أنا بكره أهلي .. هما مش وحشين لدرجة الكره بس بكرههم وأغلب الوقت جوايا كره ليهم ومبحبش اقرب منهم .. مش قادر أنسي كل حاجة وحشة عملوها معايا ولما جربت انسي عشان نفسي وعشان اعيش مقدرتش وكل ما يعملوا موقف وحش معايا كرهي دا بيظهر ومبقدرش أواجهه .. محدش خد باله ان وشي شاحب وبهتان وعيوني منفوخه وملامحي بقي سوداوية أكتر من اي وقت فات محدش خد باله اني بموت بالبطئ كل حاجة بتضايقني بيعملوها معرفش قاصدين او لأ بس انا مفتكرش مرة ف حياتي كلها قولتلهم ان الحاجة دي بتضايقني وبطلوا يعملوها .. معنديش حل ومفيش حل وف نفس الوقت دا نوبة الاكتئاب لسة موجودة ومش بتروح .. انا مش قادر أهدي نفسي ومش قادر أوقف كرهي لأهلي بكرههم لدرجة ان لو كرهي دا خرج مني هيحرق القرية اللي عايش فيها كلها مش هسيب فيها أطفال ولا ستات ولا رجالة مش هيسيب حته عود شجر أخضر