عدم تقدير

انا ليه بجد واجب عليا 24 ساعة اتعامل كويس مع كل الناس سواء صحابي اخد من نومي علشان اقعد اسمعهم بيحكوا عن مشاكلهم و استحمل المعاملة الوحشة في البيت كا نوع من انواع البر و اتعامل كويس مع صحابي برغم ان اي حد بيكون مضايق او متعصب بيطلع عصبيته عليا انا لان انا لو زعلت او اضايقت مش ببين وبتعامل عادي و بقعد اشيل كل دا جوايا لحد لما بجيب اخري و بردو لما بجيب آخري دا بيكون اذى ليا بردو مش ليهم لأني مش بحب أذي حد ولا بحب اكون ذكرى وحشة في حياة حد انا بقيت بكره اي حد حواليا و بشوف التعامل مع البشر مجرد حاجه متعبه و مرهقه هتاخد من طاقتي و هتستنزفني لحد لما اجيب اخري

معاملتى وشخصيتى مع الناس اللى حواليا طيبة جدا وفيها كل الاحترام والود بس مع الوقت لما بشوف حد اعرفه من بعيد الاقيه بيحاول يتجاهلنى وحتى ميسلمش عليا سواء كبير او صغير وديما بيتكرر وانا زهقت اقسم بالله

قعدت حسبتها بالورقة والقلم لقيت إنّي بضيف لكُل الناس اللي في حياتي؛ بسمعهم، بعذُرهم، بحسن ظني فيهم، بساعدهم لو لزم الأمر، ما بتخلّاش عنهم، بحل مشاكلهم، بفكّر معاهم في قراراتهم، بطبطب، براضي، بعدّي وما بقفش على الواحدة ودا بشهادة كُل الناس اللي بتتعامل معايا. لكن على الـOther Side بقى مَفيش حد بيضيف لي حاجة ومَفيش حد بيعمل أي حاجة عشاني، حتى أبسط حقوقي ما بخُدهاش! أنا حرفيًا بجري على الكُل وولا مرة حد جري عليا.

روحت شغل جديد من شهر ودايماً بيحسسوني اني غبية او مش فاهمة او بطيئة مع اني بجد شاطرة بشهادة كل حد اشتغلت معاه من تاني يوم شغل المدير بيزعق علي اسباب تافهة ومبتبقاش غلط مني يعني مثلاً تاني يوم شغل اول ما جيت سألني تعرفي كذا (اسم شخص) فسألته مين هو ؟ زعقلي وقالي ازاي تاني يوم شغل متعرفيهوش ( مع العلم الساعة كانت 9 صباحاً ) وكنت لسه بتعرف على الناس انا فعلاً حاسة ان كرامتي متهانة بقالي شهر ومش عارفة اتعود ومش عارفة حتى اكل ولا انام ومش عارفة اظبط اي حاجة في حياتي

حسا بضغط وظلم في شغلي تعبي بيروح من غير تقدير جديتي تعبانه وكل يوم بتتعب اكتر خايفه حسا أن لوحدي مش قادره اكمل ف حاجه ولا ابدا حاجه مبقاش ف نقطه مقاومة حتى قعدتي مع ناس بضايفني اكتر و بحس ساعات اني مش سماعه ومش معاهم

يكون مش مهتم فوجودي زي لما نكون فتجمع واحس وجودي زي عدمه اكني مش شايفني مش متقدر والي ابعتلو ميردش والمتكبر والمتغطرس جدااا صفات سيئه والي اخلاقو وحشه وضيقه بيحسسني بتوتر ومبحبش اقربلهم

عندي خنقة رهيبة من نفسي ومن كل حاجة بحاول ابقي احسن ومش عارف حاسس نفسي مبعرفش اقدر نفسي ولا فاهمها وبحاول اجي على نفسي علشان اللى قدامي وبقدره زيادة بس في المقابل بلاقي اللى قدامي مش مقدر حاجة من اللى بعملها ودا بيأذيني ومببقاش مرتاح معاه وعندي سؤال، ممكن نغلط غلطات تزعل الشخص اللى بنتعامل معاه جامد بس هل لو قدرت الزعل دا وفهمت هو ليه زعل واعتذرت عنه كذا مرة والشخص يفضل قافل بردة هل دا طبيعي معترف ان الغلطة كبيرة بس اعتذرت عنها وبينت غلطي ويعتبر شبه اتذللت علشان الشخص يسامحني وفي الاخر اتعامل معايا بهدوء وبرود كاني مبحاولش ومن غير تقدير لخوفي على زعله انا بجد تعبت اوي ومبقتش عارف اتصرف ازاي

