انا تعبت اوي بحكي عشان جبت اخري ومش مستني طبطبة من حد انا طول عمري لوحدي تمامآ ومغيش حد ف حياتي الا وكنت سايب فيه اثر طيب، مريت بصعوبات كبيرة ف تكويني علاقة صداقة او صاحب العمر زي مبيقولو وللاسف فشلت لان كل اللي حواليك هيستنزف مشاعرك وطاقتك ووقتك وف الاخر كل ده ع الارض، سيبت الموضوع ده ودخلت ف علاقتين ف وقت مختلف على مدار 5 سنين كنت كويس لاحدهم وكنت السيئ ف رواية الاخر ويعلم الله اني اديت كل حاجة عندي من خوف وحب ومشاعر ابوة وحنية وجدعنة وكل حاجة ومحصلش نصيب، جايلك بنصيحتين مهمين جدآ هيوفرو على كل شاب و بنت هنا هدر لمشاعر وطاقات وحاجات كتيرة اوى نصيبك هيجيلك لحد عندك اهم حاجة علاقتك بربنا ويكون قلبك سليم ولو اتأذيت متردش الاذي ب اذي خالص سامح لوجه الله خلي قلبك سليم ومتتغرش ب الدنيا ولا باللمة اللي حواليك ولما تيجي تختار صاحب ركز اوي واختار ابن الاصول اللي متغيروش الايام. ولما تيجي تختار زوجة بص لنفسك الاول انت لو نضيف وكويس ربنا هيرزقك ب واحدة نضيفة،، ربنا هيرزقك باللي شبهك . واخر نصيحة لوجه الله خلي قلبك نضيف ومتشيلش من اي حد 💙 .