منذ 4 أياميشعر بـ مكسور القلب
صباح الخير , عندي كلام كتير جدا أقولة بس مش عارف أكتبة ولا أطلعة من دماغي و مليش نفس أصلا أعمل حاجة , بقالي فترة كبيرة مش أحسن حاجة, مش عارف أجبهالكم ازاي بس انا حاسس ان لوحدي , انا مش من اولوية حد عمري ما كنت من أولوية حد مع اني علطول بفكر في اللي حواليا وبعمل ليهم كل حاجة ومش برضى اقولهم علي حاجة لا, اكتشفت النهاردة بقي اني كنت بعمل كده علشان انا كان نفسي اتعامل كده بصراحة انا مش قادر أقول حاجة ولا أكتب حاجة بس اللي انا فية اكبر من اللي انا كاتبة ده بكتير أدعولي وخلاص
ربنا معاك ويعينك يا رب
حلو اوي انك تحب تساعد غيرك لكن بردو شئ وحش انك تشوف غيرك بس من غير ما تشوف نفسك أنت كدا بتظلم نفسك معاك احتياجات بردو مهمه و انت بردو تستاهل أن حد يشوفك و متبقاش مختفي و عشان كدا لازم اول حاجه تبدأ تعرف انت بتحب ايه و مش بتحب ايه و تبدأ تطلب الحاجات اللي محتاجها عادي و تشوف مين مستجاب و مين كبر دماغه و اللي كبر دماغه ده انسان استغلالي حاول تخف معها لحد ما تبعد عنو و اللي استجاب ليك ده انسان سوي نفسيآ بس مكنش فاهم انك محتاج حاجه او عايز حاجه اصلا
هو ليه بقينا كلنا عايشين في حالة وحدة و اكتبئاب كده ؟!!! هي الدنيا بقت صعبة على الكل ولا احنا اللي ألفنا النعم فمبقناش شايفين غير الوحش بس انا قرات كلام قريب من ده ييجي مرتين كمان النهاردة بس و انا اصلا كده ازاي كده طيب ؟؟؟
يعتبر انا شبه زيك بنبذة صغيرة شخص كان طلب مني اعمله ريبورت عملتهوله و رجعت له قولتله محتاجك تعملي شييت رفض و رجعلي تاني علشان اعمله شيت و عملتهوله احب اطمنك فيه كتاب اسمه ازاي تقول لا اقرأه او أقرأ جزء بسيط هتلاقي في المضمون ان اي حد بيقولك حاجه انت لو رفضتها هوه مش بيفكر في لي اترفضت هوه بيشوف حد غيرك ينفذ المهمة و دا واقع بجد بينما انت بعد ما ترفض بتبقا زعلان انك معرفتش تساعده في سبيل ان هوه اصلا مفكرش في الموضوع و دور علي حد غيرك ينجزله مهمته
ربنا معاك ويوفقك ويكرمك ويفرح قلبك يارب