حنية

السلام عليكم ورحمة الله وبركاته صراحة مش عارفه ابدأ ازاي أو أقول ايه لكن حقيقي محتاجه حد يسمعني أو على الأقل يحاول يفهمني ويفهم أنا عايزه اقول ايه ، أوقات كتير مبقدرش اتحكم في كلامي خاصة في البيت ودا اللي هيجنني ، يعني أنا برا البيت اسلوبي كويس والناس كلها تشهد بكدا لكن في البيت حقيقي مش عارفه ليه اسلوبي بيبقى حاد بالشكل دا خاصة مع بابا والموضوع حقيقي مزعلني اوي ، يعني أنا أوقات بكلمه بأسلوب وحش ( أنا والدي من ذوي الاحتياجات الخاصه ، عنده إعاقه معينه مش حابه اذكرها ) فأغلب الوقت بيبقى محتاج مني مساعده فبروح أنا أرفض واعاند ولو رد عليا اعلي صوتي وازعق حتى مش قادرة اقبل من انتقاد حد ليا ولما الموضوع يخلص مبكملش كام دقيقه وبقعد اعيط عشان بيصعب عليا ويبقى مش عارفه ومستغربه أنا ايه رديت كدا وليه عملت كدا ، أنا طول عمري نفسي اكون حنينه وبحب الحنيه لكن أوقات بيراودني شعور وأفكار وحشه اوي وعدوانيه وهي إني لو شوفت حد ضعيف قدامي أو أنا كنت السبب في ضعفه بلاقيني بقول في نفسي يستاهل وكلام من دا وخاصة دا بيحصل مع الناس اللي بحبهم اوي وحرفيا لو اطول اديهم عيوني مش هستخسر ، لكن ليه بتصرف كدا وليه الأفكار دي بتيجي في بالي معرفش والموضوع بيأذيني بجد أنا مش عايزه ابقى كدا ، ومش عايزه اعمل أهلي كدا ، ازاي اكون بارة بيهم وازاي مزعلهمش وازاي اتحكم في تصرفاتي وكلامي كويس وازاي اكون حنينه اصلا . حقيقي اتمنى محدش يجرح فيا بالكلام عشان فعلا أنا زعلانه اوي بجد .

بصراحة... كنت فاكر إن فقدان أمي وأنا صغير هيبقى وجع وهيعدي مع الوقت. لكن كل ما أكبر، أكتشف إن بعض الجروح مبتختفيش... إحنا بس بنتعلم نعيش بيها. يمكن أكتر حاجة اكتشفتها مؤخرًا إني بقيت بدور على الحنية والاهتمام في أماكن غلط، وأتعلق بأي شخص يعاملني بلطف. دخلت علاقات استنزفتني، واتوجعت، واتضحك عليا بسبب كام كلمة كنت محتاج أسمعهم من زمان. وساعات بزعل من نفسي، وأقول: "إزاي أنا ساذج بالشكل ده؟" لكن يمكن الحقيقة إني مش ساذج... يمكن أنا شخص فقد حاجة كبيرة وهو صغير، ولسه بيحاول يلاقي الإحساس اللي اتحرم منه. فيه أيام برجع فيها البيت تعبان، وكل اللي نفسي فيه إن حد يقولي: "مالك؟" أو يربت على كتفي، أو يحسسني إني مش لوحدي. ولما بشوف أم مع ابنها... بحس بوجع صعب أوصفه. مش غيرة، ولا حسد، لكن اشتياق لحاجة كان نفسي أعيشها لوقت أطول. أنا مش بدور على علاقة حرام، ولا على أي حاجة غلط. أنا بس بدور على احتواء... على أمان... على إحساس افتقدته من زمان. يمكن عشان كده بفكر أوقات في الجواز بدري، مش هروبًا، ولا لأني فاكر إنه هيعوض أمي، لكن لأن نفسي يبقى ليا بيت، وأهل، وسكن، وحياة حلال أقدر ألاقي فيها مودة ورحمة. بس في نفس الوقت، أنا عارف إني لسه عندي 18 سنة، ولسه قدامي طريق طويل أشتغل فيه على نفسي. كل اللي بطلبه من ربنا دلوقتي... إنه يهون على قلبي، ويعلمني أتعامل مع الفراغ ده بطريقة صح، من غير ما أضيع نفسي وأنا بدور على حد يملأه. ادعولي... يمكن ربنا يجبر قلبي في الوقت اللي هو شايفه خير، ويعوضني عن كل وجع شفته وأنا صغير.

