منذ 8 ساعاتيشعر بـ متعب
في لحظه معينة بيبقي نفسك تفضفض وتقول كلام كتير بس خايف تتكلم.. خايف تتكلم فتندم.. خايف تتفهم غلط فتفضل ساكت بتفضل ساكت وتحجز الكلام جواك تقوله لنفسك بس تفضفض لنفسك لانك الوحيد اللي هسمعك من غير ما يحكم والكلام اللي جواك بيتراكم.. بيتراكم في صوتك في قلبك في كل حاجه حواليك وتحاول تسيطر عشان تمشي طبيعي بس كل كلمه محبوسة بتخليك مش عارف تتنفس وبتفكر بمكن لو اتكلمت الدنيا هتتغير يمكن هيفهموك او يمكن هيجرحوك وتفضل واقف في النص بين الفضفضه والصمت مش عارف تختار في اللحظه دي بتحس بتقل غرييب كانه جزء كنك عايز يصرخ وجزء تاني خايف يعيش عواقب الصراخ وفي النهايه بتسكت برضو 😂💔.. بس مش لانك راضي بس لانك اتعلمت من الحيان ان الصمت اهدي و اقل وجع
عشان الصمت اسهل حتعرف تتعامل معاه واتعودت عليه وعلي الاصوات اللي جواك ..انا لسه منزله اول بوست ليا وكنت متعوده اكتب لنفسي بس و اول كومنت جالي واحد بينصحني مكتبش هنا احسن لي 😂 .بس اول معرفت اني جالي كومنت كنت خايفه ادخل الاقي حد ينتقدني او يقولي كلمه تضايقني وانا اصلا بكتب عشان افك مش عشان اتضايق واول مره اخرج جزء من اللي جوايا للناس بس لوهله حسيت اني ده جبن وخوف من النقد والمواجهه لاني طبيعي حتقابل اللي يعارضك او يضايقك ومش حفضل مستخبيا ورا وشي المبتسم كتير كأني مفيش حاجه مضيقاني وانا متضايقه ويمكن المشكله في اني مش بعبر ومش بخرج مشاعري اصلا ومش بقول لا ومش بعترض وقت مبيكون عليا اني اعترض حتي لو حزعلهم ..الحته دي حسستني اني عندي مشكله في الاستحقاق عموما في مواقف كتير بحياتي الواحد محتاج يعترف بيها ويشتغل عليها ..انا دوشتك بدل منصحك بس كلامك فكرني بموقفي انا شايفه انك تتكلم واللي يفهمك غلط مايستاهلش تبررله او ترد عليه واحيانا المشاركه لما بتلاقي حد يشبهك او بيمر بنفس اللي انت بتمر بيه وبتفكر فيه بيحسسك انك مش لوحدك واني فيه غيرك زيك ده صدقني بيهون شويه زي جروبات المسانده لو سمعت عنها