مشاكل

منيش فاهم علاه صحابي ولاو جابدين عليا مفهمتش علاه مالغري منيش بنادم تاع مشاكل ولا جست نشتي نحكي معاهم و نقصر و نعيط و بصح هوما واحد ما نهمو حتى كون تصرالي حاجة و نحب نحكي واحد ما يسمعلي علاه اعطيوني حلول راني في دوامة

مش عارفة ليه مبقدرش اتخطى مشاكلي بسبب هاد شي صار عندي ضيقة فقلبي وفرااغ وحزن وتفكير كتير بصير مش طايقة نفسي كل ما بجي اضحك اتذكر شو صار معي خلاص تروح ضحكة بشوف ناس بصير معاهم كل مشاكل الدنيا ولا هامهم دايما فرحين ومبتسمين وانا لا احس كانو الحياة خلصت وتأنيب ضمير بيقتلني وكمان بيصير عندي جلد ذات

بقالي كام يوم منزلتش اي مشكلة ليا بس ده مش بسبب ان مشاكلي اتحلت بالعكس لسه هي هي المشاكل ويمكن بتزيد اكتر كمان بس بقيت حاسس ان المشاكل مبقاش ليها حل اصلا وبحاول اتأقلم معاها ومش عارف حتي البيئة المحيطة بيا مبقتش امنة البيت مبقاش راحة هل هي الدنيا وانا انهزمت واعلنت استسلامي ؟ هل لازم احاول اتعايش مع الخوف والقلق والرهبة والحزن والزعل ووجع القلب ؟

بجد تعبت انا و حبيبي بيحصل بيننا مشاكل كتير اوي علي لا شيئ و هوا بجد بقي غرييب و بيقعد يقولي حقك عليا و يلم المشكله و خلاص م بيفهم انا اتضايقت من اي بس عنده ان منتخانقش عشان بقينا نتخانق كتير

كل الناس بتواجه مشاكل ف حياتها اختلاف مع الاهل أو مشاكل ف الشغل أو الشارع أو مواقف تزعل الناس من بعض و حاجات كتير بس مش حلها أننا نهرب منها أو ناخد جمب أو نفضل نشتكي حلها أننا نقرر نخلص المشاكل اول ب اول نواجه و نعدي و ننسي الوحش و نفتكر الحلو و فعلا الدنيا هتمشي🤍🤍

من فتره كبيره كان في خلاف بيني وبين واحده صحبتي ولما جيت اعاتبها عاتبتها في مسدج طويله جدا وفي اخر المسدج اتأسفتلها عشان طولت عليها ردها كان عباره عن ولا يهمك وسابت المسدج كلها حاليا بواجه صعوبه في العتاب ومش بعرف اتكلم ولا اتعامل وده مسببلي كذا مشكله في حل للموضوع ده؟

عمرك حسيت انك اول ما بدات تصلي بانتظام المشاكل ذات اول ما بدات تدي نفسك عهد انك تبقي قريب من ربنا اتقفلت ابواب وخسرت حاجات واتفتحت ابواب ابتلاء وسالت نفسك لي كل ما بقرب بتحصلي مشاكل اكتر هو انا بعمل الصح ولا ربنا زعلان مني.. ربنا قال في اول سوره العنكبوت.. أَحَسِبَ النَّاسُ أَنْ يُتْرَكُوا أَنْ يَقُولُو آمَنَّا وَهُمْ لَا يُفْتَنُونَ.... الايه دي مش بس اجابه دي كشف لطبيعة الطريق... ربنا بيقولك هو انت فاكر انك هتقول انا مؤمن وخلاص؟ لا ده لازم تمر علي الاختبارات... لي؟ علشان الايمان مش كلمه الايمان عمليه ثقل للقلب زي الحديد عمره ما يبقي سيف الا لو دخل النار عمره ما يبقي قوي الا لو اتعرض للطرق والضغط النبي صلى الله عليه وسلم قال: اشد الناس بلاء اللانبياء ثم الامثل فالامثل يبتلي الرجل علي قدر دينه.. يعني كل ما الانسان يقرب من ربنا البلاء ممكن يزيد مش لانه ضعيف بالعكس لانه اقرب واقوي وفي حاجه ناس كتير مش واخده بالها منها الشيطان ما يشتغلش علي البعيد يشتغل علي القريب ربنا قال: إِنَّ الشَّيْطَانَ لَكُمْ عَدُوٌّ فَا تَّخِذُوهُ عَدُوَّا... انت اول ما بدات تصلي اول ما بدات تتغير اول ما بدات تفكر في التوبه الشيطان يعتبرك حاله طارئة فتلاقي وسوس اكتر احباط اكتر مشاكل في العلاقات اكتر ملل تشتت في الصلاه دا طبيعي لانك رجعت في دايرة اهتمامه ربنا قال: وَلَنَبْلُوَنًَكُمْ حَتَّى نَعْلَمَ الْمُجَاهِدِينَ مِنْكُمْ وَالصَّابِرِينَ... مش معني نعلم ان ربنا ما يعرفش لا هو عالم ولكن معناها يظهر عمله للخلق هو بيختبر علشان يظهر العلم ده علي ارض الواقع و علشان انت بنفسك تشوف حقيقتك ويهيئك لدرجه اعلي الابتلاء بيكشفك قدام نفسك وبيجهزك لمرحله حدودها اكبر من المرحله اللي قبلها ربنا ساعات يوقف خطوه علشان يوجهك للصح يوجعك علشان يفوقك يضيق عليك علشان ترجعله زي ما المفسرين قالو: الفتنه تُظهر معدن الانسان.. كمان ربنا بيعلمك اهم درس في الحياه انك ضعيف قوي من غيره الابتلاء ساعات بيعيري الانسان من وهم القوه أحنا ساعات نفتكر اننا نقدر علي كل حاجه لحد ما تحصل صدمه ونكتشف اننا ولا حاجه من غيره وده مش ازلال ده رفعه لان 1 اللي يعرف ضعفه 2 يعرف ربنا 3 واللي يعرف ربنا 4 يعرف قوته.. النبي صلى الله عليه وسلم قال: اذا احب الله قوما ابتلاهم لي يحبك ويبتليك؟ لان الابتلاء يكشف الناس الحقيقيه اللي حواليك يعرفك نفسك علي حقيقتها يخلصك من علاقات مؤذية يجهزلك حياة انظف وانقي اوقات تكون ماشي في طريق غلط ومش واخد بالك فالمشكله اللي بتحصل مش عقبة دي لفته: ارجع االطريق دا مش ليك: فلو انت دلوقتي قريب من ربنا وحاسس ان المشاكل بتزيد ما تخافش ده مش غضب ولت رفض ده بالضبط مسار الارتقاء الروحي اللي ربنا وصفه في القران والسنه ده الطريق اللي مشي في اللنبياء و الصحابة والصالحين وكل حد ربما ارادله مكان اعلي... وانت واضح ان ربنا بيحبك والا ما كنتش بتعدي من التمحيذ ده ربنا بيصنع فيك شئ اكبر بكتير من اللي انت قادر تتخيله دلوقتي وخليك عارف ان الطريق الصح ديما بيبدا بصعوبه دي سنه كونيه

