بصي أولا أنا متفهمه جدا شعورك لأن مريت بحاجة شبهه، ثانيا دا حقك في الاختيار مينفعش يجبروك عليه فكلميهم براحه انك مش قادرة تكملي معاه وحاولى معاهم مرة واتنين وتلاته بهدوء حاولى تعذرى جهلهم وتحاولى معاهم .. والشخص نفسه مفروض يحس بعد ما كلمتيه بشكل مباشر كدا ولسه مبعدش حاله عجيب!! ولكن بردو لو مفيش نتيجة مع أهلك كلميه تاني بشكل قاطع إنك مش هتكملى والأحسن إن هو يكلم أهلك ويقولهم كل شئ نصيب ... فلو موافقش هو كمان (وصعب راجل واحدة تقوله مش عايزك ويكمل بس ما علينا) لو موافقش يبقا تقطعى كلام معاه نهائى يرن مترديش يبعت ماسدج تجاهلى ييجى البيت اتأخرى على متطلعي وبحجة اللبس وأقعدى عشر دقايق وقولى تعبانه وادخلى وهكذا ومع الوقت هيصدقوا وإن شاء الله يوافقوا.... ولكن اوعى اوعى اوعى تيجى لى نفسك وتتجوزيه غصب عنك

الجواز الشئ الوحيد ف الدنيا اللي مينفعش يكون بالغصب يقاطعوكي يعذبوكي حتي لو مش مرتاحه متكمليش صلي استخاره مره و اتنين و تلاته و ربنا يوجهك للخير

اوعي اوعي اوعي تكملي في علاقه موش مرتاحه فيها ١% واللي موش بيحل ابسط حاجه دلوقتي موش بيحل أي حاجه بعد الجواز (الرجاله بتعمل من الحاجه الوحشه،اكتر يعني لو بخيل بيكون بخيل اكتر لو مطنشك،بيطنشك اكتر ) مفيش راجل بيتغير مفيش راجل بيتعدل موش مرتاحه ابعدي ابعدي اللي يزعل يزعل بدل ما تزعلي علي حياتك باقي عمرك

هما شايفين كلمه مش مرتاحه دي حاجه عاديه قولتهم عل المواقف إلا حصلت مخليني مش مرتاحه لدرجه ان هما جابو البيت وقالوله يهتم بيا ويكلمني ويعطيني اهميه ونسبه حته لو صغيره من يومه وهو كل مره يقول تمام ومش بيغير حاجه أنا محدش واقف جنبي خالص ومحدش راضي يكلمني من اهلي واحنا عايشين برا كمان ف لوحدي