خايفة اني اكون عاق . بحاول علي قد ما اقدر اني مكنش سلبية ومتعديش منهم بس دول عايزني مفيش مني اتنين والمشكلة عايزين كدة من غير مجهود . يعني انا عارفة ان هما خايفين عليا بس بجد بقيت مش قادرة استحمل لة عبرت عن مشاعري يستغربو . بابا مش بيعجبو ابدا وديما في نقد في كل حاجة وكل ما اشوف وشهم الاقين مكشرين وزعلانين وتذمر من كل حاجة مش بيعجبهم العجب . بحاول علي قد ما اقدر اكون اجابية واهون عنهم بس بجد مش قادرة اكون مبسوطة كل وقت .والمشكلة بقا لو شافوني انا مكشرة بيعملو حوار طويل عريض حتي مش بيسالو مالك بيتخانقو معايا علي طول ويبينولي قد ايه مشاعري دي سخيفة ولو حد منهم شتمني او زعقلي بس استقبلها بكل صدر رحب وانا مبتسمة عشان مبقاش عاق واديني بقا يذلوني بالفلوس لو جبت درجة مش ولا بد في امتحان مش يقولولي مالك او مش مشكلة المرة الجاية احسن اول حاجة علي لسانهم اومال بنوديكي دروس ليه وايه فايدتها وبعد كل دة تجيبي الدرجة . عاملين انهم عارفني حق المعرفة وان نفيش حاجة مدياقني . دة انا كل يوم اصحي علي خناق بابا وماما وزعيق وتكسير وكل ما اكلمهم مش بيحاولو حتي يخبو همهم عني . دول ما بيصدقو يشوفو وشي عشان يقعدو يشتمو في بعض وابقي انا الزوج والزوج والاب والام والاخ والاخت انا بقيت كل حد في العيلة ما عدا اني اكون ابنة ليهم بامانة بيقولوها في وشي انهم مضايقين ومش طايقين العيشة بالي فيها ويحسسوني اني عالة عليهم كل ما اطلب منهم حاجة وهما الاتنين حاولو الانتحار قبل كدة . بحاول اخفف عنهم واسمعهم علي قد ما اقدر واساعد في المصاريف واتحمل الزعيق وعدم النوم بحاول اكون مبتسمة في وشهم بس هما بش يلاقو اي حاجة سلبية فيا بيخدوني كلام طول اليوم . وانا اصلا مضغوطة بسبب ان انا في تالتة وطالبين مني مجموع خيالي وانا عارفة مستوايا كويس وانا متاكدة اني لو مجبتهوش هيعيشوني المر في اليوم الي هجيب في النتيجة بجد مش قادرة ومش بيحترمو حدودي قولتلهم في مرة اني مش قادرة اسمع واني عايزة انام واني عايزة بس حبة هدوء من غير زعيق ولا حتي يناقشوني ليه . بدا يسالوني اسالة ملهاش اجابة بجد يعني احنا وحشين يعني احنا مزعجين عيب ودي الرباية ان حد يطلب من ابوها وامها كدة وبس تحصل مشكلة صغيرة مني او اي غلط يخاصموني بالشهر والاتنين وانا بحاول اتعامل صح وافهم منهم ليه خاصموني احنا كنا بنتناقش عادي يقولو انتي المفروض تفهمي لوحدك ويكملو مخاصمة ولما يتزنقو في حاجة يرجعولي وقلوها في وشي اعملي كذا عشان نحبك ولو عملتي اي حاجة غلط بيهددوني بالكهربا والضرب والحرمان من حجات بحبها 🫠🫠 دة غير اني اتعرض للتحرش من عمي كتير انا وفي ابتدائي ومش قايلة لحد من كتر رعبي من بابا واني كنت فاكرة انا السبب . عدا سنين كتير دلوقتي ومش قايلة لحد ومستحيل اقولهم عشان ياما طمنوني في الاول اقول وفي الاخر رعبوني دة مرة عشان اخدت ٢٠ جنيه من وراهم واشتريت لعبة وكدبت وقولت اني اخدتها هدية من المدرسة بس حسيت بالذنب لاني كدبت وقولت اني هقولهم لانهم قالو قبل كدة اني لو قلت الحقيقة واعترفت بغلطي مش هيعملو حاجة ولما عملت كدة واعترفت بنفسي لقيت بابا زعق و جاب السكينة وقعدني علي ركبتي وسخن السكينة وقعد ينقط عليها مية ويقولي ان دة مصير الحرامية يا حرامية وان دة هيحصلك والمرة الجاية هكهربك واضربك بالكورباج دة كلو حصل وانا في رابعة ابتدائي . وكمان الي خلاني مقولش علي الي حصلي ان مرة جرانا قالو لبابا اني جبت ظلت كتير من الشارع ورميته علي بابهم مع اني معملتش حاجة ورغم كدة بابا صدقهم هما ومتعبش نفسه يسمعني وضربني قدامهم بالقلم وشتمني . مكنتش متخيلة اني لو قلت ان عمي عملي كدة وهو انكر انه عمل حاجة كان ممكن يحصل ايه . موقف عبيط هقوله كمان 😂 انا وصغيرة كنت فاكرة نفسي كدة حامل عشان تخنت بعدها شوية قعدت اربط بطني جامد بقماشة ومكلش باليوم واليومين ولو اكلت حاجة ادهل صوباعي في بقي عشان ارجع الي اكلته عشان البيبي ميظهرش🙂🤦‍♀️