مساء الخير من فترة حوالي 3 شهور حصل الموقفين دول في يوم واحد عايز اعرف انا صح فيهم ولا غلط لأنهم حصلولي في يوم واحد وانا مكنتش عارف اعمل ايه يوم ماتش مصر والسنغال كنت بتفرج على الماتش في القهوة وجاي من سفر لأن كان عندي امتحان واحد زميل مهنة مش اكتر وعمري مقعدت معاه انا 20 سنة وهو 45 قالي انت اسم القهوة اية واسم المنطقة قولتلو كذا وكذا قالي هيجيلك قولتلو مش هقدر إستقبل حد اسف قالي لا هاجي انت بخيل لية ومش عايز تعزمني وجه بالعافية وقهوة تحت بيتي اتصلت ب 2 صحابي يعرفوه قالولي ممكن يعملك مشاكل ده إنسان غريب اوي حاول تخلص الدنيا معاه لاقيته بيشد كرسي وقعد جنبي رغم اني مرديتش عليه وهو قاعد يرن عشان يعرف العنوان بالظبط لاني قولت اسم المنطقة والقهوة فقط دخل قعد جنبي وطلب من القهوجي حلبة حصا سكر برا اتصلت بصحابي قولتلهم مش هحاسبله اية رأيكو عشان حركته قالولي تمام انت صح وعملت كده وهو اتكل على الله بعدها صاحب تالت كلمني قالي بهزار خطوبتي بعد العيد يعم قولتلوا ركز بس دلوقتي مش وقته هزار حصلي كذا وكذا وحكيتله على اللي فوق قالي نعم؟؟ يعني انت متصلتش بيا أول واحد لية هو انا مش اولوية عندك واعز حد؟ قولتلو يا حبيبي كلكوا واحد وكلكو اخواتي حط لايك وسكت قولتلو انت مقولتليش تصرفي صح ولا غلط قالي طلاما هما قالولك صح يبقى صح قولتلو مالك يابني انا عايز رأيك انت قالي رأيهم اهم قولتلو طب خطوبتك يوم اية تحديدا قالي ميخصكش وياريت مشوفكش فيها روح خطوبة صحابك وزعل مني اوي بجد وقعد تلات ايام ميتكلمش معايا وكل مكنت اكلمه يقولي روح لصحابك وانا ماليش دعوة بأي حاجة تخصك بعد كده انت لصحابك مش ليا وفضل زعلان مهما أكلمه. انا والله معارف انا كنت عملت اية لكل ده كنت جاي من سفر عايز اشوف ماتش وانام لاقيت نفسي داخل في حوارات انا في غنى عنها رغم اني بعيد عن الكل انا عايز أسألكو لو انا كنت غلطان في حاجة هصلحها وحتى مخدتش اي قرار من غير مرجع للناس حد، اولاني رغم أنه فرض نفسه سألت اعمل ايه التاني بحكيله عادي زعل وسمعني كلام زي ده، هل انا عملت حاجة غلط؟

بجد اسف للكل بس حرفيا عاوز اتكلم فحاجه لما تلاقي نفسك بتكلم شخص اين كان بيعمل ايه غلط اسمعو بلاش تنصح وخلاص يعني لو ملحد ولله ممكن لما تسمعو يهدا ويرتب افكارو وحاول تساعد بانك تقلو انا هعرفك انا مؤمن ليه ياعم لو انت ايمانك ضعيف متخشش معاه فنقاش اصلا بجد اسف تاني كل حد بيحكيلك عن مشكله هوا حرفيا مش عجبو حالو ومتردد الف مره قبل ميحكي

الخوف الرعشة الارتجاف التهويل من المشاكل الصغير عشان تزرعي خوف مزلزل في قلب طفل مكملش ال ١٦ سنة قلة القيمة التهزيق انا مش هوصم ولادي انهم غلابة وقدراتهم العقلية محدودة وانهم مجانين بس👍

محتاجه اروح ثيرابي انا عندي مشاكل كتير جدا و مبعرفش اتكلم فيها و ااموضوع دا تاعلنب و مقصر على كل حاجه حتى شخصيتي مبقتش مفهومه كل ما احجز و اقول هاخد الخطوه افوت ميعاد الجلسه و اقول لا مش دلوقتي و اتحجج ب اي حاجه لو حد خد تجربه انه يروح ثيرابي بجد الحوار فرق معاكم ولا لا

كنت من شهر ١١ كدا نزلت هنا من حساب تاني معرفتش اجيبه ان فوني مشاكله كتيرة ومهببة وقارفني سخونة وتهنيج ومعايا لاب توب بتاع كلية بيعته قولت هنا اشتري فون ولا اجيب عجلة اشتغل طلبات وحد قال طلبات بجد متشكر جدا عشان خليتني ثقة ف نفسي ونزلت واشتغلت بس اول يوم فوني انسرق وفضلت اعيط ف الشارع وولاد الحلال جابولي فون احسن من اللي معايا ومع الشهور والايام جبت اغلب احتياجاتي وفاضل اني اجيب مكنة بس فاضل كام الف كدا ندعوا الله تكمل ع خير انا فعلا حياتي اتحسنت شوية من اول ما اشتغلت تسلم والله ياللي اديتني النصيحة ممتن ليك❤️❤️

انا مضايقه جدا المفروض ان انا ٣ شهور و ابقي مديره او بحاول ان اشتغل على دا انا ف شغلي ديما ف حالي و مش بتكلم كتير انا مبعرفس اتعامل مع الناس اوي بصراحه و انا بحاول اعالج دا جه فتره ف الشغل انا وقعت بسبب نفسيتي كدا و دخلت المستشفي المهم حصل مشاكل عندي ف السغل و الحمدلله حلتها فى بنت معايا ف الشغل طلعت بتوصل اي كلمه بقولها و النهارده لما بقولها تفاصيل الشغل بتاعها بتعمل ايه و كدا طبيعي اعرف كل حاجه بتحصل اتخانقت معايا و اتكلمت بطريقه وحشه جدا حسيت وقتها ان انا ملييش قيمه ف المكان و البنت دي جديده ف الشغل مش قديمه و حقيق يمخنوقه و مش عارفه المفروض اتعامل ازاب انا اشتكيت لمديري بس بجد متعصبه جدا لحد دلوقتي و مضايقه اوي

انا بحب حد فشخ ولظروف ما مبقناش نتكلم كتير وكونى over thinker الموضوع مسببلى ضغط كبير ومبقتش مركز فحاجه وبقيت اعمل كل حاجه بكفائه أقل مشاكل حياتى اكبر من سنها بكتير أنا فاهم دا اعمل اى انا 21 وهيا 17 لو الموضوع يفرق يعنى

احس اني وحيدة ومعنديش اصدقاء رغم كثرت الناس لي معايا وفي نفس الوقت حتى صديقاتي القريبات الي بعتبروني واعتبرهم قربين ماحس معهم بصداقة ماحكليهم عن مشاكلي او ارائي او المواضيع لي تهمني بس احس بالرغبة اني يكون عندي صديقات قريبات ونطلع ونفضفض جروح بعض بس من فترة حكيت لبنت تشبهني عن علاقة توكسك بعدها حسيت بالقرف من نفسي ولا اردايا كرهت البنت وصرت لفكر كيف نضرتها لي وانتجب ارد عليها وابغى لو احذفها ويمكن لو حصل لي موقف سيئ وشخص قريب شافه او كان تواجدي في ذاك المكان بسببه اكره المكان والشخص هل في يوم راح اقدر احكي لشخص وتكون عندي صداقة حقيقة او راح ظل في دور الطبيبة النفسية لل الجميع الصديقات في حياتي هوما الي يلصقو في وانا اعاملهم بشكل جيد فيبقو معي او مرة في بنت فالمدرسة هادئة جدا لطيفة متجاوبة حبيت تكون صديقتي وحاولت اترقب منها يعني اطلب منها تجلس معي او انتظرها لما يخلص الدرس او ابستم بكثرة على عكس عادتي احس بشعور اني انانية وبس ماريد الوحدة او ان شخص بائس يسعى لتقرب من شخص بس عشان مصلحته اني احب ابقى مع شخص هادئ حتى لو مش نتكلم

دلوقتي صاحبتي بقالها يوم و نص مختفيه و برن عليها الرقم مقفول و لما اتفتح مامتها اللي كلمتني و قالتلي ينفع اللي بنتي بتعمله ده و أن الاقي خالها مكلمني و بيقولي بنتك بتعمل تيك توك و هي مش بتنزل الحاجات دي public والله ي جماعه و سالتني علي شخص صاحبتي قالتلي عليه قبل كده بس انا قولتلها أنه بيلعب بيها و كده و نصحتها كتير و هي كانت ماسكه فيه اوي بصراحه بس بعدين قالتلي انها عملتله بلوك بس عرفت بالصدفه أنها فكته و لما مامتها سالتني عنه قولتلها كل اللي اعرفه بصراحه و قالتلي قوليلي علشان خالها و ابن خالها ظباط و كده ف قوليلي علشان م تلاقيش نفسك جايه بكره و الموضوع يكبر و فعلا هما في الاخر كان التعامل أصحاب بس و ده علي حسب اللي صاحبتي قالتهولي و لقيتها بتقولي أنها مش هتكمل في الكليه و ازاي دي منظر دكتوره و انا مصدومه و انا بجد ي جماعه خايفه عليها و في نفس الوقت خايفه علي نفسي اكيد ف قولولي اي نصيحه بجد