حته حنيه ووجود ابويا جنبي وحنيته وحضنه مكنتش من نصيبي رغم انو عاايش والله العظيم.. خلاني ادور علي اهتمام والحب بره ــــــــــــــــــــــــــــــــــــــــــــــــــــــــــ

عندي جفاف عاطفي وياريت مش كل من يشوف الكلمه دي يفكرني عاوز شهوة ولا جنس والله العظيم ابدا انا بس حد مفتقد حنية مفتقد اهتمام مفتقد حد يحسسني بقيمتي الي هوا لو شخص واحد بس يقدر انو يفرحني وانا فعلا جواية مشاعر اهتمام كتيره اوي انا بجد عندي كبت مشاعر

اني ابقي محبوبه عمري ما حسيت بدا من الاهل ما اني عارفه انهم اكيد بيحبوني ومفيش اهل بيكرهو ولادهم بس انا عمري ما حسيت دا بالحنيه بالحب صحاب برضو معرفتش اعمل صحاب جدعه تبقي معايا بلعكس ظيما بيخذلوني حته الشخص اللي حبيته عرفت انو عمره ما حبني كان نفسي احس بالاحساس دا اوي وحاولت كتير اوي اني احسه عملت حاجات كتيره اوي علشان احس بالاحساس دا وفشلت

شاب عنده 26 سنة. يمكن أغلب اللي في سني اتجوزوا وفتحوا بيوت واستقروا، وأنا واقف مكاني. والغريب إني مش ناقصني حاجة تقريبًا، شغال وعندي شقتي ومجهز حاجتي وحتى الشبكة كانت معايا. كنت خاطب قبل كده، لكن مقدرتش أكمل لأسباب كتير. يمكن أكبر مشكلة عندي إني لما بحب بلاحظ أصغر التفاصيل، وبحتاج أحس إن الطرف التاني موجود. محتاج كلمة تطمني، رسالة بسيطة، حد يفكرني إنه بيحبني وإن وجودي مش تقيل عليه. أنا من النوع اللي لما يحب بيدي كل حاجة من غير حساب. حرفيًا ممكن أقدم للشخص اللي بحبه كل اللي أقدر عليه، وأكون أحن عليه من نفسي. لكن للأسف الحنية الزيادة ساعات بتجيب نتيجة عكسية. اللي كنت معاها وصلت لمرحلة إنها بقت متأكدة إني مش هعرف أعيش من غيرها، وده خلاها تحس إن من حقها تتحكم في كل حاجة. وقتها عرفت إن العلاقة دي مش هتنفع ومشيت. المشكلة الحقيقية مش في اللي فات... المشكلة إني من ساعتها، بقالي 3 سنين، مش قادر أخد خطوة خطوبة أو جواز تاني. وفي نفس الوقت مش قادر أتعايش مع الوحدة. كل يوم بحس إني محتاج حد يحبني بجد، حد يهتم بيا، حد يسأل عليا من نفسه، حد يبعت رسالة من غير مناسبة. يمكن أغلب الناس شايفة الموضوع بسيط، لكن بالنسبة لي بقى وجع يومي. حرفيًا كل ليلة قبل ما أنام بفتح الرسائل وأبص فيها، ومش بلاقي حد باعتلي أي حاجة. ساعتها بزعل على نفسي. بزعل لأني طول عمري واقف جنب الناس ومقصرتش مع حد، ومع ذلك مش لاقي الشخص اللي يفضل جنبي أو يفتكرني حتى برسالة. ساعات بقعد أسأل نفسي: هو الغلط فيا؟ هل أنا حبيت زيادة؟ اهتميت زيادة؟ اديت أكتر من اللازم؟ أنا مش وحش، لا في شكلي ولا في لبسي ولا في شغلي، ومش بطلب المستحيل. كل اللي نفسي فيه حد يحبني بنفس الصدق اللي بحب بيه، وحد يبقى حنين عليا زي ما أنا حنين على الناس. أصعب إحساس إنك تبقى طول الوقت سند للكل، ولما تحتاج تسند راسك على كتف حد، متلاقيش حد موجود. وأصعب منه إنك تبقى محاط بناس كتير، لكن تحس إنك لو اختفيت يوم أو أسبوع محدش هيسأل عليك.

