ذكريات

ممكن تشاركوا لو انتوا traumatized من حاجة أو موقف معين وهل تخطيتوا الموضوع ده ولا لا وازاي.. أنا عن نفسي traumatized من التعبير عن الحزن أو مواجهته.. بمعنى اني جات عليا أوقات كتير كنت كل ما افتكر مواقف ومشاهد معينة كنت بنهار من العياط .. انهيار عصبي بالمعني الحرفي وجسمي يوجعني جدا وقلبي بيتعصر واحس روحي بتتسحب مني بجد وبخرج من الحالة دي بصعوبة فبقيت خايفة اواجه نفسي بالحاجات دي عشان ماوصلش للمرحلة دي تاني بس في نفس الوقت كبتها مش صح لان زي ما الدكتور مرة قالتلي ان ده جرح وعاوز يتفتح عشان ينضف ويخف تأثيره جواكي بس لحد دلوقتي انا مش قادرة أعمل كدة وبتجنب الكلام او اني حتى استرجع المواقف والمشاهد دي تاني

هو مش موقف وحش او حاجه بس هقول حاجه انا كان عندي صديق طفولة ولد كنت بحبه اوي كانه اخويا الصغير و بحكم انه كان عربي و انا لغات فكنت متاخرة سنه يعني اكبر منه بسنه فالعمر المهم الولد ده انا و هو كنا مع بعض فالدروس و احنا صغيرين و آخر مره شوفته كنت في ثالثة ابتدائي المهم الولد ده كان قلبوظ و صغنن و اقصر مني و كنا دايما نلعب مع بعض و كنت بحبه اوي بحسه فاهمني كده لكن حب اخوة يعني يعني مكنتش افهم الحب الي هو دلوقتي ده بس المهم الولد ده ساكن في الحي الي جمبي بس انا معرفش هو فين و ماما مش بتكلم مامته بحكم ان مفيش حاجه يتكلموا فيها زي الاول و نفسي اشوفه اوي نفسي اشوفه هو بقى ازاي لان هو دلوقتي المفروض 16 سنه و انا السنه دي هكون ١٧ و كنت بحب اخوه الكبير زياد عشان كان اكبر مني و هو كان معاذ و بس نفسي اشوفه اوي بجد و كتير بحلم بيه بس بصورته و هو صغير اكيد

لسه داخله هنا جديد ودا اول سؤال قابلنى معنديش ثقه كفايه انر اقدر اتكلم براحتى ورغم عم وجود الثقه الا انى سايبه امتحاناتى والظغط اللى اما فيه وقررت ادخل اشارك وانا صغيره كنت بقعد مع نفسى كتير كنت بقعد لوحدى كتير ممكن كنت ابقى لوحدى فى الاوضه وممكن فى الشقه وكنت بغمض عينى وافتكر وادمع اكتر مشهد متكرر فى طفولتى هو دا طفله قاعده فى ركن ومغمضه عينها وبتبكى فى صمت نفسي يكون عندى القدره ارجع لاول يوم قعدت فيه القعده دى واقوم واحاول انسى بدل ما كل ما كنت احاول اتعافى دماغى ترجعنى لنفس النقطه دى اتمنى بجد قبل ما نبقى جيل الامهات يبقى فى وعى كفايا عشان مفيش اطفال تمر باى حاجه من دى

كنت اعرف بنت ابوها اسمه بدر فكتبت فيها قصيددة شعر مش. فاكر فيها غير اول شطر 😂 قولت: ياابنة بدر امك انجبت قمراً وكنت بكراش مره على الاسيستنت وابوها اسمه جمال 😂 فقولت: علم الجمال جمالكِ فتنحى وبقيتي يبنت الجمال علامة للحسنِ اسففففف مش عارف بقول اي

الناس كله بتحاول تتخطه علاقات حب سمه و تعبتهم نفسيا تعرفو ان التختي العلاقات دي بيكون اسهل و لاكن الاصعب لمه تحولى تتخطي حد كان كل حاجة حنينه ليكي في يوم من الايام و البعدتكم هي الايام بس

في شتاء ٢٠٠٢ الجميل نزلت روحت زي اي طفل العب بلي في الشارع فا وانا بنطر البليه إذ افاجئ انها رشقت في عين ابله فتحيه الي شغاله في الصبانه وفجأه بدون اي مبررات لاقيت ابله فتحيه بتتحول لكوره بلي كبيره وبتجري ورانا انا وصاحبي عايزه تهرسنا قعدنا نجري ونجري ونجري قابلت ابويا قالي مالك يبني خايف ليه كده قولتله ابله فتحيه ولسه بكمل لاقيت ابويا قام خلع وشه وطلع هو ابله فتحيه قالتلي انت فاكر اني مش هعرف امسكك قولت ما بديهاش بقي تعالي مفعل تقنيه تفه مايكل جاكسون روحت تفيت عليها بعدها الابله اتحرقت في سلام ومن ساعتها وانا بصارع الاكتئاب

في صيف ٢٠١٢ نزلت الشارع عند عصام الحلاق ابو حبايه في وشه وقولت اما اتغلب علي الرهاب الاجتماعي روحت ماسك الحبايه الي في وش عم عصام ورحت حطيتها في الشاي بلبن بتاعه بعدها اكلتها للواد الي جمبي عم عصام اتضايق قولتله مفيش منه يا عصام انا بعالج الرهاب قالي طب ما كنت اقول بعدها نزلنا الشارع ركبنا توكتوك بيروح كوكب المريخ عند ميدان قطايف روحت لاقيت علي ربيع قومت خدت مكنه الحلاقه بتاعه عم عصام ومطير شعر علي ربيع قام جايبلي الفنان اشرف عبد الباقي عشان يتخانق معايا قالي ليه يبني عملت كده الواد بقي اقرع قولتله بعالج الرهاب الاحتراري قالي طب انا هضربك روحت خاطف الفنان ونزلت اشتريت اندومي من عم ثروت ودخلت نمت