انا ثانويه عامه وفي اول السنه كنت بذاكر كويس وانا طول عمري شاطره بس اخر تلت شهور انا فعلا بقيت حد تاني بسبب كل المشاكل اللى انا فيها ومبقتش اذاكر ولا بقيت مركزه في اي حاجه غصب عني وناقص شهرين حرام بعد سنين بذاكر اجي في اهم سنه احس اني بضيع مش عارفه ابدا تاني منين ولا اعمل ايه (لحد النهارده المشاكل عندي بتزيد وتعبي بيزيد ومش قادره اتخطى حاجه ف عشان كده كل ده بيأثر عليا)

انا و واحد كنا قارين فاتحه ف حصل بينا مشاكل وسبنا بعض ف كنت متخانقه مع واحده كده وبعدين اتصالحنا وهو مكنش يعرف دخل قالها لو عايزه تصالحيها روحي يلا صالحيها دي عملتلك كذا وكذا وفضل يولع الدنيا بيني وبينها واتكلم عني وحش وكان قايل كلام عليها مش تمام ف أنا كنت قيلالها الكلام ب حسن نيه عشان تاخد بالها من تصرفاتها ومحدش يقول عليها كده تاني قام هو عرف اني قولتلها وقالها دي كدابه انا مقولتش كده و صحبتي دي سكتت ومردتش وبعتتلي اسكرينات عشان عارفه انو كداب عشان كنت مورياها شاتو وهو بيقول كده عليها ف بعدها بكام يوم دخل كلمني قالي انتي شلتيني من الانستا ليه كويس انها جت منك عشان كنت هشيلك اصلا قولتلو ايوا انا كنت بقلب عالتيك توك شوفت الرد بتاعك ده طالع ترند بس ترند كرينج شويه جدد ف ردودك وبعدين لقيتو منزل كلوز فرند وانا اصلا مش عندو فالانستا بس محطوطه فالكلوز ومنزل صوره واحده وكاتب عليها بنتي قولتلو حلوه بس انا احلا وازاي انا محطوطه فالكلوز واحنا مش فرند عند بعض قالي انا مخدتش بالي وزي م بدأت معاكي حلو هنهي معاكي حلو قولتلو انت امتى اصلا بدأت معايا حلو قالي انا اصلا مش همسك الفون كتير عشان الشغل وكده ومتزعليش وحصل خير قولتلو انت راجل بصورم قالي انا راجل بصورم! وبعدين بعتلو الاسكرينات بتاعتو معاها قالي اه انا قولت كده قولتلو اه م انا عارفه عشان صورمك طافح عليا قالي انا غلطان ان كلمت واحده شبهك ودخلتها حياتي قولتلو الله يرحم لما كنت بتفضل تتحايل علي صحابي يخلوني ارد عليك لما كنت متعلق عندي ف ريكوست الانستا قام سكت وقالي ربنا يوفقك فحياتك بس. انا مغلطتش انا كنت فحالي وهو إلى بدأ ولو علي الغلط غلطت بس اني كنت قيلالها كلامو بس كان بحسن نيه والله عشان محدش يقول عليها حاجه زي كده تاني

لفين يروح الانسان لمن الكل يخزله؟؟ مدري لكن امر بفتره جدا صعبه و الاشخاص الي حوليا بدال ما يكونوا عون لي صار اغلبهم مشاكل مدري وش يحصل بس بدأت اخد حالتي بشكل جدي من لحظه ما صارت تجيني نزعات بالقلب بس ابغي اختفي لفتره...

مشعارف هتفهموني ولا لأ بس بحس حوار إننا أي مشكلة بنقول حلها إنك تصلي أو تقرأ قرآن مش حاجة منطقية وغالبًا مبتحلش وبنستعملها وخلاص كترييح دماغ لما نعوذ نقفل الموضوع مش إلحاد وكدا بس حاسس المشاكل ليها حلول والمفؤوض نسعى ليها (توكل ولا تتواكل) وحتى الدعاء دا ممكن ليه منطق شوية بس بردو بجانب الدعاء لازم ندور على حلول أتمنى تفهموني

بلاش تعارف وعلاقات وانك اعجبت ببنت وانك اعجبتي ب شاب ، كل واحد حرفيا بييجي بمشاكله ومتفتكرش انك هتاخد الحلو بس ، ممكن انت تكون بتموت ف واحده وهي بتحبك فعلا بس فالاخر اهلها مش موافقين او انت مش جاهز وغيرك خدها منك او حصل خلاف وسيبتوا بعض ، كل واحد بييجي ومعاه قصته ومش دايما لما تكون متدايق او حاسس بوحده فالحل انك تدور على حد يخش حياتك ، مش هتعرف تشيل حياته وقصته وتهتم بحياته ، كل واحد عباره عن ثقافه ووعي وجزء نفسي ، ف لو شبهك طب ما انت اصلا مش حابب حياتك وبتدور على حد يحلي حياتك تهرب من حياتك وتروحله او حاسس بالوحده ومستني شخص يبقا معاك ، ولو مش شبهك وهتتعرف على حد جديد طب ما الاولى تعرف نفسك وتشوف شغفك اللي ضايع وحياتك اللي بايظه عشان تصلحهم ، دا غير ان بعد الانفصال هي متعلقه بيك وانتي متعلقه بيه ، ومعظم الناس بقا عندها تعلق حرفيا مرضي ، تلاقي حد ايا كان من الطرفين كل التاني يومين بس ممكن يتعلق بيه ويتخيل حياته معاه ونفسه يكون معاه طول العمر .

مبقتش طايقة حد ولا عايزة اتعامل مع حد خالص و خاصة العيلة كل حكاويهم مشاكل و اكتئاب و نميمة و يعيبوا في بعض لما نفسيتي تعبت و اكتئبت و بقيت شايفة الدنيا سودة ده مش بعيد يكونوا بينمو و يعيبوا فيا انا كمان بس المشكلة أن في كذا حد فيهم اتعود اني أزوره من وقت للتاني و اوده و منهم اللي وحيد و اللي تعبان على اد ما اللي تعبان ده صعبان عليا و مش عايزة اسيبه في عز تعبه على اد ما اتخنقت من الشكوى و السواد اللي في حياته و العياط مبقتش عارفة اعمل ايه حتي السؤال ع الواتس بقى تقيل و يخنق لدرجة اني مزورتش حد خالص في العيد

بسال نفسي كتير هل انا انسان جيد وطيب مع اني مش بزعل حد يبقى كدا انا كويس وبفكر طب لو انا كويس لي بيحثلي كدا اكيد لا يبقى انا شخص وحش عشان يحصلي المشاكل اقتد اقول انا مستحقش يحصلي هو انا اذيت حد وبعدها افكر يمكن فعلا اذيت حد ومعرفش فربنا بيعاقبني

هو ازاي ممكن اتعافي من حجات مريت بيها خلال 10 سنين دائما كنت بهرب واتعايش بس عمري ما تعافيت عمري ما تخطيط ولا قدرت انسي الموضوع بقا صعب اوي مع الوقت المشاكل بتكبر اكتر وانا حاسه اني مش عارفه اطلع من كل دا حاسه كل حياتي متلغبطه تايهه مش عارفه اعمل ايه حاسه ان كل حاجه ماشيه غلط دوامه مش عارفه اطلع منها الموضوع مرهق بفكر كتير في اني انهي حياتي يمكن دا مش حل لمشاكلي بس مش لاقيه حل تفكيري مشتت أفكاري مش مرتبطه مش عارفه ليه انا حتي هنا بس يمكن علشان انا مش عايزه حياتي تنتهي بالشكل دا اكيد انا غلط في حجات كتير بس عايزه كل حاجه ترجع زي زمان نفسي ارجع انام زي ما كنت بنام نفسي اعرف استمتع بحياتي بأي لحظه انا بقيت شايفه أن كل حاجه ضلمه مفيش امل ايوه هي بتعدي وانا يتعايش بس انا حاسه اني بس بموت بالبطئ كل حاجه جوايا بتموت