تعالوا احكيلكم شوية عن بابا حبيبي ربنا يحفظه والقلق اللي عاملهولي...الحمد لله من صغري وانا متربية على ان كل طلباتي مجابة(مش طلبات مادية عاليه لا) اقصد اي مشوار محتاجه اقضيه وهو يقدر يقضيهولي بيعمل دا وبيخفف عليا تعب المواصلات...اي حاجه بيحس انها بتزعلني تقريبا مش بيعملها تاني وبيتراجع عنها.... عايش يقضي حاجتي بكل ما أوتي من قوة مره وهو راجع من الشغل طلبت حاجه وكان خلاص قرب للبيت رجع مشوار كبير وراح جابلي اللي عيزاه... وهكذا كل طلباتي تقريباً أوامر بالنسباله...دايما معلي سقف طموحاتي ف العرسان اوي واني ازاي هوافق بحد اقل من بابا؟ ازاي هقدر اعيش مع حد اقوله نفسي ف لانشون النهارده ف يقولي لا مش ضروري او مش فاضي مثلا؟ مش فارق معايا الماديات ابدا ولكن حنيته وانه مخلينا اولوية عندها دي عندي بالدنيا لدرجة بدأت اخاف جدااا واقلق اوي وانا شيفاه كل يوم بيكبر والكبر والسن والتعب بدأوا يبانوا عليه ادعوله ربنا يحفظهولي ويباركلي فيه

بقالي ساعة بعيط ومش عارفة أهدي ولا حتى أعرف أوصف اللي جوايا. الوجع لما ييجي من الأب بيكون مختلف لأنك طول عمرك مستني منه الأمان والحنية والسند لكن تلاقي مكانهم قهر وحزن وخذلان. تعبت من إني كل مرة أقول يمكن المرة دي تبقى مختلفة ويمكن المرة دي يحس بيا لكن كل مرة برجع مكسورة أكتر. أصعب حاجة إنك تكتشف إن الشخص اللي كان المفروض يهون عليك هو نفسه سبب دموعك. أنا مش بزعل عشان موقف واحد أنا بزعل على سنين من الاحتياج وعلى كلام اتقال وسكوت وجع أكتر وعلى إحساس إن قلبي كل مرة بيحاول يتمسك بأمل صغير وبيرجع مكسور. بقالي ساعة بعيط ومش مستنية حد يصلح اللي اتكسر جوايا أنا بس كان نفسي مرة واحدة أحس إن ليا أب يحتوي وجعي بدل ما يكون هو سببه. :::

انا شخص ناقص حنية بجد ،فلو اتعاملو معايا الناس معاملة حلوة بحس ان ده كتير عليا و لازم اردلهم الجميل ده ، حتى اتفه الاشياء انا بحسها كبيرة ، مرات لما يسألني شخص تاني ( كيفك ولا انت بخير) ابدأ ابكي عشان قليلة الناس اللي تسأل عليا و على حالي ، و بسبب هاد الموضوع بيتم استغلالي بسهولة

عندي مشكله تمت صلاة الفجر في جماعة اللهم الثبات يارب والمفرح اني مغلتطش متلخبتطش واديت كويس اللهم اجعلني اهلا للإمامه وارزقني لذة الصلاح ولذة ختم القرءان موضوعنا بقا (البوست الثالث تقريبا من رحلة التغيير) اكتشفت اننا في البيت مش بنحضن بعض كل اخوات يعني تقريبا عمري ما حضنت اخويا او اختي ف قررت انه ليه لا انا طول عمري بحاول ومش هبطل احاول اعوض اهلي عن حاجات كتير جدا اتحرمنا منها ماديا او او او ف قررت انه يبدا من عندي وابقا الاخ اللي مدلع اخواته واظن دي هتفيدني عشان لما اتجوز يعني المهم تاني ، اختي ربنا يحفظها ويبارك فيها يارب (ادعولها تالته اعدادي وبتمتحن) باذن الله هتلبس نقاب السنه الجايه وقررت اخدها لما اتخلص امتحانات واخرج انا وهي بس وممكن اختي الصغيره برضو معانا واروق عليهم واجيب للكبيره نقابات هديه مني ليها ف دي هتبقا اول خطوه في موضوع الحنيه دا وباذن الله الجايات كتير ويارب قدرني واعمل اكتر واكتر والحمدلله ان انا الكبير بعد اذن الرجاله اخواتي ادعولي انا ومتدعوش لاختي دمتم في امان الله #رحلة تغيير