في خريف صيف ٢٠١٢ روحت لعمتي قولتها يا عمتي انتي لازم تعمليلي المسقعه الي بحبها قالتلي حاضر يا حبيبي وفجأه الاقي ابويا دخل ربطني في الامبوبه وقالي قفشتك قولتله اه يا شقي بتغفلني طب فوكني ونشوف مين الي هيلغب التاني راح ناطط من الشباك وطلع يجري عالبلاي ستيشن عمتي راحت بصالي وقالتلي شوفت اهو راح الهباب راحت فكاني وحطتني في الطاسه قالتلي انت المسقعه قولتلها طب تعاااالي روحت فكيت نفسي وقومت حاطتها في الطاسه وعملتها بطاطس محمره لاقيت ابويا ظهر قالي ايه ده ! قولتله بطاطس قالي خلصانه هاكل معاك وقعدنا كلنا

في خريف ٢٠١٧ الجميل نزلت روحت السايبر مع الشباب مع بلحه وزرجينا اعز اصدقائي قعدنا حوالي ساعه ونص بنلعب كونتر سترايك وإذ فجأه نلاقي صاحب السايبر اتقلب سردين وبيجري ورانا قعدنا نجري في صاله السايبر وانا ميت من الرعب وفجأه الاقي زرجينا اعز صحابي اتقلب كابوريا وعايز يهبشني وبلحه .. لا متقلبش بلحه اتقلب ساندويتش جبنه وبيجري ورايا برضوا وفين وفيييين لما قدرت اخرج من السايبر واهرب منهم وطلعت البيت بحكي لابويا لاقيته اتقلب رنجه وبيجري ورايا برضوا ومن ساعتها خسرت اعز اصحابي بلحه وزرجينا ، اصعب موقف في حياتي

في شتاء ٢٠١٦ الجميل نزلت اجيب لي كيس اندومي من عند البقال قالي انت عارف يبني قولتله ايه ياعم ثروت قالي انا كائن فضائي من جبال القوقاذ قولتلوا بجد ياعم يا ثروت قالي طب استني ، لاقيت عم ثروت شال وشه ولاقيت وش كائن فضائي قولتله يا ابن الايه ياعم ثروت طلعت كائن فضائي قالي شوفت بقي قولتله طب خش نام يا عم ثروت خدت بعضي وطلعت البيت دخلت الحمام لاقيت عم ثروت طلعت اجري عالمطبخ لاقيت عم ثروت برضوا واقف ومبتسم قولتله لااااااا عم ثروت وربنا هزعلك قالي تعالي معايا لكوكب القوقاذ قولتله طب مراتك فين ياعم ثروت قالي في كوكب زمرده قولتله طب خش نام ياعم ثروت وروحت داخل انام

(بما انه مش هقدر ابعت الرسالة دي بس هقولها عشان ابقي خرجت ال جوايا) ف البداية قلتلك اني مش هقدر علي كسرة نفس تانية وان قبل كدة حبيت من طرف واحد وانكسرت جامد بس برضو عملتيها انتي كمان، يمكن انا كل ال قدرت اقولهولك هو اني بحبك مرة واحدة من 6سنين ونص وانتي وقتها مرضيتش تديني إجابة تعرفني هل وانتي كمان او لا واني عرفت من حد تاني انك محبتنيش بس ال مقدرتش اقولهولك كل ده انا انا طول السنين دي معرفتش انساكي وحاولت بكل الطرق ومفيش فايدة بس كنت متأكد من حاجة واحدة اني افضل اشتغل علي نفسي عشان يمكن ف يوم من الايام تغيري رأيك حتي وانا عارف انه مش هيحصل، ال تاعبني اوي انك لسة موجودة مش عارف ليه اول بأول بخش بروفايلك لو كنتي اتخطبتي او لسة في امل الحق اوصلك مع اني بقول لنفسي ان يمكن اما تتخطبي اقدر انساكي لان عارف ان مهما عملت مش هتقتنعي بيا، هم اه كل ال كان بينا صحاب لمدة 3 شهور (حتي وانا عارف دلوقتي ان ده كان غلط) وانا ال باني عليه حبي من طرف واحد باقي السنين دي بس عندي أفضل لوحدي باقي العمر علي ال3 شهور دول احسن ما اعرف حد غيرك لاني فعلا مكتفي بحبي ليكي حتي وانا عارف اني مش باجي علي بالك، بستني من السنة للتانية عشان اخش اقولك كل سنة وانت طيبة ف عيد ميلادك زي ما اتعودنا 4 سنين حتي بعد ما مبقناش نتكلم ف العموم، بس انا زعلان منك انك بقالك سنتين حتي بتنسي عيد ميلادي تبعتي تقوليلي كل سنة وانا طيب وانا اليوم ده ببقا مستنيه اشوف يمكن تفتكريني ويمكن لسة في امل، حتي لما دخلت الجيش وافتكرت هنساكي فشلت للأسف، بفتكر برضو الايام ال كنت ببقا فيها لوحدي بعدي من تحت بيتك بس عشان احس بوجودك، او اشوف نفس الأفلام ال قلتلي عليها زمان، بس كل ده ينتهي لما كل 6 شهور بقرر ابعتلك اتطمن عليكي باي حجة وردك عليا يبقي جاف جدا وكالعادة تقفلي انتي الكلام، اديني خلصت والحمدلله شغال واتمني لو ف يوم تعرفي قد ايه مكنتش عاوز غيرك، واتمني تكوني مبسوطة حتي لو مش معايا، لان زي ما قدرت احبك كل الفترة دي وفي وسط كل الضغط ال فات ده وانتي مش معايا فيه ف هقدر افضل احبك وانتي بعيدة طول العمر❤️