عندي احتياج عاطفي غير عادي اهلي صعبين معايا وعمري ما اخدت حنية وقاعدة بضيع نفسي ومستقبلي وبدل ما اذاكؤ واشوف مستقبلي واتطور قاعدة بحاول ادور على اي حاجة تسد الجوع العاطفي اللي عندي ده اعمل ايه بجد حاسة ان الموضوع مش هيتحل غير لو فيه حد في حياتي بجد جربت كذا حاجة وبردو برجع محتاجة حنية وحب واهتمام وحد يكون شايفني وفاهمني بس ده غير مشاكل كتير تاني بعاني منها وبجد تعبت اوي ومش عارفة اعمل ايه عشان مندمش قدام على مستقبلي اللي ضيعته عشان كنت محتاجة اهتمام وسايبة مذاكرتي وحياتي

انا ليا حبيبة ، مرتبطين بقالنا سنة اللا يومين ونعرف بعض من قبلها بشهر ونص فقط ، زميلتي ف الكلية ، شاطرة و مهذبة و حلوة جدا و طيبة جدا بس فيها مشكلة وهي انها عندها كبرياء مش بسيط و بتعند أحيانا وقعنا ف مشاكل كتير جدا و ف نفس الوقت كانت في فترات كويسة جدا ، واللي بحبه ف علاقتنا ان مشاكلنا مع بعض مشاكل راقية كده ، بنلاقي ان الهدف منها ان طرف وحشه الطرف التاني اوي وحاسس بالزعل لقلة التواصل مثلا او ظروف محيطة بتمنع التواصل زي امتحانات او اجازات من سفر (طلبة مغتربين ومش من نفس البلد) او شغلي الشخصي أو مشاوير البيت محتاجها لإني الولد الوحيد ويتيم الأب على طول بنسمع بعض باهتمام وعمري ماشكيت لحظة ف اخلاصها ليا ووقفتها جنبي وسط كل صعب وانا بعمل اللي ربنا يقدرني عليه وزيادة عشان ابقى بس استحق منها نظرة حلوة او كلمة طيبة ، وهي تستحق اكتر بكتير كمان المهم ان حصل مرة واحدة كده ف يوم كنا سهرانين بنتكلم كول والدنيا كويسة ، صحيت لقيتها زعلانة ومقفولة م العلاقة و حالتها النفسية مش كويسة وطلبت تبعد شوية ترتاح نفسيا ، لدرجة انها كل ماتفتكر اي لحظة حلوة تتضايق ، انا بحاول اعمل اللي المفروض ينعمل وهو اني ابعد بهدوء واطمن كل شوية طالما حل اني اسمعها ونتكلم جربته ومانفعش كذا مرة ف رضخت للحل ده ، بس بتوحشني ومتدمر جدا وهي بعيد وخايف انها تمشي ، حتى هي كمان بقت خايفة تبعد وخايفة ان الفترة دي تتملك منها ، تفتكروا ايه الحل؟

اوقات الواحد فينا محتاج يبقا معاه ام يحكيلها عن مشاكله ومفيش غيرها الي تعرف انا امي شخصيه ضعيفه اي حاجه بقولهالها بتقولها ل ابويا خلتني احرم اقولها حاجه بقيت بقول ل ابوي اكتشف ان ابويا زي امي بيقولها كل حاجه طيب انا ذنبي اي يكونو ضعفاء الشخصيه ومبيعرفوش يتصرفو لوحدهم في حاجه عايز اقولها لامي محدش غير امي تعرف وفي حاجات بقولها ل ابويا مش عايز غير ابويا يعرف.. خلوني كاتم جوايا مشاكلي خايف احكيها لحد اذا كانو الاتنين دول عملو كدا الغريب هيعمل اي .. هل انا مكبر الموضوع جايز بس انا مش عارف اتعايش معاه ..

هو انا المفروض اعمل اى لما الاقى كل شىء بقا فوق دماغى ومع انى عندى صبر شديد بس حاسه بكميه ارهاق مش طبيعيه من كتؤ المشاكل الى حواليا وكمان عايزه حل للفون علشان مبقتش عارفه اقعد من غيره ثانيه واحده

احب اقولك ياصحبي او اختي انك محدش هيخرجك من اي مشكلة بتواجها الا نفسك وانك تسعي في تغيير نفسك للاحسن لانك لو معندكش ارادة انك تغير من نفسك مش هتتغير لان التغير بيجي بالعزيمة والارادة وبرضوا التوبة محتاجه عزم لانك لو تبت الي الله ومفيش نية(عزيمة للتوبة) توبتك مش هتقبل فهمت

المدير كان عامل مشاكل كتير لما رجعنا من العيد بيقول سامحني اللي عملت وكدا قولتلو تمام ف حاله مفيش مشاكل تاني انا هنا علشان اشوف شغلي بس انا مش قادره اسامح اي حد من اللي تعبني نفسيا ومش هقدر اسامح

سهرانين ليه طيب حد بيكلمكو عمالين تتخنقو فلمود انتو بطلعو النجتف انرجي علي بعض ليه طيب يا شباب احنا كلنا عندنا مشاكل هموم طيب انا مخوق اجي اتخنق معاكو بجد خلونا نساعد بعض عارف انو كلام بس فحيتكو مش طيبين خليكو هنا حلوين بجد واسف لو حد اضيق مني

انا بقالي هنا علي الابلكيشين ٢٤ ساعة بس وشوفت كمية مشاكل واوجاع بتقابلنا كلنا ملهاش عدد فده يخليني اسأل سؤال ملح اوي لما معظمنا كلنا عندنا مشاكل وصعوبات بتواجهنا اومال مين الناس السوية في حياتنا اللي بنشوفها قدامنا يوميا اللي ديما بيدعو المثالية والنزاهة والقوة ؟ ولا دول مجرد ناس مصطنعة وبس ؟

محدش مهتم/هيحب يسمع شخص عمال بيشتكي و يتكلم لان كل واحد عنده مشاكله و الي هيسمع هيقعد يا اما يعلي عليا و يقول انه عنده مشاكل اكتر بكتير و ان دي متعتبرش مشاكل يا اما هيقلب الكلام و يتكلم عن نفسه و لو سمع للاخر ممكن يكون عايز يجمع معلومات عني و يستغلها بعدين🤏🏻

ان محدش هيسمعني وكل واحد عندو مشاكل اي هيخلي حد يهتم ليا؟ ولو شكيت هيتقال اي غير ان يعيروني بعد كدا! السكوت حل اوقات الحاجات كتير بس هو حل لكل حاجة محدش هيحاول يسمعني وانا ديما مقتنعه ب ان لا تشتكي ف الجرح لا يؤلم الاه صاحبه ومن عرفه الله فا اشتكيه و الشكوي لغير الله مذله

ازاي اقدر اعرف ان ربنا غضبان عليا لاني ديما بحس ان كل مشاكلي دي بسبب ان فيه حاجة عملتها وربنا بيعاقبني عليها وديما عندي احساس بالخوف والاكتئاب برغم اني بصلي وبيجلي كمان شكوك ان ممكن اكون بصلي غلط مثلا يمكن انا بعمل حاجات غلط بس بحاول اني ابقي كويس ديما وابعد عنها عايز ردود منطقية من فضلكم

