ممكن تسمعوني معلش ......ليه بحس محدش بيحبني زمايلي البنات بحسهم مش بيحبوني رغم والله معملتش ليهم اي حاجه يعني في بنات من البنات تقول ايه اصل تلاقي في ناس مالهاش قبول سبحان الله وانا عارفه انها تقصدني عشان افعالها بيتهيأ كده رغم والله مالناش كلام مع بعض كتير ولا اتعاملت معاها كتير هي الله اعلم بتسمع كلام انا شويه زمان كنت عصبيه لكن والله عمر ما كرهت حد فالناس اللى شفتن ي قبل كده ف السكن وانا عصبيه حساهم بيتكلموا عليا مع النلس الجديده اللى معرفهمش ده سبب تاني بحس بيه المهم انا عملت ايه والله ماعارفه وعمري ما كرهت حد بالعكس لما بشوف حب من زمايلي مرة وبيحسووني انهم بيحبوني والله بفرح جدا وشخصيتي الطفوليه بتطلع معاهم فبحسهم بيستقلوا بعدين مني انا تعبانه جدا من زمان وتنا مش بعرف اتعامل احيانا م ببقى واثقه في نفسي فريكاشن وشي بيتهايلهم اني متضايقه ومخنوقه رغم ان احيانا بيبقى عندي الثقه ف القمه بس مش عارفه انا تعبانه جدا والله من البشر مفيش حد تعبني نفسيا قد البنات عشان كده نفسي والله اتخطب حد يدخل حياتي انا مش برتبط وكده بس نفسي مكونش بس وحيده كان نفسي الاقي صاحبه سويه نفسيا احبها وتحبني لكن عمري ما لقيت الصاحبه دي طول عمري بحس اني مكروهه رغم اني معماتش حاجه لحد بالله عليكم نصيحه لوجه الله ا بس محتاجه نصيحه بس اغير بيها حياتي اعتبروني اختكم او غالى عليكم وكأنكم بتنصحوه نفسي ارجع نفسيتي تاني زي الاول بقالى كام سنه والله مغمومه وحزينه وبكره كل حاجه فيا شكلا وموضوعا
كأنك اخدتي الل قلبي احنا ممكن نبقا اصحاب 🤎
مش شبهك فا حقيقي ابعدي عنهم وصغري دايرتك واوعي تزعلي يا جميله انك لوحدك احسن ما تبقي حوالين منافقين انا زيك وربنا كدا وزعلانه بس عمري ما ادخل صحاب ف حياتي عشان احس اني مرغوب بيا انا عندي صاحبه واحده ومش بحب اتقل عليها مع انها شبهي بس صدقيني مش ب الصحاب الكتيره او اللمه المهم تلاقي ناس شبهك حته لو اتنين واحده
عشان بهااااايم
بصي يا حبيبتي، متحمليش نفسك فوق طاقتها ولا تفضلي تربطي قيمتك بحب الناس ليكي أو تعاملهم معاكي، لأن أغلب الناس بتتغير حسب ظروفها ومصلحتها ومش كل حد هيكون شبه قلبك. واضح إنك شخص حساس وبتدي مشاعر بصدق، بس المشكلة إنك مستنية نفس الصدق من كل الناس وده بيتعب جدًا. حاولي تبعدي شوية عن أي دايرة بتحسسك إنك أقل أو مستنزفة نفسيًا، مش لازم خناقات ولا قطع وحش، بس هدي المسافات وركزي على نفسك أكتر. مش كل الصحاب ينفعوا يكملوا معانا طول العمر، وفي ناس وجودهم بيخلينا نشك في نفسنا بدل ما يطمنونا. وبرضو متستعجليش على الخطوبة أو إن حد يدخل حياتك لمجرد تعويض الفراغ أو الاحتياج للاهتمام، لأن أي علاقة وإنتِ متعبة نفسيًا غالبًا هتتعلقي بيها زيادة وتتأذي أكتر. الأول ابنِّي نفسك واهتمي براحتك ونفسيتك وثقتك بنفسك، ولما تبقي مستقرة ومتصالحة مع نفسك هتعرفي تختاري الصح من غير خوف ولا احتياج. حاولي تقللي مقارنة نفسك بالبنات أو التفكير مين بيحبك ومين لأ، لأن الشخص الصح لما ييجي هيحبك بطبعك من غير ما تتعبي نفسك عشان ترضي حد. وخلي عندك يقين إن مش معنى إنك لسه ملقتيش الناس المناسبة إن فيكي مشكلة، يمكن بس إنتِ لسه وسط ناس
لا مظنش انك مجروهه محدش محروه بيتاقدثر ويجي يشكي غالبا انتي عندك مشكلة انك تستقبلي افغال الحب ويتخافي منها او بتحسي انك متستحقيش فعسان كدا مش بتلاحظي ولا بتكلبي يتعملك افعال إهتمام او حب عشان ده بيخوفك