السلام عليكم ورحمة الله وبركاته هندخل في الموضوع على طول أنا انتكست جامد أووي والمرة دي طولت أووي اوي بجد، أنا تعبت وزهقت من نفسي وبقيت أحس ان ربنا مابيحبنيش، انا لا عارفة التزم بالأذكار ولا بالسنن ولا بالوِرد ولا بعمل أي حاجة خالص، ابتليت بذنوب الخلوات وعملت كل حاجه في الدنيا وبرضو كل مرة نفسي بتهزمني، كل مرة بندم وبتوب واقول يارب خلاص اخر مرة وبرضو برجع تاني، بقعد افكر مع نفسي بجد انا مش مستعدة امووت دلوقتي خالص، ازاي هقابل ربنا كده؟ انا مابعملش اي حاجه في حياتي، وضايعة وتايهة وبجد انا تعبت اووي بقالي سنتين واكتر في المعاناة دي ومش عارفة اطلع من الدوامة دي انا تعبت من كل النواحي نفسيا وجسديا وكل حاجه والله تعبت بحس ان ربنا مش قابلني ومش عاوز يتوب عليا بجد مش عارفه دماغي بتقعد تودي وتجيب فيا، بس بجد انا بحب ربنا اوي اووي برغم كل حاجه ونفسي ادخل الجنة واشوف وجهه سبحانة، بس بحس ماعملتش حاجة كافية حتى عشان اكون من اهل الجنة!وبقعد اقول ازاي هدخل الجنة وانا بحالتي دي اومال الناس الملتزمة دول هيبقوا ايه، انا تعبت من التفكير ومن كل حاجه وخلاص مابقاش في وقت مش عارفه هتفهموا كلامي ولا لا وممكن تحسوا بتناقض بس بجد انا تعبت ومش عارفه اعمل ايه واتصرف ازاي زهقت من نفسي ومن الدنيا 💔.
براحه يا حبيبتي انا تقريبا زيك كده واعرفي ان الله سبحانه وتعالى يحب التوابين والاوابين وان لو البشر كلهم مكنش فيهم حد بيذنب كان استبدلنا بقوم بيذنبوا ويتوابوا وربنا يغفر ليهم كل ده افكار الشيطان اصله مش هيروح الناس لوحده ف لازم يزيل لينا بالشكل ده ويخلينا نيأس من رحمه ربنا ادعي ربنا دايما حتي لو قلبك مش سليم او بمعني مش صادق ادعيه يرزقك الصدق وبراحه واحده واحده ارجع الصلاه حاولي تكون ف وقتها الاذكار ذكر او اتنين ذنوب الخلوات جاهدي نفسك وأملي وقتك ولو وقعت قومي بسرعه واسرعي ف التوبه ومتقوليش مفيش وقت نعرف ناس كتير ربنا تاب عليهم قبل الموت بوقت وكانو من اهل الجنه حسابات الله عز وجل مختلفه جدا عن حسابتنا يكفيه ان تحاولي تقومي والله يهديكي واياي يارب
بصي اكتر حاجة غلط دلوقتي بتعمليها هي انك بتزودي على نفسك المشكلة اكتر بإنك تقنعي نفسك ان ربنا مبيحبكيش و ربنا مش بيتوب عليكي و ده غلط اوي اوي اوي ، النفس اللوامة دي ربنا أقسم بيها ف القرآن مهما عملتي من ذنوب إن الله يغفر الذنوب جميعا ف ازاي تقولي كدة ، حرفيا ربنا بيغفر كل الذنوب اللي في الدنيا و في أذكار بس ربنا بيمحي بيها ذنوبك كلها لو قولتيها بصدق و استمريتي عليها المهم انك تثقي ف قدرة ربنا و رحمته و كرمه و انه انتي لو قربتي منه خطوة هيقربك له اكتر و اكتر بس شيلي من تفكيرك جملة انا ربنا مش بيحبني و انا ربنا مش هيتوب عليا و املي وقتك بالبودكاستس و دروس الدين اسمعي ناس زي احمد عامر و شريف خاطر و الناس اللي بتتكلم ف الروحانيات بتاعت الدين و قد ايه ربنا رحمته واسعة ، و ربنا يسهل طريقك له يا رب و يهدي قلبك
لو عصيتي للمرة الالف توبي للمرة الالف وواحد الله اعلم يمكن ربنا يتوفاكى وانتى على التوبة المهم لو لاقدر الله انتكستى تانى متضيعيش وقت وبعدها انوى التوبة واغتسلى وصلى ركعتين توبة محدش عارف عمره
وانا كمان تعبت من نفسي خالص حتا في شغلي كل حاجه مش تمام مجرد مكون مع نفسي وافكر افضل اعيط حاسه بتعب مش عارفه اعمل ايه 🥺🥺
حبيبتي ربنا بيحب العبد التواب اغلطي وتوبي لو مليون مره ربنا بابه مفتوح دايما لحد ماربنا يثبتك ربنا قادر ف لحظه يتوب عليكي توبه لا رجعه بعدها ابدا يارب يهدي قلبك وينور بصيرتك وبصيرتنا ماتخليش الشيطان يقنعك اني ربنا مش بيحبك لاا ربنا بيحبك وعايز يسمع توبتك ربنا يهدينا جميعاا يارب ويردنا ليه ردا جميلا