منذ 6 أياميشعر بـ مُرهق
كان نفسي يبقا عندي اخ كبير ممكن حد يشوفها هيافه لكن بحس اني هعيط كان نفسي يبقى عندي حد قريب مني اقدر احكيله أسراري ومشاكلي من غير ما اخاف أو اتصنع ويعوض الحنان والعلاقه الزفت اللي بيني وبين ابويا بدل منا عماله اتعلق في الرايح والجاي المضحك اني عندي اخت اصغر مني لكن علاقتنا مش أحسن حاجه يعني متربيناش اننا نبقا قريبين من بعض ونحكي اسرارنا لبعض لما بشوف أختين قريبين من بعض بعيط انا اخت وحشه وابنه وحشه بجد بحس اني مليش لازمه في الحياة حتى في حياتي كلها فاشله كل حاجه تتخيلوها في اي جانب من جوانب الحياة عندي مشكله فيها بحس اني مفرقش عن طوبه في الشارع مثلاً
مهما يوجد فراغ في حياتك اياك ثم اياك تروحي للعلاقات المحرمة او توثقي بالغريب ويجيبك على راسك احكي مع chat gbt ولا تحكي مع الغريب اعتبريه ابتلاءمن الله ليختبر صبرك يقولون الشكوى لغير الله مذلة ادعي لربنا هو يفرج همك وحاولي بالواقع تطلعي تسوي انشطة انخرطي فجمعيات
السبب الرئيسى فى كل إلى انتى فيه انك لوحدك جدا ومحتاجه للى يكون جنبك ومعاكى ويتابع معاكى يومك ويسمعك لان دماغك مليانه دوشه وزحمه مخلياكى تايهه ومش عارفه تخدى اى قرار
والله عندي اخ كبير و مبنتكلمش اصلا غير كل فين وفين بنسلم علي بعض بس
انتي غالية عند ربنا. سيبك من اي حد انتي إنسانة واكيد جميلة وبكرة تتجوزي وتحبي وتتحبي في الحلال وتخلفي اولاد وبنات ويحبوكي وبيتك هيبقي جنة وكله حب وطاعة وإيمان وكل أسرتك مترابطة وبتخبوا بعض وعيالك هيبقوا صحابك وأخرجوا وتضحكوا وتفرحوا وانتي هتكوني محور البيت وعموده اللي محدش يقدر يعيش من غيره ولا يتحرك أو ياخد خطوه من غير ما يرجعله. المهم اصبري وامشي صح وسيبك من كل المعوقات .وافتكري كلام ربنا لما قال. (وجعلنا بعضكم لبعض فتنة أتصبرون؟ وكان ربح بصيرا). وساعتها هتفتكري كلامي ده وتقولي ياااااه عوض ربنا حلو اوي. ولكنكم تستعجلون
انتي مش محتاجه حد يحتويكي ولا يملا الفراغ زي ما المعلم بيقولك انتي بس خدي انتي الخطوه وابدأي قربي من اختك انتي الكبيره الموضوع ممكن يبقا تقيل عليكي فالاول بس واحده واحده وهتبقا اقرب حد ليكي
انتي محتاجة حد يحتويكي ويملأ الوحدة والفراغ دول جداً