تعالوا احكيلكم شوية عن بابا حبيبي ربنا يحفظه والقلق اللي عاملهولي...الحمد لله من صغري وانا متربية على ان كل طلباتي مجابة(مش طلبات مادية عاليه لا) اقصد اي مشوار محتاجه اقضيه وهو يقدر يقضيهولي بيعمل دا وبيخفف عليا تعب المواصلات...اي حاجه بيحس انها بتزعلني تقريبا مش بيعملها تاني وبيتراجع عنها.... عايش يقضي حاجتي بكل ما أوتي من قوة مره وهو راجع من الشغل طلبت حاجه وكان خلاص قرب للبيت رجع مشوار كبير وراح جابلي اللي عيزاه... وهكذا كل طلباتي تقريباً أوامر بالنسباله...دايما معلي سقف طموحاتي ف العرسان اوي واني ازاي هوافق بحد اقل من بابا؟ ازاي هقدر اعيش مع حد اقوله نفسي ف لانشون النهارده ف يقولي لا مش ضروري او مش فاضي مثلا؟ مش فارق معايا الماديات ابدا ولكن حنيته وانه مخلينا اولوية عندها دي عندي بالدنيا لدرجة بدأت اخاف جدااا واقلق اوي وانا شيفاه كل يوم بيكبر والكبر والسن والتعب بدأوا يبانوا عليه ادعوله ربنا يحفظهولي ويباركلي فيه
ربنا يبارك ف صحتوه ويخلهلكوه يارب كان نفسي فى اب كده او اب عماتن بس الحمد الله كل واحد بياخد نصيبه حنان الاب محدش بيعوضه تاني مفيش زوج لو ايه بجد مش شبه الاب
مفيش مشكلة بس برضه لازم تفكري هل هو هيلاقي المقابل منك يعني انتي والدك بيعمل كدة علشان هو والدك وانتي بنته لكن اللي هيتجوزك لازم يلاقي المقابل منك اعتقد هتقدري تقتنعي لو جاوبتي نفسك على السؤال ده عندك استعداد تبذلي نفس المجهود ده بأنك تطيعيه في اي كلمة وتعملي كل اللي هو عاوزه عشان تلاقي المقابل ده لو الإجابة اه ساعتها يبقى ليكي الحق تدوري على شخص كامل
ربنا يديلو الصحه