اتعاملي بالمثل ترتاحي والله لان محدش يستاهل نديله اكبر من حجمه

بصي الحوار بيجي بالتدريج ده اولا وعشان متتعبيش نغسك حطي للناس حدود وكل واحديبقي عارف دايرته واللي يتخطاها يترد عليه وعاملي الناس بالمثل دي اهتمت اهتم دي اهملت اهمل لان نفسك رقم واحد طييب انا مش هعرف اعمل ده اعمل ايه ببساطه حبي نفسك وطز في الناس اللي متقبلني يتعامل معايا وبردو في نقطه مش عايزك تعزلي نفسك يعني علي طبيعتك بس دردشي اتكلميفي مواضيع طيب مش بتعرفي ايه الحل ممكن تتكلمي في حاجه انتي فهماها او علي اهتماماتك فاهماني واللي يجي عليكي بخسارته

بصي الموضوع محتاج تدريب اولا لازم تبقي واثقه في نفسك وعارفه ان انتي مش اي حد يعني انتي حد كويس والحد كويس ده عنده حدود مش من حق اي حد ان هو يتخطاها وانتي لازم تحميها وزي ما حد بيجيب الجراه ان هو يتخطى الحدود دي لازم تعلميه ان في حاجه اسمها احترام الحدود و متسكتيش عارفه ان ممكن الموضوع يبقى صعب في الاول بس صدقيني حاولي تتدربي عليه حتى لو لوحدك