انا مش متأكد انها أمي .. عايش عمري كله ف انكار انها امي حتي البيئة اللي عايش فيها انا مختلف عنهم بكتير أوي مش قادر افهم حاجه ومش قادر اقرب من حد وقرفان منهم كلهم مش قادر اخرج واتعايش معاهم لدرجة اني قافل علي نفسي من وانا 12 سنه تقريباً او 13 .. مش عارف اقرب من حد وأمي دي عيشتني ف عذاب وضغط تقيل علي اي بني آدم انا مستحملتهوش ف وقعت هنا ومن وقتها مش قادر اخرج لدرجة اننا قاعدين امبارح عند جدي كنا بنزعق عشان دعت عليا ف قعدت تنكر وتحلف وأنا متأكد انا مش عبيط وغير كدا بتدعي عليا عادي كتير ف لقيتها بتقول بكرا الدنيا توريه واشوفه وهو بيعاني او حاجه شبه كدا واقوله احسن .. كانت بتقوله والغل ف عيونها وكأني شايف جهنم ف عيونها .. دا غير دراستي اللي بوظتهالي واه دي حقيقة مش شماعه انا اقوي واكبر من اني احط اعذار وحجج بس انا مبقاش عندي طاقة وبقيت بتحرك بالعافية وحتي لما كانت عايزة ترميني ف مصحه وابويا موافقش وكان هيطلقها اصلا .. وبعدها ودتني لدكتورة وهي عارفه انها مش كويسة ولينا سوابق وحشة اوي معاها ف اخويا الطفل .. ف ودتني وبعد ما الرحلة دي انتهت بتشويهي اكتر م الأول جسدياً ونفسياً جت بمنتهي البرود تقولي اصلي ملقتش دكتورة تانيه والدكاترة مفيش بين كل واحد خطوتين اصلا .. وسط كل دا انا لوحدي ومقدرش اكون لوحدي اكتر من كدا انا حتي مطلبتش والله اي حاجه انا بس كنت عايز اعيش طبيعي زيي زي اي بني آدم عادي مش بطلب اي حاجه ومعملتش حاجه عشان تخليني اكرهها بالطريقة دي