جماعة انا كنت مع واحد في ثلث سنين حبينا بعضانا في لافاك و مكانتش علاقة سيريو مع لول و مبعد تعلقنا بزاف ببعضانا و ولات اكثر من سيريو مي اومامتون انا عندي بزاف المشاكل فالدار و حبيت نخرج باي طريقة يعني مقدرتش نستناه و هو مزال مدارش حتى خطوة نحو المستقبل و زادو حكموه للارمي جات فترة ضعف و جا خطبني واحد قبلت بيه فلحظة ضعف و بقينا مخطوبين ربع اشهر و مبعد جاتني لحظة ادراك و حبست الخطبة و عاودت وليت مع لي نحبو مي ماجبسوش المشاكل هنا كل خطرة ولينا نتهاوشو خاصة انه مكناش موالفين بالمسافات كنا نتلاقاو كليوم مين كنا نقراو حتى ولينا بعاد بزاف على بعضانا و نحكيو غي فسوشل ميديا و ولينا ندابزو بزاف و ممكن انا درتله ضغط بزاف انه يدير خطوة و يجي يخطب بلي كان يعني يجمع دراهم قيس خاتم على الاقل يدير خطوة مي زادو داوه لارمي و زاد ولا الحلم بعيد واش ندير تعيشو قولولي حرت

مش هحل الغلط ب غلط اكبر منو وهفهمهم ومفيش مشكله بتتحل بالضرب ولا العنف مفيش احسن من الهدوم واني اتكلم معاهم براحه ومش اي مشكله تحصل كل العيله تعرفها حتي لو كانت ايه هتتحل بينا ف البيت عشان لو طلعت كلو هيفضل فاكرها حتي لو كانت تافهه او حصلت في سن مراهقه واني اديهم وقت وابينلهم قد ايه بحبهم ومش بفرق بينهم .

ادينى نصيحتك كل واحد مننا عدى بموقف او مشكلة واتعلم فيها حاجة وممكن يكون اتعلمها بشكل صعب شوية فاى رايك نخلى البوست دا نصحية تديها لغيرك علشان ميغلطوش نفس غلطتك او على الاقل يعدوا المشكلة بشكل افضل 🤍

للاسف دا الي حاسه من يوم ما فهمت من زمان اوي ودا بسببلي تعب نفسي ومشاكل كتير اوي، يعني انت فاهم ان دا. بيضحك عليك عشان انت لسه طفل، او دا الي بياخدك على قد عقلك ومفكر ان عقلك اخره كده، الشخص الي مفكر نفسه مفيش اذكى منه، بس انت ممشيها بس عشان معنكدش طاقه تواجهه

مشكلة السحر بقت منتشرة بشكل بشع وبما انى كان عندى فضول ناحية المواضيع دى ودورت فيها شوية وقريت كتب عن ازاى تعرف السحرة وتعالج السحر والاعراض والقصص دى كلها بقيت بساعد ناس كتير بسبب انى بلاقيهم ماشيين فى طرق كلها غلط وكلها دجالين بس وصلت لمرحلة خلاص مبقتش قادر الموضوع فعلا متعب جدا فبيصعب عليا اشوف حد مأذى من غير ما ارشده للطريق الصح حتى بس الموضوع فعلا صعب والله

إيه أكتر حاجة حاسين إنها مأثرة على نفسيتكم أو تركيزكم الفترة دي؟ السوشيال ميديا؟ ،الضغط والتوتر؟ ، الاعتماد على الـ AI؟ ولا في حاجة تانية؟ كمان لو تقدروا تقولوا إيه المشاكل اللي بتواجهكم بسبب ده؟ (قلة تركيز – أرق – قلق – تضييع وقت -حاجه تانيه) بكتب انفجراف توعوي عن تأثير المشاكل دي علي المخ وحابه اسمع تجاربكم بليز❤️🙏

احيانا يكون الوعي زائد سبب في مشاكل ولذلك في بعض الاحيان التظاهر بالغباء وسيله الدفاع ما رايك انت يا عزيزي القارئ هل توافقني الراي في النهايه رايي متواضع حسب تجربتي وما عشته في حياتي و شكرا

مش عارف بس اعتقد أنه عدم تقبل العتاب أو النقد في حاجات معينه اصل انا بحكيلك عن موقف مضايقني ف لما تفضل تقطع فيا اكتر انت كدا مش بتصلح حاجه ف بطلت احكي لأن الأغلب كدا أو ع الأقل بحكي لكل واحد اللي هو حابب يسمعه أو بشيل النقطه اللي هيعاتبني فيها

سكت علشان اتقلي وسط الضحك اهو زعلت وهتروح تعيط بل سعات سعتها عرفت اني مينفعش اتكلم لزم تسكت علشان ممكن ترتاح بعد الكلام بس هتتوجع كتير بعدها وجع يعلم فيك ويكسرك قدام الكل لما قررت اتكلم ضحكو وقالو دي مش مشاكل ساسا انتي بتكربي الوضوع لية هتعدي عادي يعني بقتي رخمة ومملة

اول يوم ليا على البرنامج مش عارفه حاسه انى متوتره اوى بس انا حاليا حاسه ان قلبى هينخلع من شده الوجع بسبب الفراق الفراق كان صعب اوى عليا لان محدش جنبى ومش حاسه بامان وهو كان سر امانى وحياتى كلها بس اخر كلامنا كان عباره عن انه مبقاش يحس بمشاعر اتاتى بعد4سنين ومرينا بمشاكل مش لسننا اصلا مش عارفه المفروض اعمل اى مش عارفه ارتاح ازاى وقلبى يهدى الوجع بجد مش رادى يروح وانا تعبت علشان قدام الكل بضحك وبهزر بس انا جوايا فى تعب بهرب منه، نصيحه اتصرف ازاى

مشكلة عاوزة حلهااا الحكاية وماافيها اني من وانا صغيرة كنت معتادة اني ازاكر وقوي كمانن بس يعني كنت شايفة اهلي دايما كانوو عاوزبن اني اطلع الاولي امي خصوصا وعندينا ف القرية يعني ابقا فااشلة لو حد جاب اكتر مني يعني مصلا ف تالتة اعدادي مطلعتش الاولي المهم حسيت البلد كارهينا فاهمة وكنت كاره نفسي ساعتها المهم جينا ف ثانوي كنت بطلع برضو الاولي ف تالتة ثانوي برضو طلعت بس بعد اانتيجة كلو فضل يقولي حتجيبي طب ومجموعك حلو وبتاع المهم التنسيق رفع خالص ومجبتش اه اهلي معندهمش المقدرة يدخلوني خاص فدخلت اقرب حاجة بس المهم كلوو ف البلد بتاعتنا كانو بذلني ولى مدخلتيش وبتاع واتخنقت ومن ساعتها وانا كارهة نااس عندنا ومش بحب ادخل ف نقااش ومش عارفة من ساعتها وانا مش عارفة ارجع درااسياا بسبب اني بعمل حجات حرام وبسبب النااس وبحس اني دايماا فاشلة ومليش لازمة ومش حنجح يعني بقيت ادايق من اقل حاجة وبعدسن ارجع مبسوطة واتنكد تاني كدا علطول مش عارفة اي الحل وبعدت من ربناااا خالص مش زي مكنت ف الثانوي وقاطعة علاقتي مع صحاب ثانوي وكمان حتا اللى معاياا ف السكن مش متقبلاهمم خالص ولا متقبلة اهلي ولا حاجةة هوا معايااا مشاكل اكتر من كداا تاني بس انا بسبب المووضووع دا ببكي كل يوم😭

ازيكم يا ناس يا طيبة المعظم هنا وانا كمان بنكتب مشاكل بنمر بيها ضغوط اكتئاب فشل، كلنا بنحاول نساعد على قد ما نقدر، بس بلاقي مشكلة تانية. لو داخل هنا عادي مش مضغوط وداخل اتفرج على الابلكيشن مع كم المشاكل اللي هنا هيتغير المود ووضعي يسوء عارف انه دا من طبيعة الابلكيشن هنا واننا محدش ظاهر فبيكون كل واحد قادر يناقش ويتكلم في مواضيع ومشاكل مش هيقدر يتكلم فيها بصفتة الحقيقية بس عندي طلب زي ما بنشارك بعض اللحظات السيئة ياريت نشارك مع بعض بردوا اللحظات السعيدة وندي لبعضنا أمل وفرصة اننا نتخطى اللحظات دي ربنا معانا كلنا ويوفقنا جميعا يا ناس يا كويسه