السّلام عَليكُم ورحمَة الله وبركَاته يارب تكونوا بخير يا جماعه بجد الواحد تعبان وزعلان اوي من وسط كل حاجه بتحصل حواليه بالذات لو عيلته مش داعمين ليه وسط اب مش مهتم لاي حاجه تخصنا😭 نفسي يكون حنين معايا ميعرفش يعني اي حنيه بجد مفتقده شعور الحنيه من الاب او اخواتي الرجاله اوي😭 لما بشوف اب مصاحب بنته وبيكون معاها بتصعب عليا نغسي اوي طب لي هو ميبقاش معايا كدا😭 بخيل في مشاعره وبخيل في كل حاجه واتاني موت😭 حتي تعب ماما مش هامه ببتعايشوا ازاي بجد مش عايزه شفقه من حد انا بس مضايقه شويه ياريت تدعولنا❤️‍🩹

مخنوق بجد بقت كل حاجة مقرفة هوا في ايي الدنيا كلها دايسه علينا ليه والله العظيم احنا جيل مشاف حنية ده انا من وانا 10سنين بشتغل عشان مبحبش اخد حاجة من حد ومع ذالك لحد انهارده 24سنه مش عارف اتجوز ولا اعمل مشروع حتا العيب فيا ولا فمين طيب

ازاي اقدر اتعامل مع اهلي بطريقه كويسه او بحنيه بمعني اصح عاوزه اتعامل بطريقه كويسه بس مش عارفه كلي غضب وبعاملهم بطريقه صعبه غصب عني ومش عارفه ابطل دا جوايا غضب وحزن اني مشوفتش منهم اي حنيه ولا دعم وكنت لوحدي دايما ومازلت بالعكس بيزودوا عليا ويصعبوا الدنيا عليا اكتر وبيستنزفوا طاقتي اني استحمل انانيتهم لما ابقي ام مش هخلف اطفال وانا مش جاهزه ومعرفش يعني ايه امومه مش هخلف اطفال تحققلي احلامي واتحكم فيهم بحكمي اني ام لو مش هقدر اوفرلهم حياه كويسه مش هخلف عشان هما اللي يحسنولي حياتي بكل نطاعه وانانيه مش هطلب منهم حنيه وانا مدتهمش اي حاجه لا دعم ولا حب ولا ثقه في نفسهم ولا حتي امان بربع جنيه مش هخليهم يوصلوا لمرحله اني ببقي بموت قدامهم وهما مش عارفين يلمسوني ولا يقربوا مني عشان عمري ما حضنتهم ولا قربت منهم مش هكسر نفسهم ولا ثقتهم ف نفسهم عشان ارضي نرجسيتي واحس بتسلطي عليهم مش هقلل منهم قدام حد عشان اضحك اللي قاعدين ع خفة دمي بتريقتي ع عيالي مش هبقي ام غير لما اعرف يعني ايه امومه كويس

هي الحنية فعلًا ميزة؟ ولا هي أكبر فخ بنقع فيه وبندفع تمنه من أعصابنا؟" ​بقالي فترة بكتشف إن الشخص الحنين بزيادة هو أكتر واحد بيتساب، وأكتر واحد بيشيل فوق طاقته، وأول واحد بيتنسى لما الدنيا تروق.. وكأن الحنية دي "لعنة" بتخليك متاح للكل ومحدش متاح ليك. جيت أراجع كل حساباتي، ووصلت لنتيجة واحدة: أنا محتاج أتعلم أكون "قاسي". محتاج أتعلم إزاي أقول "لأ" بقلب جامد، وإزاي ميفرقش معايا حد، وإزاي أبطل أهتم بتفاصيل الناس اللي مهتمتش بيا. ​عايز أسألكم بجد.. إزاي الواحد يقدر يكون شخص قاسي؟ إزاي بتموتوا قلبكم؟ وإيه أول خطوة عشانك أبطل أكون "الشخص الحنين" اللي بيخسر في الآخر؟ ​مستني أسمع تجاربكم.. يمكن حد فيكم يعلمني إزاي أحمي قلبي شوية.