تيتة كانت بتحكيلى ان بيتنا لما النور كان يقطع كانت تشوفهم بيمشوا قدامها وتقعد تقرا قران وتقولهم تعالوا 🙂 انا بقا من فترة سنة مثلا كنت فى المطبخ بعمل شاى بالليل وواقفة قدام البوتوجاز وفجاة لقيت حد شكل ابى بالظبط فى كل حاجة الا ان عيونه كانت كلهاا سودة مفيش فيهاا ابيض خالص واقف ورايا باين فى الازاز لفيت بصرخ طبعاا وملقتش حاجة لس انا كنت متاكدة انى شوفته اول حاجة جريت عند ابى لا يكون بيهزر بس طلع نايم عادى من يومها مبدخلش المطبخ بالليل🫣

استكمالا لسيرة ابويا كانت جدتي ام والدتي بتحكيلي وبتقولي وانا صغيره وكان فيا شباب كدا كنت انا وواحده صاحبتي بنحب نروح المساجد اللي شيوخها صوتها حلو كل شوية مسجد شكل وجه ابوك كان بيصلي ف مسجد ف اخر البلد كدا وصاحبتي قالتلي دا في شاب بيصلي هناك بيقولوا صوته حلو وروحنا ولقيناه جميل جدا وبقينا نروح علطول وكنت بدعي بواحد زيه لبنتي وبعدين جه خطب امك وبقا يجيلنا الزياره ويصلي في المسجد اللي عندنا المسجد كان علطول فاضي ولما جه ابوك الناس بقت تفرش برا من الزحمه وكان صوته ايه في الجمال بعد ما سمعت منها زعلت بصراحه لان كل دا ماضي انا ليه بنزل دا ، عشان صعبان عليا اللي ابويا بقا فيه دلوقتي ومعادش زي زمان عنده علم ومتدين وشيخ محفظ نص البلد لما بفتكر ان دا بقا ماضي بزعل بس مفيش في ايده غير اني ادعيله بالهدايه وواخد عهد اني هبقا اكتر منه باذن الله وهمشي على خطاه المهم ادعوله بالهدايه والرزق

لسا مفركش يا شباب من شوية كانت أحلى حاجة حصلت في حياتي وأكتر حاجة حبيتها بس كانت بتئذيني ف قطعت أنا مع إن والله هي أكتر حد حبيته ف حياتي وكان نفسي نكمل ف يا جماعة قولولي أتخطى ازاي وأبطل أفكر فيها عشان دماغي هتتفرتك

بفتكر ايام الكلية لما كنت طالب غلبان فى سنة أولى أو تانية كنت اطلع على السلم الحلقلى سكشن ولا محاضرة كنت اطلع الاقى الشاب والبنت من دول بتوع تالتة ورابعة قاعدين على السلم وقاعدين جمب بعض والواد من دولة هجمة كدا وحبيبته قاعدة جمبه ومعاه ساندوتشات الجبنة فى العيش الفينو ( الكيزان ) وتقعد اقول فى نفسي يا بختهم ودارت الايام وخلصت جامعة واللى ساب صاحبته سابها واللى اتجوز اتجوز واللى سافر سافر وانا خرجت من الكلية زى ما دخلتها وانا مش مرتبط حتى لا وكمان كان فيه بنت كانت بتقول عنى رايح بواحدة وجاى بواحدة ما كسبتش غير السمعة بس ..... ومعرفش امتى هخطب وهتجوز.

اعتقد من أسوا اللحظات اللي ممكن تمر علي الاإنسان لحظة أكتشافه قد إيه هو مغفل وإنه كان مضحوك عليه وهنا بقى بتبدي دماغه تسوحه وتخليه يشك في كل ذكری وكل كلمة اتقالتله اللي هو بص يا عبيط بص كل ده كان كدب وأنت صدقت وطلعت ما تهمش اكتر ناس حبيته و اتخلو عنك كانك رماد

كل الي كاتبين انهم اتخطو ف الحقيقه ان محدش منهم اتخطي مفيش حد هيعرف يتخطي حتي لو مبقاش فارقله بس هيفضل افتكرها اذا كانت اهل او علاقه او اين كان اي هيا م بقول كدا من فراغ انا كانت روحي ف حاجه وسبتها بقالي 4 سنين ومقدرتش اتخطي لحد دلوقتي

أنا تعبانة بجد قلبي بيتقطع كل دقيقة النهاردة كتب كتاب شخص كان موجود ف حياتي وحبيته بجد وأتعلقت بيه مهما حاولت انشغل واسحل نفسي وأصلي وأدعي مقدرتش أنسى ولا اتخطاه ، مفتقداه أوي بجد ومفتقدة وجوده ومفتقدة نفسي معاه وضحكتي وروحي وهو معايا ، كأني خسرت كل حاجه حلوة فيا من يوم ما خسرته ، كل يوم ذكرياته مش بتسيبني حاولت أدخل علاقات تانية وأدور ع الاهتمام ف شخص تاني بردو منجحتش مقدرتش أتقبل أي حد ولا أي أهتمام تاني اكتشفت اني بدور عليه هو مش اهتمام ولا حب ، كان جمبي ف كل حاجه وكل وقت حسسني إني أميرة ومكنتش مهتمة بأي حاجه وأنا جمبه كانت حنيته عليا قادرة تخليني أسيب الدنيا كلها وأفضل معاه ، أنا عارفة إنه مش رزقي ولا نصيبي بس كان ليه من الأول نحب ونتعلق ليه بنقابل ناس نحبهم مش هيكونواونصيبنا ف الآخر والله ما كنت عايزة دروس من حياة ولا الكلام ده غير أني أطمن واعيش ف سلام من غير اذى ليه الدنيا صعبة أوي كده ، ليه اختيارتنا كلها مش صح ، أنا حاسة إني بقيت موجوعة طول الوقت بحاول اتجاهل وجعي وإني مش كويسة وأخرج وأضحك بس قلبي ناره مش بتهدى ثانية ، مش قادرة أقول أي حاجه بجد غير أنه وحشني أوي فعلاً وكان نفسي أكون أنا ال جمبه لكنه النصيب بس إزاي القلب يرضى وينسى !؟ ، أتمنى كل ال يشوف كلامي يدعيلي بجد لاني محتاجة الدعوة ربنا يعوض قلبي ويجمع بيني وبين سعادتي ويريح بالي ويجبر كسري

