عمري ما تخيلت اني اوصل للمرحله اني اكره شخص أو أشخاص .واللي مخليني مش عارف استوعب أنهم اهلي .انا عايش لوحدي من زمان وده عودني أن مستناش منهم حاجه خصوصا بعد لما كنت محتاجهم في أصعب المواقف ( الادمان )و خذلوني وقتها و ده خلاني اعتمد علي نفسي لحد ما بطلت واتعافيت لوحدي واتخطيت و خلاص مرحله وانتهت بس سابت علامه و درس . بس انا دلوقتي بضيع وبنهار و بردو هما السبب مع اني بعيد عنهم بس مش سايبيني في حاليي و كل حاجه كويسه بعملها أو عملتها بتروح مني و مصيرين يحبسوني في شخصيه انا مصدقت اسيطر عليها و مبقتيش قادر استحمل خلاص بيطلعو اسوء ما فيك و يقولك بص انت بتعمل اي .المشكله اني مش عايز ابقي وحش ومصدقت اروض شيطاني . انا مش عارف بقول اي ولسه في كلام كتير و ماضي مش عايز يسبني و لخبطه و عندي إحساس ضياع و انهيار و خايف لاني لو وقعت مره دي مش هقوم تاني . محدش هيفهم انا مريت بأيه وصلني للشخصيه دي بس انا حاليا في أضعف حالتي و قريب اوي كل حاجه هتروح .جويا غضب و وجع بتمني انهم ميسيطروش عليا لان وقتها هرجع لشخصيه جوايا انا بكرها