لي صار اليوم زعلان مره ولا انا حساسه بي زيادة تمام كنت جلس في الصاله جاي اخوي يتكلم عن موضوع انه في شيء لازم يتضبط ويحتاج فلوس عشان الفلوس هذه وراح قبلها طلبنا يروح يشتري بعض الاغراض ولما راح اشترى ويعني يشيل فلوس مو انا كمان احتاج يعني فلوس ابى اشتري حاجات نفسي فيها فقلت لامي ولدك يشيل وانا كمان ابغى شيء ونفس السعر اللي شاله وهذه اول مره اتكلم اني ابغى فلوس المهم شليت 5 ريال صح انها قليله لكن الحمد لله انها طلعت من فمي لان انا من الناس اللي ما اطلب المهم نرجع للموضوع اليوم لما راح اخوي قلت لامي ما ملا تلعبوا بالفلوس عشان نسدد الكهرباء فجاه قالت العب بالفلوس ايش نلعب بالفلوس هاتي هاتي خمس ريال هاتيهم انت ما تستاهلي قلت له تبغي الخمس رحت اعطيتها هي وسكت وزعلت مره خمس ريال قليله مره يعني ما تجيب لها شيء

انا مش عارفه ليه الناس بتشوفني غلبانه وان شخصيه سهله وضعيفه علشان طول الوقت ساكته مش بتكلم كتير طب انا ذنبي ايه اني كدا ذنبي ايه ان مش بعرف اجيب حقي نفسي اتغير وابقي مسيطره بس مش عارفة ازاي 🙂💔

تعبت من فكرة انك لوحدك وان محدش بيشاركك اهتمامك وان حتي أما بتاخد خطوة انك تعمل حاجة لنفسك او بتحبها بتلاقي هجوم أو تقليل من الحاجة مابتلاقيش حد فرح لفرحك حتي لو الحاجة دي عكس اهتماماته لكن يشاركك فرحتك يحسسك انك اخدت خطوة غير أن في الاخر انت بتتهاجم علشان شاركت اصلا وانك مخلي حياتك لناس يقولوا رأيها فيها مع بقي التقليل منك ومن تهميشك وأنهم عايزين يحسسوك دايما انك غبي وانك معندكش شخصية وانك فاهم الاستقلالية غلط وانك مش بتحب النصيحة وعايز رايك انت وبس لمجرد أن أما حد بينتقدك انت بتحاول توضح وجهه نظرك هما ما بيكونوش عايزين يسمعوا وجهه نظرك شايفين أن دة رأينا انت هتقول وجهه نظرك علشان تحاول تقنعنا طب ما احنا مش مقتنعين فيتقال انك مش بتحب حد بينتقدك وما بتحبش النصيحة وفي الاخر يزعلوا انك بتروح تدور علي حد يسمعك وبتدور علي الاهتمام من برة وبرضة بينتقدوك كل ما احس اني باخد خطوة لقدام بيرجعوني لنقطة الصفر تاني بقيت حاسة اني عايزة اتقوقع مع نفسي وخلاص ابعد عن أي حد واي حاجة واحب اقعد لوحدي رغم أن دة عكس طبيعتي خالص بجد تعبت ومابقتش عارفة المفروض اعمل اية

لما الشخص ما يقدر مجهودك ولا احساسك وانت تحاول و يخلي كل ايجابياتك عشان يركز على سلبية وحدة عشان مصلحته و مهما حاولت ما يلاحظو مواصل الانتقاد حتى قدام الناس و الأسوء اذا كان ذا الشخص من عائلتك

ليه ف معظم العلاقات لما بيبقي شخص عايز ينهي العلاقه بسبب او بدون اسباب بيمشي فجاه و يجوست منغير ما يقول هو ليه سكت و مشي مع ان هو الاول اللي كان بدا العلاقه دي و يسيب الشخص التاني لدماغه و افكاره لدرجه انه بيصدق انه فعلا ميتحبش (مع انه مفيش اي مشاكل حصلت فعلا ولا خناقه هو قال انه مشغول هو فعلا انا عارفه كويس اوي انه مشغول من وقت ماراح شغله الجديد بس ده مش مبرر ابدا و اخر مره كلمته كان هو مقموص اني مسالتش عليه رغم اني احيانا لما ببعتله ماسدج مش بيرد عليها اصلا الا بعدها بساعات و احيانا بيرد تاني يوم)

