيبه حصلت او حاجه بجد صوته كان اكني قتلت حد مثلا ف قالي المطبخ ملاقهوش مش نضيف والمواعين تتغسل انتي عليكي كل حاجه ف المطبخ يبقى نضيف كل ده بزعيق يعني حتى مش صابر اني افوق او اغسل وشي ويكلمني ف قولتله تمام ماشي بس انا اتصدمت اللي هو انت بتكلمني كده ليه حتى لو عايزني اعمل حاجه كان ممكن تكلمني بهدوء واكيد مكنتش هقول لا يعني اليوم ده مكانش في صابون مواعين ف البيت اساسا ماما عشان تخلص نفسها من الحوار ف لبستني انا ع اساس انا بقى مبعملش حاجه وكده ،ده بدل ما تقف جمبي وتقوله معلش مفيش صابون مواعين عشان كده المطبخ مش نضيف(انا وقتها مكنتش اعرف ان مفيش صابون ف عشان كده قولتله حاضر وخلاص) واصلا انا مش متعوده اغسل المواعين يعني لو غسلتها مره او اتنين كده بمزاجي او حتى لو ماما قالتلي بس مش مسئوليتي يعني من ساعة الموقف ده وانا بحاول اني اكون بعيد ع قد مقدر اني مشوفوش معرفش هو ملاحظ ده ولا لا بس حاسه انه واخد باله كلمت ماما وقولتلها هو مش من حقه يزعقلي ولا يتكلم معايا كده وبعدين كان ممكن يتكلم بطريقه احسن من كده بتقولي كفايه انه مقعدك ف بيته وبتقولي بطلي قلة ادب ومتنكريش الخير اللي هو عامله ليكي معرفش خير ايه يعني هو عشان قاعده ف بيته يزعقلي بالطريقه دي لو عليا ف عادي بالنسبالي اني اروح اقعد مع تيتا بس مش عايزه اكبر المواضيع (جوز ماما ده شخص الناس كلها تقريبا بتحبه لانه بيعرف يتكلم بس اقسم بالله من جوا شخص وحش جدا، فالظاهر ليهم اني مجنونه ومش بحبه اصلا هو واحد بيحب السيطره عنده ان يتكلم بصوت عالي ويزعق عشان اخاف ومش بيعمل كده معايا بس لا بيعمل كده مع ماما بردو بس ماما شايفه انه عادي انا مبقبلش ب ده وبعدها بيقول ل ماما انا لازم كلمتي تمشي وتخليها تغسل المواعين زي ما قولت ،كان عندي تاني يوم امتحانات الميد المهم مغسلتش حاجه مش تحدي ومش عناد بس عايز تطلب مني حاجه تطلبها كويس انا مش عبد عشان تزعقلي ف اخاف واسمع كلامك) طريقته وكلامه معايا من اول يوم ماما اتجوزته وانا مش بقبله ومش برتاحله معرفش ليه رغم انه حتى لما بيتكلم عادي بحس اني مش برتاح بحس انه في حاجه غريبه وعشان كده ماما واخويا بيقولو عليا مجنونه عشان مش بتقبله بحسه مش صريح يعني هو المفروض رجل ديني بيقعد يتكلم ع الدين بقى والنصايح وف الاخر من ورا يقعد يتنمر ع الناس وبتريق هو وماما اللي هو ايه ده بجد انتو بتعملو كده ازاي طريقته فيها سخريه واستهزاء بشككللل ده سواء عليا او ع ناس غريبه حاسه اني كتبت حاجات كتير اوي مين هيقرأ كل ده سوريي😭