انا عندي مشكلة هي تافهة ومضايقاني اوي انا كان عندي فلاشة بجمع عليها الاغاني الي انا بحبها من ايام ٢٠٠٤ لحد دلوقتي للاسف الفللشة دي ضاعت ةمعنديش نسخة تانية منها وكان عليها اغاني تريد ايام ما كنت في ثانوي وجامعة وفي اغاني مش موجودة دلوقتي لمغنيين طلعوا عنلوا اغنية واحدة واختفوا وبدور علي اغانيهم دلوقتي مش موجودة معظم الاغاني دي انا كنت منزلها من موقع اسمة موالي للاسف قفل هل في اي حد عنده طريقة اقدر الاقي بيها موقع علية الاغاني مترتبة بالمغني وعليه مجنوعات كاملة

كنت بشوف و بسمع حاجات ف بيتنا القديم و بابا مكنش بيصدقنى نهائى و بعدين عرفت ان ليا عم اتوفى ف حادثه و بابا جاب هدومه بالدم و الاوراق و حطها ف الاوضه اللي بشوف شخص بيطلع منها و فعلا بيكون لابس بدله صيفى بنص كم قديمه اووى و فضلت الحاجات دي تظهر لينا كلنا الا بابا معرفش ليه و بردو مكنش بيصدق حد غير نفسه

بصراحه ما عرفتش خالص و عايزه اعرف مش قادرة انساه ولا ثانية ولا لحظه و نفسي ان يرجع جنبي و اسمع ضحكه و هزاره معايا بجد و اتمنى ان يرجع تاني، بس الظروف منعت كل الكلام ده ، و مش عارفة ارجعه ليا تاني ازاي

عمري ماادرت اتخطى صدمة طفولتي لحد دلوقتي عمري 20سنة و كل شوي ارجع افتكري ان عمي لي كنت بحبو جدا اتح رش في و انا عمري 7سنين او 6 الموضوع زعجني جدا و محدش يعرف فيه غيري و هو عمري موجهتو لاني لدلوقتي بحس بنفس القرف لحسيتو و انا صغيرة

هوا اكيد مش مبرر بس انا ملقيتش دعم وساعات احباط وطبعا مش بخرج كتير طول الوقت على التلفون كل ماده دايره الصحاب تقل أو تكون سطحيه محاوله وتفشل محاوله اني اقوم وافشل لحد ما زهقت ومبقتش احاول ولو كنت بسمع تهزيق مره بقيت اسمه 100مره واكتشف أن سنين مرت من غير ما اعمل حياه وذكريات ومش بعرف اتكلم ولا اعبر أولا بسبب طاقتي وثانيا عدم ثقتي بنفسي ورهاب الاجتماعي

مش عارف ليه بعد الوقت دا كله لسه بفتكرها مش عارف حاسس ان حبها لعنه او تكفير ذنوب ع كل حاجه عملتها بس مش عارف ليه واشمعنا دي اللي بفتكرها الواحد كمان زعلان جداً لان بعد ماانتظامت ف الصلاه تاني ف رمضان رجعت وقعت بعد رمضان كل دا علشان شغال شيفت لوحدي ومش بعرف اقفل واروح اصلي مش عارف والله الواحد نفسه السنه كلها تكون رمضان علشان يحس بالراحه النفسيه دي حتي العاده والقرف دا كنت بعدت عنه وكنت مرتاح وكنت نسيت الحوار دا ليه بعد شهر ونص ارجع اعمل القرف دا بس ان شاء الله حاول تاني وهبداء تاني حتي الشغل مش عارف الدنيا ملخبطه معايا مش عارف اكمل ف شغلي واصبر شويه ممكن الدنيا تظبط ولا اشوف شغل تاني ف قدامي شغلي القديم بس مش حاسس انها خطوه حلوه الدنيا بجد ملخطه معايا جداً مش عارف والله انا كنت نسيت الحوارات دي بس كده هيعدي ان شاء الله احلي حاجه هنا اني بعبر ع راي بدون خوف ولا كسوف ومش مستني حد يحكم عليا او يظن فيا حاجه وحشه ومش محتاج ان حد يرد عليا كفايه اني بطلع اللي جوايا وحاسس ان حد شايفني حتي لو ميعرفنيش مش عارف بجد جوايا كلام كتير كان نفسي يبقيالي حد احكليه كل الكلام واللخبطه اللي جوايا يكون صندوقي الاسود بس مفيش اي حد هيسمعك هيسمعك علشان مصلحه مفيش حد بيساعد حد او حتي لو طلعت كل عيوبك هيحكم عليك انا مش عايز حد يحكم عليا انا محتاج حد يسمعني وبس اطلع كل الحاجات الوحشه اللي جويا اكون صادق مع نفسي اقول ان مينفعش حد ف سني يعمل اللي بعمله دا

طب وبعدين سهرانين زهقانين ولا بنكلم حد ولا حد بيكلمنا قعدين نقلب فوجع قلب ونفتكر خيانه وخزلان وقلت اصل طب وبعدين هنفوق امتي ونرجع زاي مكنا الحد الي بيهزر ويضحك والكل بيحب يقعد معا مكفاية وجع قلب بقي احنا مكنش لينا دعوة بحب بجد