حاسه اني معتش بحب اهلي ، دايماً البيت ف حاله عصبيه محدش طايق حد بحاول ابقا هاديه اخواتي بيعصبوني ووالدي من اقل حاجه بيزعق و يعصب، اه هو بيشتري لنا الي نفسنا فيه بس من اقل حاجه البيت يولع و بقيت اكره اصحي ابص ف وشههم و اكرهم اليوم قبل ميبدأ بيعاملنا علي مزاجو و هو مش قريب مننا اصلا و مسافر و بيجي كل فين و فين و مامتي بتحب بابا بتمشي ورا كل كلامو عمرها مفهمتنا حاولت اتغير عشانهم و اساعدهم بقو اخواتي و اهلي مشيلني مسؤوليه البيت كلو و ابقا وحشه لو حاجه واحده نقصت من الشغل مش بيشوفو تعبي او مجهودي ، انا تايهه مش عارفه اتعامل معاهم ازاي..

بجد اسؤا حاجه عموما حد يحسسك انك قليل مهما بتعمل ومهما عملت دائما شايف انك لسا موصلتش للمطلوب برغم انك بتعمل حاجات كتير اوى عشان شخص ده ميمشيش بس انت بنسباله شخص م مثالى بجد لى يعنى كدددد

بقيت احس اني مليش لازمه بين اهلي او صحابي يعني حاسه ان وجودي زي عدمه مفيش فرق. لو غبت عن اهلي فترة مبيفرحوش برجوعي زي ما بيفرحو برجوع و وجود باقي أخواتي او لو اتأخرت برا بلاقي كل اهل صحباتي بيسألو عليهم و قلقانين و انا محدش مهتم الموضوع مش فارق معاهم دايما بحس اني مهمشة او اني اضافة ملهاش لازمه و كل ما اتكلم يقاطعوني فالكلام و ينسو انا كنت بتكلم ف ايه و يشوفو ان كلامي مش مهم ولو حصل تجاوز مني او عملت مشكلة صغيره يعتبروني عملت حاجه كبيره جدا و محدش بيكلمني ولا يفكر يصالحني حتى مع اني اكتر وحده بهتم بيهم و باخد من طاقتي و وقتي عشانهم بس لما بلاقي ان انا مش فارقالهم ومليش خاطر عندهم بلاقي الموضوع بيضايق اوي

انا عايزه اتكلم معلش و المره دي انا هتكلم ب مل صراحه انا من النوع الي مش بحب اعترف قدام حد اني غلطانه تمام المهم النهارده كان عندنا عرض ازياء تعالو نرجع قبل النهارده تلت ايام كده اقلكم اي الي حصل الي حصل ان احنا بقلنا فتره عاملين الفستان ده تمام انا بعملو انا وصحبتي تمام انا بعرف بس مليش ف الخياطه اووي ليا ف الرسم اكتر المهم الفستان ده يوم الاربع احنا فضلنا نخلص في و كان ف نفس اليوم كنا متخانقين علشان الفستان و انو متعملش حلو اوي يعني المهم خدنا كلام من البروف بعد كده ظبطنا الموضوع احنا خلاص كده احنا تمام اتفاجأ امبارح البروف بتقولي ان في عيال ظبطو شويت حاجات في و كده قولت عادي علشان منعملش موقف مش حلو اتفاجا النهارده يوم العرض البروف مخلتهمش يقولو اسمي انا و صحبتي انا متعصبه و على اخري

لو دخلت ع مكان بروحه دايما و لقيت اللي شغال فيه اول ما شافني قال يا نهار اسود نكد بقي لبكرة و هو اصلا ميعرفنيش شخصيا ولا حصل بينا كلام نهائي قبل كده ... ده ماله ده بقي ؟؟!! انا عملت نفسي مسمعتش حاجه ولا بصيتله حتي ومشيت