بقيت متاكده أنها علاقه مؤذيه ومش قادره ابعد عرفت انو بيكلم عليا غيري ومن كتر الحب م قادره ابعد ولا عارفه لاني محاوطه بمشاكل كتير فحياتي بتخليني اهربله ديما مجرد ما بكلمه كل حاجه حواليا بتهدا ومش بحس بدوشه بس بيأذيني اكتر نفسي ابعد عنه وابقي كويسه تعبت بجد بروح سيشن نفسيا عشان اتعالج منه واعرف ابعد عنه وبرضو فشلت

الكلام للناس المتزوجين لو معندكمش النضج الكافى انه لما يحصل بينكم خلاف او مشكله تقعدوا تحلوها لوحدكم من غير ما تضغطوا على أولادكم او تستخدموهم كا بطاقه ضغط وان متقلبوش الحياة صراع مين ينتصر على مين حتى لو هتحرق كل ال قدامك بما فيهم الاطفال فا من الاول اطلقوا او متجوزوش اصلا ايه ذنب الواحد يبقى قاعد حرفيا حاسس بعروق ايدى الدم فيها بيلسعنى ومن كتر الحزن بقيت بصحى كل يوم بالتهاب فى مفصل او جزء مختلف فى جسمى لو مش ناضجين كفايه متجوزوش لو مش بتعرفوا تحلوا مشاكلكم متجوزوش لو معندكمش دراية كافيه بمسؤليات الزواج انه ال هتجوزها دى هتبقى فى مسؤوليتي ووقت ما تحتاج اى حاجه مهما كانت صغيرة او كبيرة تلاقينى جنبها وان ال هتتجوزيه ده هيبقى جزء منك تتحملية لو الدنيا ضافت بيه وتتشاركوا فى تربية الاولاد عشان تطلعوا اطفال متربيين ومحترمين وناضجين فكريا وجسديا صح والهدف من ده كله هو ارضاء الله وتكوين حياة اسرية سليمه لو متعرفوش كل ده متتجوزوش حولتوا اجمل واسمى العلاقات وهى الزواج لاكثر العلاقات رعب وجحيم ليه

ممكن حد يعرفنا الزاي نتجاوز ال مشاكل ال بنمر بيها وقت الكلام / هنا 🙃🙃🙃 الموضع مستفز اوي حد عنده طريقه عشان ال بل اوك ال كل شويه يوقف الكلام دا ؟؟ انا من انت انا من انت انا من انت انا من انت انا من انت انا من انت

ازيكم ، هحاول اتكلم عن مشكلتي ف اكتر من رسالة لو ينفع والدي رحمه الله كان بعيد عننا معظم الوقت و انا كنت مع والدتي بعمل كل حاجه وبتحط ف مواقف اكبر من سني من ونا 10 سنين لحد الآن 21 سنة لما حصل وجالي كلية بعيدة و بدأت حياتي تتشكل ظهرت مشاكل البيت وفكرة اني بختار وبحاول اصمم حياتي لنفسي ، اللي هو ازاي يعني عايز تعمل مشروع جنب كلية الطب ، و ازاي انت بتذاكر جامد و بتتعب بس مش بتظبط جامد (مرة A مرة B) و ازاي ارتبطت بحد وعايز يبقى بينكم مستقبل واحنا ماختارناهاش (زميلتي ف الكلية ومشهود ليها بالاحترام والتفوق ، والشخص الوحيد اللي بيسمع مشاكلي وبيهتم بيها و بيراعي شعوري "اللي اصلا ماحدش عمره اتكلم معايا فيه من البيت ولا سأل عن حالتي النفسية اللي زي الزفت") و دلوقتي امي مقاطعاني و بتتلكك لعمل مشاكل و بتذلني بالمصروف اللي باخده عشان الكلية والسكن والسفر ، بالرغم من ان الكلية اختيار والدي و هو اللي قال روح وانا هصرف ، بس هي معاها طبعا المرتب بتاعها و معاش بابا الله يرحمه و انا قافل ع نفسي باب الاوضة بقت تقف عند الباب تزعق و تشتم الفاظ قذرة جدا وتشتم حبيبتي و تقذفها قذف محصن دلوقتي انا اعمل ايه

بتعملوا ايه لما بتلاقوا نفسكوا بتأجلوا كل حاجة في حياتكوا لدرجة ان الدنيا خلاص بتبوظ منكوا ـــــــــــــــــــــــــــــــــــــــــــــــــــــــــــــــــــــــــــــــــــــــــــ

كان نفسي عمتا اتربى تحت سقف واحد و بين اربع حيطان حوالية مستور مشاكلي مش طالعه لحد، طلاق امي و ابويا خلاني كل شهر من بيت لبيت من مشكلة لمشكلة، وكل مشاكلي ع لسان العيلة وكلهم قاعدين لا سامعينلهم اي مشكلة ولا حس ، الا العبدلله حاجه صغيرة تحصل تسمع ف بوق العيلة كلها

بتعمل ايه لو شريك حياتك بيحبك وانت متاكد من حبه بس بيعمل حاجات صعب أنها تعدي بسهوله ..ازاي الواحد يقاوم أنه يقع ف الفخ ده ويصلح ده ازاي؟ خاصه أنه حصل نقاشات كتير اووي ف كذا مشكله شبيهه للموقف الحالي بس مفيش فايده للاسف

هو المفرود نتعامل ازاي معا شخص مشي من حياتنا ورجع تاني بذات لو هو شايف ان احنا السبب في مشاكلو معا ان احنا بس جزء صغير وان هو كمان كان سبب في مشاكل عندنا كتير بس عديناوالشخص دا كان مهم جدا عندنا

انا وحماتي متخانقين هي قويه ومسيطره وانا نفس الشيء ف مش بنتفق مع بعض خالص كان راجعين من البلد وانا اشتريت فسيخ فهي قالت لي نظفيه فوق ولكن بزعيق كدا وكررتها كذا مره .. واحنا المفروض هناكل مع بعض ف انا كسلت اطلع وفي نفس الوقت رخمت و قعدت ف هي قعدت تزعق وطلعت غضبت ونزلت بليل زعلانه وتقول أنا اللي هحطه في دماغي مش هقعده .. ف انا من وقتها وانا مش بكلمها انا عارفه اني من الاول كان لازم اطلع فوق ولكن الكلام اللي هي قالته وقت العصبيه والجمله الاخيره دي اظن ضيعه وحقها ما كانش ينفع ان هي تقول كده ماما قالت لي اتجنبها خالص وما انزلش تحت عندها الا في الضروره بس المشكله ان احنا بنتجمع مع بعض يوم الجمعه بيجي اخو جوزي ومراته واحنا بننزل وانا لو منعت نفسي عن يوم الجمعه ده يبقى قطعت معاها تماما ولو نزلت مش هعرف اتعامل زي الاول لانها بتتعامل بجفاء قوي فانصحوني اعمل ايه

جماعة عاوزه اخد رائيكم في شئ بقالي كام يوم عندي مشكلة والمشكلة دي ودتني لمشكلة تانية المشكلة الاولي ملهاش حل بس الهمتني اكتبها وتكون هي محور روايتي الجديدة ودي في حد ذاتها مشكلة لاني اصلا مقررة اني مش هكتب تاني واتخلي عن الكاتبة اللي جوايا ودي في حد ذاتها برضو مشكلة تانية بس لا الوقت ولا الظروف ولا الموهبة كافية لاني افكر في الكتابة من تاني هجنن مني بجد

احكوا تجاربكم في التعافي من أي مشكلة كانت عندكم او تعلق بإنسان او صفة وحشة او عادة سيئة ادوني خبرتكم في النسيان والعودة للحياة الطبيعيه بعد فقد شخص عزيز عليكم خلونا نفكر سوا في طرق منطقية للتعافي

