منذ 9 ساعاتيشعر بـ متعب
كيف حالكم؟ اليوم... فضل يومين على عيد ميلادي. عندما يكون لديك صراع بين فكرة أن تريد أن تكون في وسط الناس وكده وان يبقى فيه ناس حواليك يهتموا بيك وفي ناس الوقت مش عايز اي حاجة من دي وعايز تبقى بعيد لما يحصل لك حاجة شوية كده ده بقى اسمه ايه وهل حد مثلا عدى بالموضوع ده قبل كده اه ولما عديت منه بقى وصلت الى ايه في الاخر يعني في ابنك كلنا او في نفسك وشاركوني عشان ما حاسش لها الوحدي في الموضوع يعني.
كل سنة وانت طيب ♥️♥️
مبدئيا كل سنة و أنت طيب يا صاحبي 🎉... أما بعد: حاجه عادية إنك تحس احيانا إنك عاوز تبقا في وسط الناس..... و بعدها بشوية... طب ليه.... لوحدي هبقا أحسن... .. ده طبيعي يا صاحبي.... لأنك مش كامل...و حالك مش ثابت... و مشاعرك بتتغير من لحظه للحظه... سواء بسبب خبر سمعته... موقف حصل معاك... فيديو شفته......كلمة اتقالتلك.... انت بس الي عليك انك تفهم انك عادي.... و تعرف تتحكم بمشاعرك و أفكارك عن الي حواليك... انت مش عارف هما عايشين ازاي.... ولا هما عارفين انت عايش ازاي.... فسيبهم في حالهم.. و متزعلش حد منك حتي لو بكلمه... الدنيا أصغر من انك تعيشها و في حد زعلان منك.... و برضوا متزعلش من كلام حد.... و متخليش حد يأثر عليك.... الدنيا أصغر من أنك تعيش زعلان أو مدايق.... عيشها زي ما هي و فكر في الي بعدها.... كلنا هنموت
كلنا هذا الشخص والله بدون مبالغه 😂
حاول متفضلش فالدايره دي هتتعب بعدين مش هتكون عاوز تخرج ولا قادر تشوف ناس انزل واحتفل بعيد ميلادك وحتى لو لوحدك هات لنفسك حاجه جديده عاوز تحبها بقالك كتير مأجلها عشان الالتزامات والاقساط هتحسهم كلمتين نصيح من بتوع شات جبتي بس صدقني لما تعمل كدا هتفوق متتدخلش الدايره دي عشان مش هتعرف تخرج منها ولا هتتعامل فيها انا محبوسه فيها ومش عارفه اعمل اي حاجه لوحدي ولا طايقه البشر اللي حواليا كل سنه وانت طيب وعقبال مليون سنه وتكون السنه الجايه مرتاح ومعاك اللي يرضيك يارب
يخربيت اللغبطه اللي جواك اللي انا حاسه بيها دلوقتي دي
مش لوحدك بس عمتا كل سنة وانت طيب
الإحساس ده بيجيلي أكتر لما يكون في مناسبة خاصة بيا قربت زي عيد ميلادي مثلا ، ساعتها بفضل منتظرة أن اهلي يفتكروا ويفاجئوني وكدا ، وفي نفس الوقت بقول يارب ما يفتكروا وميفاجئونيش ، اللي هو شعورين عكس بعض جدا ، يمكن عشان مش بحب المفاجئات وبتوتر جدا واللي هو يارب اللحظات دي بقى تعدي بسرعة ، مع اني كنت لسا بفكر في اللحظات دي وعاوزاها تيجي ، وبسبب اللعبكة اللي في دماغي دي بيفكروا اني مش مبسوطة أو متفاجئتش فبيضايقوا وانا ببقى عكس كدا تماما ففي النهاية يعني بلبس في حيطة 😂 على العموم كل سنة وحضرتك طيب
عادي ده احساس طبيعي دور علي ناس شبهك وهتحب تكون معاهم
عارفه بس ده انا حافظه صم والله بص الحالة اللي عندنا دي انا فهمتها بس ماعدتهاش لسه بتناسى الموضوع على قد ما اقدر لغايه لما الاقي حل بإذن الله.. الحالة دي الا وهي يا صديقي احنا بفطرتنا محتاجين ونس وبشر حوالينا وعلاقات اجتماعيه فعلا ولكن البيئة المتاحة حوالينا مش ملائمة صراع من عدم الفهم التكسير او حتى قدرك تكون مختلف عنهم فابتضطر ترتاح مع نفسك اللي هي اكتر حد عارفك ولو جزئيا.. وقد يكون سبب تاني انك انت في شخصك اي حد فينا يعني هو مش راضي عن نفسه او في حاجة مأرقاه فابتخليه يقرب ويبعد يرتاح ويعصب تاني ولنا الله يا رفيق اتمنى نلاقي الحل بسرعة وأظن ده السبب ورا كلامنا بألم مقنعة بسخرية في رغبتنا في نيزك يبيد الأرض
انا كمان كده الفتره دي فاااااا. مسا مسا 👍🏻👍🏻