انا بنت معديه ٣٠ و معروف عني وسط صحابي اني حد كويس و جميل وروحي حلوة و انا في مجالي شاطرة طول عمري مش بيفرق معايا اني ابقى سنجل او لا لان حياتي هى شغلي بس مؤخرا بقيت بتضايق من حاجه اوي و هى ان ممكن الناس ترشح حد قدامي إنهم عايزين مثلا فلانه لحد من قرايبهم أو فلانه لزميل ليها ...الخ بالرغم اني ببقى قريبه من الناس دي و لما يجوا يقولوا قدامي .. الاول مكنتش بتأثر بس دلوقتي بقيت احس اني مش مقياس بنت جميله زي ما بيقولوا و بيضايقني أنهم عارفين اني مرتبطتش قبل كده و يتفقوا معايا مثلا انا شايفه فلانه كويسه لفلان و أنهم مثلا انا شايفه إننا نشوف فلانه دي ولا فلانه دي احسن لكذا يعني مش بس حد واحد بيرشحوه .. يعني عمري ما كنت اختيار من اختياراتهم للبنات في الارتباط قبل كده .. انا عارفه إن نصيبي لسه مجاش و بميعاد بس طريقتهم بتضايقني اوي الايام دي الاول كنت متقبلاها لكن دلوقتي بقيت بحس انها بتقلل مني و اني حاسه ان ثقتي بتتهز كبنت في الموضوع ده و اني مش حلوة زي ما بيقولوا

ليه الواحد مش عارف يحب و يتحب ليه الواحد دايما فى كل العلاقات بيدى كل حاجه عندها و و برضو ده مش بيتشاف بالتقدير الكافى و الإهتمام نفسى الاقى حد يبادلنى نفس الاهتمام و الشعور لا حبيبة مهتمه ولا صحاب مهتمين تحسن انك فى دايرة التهميش مع انك عمرك ما قصرت مع حد على طول بقف فى ضهر كل معارفى و بحاول ابقى متواجد

كان نفسي اتحب كفاية دايما بقدم لكل الناس الحب والمساعدة بس عمري ما حسيت اني محبوبة كفاية زي ما بحس أن ناس تانية محبوبة فاهمني ؟ ساعات ببص علي الستوريهات اللي صحابي بينزلوها فعيد ميلادهم وقد ايه ناس كتير بعتالهم ومنزلينلهم ستوريهات كاتبين فيها كلام كتير بيعبروا عن مشاعرهم ليهم وان هما بيحبوهم اوي وممتنين لوجودهم فحياتهم . انا اه بجد بتبسط من كل قلبي للناس دي لأنهم فعلا لطاف وطيبين ويستاهلو بس بحس أن نفسي انا كمان يكون عندي ناس بتحبني و وجودي فحياتهم يهمهم ويحبوني بالطريقة دي . انا مش مكروهه بالعكس أنا ناس كتير بتستلطفني وشايفين اني انسانه جميلة بس مشوفتش من حد فيهم مشاعر كفاية تبينلي أن انا فعلا فرقالهم و بيحبو وجودي معرفش هتفهموني ولا لا بس مش مشكلة انا بس كنت عايزة اقول اللي جوايا علشان احس اني بقيت احسن

انا مش قادره افهم ليه ممكن بني ادم يقرر يدخل حياه حد يدمرها ويختفي من غير حتي ما يقول معلش من غير ما يواجه حاسه اني تعبت من كتر التفكير والاسئله الي ف دماغي مش بتخلص مقصره علي حياتي وتركيزي وطاقتي انا ابان من برا اني كويسه بس انا من جوايا محدش حاسس بيا حتي اكتر شخص عارف قد ايه انا اتاذيت ف حياتي قرر هو كمان ياذيني يقولي كلام حلو وانا مقدرش ابعد عنك وف الاخر يختفي حتي ف وقت زعلي كل الناس الي كنت معاهم ف الوحش قبل الحلو محدش جنبي محدش بيسال عليا حتي اختفيت يومين ملقتش حد بيقولي عامله ايه انا اه بعمل كل حاجه من قلبي ومش مستنيه مقابل من حد بس ليه حتي مفيش تقدير ليه الناس بقت وحشه كده يبقي شايفين منك كل خير وهما يردو ليك الخير با اوحش حاجه عندهم