أكره امي و علاقتي بها سامة جدا و الأسوء ان ابي شخص مريض و عنيف و اكرهه من البداية! امي اكرهها من كان عمري 12 إلى يومنا هذا و رغم كل تصرفاتها المريضة معي مازلت انتظر شوي حنية منها! شخصيتها تتغير كل شوي و احسها مجنونة بتعاملها معي! المشكل انها تمثل انها شحص مثالي قدام الناس و انها توقف مع ولادها مهما كان و مستحيل تكون متحيزة!

عندي اعتمادية عاطفية بشكل كبير اوي مخدتش اي حنية من اهلي وطول الوقت خايفة ف حرفياً جعانة حنية واهتمام ف بشبع ده عن طريق بكلم ناس مجهولة كتير واحاول احس بالأمان عارفة ان ده غلط ومفيش اي مبرر للي انا بعمله بس مش عارفة اعمل ايه بجد محتاجة حد يساعدني

عندي احتياج عاطفي غير عادي اهلي صعبين معايا وعمري ما اخدت حنية وقاعدة بضيع نفسي ومستقبلي وبدل ما اذاكؤ واشوف مستقبلي واتطور قاعدة بحاول ادور على اي حاجة تسد الجوع العاطفي اللي عندي ده اعمل ايه بجد حاسة ان الموضوع مش هيتحل غير لو فيه حد في حياتي بجد جربت كذا حاجة وبردو برجع محتاجة حنية وحب واهتمام وحد يكون شايفني وفاهمني بس ده غير مشاكل كتير تاني بعاني منها وبجد تعبت اوي ومش عارفة اعمل ايه عشان مندمش قدام على مستقبلي اللي ضيعته عشان كنت محتاجة اهتمام وسايبة مذاكرتي وحياتي

الحنيه بحس دايما ان الانسان الحنين دا بيبقي رزق من ربنا الحنيه هي فعلا مفتاح لكل حاجة في الدنيا دايما متأكده ان عمر ما ظروف الحياه الصعبه بتغير الشخص الحنين لانه مهما حصل مش هيعرف يبطل يبقي حنين و كدبه كبيره ان حد كان حنين ف البدايات يبقي قاسي ف النهايات

للمرة المليون أنا عندي مشكلة وبنفر من الناس اللي بيهون عليها عياط حد قدامها، مش بس عشان أنا شخصية إيمشنول موت بس أزاي فيه ناس لما تدخل في جدال توصل الشخص لغرغرة العين ورجة الصوت، وتفضل مكملة عادي! أنا بكره طبع القسوة والجمود وبنفر من قساة القلوب ، الحنية بالنسبة ليا مش أوبشن ألاقيها ف الشخص الا بتعامل معاه أو لأ عشان أي حد مش حنين ف الطبع والمعاملة مستحيل يكون ف حياتي مش عشان أنا طول الوقت محاطة بالحنية والإهتمام الحمد لله يعني بس ولكن عشان بحس أي حد قاسي أين كانت ظروفه إنسان مش طبيعي الله يعافينا آمين وعشان كدة دعوتي الثابتة إن ربنا يصرف عني قساة القلوب وفظاظة الكلمة وربنا يعافي الناس جميعا من الابتلاء دا )" 🫠🦆

ليه العلاقات مش بسيطة وسهلة ونريح بعض ليه بنوجع بعض ونضايق بعض ونصعبها على بعض الدنيا صعبة بما فيه الكفاية ف مش ناقصة نصعبها على بعض ..... أنا تعبت من البشر ساعات ببقى مش عايزة اتعامل معاهم وبفضل التعامل مع حيوانات عندهم رحمة وحنية وحب مش موجود في البشر

وسط ناس كل همها انها تبقي Copy-Paste وتمثل عليك....الواحد بقى نفسه في حد حقيقي.. حد يكون السند اللي ميفلتش إيدك في نص الطريق لمجرد إن الظروف اتغيرت او حلاوة البدايات انتهت في عنيه هي الحنية انقرضت بجد ولا ايه؟ 🖤