ايوه فهماكي بس متزعليش على نفسك عادي بل بالعكس احمدي ربنا وافرحي انه بعد من قبل ما يحصل اي حاجه رسميه وتكملي مع حد زي دا وبعد كدا متتعامليش مع حد غير لما ياخد الخطوة علطول ويكلم باباكي وان شاء الله ربنا يعوضك خير عنه متقلقيش ♥️

صدقيني انتي محظوظه وربنا نجدك فكري كده لو قدر يقنع مامته متخيله حياتك كانت هتبقى عامله ازاي هي بتقررله اهم قرار فحياته متخيله بقا كانت ممكن تقرر ايه فحياتكو كل حاجه حرفيا ساعات بنزعل على حاجات بس منعرفش ان ديه اقل خساير وان ربنا نجدنا من حاجه اكبر بكتير +ربنا يربح قلبك يحبيبتي❤️

متزعليش دا ربنا نجدك من جحيم والله يا بنتي مش معنى ان اختياراته مش كويسة ومامته قررت تتدخل فحياته وتجوزه هي يبقى مفيش اي فرصة تانية انه يحاول حتى عالاقل يعرفها عليكي ووقتها هتعرف ان اه دي كويسة اوي لابني لا دا هو ابن امه حتى محاولش مفيش حاجة زي دي تستاهل زعلك ولا وجعك اللي انتي حاسة بيه خالص

بصي يا حبيبتي انا حاسة بيكي والله وقد ايه الموضوع وجعك بس حابة أقولك ان ربنا عمره ما بيبعدك عن حد إلا عشان يقربك ليه أكتر اللي حصل يمكن كان صعب بس في نفس الوقت كان تنبيه من ربنا ليكي إن العلاقة دي مكانتش صح من البداية وربنا بيحبك فبعدك عنها قبل ما تتعلقي أكتر وتتوجعي أكتر اللي بيبدأ غلط حتى لو إحساسه حلو نهايته بتبقى أصعب وربنا أرحم بيكي من كده بكتير قربي من ربنا دلوقتي صلي وادعي وقولي له كل الل جواكي هو الوحيد اللي هيعوضك بجد وصدقيني ال شبهك وال يستاهلك هييجي في الوقت الصح وبالطريقة الصح مش هتحتاجي تخبي نفسك ولا تضحي بكرامتك عشانه إنما الشخص دا ميستاهلش زعلك عليه ❤️