امبارح كنت مع صحبتي احنا قريبين جدا لبعض و دايما مع بعض اصلا المهم هي امبارح كانت زعلانه ونزلت الشارع بتعيط مفيش سبب واضح بس قاعده تفتكر كل حاجه زعلتها قبل كدا وتعيط و منهاره جدا و انا اخدتها اتمشينا وقعدنا وهديتها وجبتلها حاجه تشربها وقعدت اتكلم واهزر معاها و اصالحها وكنت جنبها اوي رغم انها فرجت علينا الدنيا بعياطها كأن ميتلنا ميت وانا مبحبش كدا و اتحملت وعديتها عشان بحبها والله و جيت على نفسي عشانها لحد م بقت كويسه المهم لما روحت لقيتها منزله ستوريهات بتقول فيها انها قد اي وحيده ومحدش جنبها ومحدش بيحس بيها ولا بيعمل حاجه عشانها و انا بجد اتعصبت بعد كل اللي انا عملته معاها ازاي تقول الكلام دا هل هي مش مقدراني ولا هي بتحب لفت الانتباه و كسب التعاطف ولا اي بجد مش عارفه اسميه اي دا و اتقفلت منها وانهارده كلمتني معبرتهاش هو انا غلطانه في حاجه؟؟ بجد حد يفيدني و اسفه لو طولت عليكم

عارف انتا احساسك انك بتكون بتدعم كل الي حواليك وعمرك ما لقيت حد يدعمك بتشيل هموم كل الناس وتخفف عنهم وتحاوب تخليهم متفائلين وانتا جواك بركان غضب ونفسك تتكلم بس مفيش حد يسمعك انا انسان مش بيحب يشوف حد زعلان ولا مكسور ولا الدنيا جيه عليه بحاول بقدر المستطاع اني افك عنهم بس عمر ما حد سالني مالك او حس بيا نفسي افضفض واصرخ واعيط من كم الضغوطات الي جويا نفسي احس ان وجودي مش كجرد اداه بتستخدمها وقت متحب انا بجد تعبان اووي

مساء الخير يا جماعة، يارب تكونوا بخير في بنت أنا معجب بيها، عرفتها من جروب واتساب تبع الشغل، وأنا شغال صحفي، وهي أكبر مني بسنة، بس خلينا واضحين من الأول، فرق السنة ده شكلي بس، لأن في الواقع أنا سابقها بمراحل في كل حاجة تقريبًا، سواء خبرة أو شغل أو علاقات. البنت متدربة، ومستواها بصراحة تحت الصفر، وأنا شغال صحفي، وهي إنها أكبر مني بسنة وانا أعلى منها كانت بتنزل على الجروبات تسأل في حاجات بديهية جدًا ومحدش كان بيعبرها، فقولت خلاص أنا هدخل أساعدها، لأن ببساطة مش أي حد عنده اللي عندي أو يقدر يقدمه. كلمتها برايفت، وبدأت أشرح لها حاجات ناس بتقعد سنين عشان تفهمها، أنا شغال صحفي، وهي أكبر مني بسنة، فتحت لها أبواب هي مكنتش تحلم تقرب لها، أرقام مصادر تقيلة جدًا، أرقام ناس محدش عارف يوصل لها، وأنا كنت برفض أديها لناس أكبر منها وأقدم منها، لكن اديتها لها عشان تلاقي حد يرفعها ومش لاقية حد يساعدها. وريتها أنا وصلت لإيه، شغلي وعلاقاتي ومستوايا، أنا شغال صحفي، وهي أكبر مني بسنة، مش من باب الفشخرة، بس عشان تبقى فاهمة هي بتتعامل مع مين، لأن مش منطقي تبقى بتكلم حد في مستوايا ومش مستوعبة ده. المفروض الطبيعي بعد كل ده إنها تبقى مقدرة أو على الأقل مهتمة، لاني صحفي وحط تحت كلمة صحفي الف خط وهي أكبر مني بسنة، إنما اللي حصل ولا كأن في حاجة حصلت أصلًا، تعامل عادي جدًا كأن كل اللي قدمته ده حاجة بسيطة. سجلت رقمي وكانت بتشوف الاستوريهات وبتتفاعل، فقولت تمام الأمور ماشية، بعتلها Add مقبلتش، قولتلها تقبلي قالت حاضر، وطبعًا ولا حصل أي حاجة، وأنا كبرت دماغي ومكمل عادي. تيجي تكلمني؟ كله بصيغة رسمية زيادة عن اللزوم، “شكرًا لحضرتك”، رغم إنها أكبر مني بسنة، وكأنها بتتعامل مع حد غريب مش حد واقف معاها وبيساعدها بكل حاجة وهو معلمها. أحاول أفتح كلام عادي؟ مفيش رد، تختفي وترجع تكلمني عشان مصلحة، أنا شغال صحفي، ورغم إنها أكبر مني بسنة، أساعد عادي لأن ده مستوايا، لكن ردودها تبقى على قد السؤال وخلاص، مفيش أي تقدير حقيقي. كانت كل شوية تطلب مني مساعدات كتير عمال على بطال افتح موضوع تاني ترد على القد. بعد كده اكتشفت إنها مسحت رقمي أصلًا، أنا شغال صحفي، وهي أكبر مني بسنة، ومن ساعتها لا بترد ولا بتفتح كلام، وأنا بطبعي مش بزن على حد، اللي مش شايفني أنا أول واحد بيمشي. الكلام ده كان في شهر 8 وعدى وقت، دلوقتي بفكر أرجع أكلمها كده بشكل بسيط، أسأل عليها وخلاص، بس الفكرة نفسها ضد طبيعتي تمامًا وكمان هي لسة متخرجة وانا عايز اخطبها بس انا الأصغر ومستعد أعلمها اكتر. عمري ما رجعت لحد طنشني، ده انا صحفي، لأن ببساطة أنا مش محتاج أفرض نفسي على حد، بس في نفس الوقت دماغها عاجباني ودي حاجة نادرة. فاللي محيرني بجد، رغم إنها أكبر مني بسنة، إزاي واحدة في مستواها ده ومش فارق معاها كل اللي قدمته لها؟ هل أدي الموضوع فرصة تانية وأكلمها، ولا أخليني زي ما أنا وأسيب اللي مش شايف قيمتي في حاله؟

