منذ 3 أياميشعر بـ مرتبك
المشاكل العائليه اكتر حاجه بكرها ليه لما يكون في خلاف بين ماما و بابا بابا بيدخلني في الموضوع و ماما بتقولي اطلع منه و المشكله ان انا ببقي مش عايزه عيلتي تبقي كده انا عايزه نكون زي اي عيله طبيعيه انا الخلاف ده خلاني بجد اكره نفسي و اكره اي خناقه و مش بحب الخناقات و المشكله ان انا موجوعه منهم هما الاتنين و هما الاتنين ملغبطني جامد لان انا مش عارفه اخد صف مين مش عارفه مين اللي غلطان فيهم و ده خلاني متلخبطه مش عارفه اصدق مين و اكدب مين
حاولى متتدخليش خالص عشان انتي اللى هتطلعى خسرانه
للاسف انا اخوكي الكبير او الصغير بس انا ماشي ف العشرين وكل بوستاتي هنا عن عدم ثقتي وعقدي من الخيانه واضطرابي واكتئابي وفشلي ف دراستي وفشلي اني مش باشتغل زي باقي زمايلي وكل ده بسبب توهاني وحاليا انا اكتر انسان ضايع ف الدنيا مش عارف اقون ع رجلي كنت الوحيد اللي باتدخل اخويا لا شوفي دلوقتي الفرق بيني وبين اخويا مع انو صغير مش بغير والله بس بادي مثال نصيحه من قلبي والله من شخص عاني ووصل لحيطه سد ابعدي لو حد دخلك اخرجي خرجي نفسك متفكريش مين الغلطان لانهم الاتنين غلطانين اذا كان واحد فيهم غلطان اكتر وواضح انه مش غلطان ف باردوا ابعدي متتدخليش والله صدقيني لو تعبتي نفسك هتبقي زيي قسما بالله انا اتعس وامرض انسان نفسي ف الكون ومش عارف اقف ع رجلي وع كل ده كرهي انفسي ومشاكلي مش هيحسوا بيا ولا هاقدر اروح اتعالج ولا هاقدر اكمل ده غير محاولات انتحاراتي ببساطه لاني انسان عديم النفع مليش لازمه ابعدي ابوس ايدك ده سم بيلعبوا بينا بعد م يخلفونا مش اكتر وتيجي تتكلم مع واحد فيهم مش هيفهم عقليه قديمه ورجعيه انا بقولك كده وانا قلبي محروق بجد وموجوع واتمني تسمعي بنصيحتي
المواضيع دي للاسف لا الواحد بيعرف يتغاضي عنها وله بيعرف يعيش معاها ومش بيتأذي فيها غير الاولاد انا حاس بيكي لاني عشت فيها فتره طويله جدا للاسف ولحد الان قلبي وجعني بسببهم نصيحتي ليكي لما تلاقيهم كدا سيبلهم البيت وروحي عند جدتك مثلا لحد م يخلصوا او لو هما بيتخانقوا كتير عيشي مع جدتك او حد قريبك بيحبك
سلامتك وليك نصيحه