صباح الخير انا خلصت امتحاناتي اول امبارح بس للاسف انا في مواد كتير محلتش فيها كويس و يمكن محلتش اصلا كان نص الامتحان فاضي مثلا غير طبعا ان الدكاترة منهم لله انا لو عاملالهم كل حاجه طالبينها حرفيا استحاله يدوك درجه اعمال السنه كامله ف عندي احساس اني هشيل اكتر من ماده و ده بجد مخليني احس قد ايه انا فشلت ف كل حاجه من ساعه ما خرجت من ثانوي بسبب انيهلت كليه مش عايزاها و اتدبست ف اكتر قسم صعب ف الكليه عشان القسم اللي انا عايزاه وقف معايا علي مفيش و غير كده انا معرفش بابا هيجيب فلوس السمر كورس منين بجد بيبقي فلوسهم كتير اوي غير الكتب و الحاجات دي بجد الموضوع ضاغط علي نفسيتي بطريقه وحشه اوي عايزه احول من الكليه دي جدا بس فنفس الوقت مقدرش اقولهم لاني قضيت سنه فيها و لو حولت هحتاج فلوس كتير جدا غير الفلوس اللي صرفتها ف الكليه دي و كمان هنزل سنه هرجت اولي تاني ف بجد حاسه اني فشلت ف كل حاجه والله من وقت ما خرجت من ثانوي رغم اني طول عمري شاطره جدا حتي ف ثانوي طلعت من أوائل المدرسه و كان مجموعي حلو بس للاسف التنسيق كان عالي جدا جدا
كنتي دبلوم؟
خلي عندك يقين في ربنا اقداركم تؤخذ من افواهكم طول ما انتي بتقولي انا هسقط ومش هعدي وبتاع ده اللي هيحصل فعلا بس طول ما انتي عندك يقين ان ربنا هيوفقك اكيد ده اللي هيحصل الثانوية مش اخر محطة بالعكس دي بداية كل حاجه حتى لو مجبتيش اللي انتي عيزاه اثبتي نفسك في المكان اللي انتي فيه ذاكري وجيبي GPA عالي وطوري من نفسك متفضليش واقفة مكانك لانك هتحسب انك خسرتي كتير اوي