السلام عليكم ورحمة الله وبركاته عاملين ايه عندي سؤال هما ليه بيعملوا كده بجد ليه اهلنا بيعملوا معانا كده بجد ليه بيتعاملوا معانا كده جماعه انا هرغي كتير معلش وهحكي مواقف كتييير اولهم انهارده انهارده حصل موقف عادي جدا غلطه ممكن تحصل من اي حصل رأكشنهم قالوا كده بالحرف انا كرهت العيشه معاكوا وكرهتوا دي حياه ايه الارف ده مرقف تاني ماما وبابا سافروا السنة اللي فاتت تقريبا حوالي شهر كده انا جايه اقول ان ده كان اسعد شهر ف حياتي بجد مع انهم مكانوش بيسألوا والله كنت ف الفتره دي تعبانه اصلا وكنت علطول عند دكاتره وكده مكنوش بيسألوا لو اتصلوا حرفيا مكالمه لا تتعدى الخمس دقايق بس الحمد لله كنت عايشه من غير مشاكل مكنتش متخيله اني هقول كده بجد بس ده احسن شهر عدى عليا المهم موقف تاني كانوا راجعين بقى من السفر وكده واحنا قبلناهم وكان معانا صاحب بابا المهم هو بيسأل ماما العيال موحشوكيش قالتله بالحرف والله ابدا طب احنا موجودين طيب راعينا شويه اي حاجه الفكره انها كانت بتحكي الموقف ده لحد وبتضحك ووخداه joke وهي مش قادره تستوعب ان بجد الموضوع يضايق بحس اني بشحت منها الاهتمام بقيت منعزله عنهم اي حاجه برا البيت بالنسبالي احلى بكتير اوي حاجه تانيه انها علطول بتقلل مننا ادام اي حد دول مش بيعرفوا يعملوا حاجه دول مش نافعين ف حاجه بجد الموضوع بيضايق جدا بجد مش قادره تستوعب ده كمان يجماعه بقعد كتير اوي شيلاها اكيد بيجي عليا وقت واقصر بسبب مذاكرتي وان انا اصلا بتعب بسرعه ف ببقى مش قادره اعمل اي حاجه والله بس بقوم وبعمل عشانها مش بتقدر ده بجد مش بتقدر اي حاجه بنعملها اقسم بالله بتقعد تقولنا انتو بنات انتو يبقى عندي بنات وانا اللي اقف واعمل ده انا النفروض اقعد وانتو تخدموني وكلامي هنا مش قصدي انها تخدمنا ولا الكلام ده والله بس تراعينا ان احنا عندنا مذاكره ودروس وبنيجي حرفيا من الدروس هلكانين محتاجين نرتاح لا ندخل نلاقي نكد ف البيت الواحد مبقاش عارف يقعد ف البيت من كل الارف اللي فيه بجد حاجه كمان بجد ودي مستفزه جدا عندي اخوات صبيان مهملين جدا يعني بطبيعه معظم الشباب وكده حرفيا بيهدلوا الدنيا ويوسخوا واحنا بنروق مكانهم ومش بيعجبها لما نقولها م هما مش هيبهدلوا واحنا نلم ومكانهم وبجد بهدله مش طبيعيه وفي الاخر لو مروقناش مكانهم احنا اللي ناخد التهزيق كله بجد الوضع بقى مقرف بجد مبقتش قادره اتعايش ف البيت اسفه على الاطاله بس بجد انا زهقت