انا ديما عندي شعور غضب اتجاه اهلي بحس هما السبب في كل حاجه وحشه بتحصل وانهم مش قد المسؤولية وان احنا غلطه لاتنين مش قادرين يتعملو كويس مع ظروف الحياة الكل الناس فيها انا بعملهم كويس جدا بس دماغي مش قادره ابطل تفكير في كل حاجه بتحصل حوليا

مخنوق ومتضايق وعايز حل للى انا فيه انا شاب 22سنه 3سنين حب فيها لشخص غالى على قلبى قوى ومزال بحبه اه احنا مع بعض بس مش زى الاول حصلت بينا شوية مشاكل ومنكرش انى كنت السبب ف المشاكل دى بس اعترفت بغلطى وصالحتها بس هوا اتغير عليا وبقى واقفلى على الواحدة وانا بدأت اتعب بسبب دا ومبقتش بركز ف اى حاجة حتى اتفه الاسباب مشبتعديها زى كل مرة حد يقولى حل غير الفراق والبعاد عشان انا مقدرش اعمل كده وبرضوا انا عامل على مشاعره ومش عايز اخسره

اعندي مشكلة دلوقتي انا شخص بتحمل كتير و بكبر دماغي اكتر و ممكن اشيل مشاكل غيري و احلها لمجرد أنهم اهلي و مبشتكيش خالص بس حاسس اني اللي قدامي مش مساعدني غبي لدرجة أنها مش عايز ينفذ حاجة بسيطة في مستوي طاقتها هو بس يسكت أو يسمع كلامي (علشان ميعقدش الدنيا و يخلي الموضوع يكبر اكتر مش علشان انا مبسمعش حد غير نفسي) و حرفيا يسيب ليا الباقي هخرجوا من الموضوع كلو و مبسوط كمان بس ينفذ . لما ملقيش كدا بحس اني اللي قدامي ميستهلش و لو سبت الدنيا بلقيها بتبوظ اكتر و الحاجة التافهة بتكبر جامد انا حرفيا زي ركب في قطار ماشي علطول مش عارف انزل و له عارف اخد بريك انا مش عارف اعمل ايه...؟؟؟ للعلم انا سني مش كبير وسط اللي حواليا في اكبر مني و اصغر مني بس مش كتير

وحده وملل وفقدان شغف الواحد نفسو يلاقي حد يسمعو حد يفهمو ميستغلهوش او يفرض عليه حاجه لما يتكلمو اكثر يقينا بنهرب وره شاشات وحتي وراها مازلنا خايفين من اسرارنا او مشاكلنا مش عارف لي تكون عاوز الناس تتكلم تاخد احلي مهاجمه وكلام ملهوش اي داعي تسكت يقولو عليك مش متقبل حد ومش فاهم حد 1053121502

عاوزه اسال عن شعور عدم الأمان والاستقرار في الاسره أن هل لمجرد أن بيصؤف الأساسيات بتاعت البيت الي اقل كمان بيكون كده اب هل الاب الي يطرد عياله ويفرج الناس عليهم ويجيب في سيرتهم مع القريب والغيب هل ده اب هل الاب بيتعمد يبقي تافه وهايم قدام الناس ويتعمد يفضحك بطرقتو وأسلوبه هل ده اب لما كل حاجه تبقي بالخناق والمشاكل لما اب يسلط الاخوات علي بعضها ويكرهنا في بعض هل ده اب هل الاب الي تكون بتموت واخل عمليات ومتاح فلوس ويرفض يديك أو حتي يستلفلك هل ده اب هل الاب الي بيقول أن أولادكم وبناتكم فتنه فحذرهم هل ده اب انا حرفيا بقيت مكسوره من جويا وخايفه جوايا مشاعر كتير متلخبطه😓

الموضوع طلع صعب فعلا بتهرب من حاجه تلاقي التانيه ف وشك تهرب من حاجه تلاقي التانيه ف وشك بس انا لقيت حاجه هنا بس ازاي احل الموضوع بقا هو ف اي ياعم متهدي

وحده وملل وفقدان شغف الواحد نفسو يلاقي حد يسمعو حد يفهمو ميستغلهوش او يفرض عليه حاجه لما يتكلمو اكتر بقينا بنهرب وره شاشات وحتي وراها مازلنا خايفين من اسرارنا او مشاكلنا مش عارف لي تكون عاوز الناس تتكلم تاخد احلي مهاجمه وكلام ملهوش اي داعي تسكت يقولو عليك مش متقبل حد ومش فاهم حد 1053121502

من فتره مش كبيرة اوي لاحظت ان اختي بقت بتتصرف بطريقة غير عادتها ، يعني كانت مثلا بتخاف حد يمسك تيليفونها و كل شويه يجلها مكالمات ، المهم انا اكتشفت انها بتكلم ولد وقتها ، قعدت كتير مقولتش لحد علشان احنا معدناش اب و امي مش مسؤله و لو عرفت هتكلم خلاني و هيقتلوها ، يعني حرفيا هيقتلوها و انا مكنتش عايزة دا اكيد ، المهم وقتها بدأت المحلها ان الموضوع حرام و الكلام دا و لما لقيت انها مبطلتش كلام معاه صارحتها و اتخانقنا جامد و وصل اني مديت ايدي عليها ، كلمتها بالدين مره و بالتهديد اني اقول لخلاني مره و اني ازعق و بكل الطرق و هي مش شايفه انها غلطانه اصلا ، المهم وقتها انا كلمت الولد و شتمته و قلتله متكلمهاش تاني و هو طلع فعلا بايعها و مكلمهاش تاني ، انا قلت انها اتعظت و خلاص سكت و الموضوع عدي ، من اسبوع بدأت بنفس الحجات الي كانت بتعملها ، بتخاف حد يمسك الموبايل بتاعها و بيجلها مكالمات كتير من رقم هي مسجلاه حرف H بس المهم لما حست اني بدأت اشك غيرت الباسوورد بتاع تيليفونها و خلت الاسم من حرف ل اسم بنت hana المهم الموضوع مأكلش معايا يعني و امبارح و هي بتستحمي لقيت تيليفونها مفتوح ف اخدت الرقم الي بيكلمها دا و حطيته علي الترو كالر و لقيته ولد ، انا مصارحتهاش لاني مش قادرة اعمل معاها مشكله تاني ، هي المفروض اكبر مني و واعيه لكن هي بجد مش ناضجة خالص و انا عندي مشاكل تكفيني مش قادرة اكلمها و اتخانق معاها و اعمل مشاكل ، و المشكله اني حتي لو صارحتها و قلت لخلاني ممكن يعملوا فيها حاجة و اكون انا البنت الوحشه الي مسترتش علي اختها ، انا بفكر مقلش لحد و اسيبها مع نفسها بس هي اي حد بياكل بدماغها حلاوة و لو طلب منها حاجة مش تمام هتعملها و وقتها هنروح ف داهيه كلنا معاها ، عايزة اقتراحات اعمل ايه علشان بجد مش عارفة و بدأت احس بقرف منها بصراحة . اسفه للإطاله.