جماعة اقولكوا على حاجة من فترة مش كبيرة رجعة فرقة معينة انا كنت بعشقها و انا صغيرة و كنت بعيدة جدا كل البعد عن ديني يعني بكل بساطه مش بصلي معرفش مكنتش بصلي ليه بس الي اعرفه اني مكنتش اعرف حاجه عنه عشان كده كنت بعيده المهم الفرقة دي لما رجعت انا رجعت ليا ذكريات غريبة شبه اتمسحت من ذاكرتي كنت الاول نفسي اكون زيهم او معاهم و حاجات غريبة كده معرفش ازاي نسيت ذكريات زي دي بس انا قربت من ديني اوي و فهتم حاجات مكنتش فهماها و نظرتي اتغيرت بطريقة جبارة الحقيقة كنت بحب حد معين في الفرقة دي و خلاص اختفت الفرقة دي فترة و انا رجعت لديني و طريقي و شبه نسيتهم حرفيا لكن لما رجعت انا رجعتلي مشاعر غريبة بس مضيقاني مشاعر انا كبتها و قفلت عليها و نسيتها و تربت خلاص مشاعر الحياة و الوهم الي كنت عايشاه و مخدوعة فيه وقتها كانت مشاعر حلوة اوي بس هى دلوقتي مبقتش شبهي و مبقاش ليها مكان مبقتش من ضمن اهدافي و احلامي احلامي اتغيرت حاسه اني قت.لت شخصية قديمة فيا كانت شايفة ان الدنيا وردي و حلوه مكنتش فهمه الي فيها بجد داوقتي مشاعري متلعبطة و انا مصايقة و حاسه بخنقة انا حطيت شهصيتي في مربع و هى مش شبهه و المفروض اني سايباها فالمربع ده عشان تاخد شكله و هى كانت بدات لكن لما شافت الذكريات و الاغااني الي كانت بحبها و بقالها فترة كبيرة مسمعتش حاجات من دي ار شافتها بتاع سنه و نص تقريبا حست بالختقة جامد و خست ان المكان ده اتفرض عليها دلوقتي انا معرفش ايه المخزى من كلامي لكن جالي فلاش باك مميت حرفيا كفيل انه يجبني للصفر تاني لكن بحاول والله و كله ابتغاء مرضات ربنا

كتير اوي بيكون نفسي اسجل كل لحظة سعيدة في حياتي عشان اتفرج عليها كل لما اشتاق ليها بجد مهما كنت فاكرة اللحظة بكون مرعوبة جدا انها تضيع من دماغي بقيت بحاول انا و صحابي اي لحظة نصور من كام يوم حصل حاجة غريبة في الموبايل افتكرت انه باظ بجد كنت بنهار و هعيط كل اللي كان شاغل تفكيري الصور و الفيديوهات بفكر ديما عايزة لما اكبر و اكون عجوزة وحيدة في بيتي اتفرج على الذكريات دي و تونسني و برده كنا من كام يوم خارجين و الشارع فاضي و الجو حلو قعدنا نغني و نجري زي العيال بجد كان نفسي اللحظة دي ما تعديش ابدا بدأت احس بقيمة حياتي و انه اقدر كل لحظة

اول ذكرى اني خسرت دراستي لي اعوام وانا من الاوائل ثاني ذكرى لما طلعو عاملينلي سحر جنون و مرض و كره الدراسة ثالث ذكرى لما لقيت نفسي في عمر صغير عند طبيب نفسي رابع حاجة بعدما كنت قدوة صرت عبرة

قابلت مدرسات الثانوي اللي بقالي ٤ سنين مشوفتهمش في مكان ما لقيت واحده جايه بتسلم عليا وبتقولي انا جايه اسلم عليكي مخصوص واحده تانيه لقيتها بتسلم عليا بإسمي بقولها انتي فكراني قالتلي طبعا البنات الحلوه مبتتنسيش جماعه انا مبسوطه اووي

الاذي النفسي مآثر دايما والجسدي أن ابويا كان بيضربني بتوگه الحذام وامي بتلسعني بالمعلقه والشمع ع ايدي وأماكن حساسه دي مواقف عمري ننساهااا ابدا بجد وان اهلي مكنوش بيصدقوني ولا بيدعموني وانا صغيره

أن بابا ظلمني وانا صغيره بسبب أن عمي اتبلي عليا وضربي قدام عمي التاني ةبنته بالاقلام ومنعني اكل معاهم ع طربيزه واحده لمده تلت ايام مهما حلفتله مصدقتيش وقالي هصدقك يكدبه واكذب عمك جالي بعدها كذب لا ارادي وعمي فالاخر قاله أنه كان بيكدب وقاله اني ضربت بنته كدب وان امي كانت بتلسعني بالشمه وانا صغير فايدي واصرخ د غير كانت بتلسعني بالمعلقه فايدي وإمكان حساس معلم لحد دلوقتي غير أن ابويا ضرىنا مرات يعني بالحذام وتوكه الحذام في حاجات كتير جدا لو قولتها كلها م هنخلص كتابه

صديقه. كانت عزيزه علي قلبي. اوي. ممكن دا من ست سنين. مش عارف. انا تخطيت. ولا لا. بس كل ما افتكر بتضايق كنت بحبها اوي اديتها كل اهتمامي. وكنت لوحدي اوي قبلها. فحسيت انها طوق نجاه. حد بيبحني بجد. وبيسمعني وبنشارك. بعض في صفات كتيره وبنخرج كتير. واهلنا كانو صحاب. بس. كل دا راح. لما واحده تانيه جديده دخلت في صحوبيتنا. بقت اقرب. لها مني انا مش فاكره ازاي. بقينا. بعاد اوي كده بس دلوقتي علاقتنا. ببعض اتقطعت تماما بعد ما اهلنا اتخاصمو. كانت كل ما. مامتي ومامتها يتخاصمو. كانت تخاصمني. وتعاملني. ببرود. وانا كنت بعاملها بعشم. اوي وكنت بطنش كتير وفي مواقف. كتير نسيتها ليها لانك لما بتحب حد من قلبك. بتطنش عيوبه

