منذ 8 ساعاتيشعر بـ مكسور القلب
ازاي اتخطي كارثه وفاه امي بعد والدي ب اشهر وشعوري بالوحده واحساسي بالانتحار وما كانش ليا غير امى كانت صاحبتي وكل حاجه لكن حاسس ان الدنيا مبهاش لازمه ومخنوق وحاسس بالضعف انها كانت سانداني وحاسس بالتقصير مع اني عملت كل اللي اقدر عليه مع اني ثلاثيني السن وكانت صاحبتي وهل الزواج ممكن يخليني اتخطي
ربنا برحمهم ويغفر لهم وبسكنهم فسيح جناته ويجمعكم في الفردوس الاعلى يارب ❤️ حضرتك ممكن الزواج يعالج الموضوع ولكن الأفضل أنك متدخلش في الزواج لاجل أنك تعالج الحزن دا الزواج معاونة ومسؤولية وحضرتك أكبر مني وعارف ف تزوج ولكن علشان مثلا يبقى عندك ابناء صالحين وببقى عنك ذرية صالحة و اسعى إن زوجتك متكونش أي واحدة و خلاص أنتقِ جيداً واطلب من الله العفاف ويعفك ويسرتك وتكون سبب في عفاف بنت من بنات المسلمين و تعلم ما يجب عليك و ما حقوقك وواجباتك و اتعلم حقوقها وواجباتها برضو في الاخر أنا كمان والدتي متوفقة بس من اكتر من 18 سنة لذا الحزن موجود وحاسس بفقد كبير ولكن مش معناه اني مش هعيش أه بفتكرها بزعل انها مكانتش معايا في اوقات كتير بس برضى وبرضّي نفسي و اكمل طريقي ( والدي موجود بس في الشغل ف اتمنى منك تبقى موجود مع ابناءك إن شاء الله ❤️ )
كلنا كده صدقني مع الوجع ده هيخف شويه بس فعلا مفيش حاجه زي فراق الام انت مع الوقت خلاص هتتأقلم أن هي خلصت ف مكان احسن و هتتعود علي عدم وجودها بس انك تزعل و بتشتاق ليها ده هيكمل معاك العمر كلو الزواج عمتا مش هيخليك تتخطي لأن ده حاجه و دي حاجه بس اه تزوج و كون اسره و بيت بس لو انت مستعد نفسيا ل ده لانو مسؤليه تنيا مش حاجه تلهيك عن الزعل هو اه تعويض للوحده بس مسؤلية
ادعي لها بالرحمة والمغفرة و كده كده كل حاجه هتعدي
حاول تتأقلم انا ف بداية العشرينات و خسرت كل حاجه أمي و ابويا و نفسي حتى بدرس حاجه انا مش حاببها
كنت زيك علشان مقتنع أوي بأن دي النهاية وخلاص مش هشوفك ثاني مش هشكيلك مش هتكون موجود الفكره مرعبه فعلاً وطبيعي تحسي بكده لما يكون ده تفكيريك بس الحقيقة أنه لأ الموت عمره مكان نهايه الموت البداية لحياة مش هتنتهي فادعيلهم كثير علشان عملهم انقطع إلا من ثلاث أنت واحده منهم دعوة منك واستغفار ليهم بينقلهم في حتت ثانية ربنا يجمعكم في الفردوس الاعلى من الجنه ويصبر قلبك ❤️
جرب ولله انا حاسس بيك مع ان سني لسا صغير