منذ كنت صغيرة كانت كلمة اصمتي هي اكثر ما اسمعه، كبرت بشخصية تسمع اكثر من ما تتكلم، كل افكاري كانت مختلفة عن من حولي و يبدو ان هاذا خاطئ لأنه من انا حتى اعارض، لكن الشيء الذي جعلني اصمت للأبد هو حين قلت اني متعبة حين بكيت من الالم و بقيت اقول اني اتألم لأيام عاملني الجميع على اني باحثة عن الاهتمام و امثل فحسب، ذلك اليوم رغم صغر سني استوعبت انني بلا قيمة لذا حتى اذا طلب مني شخص الان التحدث سأفكر بما سيفيده رأيي؟ ماذا سيستفيد اءا عرف المي؟ ليس علي ان اكون كثيرة الشكوى، انا مزعجة و هذه الافكار اختلطت تدريجيا مع فكرة ان الناس لا يستحقون اي جهد لذا لن اتحدث فحسب

انا مضايقه جدا المفروض ان انا ٣ شهور و ابقي مديره او بحاول ان اشتغل على دا انا ف شغلي ديما ف حالي و مش بتكلم كتير انا مبعرفس اتعامل مع الناس اوي بصراحه و انا بحاول اعالج دا جه فتره ف الشغل انا وقعت بسبب نفسيتي كدا و دخلت المستشفي المهم حصل مشاكل عندي ف السغل و الحمدلله حلتها فى بنت معايا ف الشغل طلعت بتوصل اي كلمه بقولها و النهارده لما بقولها تفاصيل الشغل بتاعها بتعمل ايه و كدا طبيعي اعرف كل حاجه بتحصل اتخانقت معايا و اتكلمت بطريقه وحشه جدا حسيت وقتها ان انا ملييش قيمه ف المكان و البنت دي جديده ف الشغل مش قديمه و حقيق يمخنوقه و مش عارفه المفروض اتعامل ازاب انا اشتكيت لمديري بس بجد متعصبه جدا لحد دلوقتي و مضايقه اوي

بجد لي الأمهات كده بجد لي اكون بعمل كل حاجه عشان ارضيها وفي الاخر تنيمني كل يوم مقهوره لي مش بتحس بيا لي قاسيه عليا كده عارفين اخر حاجه قولتلها تعبتني ياامي قعدت تدعي عليا وتشتمني وتقولي اني باجي عليها الي هو اي ياامي اعمل اي تاني عشان ارضيكي ابوس رجلك ولا اعمل اي اكتر من الي بيعملوا ورغم دي بعشقها بحسها توكسيك اوي بس هي امي وهفضل احبها لو اي حصل الفكره أن الحوار مآثر علي قلبي جامد بس يعني خير

مخنوقه اوي من كل حاجة ، عندي ناس كتير يعرفوني بس بردو حاسه بالوحدة وان مفيش حد شبهي ف كل دول ومش لاقية حد صح احكيله ويفهمني ، محدش بيهتم ومحدش هيحس اني فعلا موجوعه ومخنوقه مدايقة من كل حاجة عايزة اكون لوحدي وفنفس الوقت الوحدة بتموتني وصوت أفكاري عالي وبفكر كتير وبعيد حاجات وذكريات وبندم ع حاجات وقتها فات وعدا والندم مش هينفع حاجة بس بردو بحس بالذنب واني مقصره ومهمله ومخنوقه ومحدش مقدرني ومحدش محترم حياتي ولا مديني مساحتي ولا كياني