أنا باين للناس هادي بارد ومفيش حاجة بتهزني الأحداث بتعدي قدامي زي الهوا لا بتهز شعرة فيا ولا بتغير ملامحي اللي يشوفني يقول متكبر واللي ما يعرفنيش يقول مش فارق معاه حاجة في الدنيا بس الحقيقة إن جواه جبل شايله لوحدي أنا مش هادي أنا حياتي واقفة واقفة بقالها خمس سنين عند ساعتين بس خمس سنين وأنا محبوس في الساعتين دول فاكرهم كأنهم حصلوا النهاردة الصبح جدي كان قاعد معايا في البيت كنت بلبس عشان ورايا مشوار مش هياخد ساعتين وهيرجع قولتله أنا ماشي يا جدي رد عليا بجملة عمري ما تخيلت إنها الوداع روح وهترجع مش هتلاقيني ضحكنا مع بعض افتكرته بيهزر قولت أكيد قصده إنه هيمشي يروح بيته أو هيخرج قولتله بضحك إن شاء الله هرجع وألاقيك منور الدنيا بس هو بصلي بكل هدوء وقالي تاني روح بس هترجع مش هتلاقيني خرجت والضحكة مالية وشي ورجعت بعد ساعتين عشان أفهم معنى مش هتلاقيني بجد جدي مات وأنا مش موجود من ساعتها والندم بياكل في روحي خمس سنين بتحسر على الساعتين دول ليه ما ركزتش في ملامحه ليه ما قعدتش تحت رجله شوية كمان ليه ما فهمتش إنه بيودعني اتعلمت درس قاسي خلاني النهاردة مش عارف أثق في أي حاجة حلوة وبقيت بخاف أفرح لأحسن الفرحة يجي وراها ساعتين يهدوا كل حاجة أنا مش عارف أنام ولا عارف أعيش حياتي زي الناس الدنيا كلها بتتحرك وأنا لسه واقف قدام باب البيت شايل في إيدي وجع الساعتين وفي ودني صوت ضحكنا اللي قلب لأطول ليلة حزن في عمري

سلام على من أحبه الفؤاد ودقت لأجله الجوارح والأوتار سلام على حبات اللوز المعسول بين لوحٍ مبهم غير مفهوم سلام على من ارتدى ثوب حرير وهو في الأصل يربوعًا من سدير غدوت أثمن عندما نظرتك بأسهم الهوى أما بسم الثغر دع الليالي تغرّده  حدثني عن عشق الزيف أمام الورى متيم أنت به منذ الصبى حدثني عن التطلع للغني تحت شرفات القحط والندي عتمة الليل وشفقه يذكرني بحورية كانت تمسي حتى آخر نجم احم كتبته في نص ساعة تقريبا قولولي رائيك بكل صراحة لانه لو ايجابي هرجع اكتب لاني شايفة حب الكتابة والشعر من طرف واحد🤓

متعلقه بإنسان ارتبطت بيه ٤سنين مليانين ذكريات و احداث ،لما عرفت أنه بيكلم بنات تانيه حطلي جهاز في العربيه تسجيل و فركش معايا و فعلا عرف يسجلي وانا بهزر مع حد و قلب التربيزه عليا و مد أيده عليا بحجت اني كنت بستغفله و معرفتش أخد حقي اكتشفت اني وانا معاه أنه كان بيدور علي واحده تانيه تكون بحياته و فعلا اول ملاقي حد يقبل بيه كان بيقولي انا مش مرتاح و هنسيب بعض انا مدمره نفسيا أوي وقفت جمبه كتير و سامحته علي خيانته و في الاخر طلعني انا اللي بستغفله ولما أقوله انت مكنتش فحياتي يقولي محنا كنا هنرجع و هو اصلا في الفتره دي بيعمل حاجه غلط مع واحده و التانيه عرفها علي أهله و واعدها بالجواز . هموت من القاهره كان مرعوب من فكره الجواز و بياجلها معايا يعني يبقي هو اللي بيخون و يطلعني خاينه

انسي الذكريات و الحاجات الحلوه اللي كانت بينا ازاي رغم اني مسحت كل حاجه و بقيت مشغله كفايه جدا ومفيش وقت حته افكر في بس المشكلة اني بفكر في وانا مشغله و مؤثر علي حياتي بشكل مقرف ولا بقيت مش مراكز في اي حاجه خالص ولا مذاكره و شغل و بقيت تايه اوي

اماكن كتير لما بعدي عليها بتفكرني بناس مابقتش موجودة في حياتي و ماينفعش اكلمهم مع ان نفسي اكلمهم بيجيلي احساس بالحنين لما بعدي جنب حتة ليا فيها ذكريات مع واحده كنت بحبها زمان الكلية بتفكرني بحد مكتبة اسكندرية بتفكرني بحد المنيا بتفكرني بحد الشوارع في التجمع بتفكرني بحد شقتي بتفكرني بحد و مش باعرف مافكرش في الحاجات دي و مش باقدر أمنع نفسي من الاحساس بالحنين ده، بابقى عايز اطلع موبايلي و اكلمهم بس ماينفعش، ماينفعش عشان بقيت مع واحده تانية دلوقتي، و عشان اغلبهم عملولي بلوك محتاج انسى كل الذكريات دي بس مشكلتي اني مابنساش ومشكلة كمان اني لما بيكون عندي مشكلة مع اللي مرتبط بيها دلوقتي بحن للماضي فشخ. الانسان غريب والله.

ماذا لو عاد معتذرا السؤال الي كلنا بنقف عندو ونفتكر كل حاجة لوة وفنفس الثانية نفتكر سبب الفراق ونعرف اننا مكناش نستاهل يحصل فينا كدا عن نفسي لو عادت معتذرا هنكر معرفتها

بتعملو ايه لما حياتكو تفضي مره واحده ، المشاعر تهدي او تختفي تقريبا ، والذكريات تبدا تتنسي وملامح الي بنحبهم ننساها حبه بحبه. ازاي نقدر نملي الفراغ ده

فاكره من سنه بالظبط كنت بحاول اتعافي من شخصيه عرفتها. وكنت بكتب بوستات هنا ناس نصحتني و دعمتني و دول قليل اقل حتي من ١%. لكن الباقي اذوني اكتر و بقول يارتني ما كلمتهم ولا اديتهم دقيقه من وقتي او طاقتي

