اقسم بالله كل كومنت هيفرق معايا محتاج مساعدتكم كلكم يمكن اخد من وقتكم شوية حقكم عليا انا كل الناس بتحبني وبتحب تتعامل معايا تعامل شخصي وفي شغلي وفي كل حاجه محدش بيكرهني غير اللي بيكرهلي الخير مين بقا بيكرهلي الخير ؟ اهلي ، ومش اهلي بس لا قرايبي معاهم .. ابويا وامي منفصلين وعايش مع ابويا ، دايمآ يتخانق معايا هو ومراته ويسبلي الدين ويشتمني وكل ما يشوفني واثق من نفسي وناجح اكتر منه يحاول يحبطني وانا لسا ماسك نفسي ومش هنزل للحته اللي هو عايزني فيها . لدرجة انه بيتصل بأمي ويقول ابنك بيعمل كذا وكذا وانا اصلا معملتش اييي حاجه واقولها والله العظيم ما عملت كدا وترد عليا تقولي انا مصدقاك تعالي عيش معايا واخواتي كذلك نفس الطريقة وكلهم نفس الطريقه المهم انا قررت اعيش لوحدي ، انا الحمد لله مقتدر بصرف علي نفسي من وانا صغير يعني مش محتاج لأبويا ولا محتاج لحد امي عايزاني اعيش معاها وبتتحيل عليا دلوقتي اعيش لوحدي ولا مع امي انا 18 سنه عقلي اكبر من سني ودا مش كلامي دا كلام الناس شكرآ ليكم لو قرأتو لحد هنا انتو اهلي عايز رايكم .
للاسف قانونيا متقدرش تعمل كدا غير وانتا 21 سنه
انت ادرى بحالك صدقنى بس لو هتعيش لوحدك خليك قريب من مامتك وزورها على طول ولو اخواتك اصغر منك نصيحة متقاطعهمش وحاول تحتويهم لان التشتت دة وحش بس بردو متجيش على نفسك ومتخافش حبك لمامتك مش هيتعبها ولا حاجة اكيد
يعم مش بكلمك فايجار انا بكلمك فحته تحكم حتي لو خدت ايجار وعيشت بعيد عنه طول منتا قاصر يقدر يتحكم فيك
ربنا معاك يارب لو والدتك مش متجوزة وبتعاملك كويس روح اقعد معاها بردو مفيهاش حاجة بس لو متجوزة نصيحة بلاش
عيش مع والدتك احسن لو القرار ده سهل و مش هيحصل مشاكل
خليك مع والدتك هي اكيد هتكون جنبك وفي ضهرك وعيش مقتدر عادي وحياتك عادي
من رأي تروح تعيش احسن مع والدتك اذا هي لوحدها وتاخد بحسها افضل متعيش لوحدك
شوف كلية برا محافظتك وروح سكن حتى لو لوحدك
اقعد مع والدتك او خد شفة قريبة منها لو عايز تستقل وبالنسبة لوالدك ف انت عندك فرصة عظيمة لصلة الرحم حتى لو هو بيعاملك بعنف ، لعل وعسى ربنا يهديه عليك و حتى لو ده محصلش ف صلة رحمك بيه ثوابه عظيم جدا و هتشوف نتيجته ف الدنيا قبل الآخرة
العفو على ايه بس ربنا معاك يارب