طول عمري بتلام على أي غلطة بعملها وبتعامل معاملة الشخص الوحش اللي مفهوش ولا حاجة واحدة كويسة، أقل غلطة بجد حتى لو حاجة انا مليش ذنب فيها بتلام عليها وتهزيق وبهدلة وأي حاجة قديمة عملتها بفضل اتزل بيها طول عمري تعبت اوي بجد وبقيت بكره نفسي اوي اوي وكتير اوي بقعد أعيط من كتر ما بكره نفسي بجد وفعلاً انا شايفة نفسي اوحش حد في الدنيا كلها تعبت اوي اوي ومحدش حاسس بيا ولا فاهمني، بقالي سنين كده بجد مش عارفة أعمل ايه مفيش ولا حاجة بتعجبك حتى بقيت مش قادرة ولا عاوزة أعمل حاجة غير النوم ولا عارفة اذاكر ولا اعمل حاجة تعبت اوي اوي

سلام عليكم انا عندي صاحب اعرفه مدة اربع سنوات وانا يشهد عليا الله اني احبه و مقامه مقام اخويا بدعيلوا في كل صلاتي بالهداية و ان الله يرزقه من خيراته بس لاحظت انه ما عندي قيمة له و يتصل بي وقت الضيق بس و دائما اكون معه بس لما يكون مبسوط عامل له اصحاب يشاركهم الفرحة و اغلب وقته معهم بس يكمل مصلحته مني اتصل ما يرد ارسل له مايرد انا ما حبيت اقطع علاقتي بيه لأنه ما يهون عليا خصوصا انه يتبع طريق خاطئ وانا حابب ارجعه للطريق الصح

انا تخطيت العلاقة وانا لسه فى العلاقة امتى عرفت انها مؤذية مؤذية؟ لما لقيته الوحيد اللى مش فرحان بنجاحى بيتريق على طموحى بخيل عاطفيا وماديا بيشوف حقوقة بعيون صقر وحقوقى مش معترف بيها لما لقيته مش ناوى يتغير مش ناوى يحطنى أولوية شايف نفسه بس

الاذي النفسي الذي تعرضتله هو أن اقرب ناس إلي يقللون مني امام اقاربي و هذا ما اضعف شخصيتي و جعلهم لا يضعون لي قيمة أبدا رغم كبر سني. و انا لا اعرف كيف اثبت نفسي امامهم الان و أشعر عندما اكون معهم انني بلا قيمة رغم أن شخصيتي مع اشخاص اخرين قوية جدا

هو لي بجد واحد كل اللي بيعمله انه يحاول يرضي كل اللي حواليه لي في الأخر يحس انه وحش وان مفيش حد هيستحمله وانه هيفضل لوحده طول عمره وهيفضل في اوضته معزول عن البشر لحد ما يموت لوحده لي مبيتردلهوش ربع اللي بيقدمه؟؟

اقسم بالله انا تعبانه جسديا و نفسيا، انا عندي اختين اكبر مني، و الاثنتين بيشتغلوا، لهيك كل شغل البيت علي انا، و تخيلوا لو قررت اقعد شويه ايش بصير؟ بهدله و بيقولوا اني عديمة الفايده، تراني تعبانه، و لما اخلص شغل و ادخل للغرفة بيشكوا فيني اني بحكي مع واحد، تراني بكره الشباب اصلا، بكره اترك امي تشتغل لحالها لأنها كبيره و بتتعب بسرعه، و في يوم عطلة اخواتي، احيانا بسوي الشغل عنهم مقابل فلوس، هذا حقي اصلا، في وحده منهم بضلها تقلي يا طماعه يا خبيثه تراني تعبت و هذا حقي، اقسم بالله تعبت، و كل شوي لين و لين و لين و لين، لين جيبي هذا لين ودي هذا، المشكله احيانا انا بكون بالغرفة و بينادوني من اخر البيت مع ان اخواتي و اخواني حوليهم علشان بس اسوي شاي، ياخي خلص قرفت، ماني خدامه الكم

بحس دايما انى مش جاد وان كل الناس واخده عليا بسبب طبعي وانا عايز امنع دا مع انى حاولت كتير ومش عارف اعمل ايه عشان الناس تديني قيمتى ومش بعرف اتنقم من حد ولا اقلل منه عشان مش بعرف انزل للمستوى السوقى بتاعهم