• وعندما تتذكرني تذكر أنني كنت أنسى حزني برقصة وتمرين في النادي المفضل لي. • تذكر عزلتي معک حينما كنت أجعل من قصتي الحزينة أغنية چسدي يتمايل عليها. • تذكر شعري الطويل الذي كان ينساب بنعومة وغنچ على ملامحي وعيوني لذكرني أنني ملكة كل نساء العالم. • تذكر عيوني التي كانت تشرق كالشمس منها ضحكة تسرق مل قلوب العالم وتمدها بالأمل تذكر قوتي التي تحارب الكون والقدر وتلعن البشر. • تذكر حناني الذي كان يحنو وقلبي الرقيق البريء الطفل الذي كان يتعاطف وعيوني التي بسهولة يسقط منها قطرات الندى. • تذكر أنني كنت لا أيأس أبداً وأخلق من كل يوم بداية وثورة. • تذكرني وحولي أطفال يُداعبوني بحبهم وصدق مشاعرهم أميرة تغار منها كل نساء العالم ويتعچبون من أسرها وتخاف من نظرات الچميع لكي لا يُسلب منها سرها الإلهي وتخاف أن تبوح وتتعامل بسچيتها وبحرص شديد في كل شيء لكي لا يؤذيها أحد.🥀 تذكروا ذلک چميعاً .👑✨

والله لو تعرف صعبان عليا قد ايه ان يمكن العيد يكون بكره و منبقاش مع بعض ليه تخلي قسوه قلبك تغلب حبك ليا ليه تخليني اشك في الذكريات و كلامك اني مش بهون تسيبني زعلانه اهوا سبتني زعلانه محتاجه وجودك ليه حسستني انك باقي و مبقتش ليه جيت من الاول

متخطيتش وخايفة فالايام الجاية يرجع الانسان السام ونرفضو ونتحطم ولا نرجعلو ونزيد نتكسر مقدرتش ننسى ذكراياتنا وفنفس الوق حايرة كفاه نسى ومشى بكل برودة دم عدت فدوامة مش عارفة نخرج منها والف حاجة تقلي اهربي والف حاجة تقلي ارجعيلو تعبت💔

بصراحه وانا صغيره كنت بموت ب بابا، وكنت بنته المفضله، بصراحه كنت وقتها بعشقه، بس لما كبرت و بدأت سن المراهقه وضحت الصورة، ابوي مو طيب زي ما كنت اعتقد، ابوي شخص بخيل نوعا ما كمان شكاك، و مزحه غير مناسب، ما بعرف كيف اوصفه بس هو سيئ، مره كنا قاعدين مع امي و ابوي مو موجود، جلست تقولنا اللي صار معها ثاني يوم زواجها، ابوي اخذ من فلوسها و راح سوا عزيمه لأهله، امي من وقتها مقهوره، و ابوي باع كل ذهبها، امي عانت ما بعرف ليش لحد الان ما تطلقت، غير في موقف صار بطفولتي مستحيل انساه، مره كنت مسويه حالي نايمه على الكنبه، بس كنت صاحيه، ابوي كان بيصرخ على اختي الوسط و بخليها تحط الجزمه بفمها الله يكرمكم، ما بعرف كيف سامحته، بس انا ما سامحته مع اني مالي دخل، و قبل كم يوم صار موقف مشابه، ابوي طلب من اخوي الصغير شي معين و اخوي سواه بطريقه غلط، ابوي عصب كتير و خلا اخوي الصغير يكتب على ورقه'انا حمار'، كرهته، في موقف صار معي، في مره رحت اشتكي لابوي من اخوي الكبير، ابوي مسكني من يدي و راح وقفي عند اخوي الكبير و قعد يقوله اني لازم اطيعه وان جزمة اخوي فوق راسي، حسبي الله ما بنسى ذاك اليوم، فكرته سندي، في مواقف غيرها كثير، مره ضرب امي، و امي فقدت الوعي، مره و هو امي كانوا بيتخانقوا، هو كان بسبها و امي ساكته، اختي الكبيره تدخلت و مسكت امي و اختذها و هي بتبكي، ابوي طلع و ضرب اختي كف، و امي فقدت الوعي، غير انه خلا اخوي الكبير يشتغل و عمره 8/9 سنوات، اقسم بالله ما بكذب، و لما صار بالثانوي، ابوي صار عاطل عن العمل، لهيك اخوي ترك دراسته و صار يشتغل و يصرف علينا، ما بنسى ذيك الايام اللي اخوي كان يموت تعب و ابوي قاعد مستمتع وهو بيدخن، و كان ابوي ياخذ كل راتب اخوي، اخوي راتبه كان قليل، و كنا بذيك الفتره فقراااء، كرهت ابوي، بنسبه لي هو عدو، ما في احد بيقدر يرد عليه بيخافوا منه الا انا و اختي الكبيره، المشكله ان في اشياء كثيره متشابهة شخصيتنا، ما بدي اشبهه بولا شي، انا وقحه جدا معه، بعرف حرام، بس هو سوا فينا اشياء ما بنساها

بدأت انسى احساس وجوده في البيت، انسى ريحته حتى لو ساعات بشمها، انسى صوته، بس فاكرة اخر يوم وانا معاه في العناية وفاكرة برودة أيده وهو ماسك فيا جامد مش عايزني امشي مش عايزنا نسيبه وفاكره تاني يوم لما اخيرا رجع البيت بس و روحه مش موجوده. لما بشوف أب ماسك ايد بنته وماشي، لما تيجي مكالمة لواحدة جنبي واول كلمة تقولها ايوة يا بابا، لما راجل كبير يقولي يا بنتي، لما الاقيني بعمل حاجات كتير كان ممكن نعملها سوا مرة كمان، لما اشوف بنت بتقول انها بتفرح لما تلاقي حد علاقته بأهله كويسة لأنها شبعت حنان منهم بس أنانية وكنت عايزه كمان . بفتكره على مدار اليوم ومجبره اعمل مش واخده بالي وأكمل اليوم. لما اتكلم عنه ومقولش ربنا يرحمه عشان لسه مش مصدقة أنه مش موجود وإن دي كلمة بقت مرتبطة بيه غصب عني

