افتكرت بالصدفة حاجة حصلتلي فالابتدائية بدايتها كدا كنت في رابعة تقريبا، شكرا للي هيقرا عموما💘 وكنت في مدرسة جديدة نسبيا ومكنش عندي صحاب خالص + حتى فمدرستي القديمة عشان انا شخصية منطوية ولازلت بس جت مدرسة جديدة وقالت انها مدرسة مادة التربية النفسية (مش اخصائية) وكانت بتدينا حصتين كل شوية ففي مرة جت وقالتلنا انا عايزة اساعدكم لان التعب النفسي او اي مشكلة عندكم في البيت او حياتكم بتاثر عليكم فاحكولي انا كل حاجة في مكتبي حتى لو عايزين تمشوا فنص الحصص وتجولي كمان قالت لو في طلاب خجولين عملتلهم حاجة حطتلهم بوكس صغير سري لازق في باب مكتبي، اكتبوا فيه رسالة فيها مشكلتكم + فصلكم من غير الاسم وانا هاجي اتكلم في موضوعكم بسرية وانا فكرت فالموضوع كتير كان عندي ساعتها مشاكل كتير اوي في البيت، كنت عايشة مع عيلة امي وكانوا اهلي منفصلين ومسافرين برا البلد فساعتها كنت خايفة حتى اكتب الورقة في البيت لحسن حد يشوفني فخدت ورقة صغيرة عند شجرة مستخبية فالمدرسة وكتبت رسالة وانا بعيط وكتبت كلام كتير اوي بفصلي من غير اسمي كنت اجبن من اني اكتبه حتى ورحت اتسللت وحطيتها في البوكس دا وجريت المهم دا كان اخر يوم اروح المدرسة *يوم دراسي اصلا لاني اتنقلت ودا كان فاخر الترم فمعرفتش حتى هي ردت عليا بايه او قالتلي ايه بس الي حسه بيه دلوقتي قد ايه يا جماعة انا كنت وحيدة ساعتها فكرة ان اهلي كانوا بيسبوني بعد المدرسة بساعتين قاعدة تحت الشجرة فالشارع🥲 عشان المدرسة كانت بعيدة عن البيت كنت بقضي وقت كتير اوي لوحدي في المدرسة والبيت بس كانت الوحدة بالنسبة ليا احسن من مشاكل البيت بدور على ذكرة واحدة حلوة وانا صغيرة مش لاقية