انا بقيت اعالج اى مشكلة بالنزول القهوة مخنوق من الشغل انزل القهوة مخنوق من البيت انزل القهوة مخنوق من صحابي انزل القهوة بنزل القهوة كتير و لوحدي هل دة هروب من الواقع ولا بحاول امسح المشكلة واكبر دماغي عمري ما حاولت اتكلم مع حد علشان مشاكلى

يعنى بجد الواحد لو يقدر يا يتبرى من عيلته او ين تحر ويخلص عالم غريبة والله الواحد يبقى فاضل يولع فى نفسه عشان يرضوا عليه ويسيبوه فى حاله وبرضوا مش عاجب لا اله الا الله عالطول يا مشاكل معايا يا مع بعض

جماعة عايزة رايكم بصراحه الوقتي انا عندي اتنين صحابي بس اول واحدة احنا بيست فريند اوي يعني إنما التانية عادي بس اخر فترة قربنا احنا التلاتة من بعض و هما اصلا صحاب من قبل ما يعرفوني المهم كل مرة بتحصل مشكلة بسبب ان هي بتحكي لصحبتي اسرار و بعدين بتحكي ليا بعدين متأخر انا في الاول كنت بضايق عشان مش بحب احس ان فيه حاجة مستخبية عليا المهم صحبتي بقى بتحكي ليا الكلام ده عادي لان احنا قريبين جدا من بعض بس المفروض مني اسمع الكلام و بعدها اعمل نفسي مش عارفة حاجة عشان التانية ما تضايقش المهم اني لما بدأت اخد على التانية بقيت بتكلم من غير ما افكر فبغلط و احكي حاجة من اللي المفروض اني ما اعرفهاش صحبتي بقى كل مرة تتخانق معايا اني كدة بخلي شكلها وحش و انها مش بتحفظ السر و الكلام ده بحس عندها حق فعلا و اني كدة بوقع الدنيا المهم لما فتحنا الموضوع مع بعض احنا التلاتة هي قالت انها مش بتضايق و انه عادي مش مشكلة لو صحبتي حكت ليا المهم ان النهارده حصل نفس الموقف تاني و دخلت تتخانق معايا قعدت احاول اهزر عشان بكرة العيد و بلاش خناقة بس هي مصممة و المفروض كنا بكرة هروح عندها البيت نطبخ مع بعض تجاهلت الموضوع الوقتي لما كنت بسأل اجيلها الساعة كام انا بجد مضايقة من نفسي و اني بكرر الموضوع انا لما باخد على حد مش بفكر قبل ما اتكلم زعلت من كلامها لان قعدت تقولي انتي مش عيلة عشان تكوني مش عارفة بتقولي ايه و اني بيكمي بقى و كدة مضايقة بس مش عارفه اعاتب لاني غلطانة المهم اسفة اني طولت و ياريت ما حدش يتلخبط

جماعة حسابي القديم ضااع وكان عليه مشاكلي وحلول الناس الكويسة وكنت بدخل اشوفهم من مرة ومرة ف حل اجيبه تاني او لا؟ (انا سوداني م سعودي) ...................

طول عمري بعاني من الوحدة بحس الغربة وسط عيلتي و بقيت أحسها برة كمان مؤخرا .. فوقت على حقيقة مفزعة و هي أن اهلي هما سبب كل مشاكلي و اني لولا القرف النفسي الي شوفته من وراهم كان زماني بقيت ف حتة احسن .. مش عايز كلام إيجابي عشان هما مش هيتغيروا .. انا عايز اعرف ازاي اتأقلم لوحدي و محتاجش لحد

السلام عليكم. انا مشكلتي غريبه شويه وعاوز رئيكم انا مليش صحاب ولما كبرت بقا نفسي يبقا ليا صحاب . المهم. بشوفهم يخرجو ويتصورو مع بعض بس ممكن حد يسقل ويقول طب صحابك بتوع الاعدادي و ثانوي فين انا كنت بمشي معاهم كانو بيبعدو عني في الابتدائي و الثانوي و الاعدادي برضو فا خت قرار اني مصاحبش وفضل لوحدي اروح دروس لوحدي اعد في مقعد في المدرسه لوحدي مع اني كنت نضيفه جدا و شكلي العام مش وحش حتا لو عرفت حد كان بيبقا معارف مش اكتر وكنت بخاف اصاحب بقيت بحس اني كائن غير مرغوب فيه لما دخلت الكليه صحبت واحد مفيش احن منه وعاملني احلا معامله بس من كتر الي انا عديت بيه كنت بخاف يبعد عني بحس ان غير مرغوب كا العاده بس ده كله كان وهم ولقيته عكس كده وحد وحده حبيته اكتر وتعلقت بيه جامد بزات انو جه في وقت صعب عليا جدن كنت بتعالخ نفسي بسبب موضوع تاني وكنت حاولت الانتحار اكتر من مره بس هو وقف جمبي وقفه راجل لدرجه من كتر ما بقيت احبه بقا بي النسبا ليا اخ واب وام وكل حاجة بقا هو عندي ونا عنده في البيت الي كان بيفرقنا دخول الحمام حتا اللبس كنا بنشاركه مع بعض الناس بدئت تتكلم علينا حتا لو كان بيحصل بنا مشكله انا بنخاصم بعض ساعة كان ديمن يكلمني اتعب يجي يشوفني لو ملقتش معاه فلوس اديله كل الي معايه انا كان عندي هوا ياكل ونا افضل جعان عمري مخليته يحاسب وحنا خرجين حتا لو هدفع كل الي معايه انا اضحي عشانه اجبله اغلا الهدايه وغيره وغيره بس ده مش الموضوع انا بوريكم اد ايه انا كنت نبيل وكريم حتا علقت صرته عندي في الغرفه الجماعه فكروني اهبل في البيت بس اول مره الاقي صاحب حتا كنت بغير لو عامل حد احسن مني وبدايق وزعل وزعق معاه وقله انتا مش بتعتبرني اخ ف هو يسبت العكس ولله انا لو اعت اشكر فيه من هنا للسنه الجايه مش هيكفي اعمل ايه صحبي الوحيد ونا ما سدقت كلب ومسك عضمه فا لازم أكون كده غصب عني والله بدئت المشاكل تزيد بنا وهو كان بيزعل ويخاصمني بي الشهور وفضل اتحايل عليه يسامحني حتا لو هو الي كان غلطان وعدي عشان بحبه ونتصالح بس انا معملتي كانت بتبقا زي ما هيا بس هو لا بدا يتغير وحده وحده زهق بقا ما كتر السكر مش حلو بيجيب المرض فا زعل بعد ما اتصالحنا حصل مشكله تنيه و كا العاده حاولت اصالحه ورحتله البيت كانت المقابله زفت حاولت الطف الجو وبرضو ولا اكني عملت حاجة بعدها كلمني بقيت زي الاهبل وي ما سدقت و المشكله الي بعدها بقا من غير اي سبب اكل شرب بات عندي وفجأة بعد ما روح لقيته مش بيرد و اخر ما زهق رد عليا قلي روح شوف مصلحتك كانت الصضمه بي النسبه ليا اعت ٣ ايام من غير اكل ولا شرب وزعلان لدرجه سبت البيت وكده المهم كل يوم كنت ابعتله رساله لحد ما رد وقلي خلاص حصل خير حاولت اعرف هو كان زعلان ليه مقلش و المعامله قلت اكتر كمان اخر مشكله بقا كنت تعبان وجه شافني في البيت انا طبعن بحب اهزر معاه اخويا وحبيبي بقا وبزات جاي يشوفني اعت اهزر معاه فجأة قلي هروح لقيته زعل بعتله بعتها اعتزرات كتير ولا كان بيرض عليا ولا عاد بيعبر ممكن مسح رقمي كمان ممكن امه الي بقت بتسقل عليا المشكله دي بقت ابل رمضان بي ٢٠ يوم ولسه مش بيكلمني اخويا قلي ده ندل بس انا مش شايف كده اخويا قلي كده عشان مسقلش فينا مهما كان احنا بنا عيش وملح هل اكلمه يوم العيد بس لو مردش هتعب ولا انساه ورجع زي منا بلاصحاب حتا معدش معايه فلوس انتم ايه رأيكم

كل ما احس اني تايه او ضائق وسط الضغوطات والمشاكل وغرقان رالتفكير بفتكر ان لها مدبر ولما بعوز حاجه بفتكر انه to have something you never had, something you never did ولما انت تقرا دول هتقول ايه الواد المتفائل دا بس دي شخصيتي التانيه على بالليل هتلاقي الكئيب

علي نفس التطبيق هنا من كام شهر بنت كانت منزله مشكله عندها ف المهم دخلت وحلينا المشكله وبعدها اتعرفنا علي بعض و حبينا بعض و فضلنا اول شهرين مثلا كنا زي الفل بس بعد كدا المشاكل بدأت تكتر و هي قررت تبعد بس انا مش قادر مع ان الفراق كان من كام اسبوع وانا لسه مش عارف اتخطي مش عارف ادخلها اكلمها ولا اعمل ايه ؟