ازاي بتتخلصو من التعلق بالذكريات؟ ، ازاي مخليش الحاجات دي تأثر عليا، ممكن اتأثر ب صورة ف فترة معينه او برفيوم او اي حاجة لها علاقة ب فتره معينه عدت ومش عايزا افتكرها، الموضوع بيخليني اقعد افكر كتير بياخد من طاقتي وبحس اني دايما أسيرة الذكرى بجد

رمضان السنه دي كان مختلف بالنسبالي ومش الاختلاف الحلو يعني بس الحمدلله برضو فيه حاجات كويسه وللأسف رمضان بيخلص اهو خلاص وصلاه التراويح النهارده كانت كفيله تقلب في الذكريات وتفكرني بناس كتير ، افتكرتها واحنا بنصلي سوا ووانا بحفظها دعاء معين وافتكرته وهو بيسمعلي سوره الرحمن وافتكرت الدعوات اللي اتحققت 🥹 بس في حاجه بجد مفرحاني مش عارفه ربنا استجاب لدعوتي ولا مجرد صدفه بس يارب تكمل للآخر وفي حاجه تانيه معصباني ومخلياني زي العيال الصغيره اللي بتدبدب في الأرض علشان الحاجه اللي عايزاها ، كنت وعدت نفسي اني اكون اول واحده تقوله كل سنه وانت طيب بس للاسف مبقاش ينفع 😡 بس عامه كل سنه وانتوا طيبين وادعولي معاكم ربنا يسامحني ويهديني

أنا بشتغل مدرسة وبعاني من ال perfectionism وده بيسببلي على طول توتر وقلق وإرهاق على طول خايفة وبفكر كتير جداً، غير كده بحس بملل، وأي موقف بسيط ممكن يخليني أعيط ويبوظ مودي الچيم كان الملاذ بيقلل التفكير شوية لكن حالياً موقفة علشان رمضان وهرجع بعد العيد ، كمان الذكريات بتتعبني جداً لما بفكر فيها وازاي ناس ممكن تتغير سواء غيره أو تتصدم من الناس أو الفراق .. حاسة اني وصفت مشاعر كتير عشوائية بحس بيها بشكل يومي..🥀

من كام يوم كده وفي مواقف بتحصل بتفكرني بشخص كنت أعرفه وبتخليني أسأل نفسي حاجات كتير بس ثانيه كده ، هو انا هستفيد اي لو عرفت الاجابه ولا اي حاجه لانه سواء كان وحش أو حلو فخلاص مبقتش تفرق ولان اللي متأكده منه ان وجودي مكسب لاي حد وان عدم وجوده بالنسبالي راحه وبعد كده لو افتكرته حتي لو بالوحش مش هحاول اعدل الصوره دي لأن هو اللي اختار يظهر بيها ومفيش في أيدي حاجه اعملها غير اقول يارب يبقي كويس وبخير والعيد قرب وعيد ميلاده كمان فكل سنه وهو بخير أن شاء الله ولو كان غرضه أذي فعلا كده كده ربنا هيردهوله واهي الدنيا ماشيه ، رمضان بيخلص وفي ناس كانت موجوده في أوله بس خلاص مبقتش موجوده وانا كمان قريب هبدأ سنه جديده من عمري وكنت متخيله أن في ناس معينه هتكون معايا بس برضو مش موجودين بس الاهم ان اللي بنحبهم وبيحبونا بجد لسه موجودين وكده كده ربنا مش بيجيب غير الخير اتبسطوا يا جماعه وكل سنه وانتوا طيبين وبخير انتوا وكل حبايبكم

لدي مشكل مش مخليني انام الذي هو صدمة قبل يومين كنت عائد فل باص الى المنزل كان ليل 12 ليلا صعدت و كنت واقف حتا شخص يشدني من جاكيت استدرت هو ما قال كلمة ابتسم و حسب ظننت انه ظنني شخص اخر فتركت الأمر يمر كانو خمسة من بعد هم كملو يشدو من بعد احد فيهم ركلني حسيت بخوف مش منهم و كأنهم انعشو صدمات قديمة جدا عند اول محطة نزلت كانت حركة غبية لأنها محطة فارغة و كان ليلا و استقليت تاكسي المشكل بعد الحادث لم استطع الخروج سبب لي الأمر صدمة ليس خوفا منهم انما الأمر اني احسست بضعف تذكرت مواقف عدة و مذا لو التقيتهم مجددا نظرا لكوننا في نفس لباص نحن من منطقة سكنية واحدة و انا لا اعرف احدا فيها

هو ازاي البني ادم يتعافي من الماضي هو انا عديتو وحاسس اني اتعافيت منو وشوف حياتي والدنيا تمام بس في حاجه في قلبي كده بتوجع لما ببص وراه بقول ينهار كل ده حصلي وقلبي يتوجع واقول طب ليه اتوجع كده والكلام ده

انا كنت مرتبط ببنت و قعدنا فتره مرتبطين .. لكن هي قررت تبعد و تشوف حياتها وانا بدات اشوف حياتي بس خدت وقت .. لكن بيجي وقت عليا و احس اني برجع لنقطه الصفر .. مش فاهم دا ليه و بيحصل كدا ليه بس بقعد اقول هي الي اختارت وهي الي طلعت انانيه و ف نفس الوقت لما بفتكر ايامنا سوا و ذكرياتنا سوا ازعل عل الي وصلناله وبعد م كنا اقرب اتنين لبعض بقينا كل واحد ف سكه و لي حياته انا عارف ان الحوار يبيان عادي و بسيط لكن دا مسببلي خنقه و زعل طول الوقت

اخواتي الافتراضيين المجهولين بنعمل ايه لما بيوحشنا صديق قديم وواحشنا قعدته وواحشنا نفسنا وقتها لكن هو مبقاش هو واحنا مبقيناش نفس شخصيتنا وقتها

عندي القط مشمش مات كان عندي مربيه فوق ال7 سنين ازاى اقدر اتعامل عادي مع العلم اني كل ما اشوف صوره ادمع. للعلم انا شاب. الى مات عنده حيوان عزيز عليه قبل كده يقولى ازاى قدر يتخطى الامر