الموضوع اللي هتكلم عنه حصل وانتها في شهر ١١ اللي فات يعني تقريبا عدى عليه ٦ او ٧ شهور خطبت بنت من محافظة تانيه عرفتها عن طريق البرنامج ده و هي كانت بنت حقيقية بمعني الكلمة من أدب و احترام و التزام و جمال غير أنها كانت منتقبة كانت حقيقية في كل اللي بتقدمهولي من مشاعر لكلام صادق لكل حاجه بس انا اللي شخص وسخ بسبب الماضي بتاعي الوسخ اللي طاردني بمجرد ما خطبتها و خت خطوة حلال للاسف وقعت في مشكلة و كان لازم و لابد اني ابعد عنها و كسرت قلبها و بعدت عنها بس يعلم ربنا اني سبتها وانا مجبر سبتها وانا بعيط و مش عايز و كان قرار بره عني عشان احل مشكلة تانيه كان لازم اسيبها واخطب واحده تانيه تجنباً لاي مشاكل كانت لقدر الله ممكن تحصل ليا و لأهلي بس ما علينا بعدنا عن بعض ومكناش كملنا اسبوعين خطوبة و شرحتلها كل حاجه بصراحه وقولتلها كل حاجه بصراحه و حكتلها اني غلطت مع بنت زمان قبل ما اعرفها وبعدنا عن بعد شهووووور ولما عرفتك و توبت وربنا جمعني بيكي هي رجعت و مستحملتش اني خطبت و الموضوع اتعرف و كان لازم افركش و اروح أخطب الاكس او اتجوزها على طول المهم ابعد عن بنت الناس المحترمه وبعد ما شرحت كل ده هي انكسر قلبها و فضلت تعيط بس مطلعش من لسانها كلمه وحشة كانت كل كلامها و هي بتعيط قدر الله وماشاء فعل و الحمدلله اللهم لا اعتراض و حالياً بقالي ٧ شهور وانا قلبي مموتني انا مش عارف انسى اي حاجه كل تفاصيلها و كل كلامنا و كل احترامها و انا حاليا خاطب بس عايش و مش عايش الحمدلله يارب على كل شئ بس انا زمان غلطت غلطه و حاليا بدفع ضريبتها بس انا نفسي انسى أو على الأقل وجع قلبي يهدأ لما بتكلم مع شات چي بي تي بيقولي طالما انت موجوع ده دليل على اني لسه بخير و من جواك خير بس انا مش بخير انا موجوع وبصراحه في اغنيه لما بسمعها صدفة بترجعني لنقطة الصفر و بحس اني عايز اعيط و لسه سامعها صدفة عشان كده حسيت اني قلبي هينخلع من مكانه ، انا مكنتش بلعب بيها ورحمة أبويا انا كنت بتمنى اتجوزها و ابقى معاها في حلال ربنا تفتكرو كان مفروض أضحى و اعاند الكل وما سبهاش و اللي يحصل يحصل حتى لو كانت عائلة البنت القديمة انتقمت مني ولا اللي انا عملته ده الصح ولا ايه ؟ تقريبا انا لو كنت شخص جاحد مكنش فرق معايا مين أتوجع بسببي ولا كنت هحط في بالي اي اعتبار بس انا عايز حاسس بالذنب طب لحد امتى ياربي استغفر الله العلي العظيم يارب