منذ 20 أياميشعر بـ متعب
السلام عليكم ورحمة الله وبركاته انا تعبت انا غرقت في الذنوب حرفيا، كل مرة بتوب برجع أسوء من الاول، حتى رمضان اللي قلت عنه اني هتوب فيه جيت في الآخر وفطرت 3 أيام بسبب العادة السرية !!!! اول مرة في حياتي أفطر في رمضان انا بجد مصدوم من نفسي حرفيا انا يئست من نفسي وبقت بتجيلي أفكار اللي هو انا مش هعرف أتوب أبدا وبيأس مني مش من رحمة الله، انا عارف الآية في سورة الزمر " قل يا عبادي الذين أسرفوا على أنفسهم لا تقنطوا من رحمة الله" بس انا ميأستش من رحمة ربنا انا يأست من نفسي اني اعرف أتوب اول تهجد يجي واكون واقف مش خاشع فيه، اول مرة اصلي تهجد وابقى واقف قلبي زي الحجر انا بجد مصدوم من نفسي ومش عارف اعمل ايه على الجانب الآخر بحاول قدر الإمكان اني أحافظ على الصلوات في المسجد والحمد لله بحفظ قرآن بس كل دة بقلب زي الحجر الذنوب أهلكتني
طول مانت عايش ارجع وتوب مهما غلط ارجع وتوب مهما حصل ارجع وابدا من الاول اما ان تياس انت واما ان يياس عدوك الطريق الصحيح واضح وضوح الشمس فلا تحيد عنه فتضل وتهلك
كمل صيام وعوضه لكن ده عمد وغالباً لازم تصوم شهرين متاليين مش عارفة بصراحة حديث صحيح ولا ايه بس لازم تعظم الفعل ده ومتكررهاش تاني 🥀
هتعوض ال3 ايام دول بعد رمضان وممكن تبدا من تاني يوم العيد ( اول يوم العيد مينفعش صيام ) رحمة ربنا وسعت كل شيء وربنا ارحم مننا ع نفسنا وهو اعلم باللي جوانا وعمره ما بيزهق من توبه عبد بس المهم انك تفضل تحاول وكويس انك بتصلي وفي المسجد مع الوقت ربنا هيهديك ويقربك بس حاول كل شويه تبعد عن ذنب وادي لنفسك وقت في انك تبعد متقطعش كل حاجه فجاه وربنا شايف نيتك وانك عايز تقرب وهيساعدك ومتحطش ضغط ع نفسك ان انت مش كويس او مش هتعرف تتوب ع كل دي افكار من الشيطان ع متتوبش مفيش حد في الدنيا ميقدرش يدوب افضل حاول لحد ما تتوب ربنا يهديك ويهدينا