السلام عليكم، عندي مشكلة بتضايقني جدًا في الفترة الأخيرة، وأتمنى أسمع تجاربكم ونصايحكم. أنا بتدايق أوي لما أكلم حد (في أي أبليكيشن أو حتى في الواتساب) ويأخر في الرد، أو يرد بكلمات قصيرة جدًا، أو يعمل نفسه تقيل ومش مهتم. المشكلة إني بقت أحس إن الناس كلها بتسلكلي في الكلام، كأنهم مجبرين يردوا عليا، أو كأنهم شايفيني "مثير للشفقة" ومش عايزين يعاملوني طبيعي. حتى لو الشخص ده صاحبي أو بنت بحب أكلمها، لما يتأخر في الرد أو يرد برد بارد، بيجي لي إحساس مزعج جدًا إني "ثقيل" أو "محتاج" أو إن محدش بيهتم بيا فعلاً. الغريب إني عارف إن ده ممكن يكون تفسيري الخاص، بس مش قادر أسيطر على الإحساس ده، وبيأثر عليا نفسيًا. عايز أسألكم بصراحة: حد بيحس بنفس الإحساس ده لما الناس تتأخر في الرد أو تبقى باردة؟ إزاي تتعاملوا معاه؟ هل ده خوف من الرفض؟ ولا حساسية زيادة؟ أتمنى تساعدوني بتجاربكم الحقيقية، لأني فعلاً تعبت من الإحساس ده. شكرًا لأي حد هيرد.
هو انا كنت كده.. بس الفكره انك تحول الطاقه دي كلها لشخصك انت عشان تتخلص من الموضوع ده انزل العب كوره مثلا روح جيم اقرا اسمع شيوخ وبودكاست ينفعك اعمل لنفسك حياه وانت مش هتركز على مين رد ومين مردش ممكن انت كمان الي تبقى مشغول عنهم
انا كمان بعاني من الإحساس ده بس بقول ل نفسي يمكن مشغولين شويه
مش عايز اصدمك بس انا من الناس الي تبان تقيله دي و بقلل كلام مع ناس انا بحبهم في اخر نقاش و في أغلب بتيجي نتيجه اني مشغول بعمل حاجه مثلا مش عارف اتكلم فا بضطر اختصر أو اجبرك انك تقفل مش معني كدا اني بكهرك فاهمني أو مش طايق اتكلم معاك و اوقات بختصر كلام علشان مش بلاقي حاجه اقولها و مش ببقي عارف ايه الصح الي بيتقال الحاله وحيده الي ممكن تخليك تشك انك احاسس أنك تقيل علي قلبهم انك لو كل شويه تبعت و هما يردو بكلمه دي مستفزه فاهمني